5 - ايدىڭ 11 - كۇنى، تەكەس اۋدانى كوكتەرەك اۋىلى مارالتاس قىستاعىنىڭ پارتيا ياچەيكاسى شارۋا پارتيا مۇشەسى اۆانگاردتار اترەتىن ۇيىمداستىرىپ، قوقىر - قوقسىق تەرۋ، كوشە سىپىرۋ، توعاندى تازالاۋ سىندى قيمىلدى ورىستەتتى.
پارتيا مۇشەلەرى باستاماشى بولىپ، بۇقارا ىلەسىپ بىرگە ىستەدى! تەكەس اۋدانى كوكتەرەك اۋىلى قورشاعان ورتانى وڭاۋ قىزمەتىن ورىستەتكەننەن بەرى، مارالتاس قىستاعى دەرەۋ ارەكەتكە كىرىسىپ، كوپ رەت جيىن اشىپ، جالپى بەتتىك ورنالاستىرۋلار جاسادى. قىستاق پارتيا ياچەيكاسى ديقان پارتيا مۇشەلەرىنىڭ نەگىزگى ساتىنى جونگە سالۋدا ۇلگى بولۋ، باستاماشى بولۋ رولىن تولىق ساۋلەلەندىرىپ، اۋىل - قىستاقتاعى قاراپايىم پارتيا مۇشەلەرىنىڭ قۇنىن ايگىلەپ، قونىس ورتاسىن وڭاۋ قيمىلىنىڭ اناعۇرلىم تاماشا ونىمدىلىككە جەتۋىن جەبەدى.
تازالاۋ بارىسىندا، كەيبىر پارتيا مۇشەلەرى كۇرە جولدى سىپىردى، كەيبىرەۋلەرى توعاندى تازالادى، جانە ءبىر ءبولىمى تازالىق كولىگىن جۇرگىزىپ، قوقىر - قوقسىقتاردى جيىپ الدى؛ كەيبىر پارتيا مۇشەلەرى اق ءتۇستى قوقسىقتاردى تەردى؛ كەيبىرى وراق پەن تەسەنى الىپ، بۇتا - بۇرگەن اراسىنداعى ارام شوپتەردى وتاپ، جيىپ الىپ كەتتى؛ جانە ءبىر ءبولىم پارتيا مۇشەلەرى تاستاردى، كىرپىشتەردى تاسىدى، كەيبىرى لاي - قۇمداردى، ارام شوپتەردى، جانە باسقا دا ۇساق - تۇيەك زاتتاردى موتورلى ارباعا سالىپ، بەلگىلەنگەن جەرگە تاسىدى.
قيمىلدىڭ ناق ۇستىندە، پارتيا مۇشەلەرى ءبىر نيەتپەن كۇش بىرىكتىردى، ولاردىڭ بار ىنتامەن جۇمىسقا كىرىسكەن قاربالاس بەينەسى مارالتاس قىستاعىنا تاماشا لەپ اكەلدى. مارالتاس قىستاعىنىڭ ديقان پارتيا مۇشەسى جوۋ شۋانيۋان: ”پارتيا مۇشەسى سالاۋاتىممەن قورشاعان ورتانى وڭاۋ قيمىلىنا باستاماشى بولىپ ات سالىسۋىم ءتيىس، قورشاعان ورتا جاقسارعاندا عانا، تۇرمىسمىز اناعۇرلىم جايلى بولادى“،- دەدى.
”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى حى شۇيدۇڭ: ”قورشاعان ورتانى تازالاۋ، تۇرمىس ورتانى جاقسارتۋ، ءار قايسى قىستاق تۇرعىنىنىڭ وتەۋگە ءتيىستى بورىشى. ەرىكتىلەر سالاۋاتىمىزبەن، قاشاندا باسقالارعا ونەگە بولىپ، قونىس ورتانى وڭاۋعا ەسە قوسىپ، سونىمەن بىرگە قىستاق تۇرعىندارىنىڭ ورتا تازالىعىن وڭاۋعا وزدىكتەرىنەن قاتىناسۋعا بەلسەنە جەتەكشىلىك ەتۋىمىز كەرەك“،- دەدى.
كوپشىلىكتىڭ ورتاق قۇلشىنىسىندا، ءبىر قانشا بوگەلگەن توعاندار تۇگەلدەي ارشىلىپ، كەيىنگى كەزەڭدە سۋ اعىزۋدىڭ ساتتىلىگىنە كەپىلدىك ەتىلدى؛ قوقىر - قوقسىقتار تۇگەلدەي تازالانىپ، كوشەلەر شىت جاڭا بەينەگە ەندى؛ ءۇيدىڭ الدى - ارتىنداعى ۇساق - تۇيەك زاتتار رەتتى قويىلدى. بۇل رەتكى قيمىلعا مارالتاس قىستاق كادرلارىنان، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنەن، ديقان پارتيا مۇشەسىنەن، بۇقارا ەرىكتىسىنەن جالپى 50 دەن استام ادام ۇيىمداسىپ قاتىناستى.
بيىل جىل باسىنان بەرى، مارالتاس قىستاعى ەكولوگياسى قونىسقا جايلى كوركەم اۋىل - قىستاق قۇرۋدى باعدار ەتىپ، ەسىك الدىنداعى ءۇشتى كوتەرمەگە الۋ جاۋاپكەرشىلىك قاعازىنا قول قويىپ، كوركەم اۋلانى، ۇلگى كورسەتەتىن وتباسىن باعالاۋ قيمىلىن ورىستەتىپ، شارۋا پارتيا مۇشەلەرىنە ”جاۋاپتى بولاتىن اتىزدى“ بەلگىلەپ بەرىپ، ءارقايسى پارتيا مۇشەسىن ءوز ەسىك الدى - ارتىنىڭ ورتا تازالىعىنا جاۋاپتى ەتۋمەن بىرگە، ءوزى تۇرعان كوشەنىڭ توعانىن، جول بويىنداعى ورتانى وڭاۋدى باقىلاۋعا جاۋاپتى ەتىپ، كوشەنى سىپىرىپ، تازالاۋدى ۇدايىلاندىرىپ، قوقىر - قوقسىقتى تازالاۋدى داعدىلاندىرىپ، تازالىقتى ساقتاۋدى باياندى، ءونىمدى جالعاستىرىپ، اۋىل - قىستاقتىڭ كەلبەتىن ۇزدىكسىز جاڭالاپ، اۋىل - قىستاقتى گۇلدەندىرۋگە ”جاسىل“ قۋات ۇستەدى. (تەكەس اۋداندىق توعىسپالى مەديا ورتالىعىنان عازيزا)
