جۇمىستانۋ حالىق تۇرمىسىنىڭ نەگىزى، ورنىقتى جۇمىستانعان قسىتاق تۇرعىندارىنىڭ قاتارىن مولايتۋ ءۇشىن، قاشقار جاڭاشار اۋدانى قامسارىق اۋىلى اياقلاڭقالىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى كوپ ءتۇرلى شارانى قاتار قولدانىپ، جۇمىستانۋدى ۇگىتتەۋ، جۇمىستانۋعا جۇمىلدىرۋ قىزمەتىن ورىستەتىپ، قىستاق تۇرعىندارىن جۇمىستانىپ، كىرىستى ارتتىرۋعا جەبەدى.
شينجياڭ اۋىل شارۋاشىلىق عىلىم اكادەمياسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى باستاماشى بولىپ، قىستاق ”ەكى كوميتەتىمەن“ بىرگە ”ادام كۇشى بايلىعىنا قىزمەت وتەۋ بەكەتىن“ جانە باسقا دا قاتىستى قىزمەت قۇرىلىمدارىن قۇردى، سونداي - اق، ىلگەرىندى - كەيىندى تۇتاس قىستاقتى ۇيىمداستىرىپ، جۇمىستانۋدى ۇگىتتەۋ، جۇمىستانۋعا جۇمىلدىرۋ جيىنىن، جۇمىستانۋى تۇراقسىز بولعان وتباسىلارىنا جۇمىستانۋ جونىندە تالداۋ جۇرگىزۋ جيىنىن، جۇمىس ىستەۋ قابىلەتى بولسا دا ”جۇمىستانباعان“ وتباسىلارىنا وتباسىلىق جيىنىن اشۋ سىندى الۋان تاسىلدەرمەن، وتباسىلارعا، وتباسى مۇشەلەرىنە ءبىر - بىرلەپ قاتىستى ساياساتتاردى ءتۇسىندىرىپ، جۇمىس ورنىن ازىرلەپ، تۇيتكىلدى تۇستاردى تۇيىندەر بويىنشا دالمە - ءدال ءتۇسىندىردى. ماڭايداعى حايياڭ كيىم - كەشەكتەرى، جەتىلدىرۋ ورتالىعى سىندى كاسىپورىنداردىڭ ەڭبەكاقى مامىلەسى، قىزمەت سۇرانىسى، تۇرمىس كەپىلدىگى سىندى جاعدايلاردى بەلسەنە تانىستىرىپ، قىستاق تۇرعىندارىن جاقىن ماڭنان جۇمىستانۋعا ىنتالاندىردى.
وسى قىستاقتىڭ تۇرعىنى انارگۇل ابدىرەشيت: ”بىرەر شەبەرلىگىم بولماعاندىقتان، قىزمەت تابا الماۋدان الاڭداپ ەدىم، قىستاقتا تۇراتىن ’ۇعىسۋ، تيىمدىلىك جاساۋ، توعىستىرۋ‘ قىزمەت اترەتى مەن قىستاق ’ەكى كوميتەتىنىڭ‘ جىگەرلەندىرىپ، دەم بەرۋىندە، تىگىنشىلىك تەحنيكاسىن ۇيرەنىپ الدىم، قازىر اۋىلداعى بازاردا تىگىنشىلىك دۇكەنىن اشىپ، 4 جۇمىسشى قابىلدادىم، اي سايىن 4000 مىڭ يۋان كىرىس كىرگىزەمىن، تۇرمىسىم بارعان سايىن جاقساردى“،- دەدى.
شينجياڭ اۋىل شارۋاشىلىق عىلىم اكادەمياسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ياۋ يانليڭ: ”قىستاقتا تۇراتىن ’ۇعىسۋ، تيىمدىلىك جاساۋ، توعىستىرۋ‘ قىزمەت اترەتى مەن قىستاق ’ەكى كوميتەتىنىڭ‘ جان - جاقتى، كوپ ساتىلى، كوپ تۇرعىدان ۇگىتتەۋىنىڭ، جۇمىلدىرۋىنىڭ ماقساتى قىستاق تۇرعىندارىنىڭ تانىمىن ”جۇمىستاندىرۋدان“ ”وزدىكتەرىنەن جۇمىستانۋعا“ قاراي وزگەرۋگە يدەيالىق جاقتان جەتەكشىلىك ەتىپ، جۇمىستانۋ قابىلەتىن ءوسىرىپ، كوز اياسىن كەڭەيتىپ، اۋىل - قىستاقتى گۇلدەندىرۋدى ۇزدىكسىز ىلگەرىلەتۋگە باياندى دەم بەرۋ ەدى“،- دەدى.
