قازىر كوكتەمگى ەگىس دايىندىعى مەزگىلى، شينجياڭنىڭ جەر - جەرى ەگىس ۋاقىتىن قولدان بەرمەدى، كوپشىلىك بار جىگەر - قايراتىن جيىپ، كوكتەمگى ەگىس دايىندىق قىزمەتتەرىنىڭ ءساتتى بولۋىنا كەپىلدىك ەتتى.
2 - ايدىڭ 23 - كۇنى، حوتان ايماعى لوپ اۋدانى لوپ قالاشىعىنىڭ قورعان قىستاعىندا، لوپ اۋدانىنىڭ جاڭا ءداۋىر وركەنيەت امالياتى ورتالىعى، اۋىل شارۋاشىلىعى، اۋىل - قىستاق مەكەمەسى سياقتى ورىنداردان قۇرالعان عىلىم جالپىلاستىرۋ ەرىكتى قىزمەت وتەۋ اترەتى ەگىس اتىزدارىنا بارىپ ديقانداردىڭ بيدايعا تىڭايتقىش بەرۋىنە جەتەكشىلىك ەتتى. (سۋرەتتى مامەتالي ءانۋار تۇسىرگەن)
2 - ايدىڭ 20 - كۇنى، اقسۋ ايماعى اقسۋ قالاسى يگەرشى قالاشىعىنداعى يۇلعۇندۇق قىستاعىندا قىستاق تۇرعىندارى جەر جىرتىپ، ارام ءشوپ وتاۋدا، ەگىس اتىزىنىڭ بارلىق جەرىندە قاربالاس جۇمىس جۇرگىزىلدى. (سۋرەتتى ياڭ شو تۇسىرگەن)
2 - ايدىڭ 17 - كۇنى، تارباعاتاي ايماعى ساۋان قالاسى كونەساۋان قالاشىعىندا، پارتيالى كادرلاردان قۇرالعان ەرىكتى قىزمەت وتەۋ اترەتى ديقاندارعا كومەكتەسىپ تىڭايتقىش تاسۋدا. (سۋرەتتى لان ليڭ تۇسىرگەن)
2 - ايدىڭ 14 - كۇنى، اقسۋ ايماعى اۋات اۋداندىق پارتكوم ۇيىمداستىرۋ ءبولىمىنىڭ ايباق اۋىلى شيڭفۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى اۋىل شارۋاشىلىق تەحنيكتەرىن ۇسىنىس ەتىپ، ديقان - مالشىلاردىڭ اۋىل شارۋاشىلىق ماشينالارىن تەكسەرىپ - رەمونتتاۋىنا جەتەكشىلىك ەتىپ، كوكتەمگى ەگىستىڭ ءوندىرىس ىستەرىنە مىقتى نەگىز قالادى. (سۋرەتتى باۋ لياڭتيڭ تۇسىرگەن)
2 - ايدىڭ 12 - كۇنى، قاتىناس ساقشىلارى شوفەرلەرگە كومەكتەسىپ تاسىمالدانعان اۋىل شارۋاشىلىعى ماشينا جابدىقتارىن بەكەمدەۋدە. جۋىردا، كورلا قالالىق قوعام حاۋىپسىزدىگى مەكەمەسى قاتىناس ساقشى ۇلكەن اترەتى شىنعا ورتا اترەتى ”كوكتەمگى ەگىس دايىندىعىنا قىزمەت وتەۋدە قاتىناس ساقشىلارى سىزبەن بىرگە“ قيمىلىن ورىستەتىپ، حيميالىق تىڭايتقىش، تۇقىم، سۋلياۋ جارعاق، اۋىل شارۋاشىلىق ماشينا جابدىقتارى سياقتىلاردى تاسىمالداۋ ٴۇشىن، اۆتوكولىكتەرگە ”جاسىل ارنا“ اشىپ، شوفەرلەردىڭ كومەسكى قاتەرلەردى تەكسەرۋىنە كومەكتەسىپ، اۆتوكولىكتەردىڭ حاۋىپسىز، ٴتارتىپتى، تەز قاتىناۋىنا جەتەكشىلىك ەتتى. (سۋرەتتى يان ۋانحاي تۇسىرگەن)
2 - ايدىڭ 7 - كۇنى، سانجى حۇيزۋ اۆتونوميالى وبلىسى سانجى قالاسى ارليۋگۇڭ قالاشىعى شيڭفۋ قىستاعىندا اۋىل شارۋاشىلىق تەحنيكتەرى مەن قۇلماق ءوسىرۋ ءىرى ەگىمشىلىك وتباسىلارى اۋىل شارۋاشىلىعى ماشينالارىن تەكسەرىپ، كوكتەمگى ەگىس وندىرىسىنە دايىندالدى. (سۋرەتتى لياڭ حۇڭتاۋ تۇسىرگەن)
2 - ايدىڭ 10 - كۇنى، جۇڭگو مۇنايى مايتاۋ مۇناي - حيميا تارىم مۇناي - حيميا بولىمشە سەرىكتەستىگىنىڭ قىزمەتكەرلەرى ءونىمدى قوراپتاۋ سەحىندا تىڭايتقىشتاردى قوراپتاۋدا. ءدال قازىر، اتالعان سەرىكتەستىك اۋىل شارۋاشىلىعىنا پايدالانىلاتىن تىڭايتقىش وندىرۋگە كۇش سالىپ، كوكتەمگى ەگىس بازارىنىڭ قاجەتىن قاناعاتتاندىرۋعا كەپىلدىك ەتتى. (سۋرەتتى ياڭ كۇن تۇسىرگەن)
2 - ايدىڭ 8 - كۇنى، ونسۋ اۋدانى ىستەمشى اۋىلى شينجياڭ جينفىڭيۋان تۇقىم شارۋاشىلىعى شەكتى جارنا سەرىكتەستىگى سورتتى ماقتا مانەرلەۋ زاۆودىنىڭ قىزمەتكەرلەرى ماقتا تۇقىمدارىن تاسىمالدادى. بىرنەشە كۇننەن بەرى، وسى سورتتى تۇقىمدى ماقتا مانەرلەۋ زاۆودىنىڭ 3 ءوندىرىس جەلىسى بار كۇشىمەن ماقتا تۇقىمىن ءوندىرىپ، كوكتەمگى ەگىستى زاتتىق ماتەريالمەن قامتاماسىز ەتتى. ( سۋرەتتى يان شوۋلين تۇسىرگەن)
2 - ايدىڭ 8 - كۇنى، كۇشار جياڭشۇي تامشىلاتىپ سۋارۋ تاسپاسىن جاساۋ شەكتى سەرىكتەستىگىنىڭ قىزمەتكەرلەرى تامشىلاتىپ سۋارۋ تاسپاسىن رەتتەۋدە. قازىر، كۇشار قالاسىنىڭ ءارقايسى اۋىل شارۋاشىلىق ماتەريالدارى كاسىپورنى اۋىل شارۋاشىلىق ماتەريالدارىن ونىمدەرىن ءوندىرۋدى جەدەلدەتىپ، كوكتەمگى ەگىستى زاتتىق ماتەريالمەن قامتاماسىز ەتتى.