ۇعىسۋ، تيىمدىلىك جاساۋ، توعىستىرۋ丨حى ۋي: مۇز تاۋعا كەلگەن جاڭا قوناق

日期:2021年12月15日
来源:新疆日报
【字体:

  ءتىپتى دە كوپ قىستاق تۇرعىندارىنىڭ ەرەكشە باعىمشىلىق كاسىبىن ويداعىداي دامىتۋىنا مۇمكىندىك جاساۋ ٴۇشىن، حى ۋي (ورتادا) وتباسىلارىن ارالاۋ بارىسىندا باعىمشىلىق كاسىبىن دامىتۋدىڭ جاڭا ۇستانىم، جاڭا ادىستەرىنەن ۇزدىكسىز ۇگىت-لەكسيا جاسادى. سۋرەتتى حى ۋي بەرگەن

  انار بۇلت / شينجياڭ گازەتىنىڭ حابارى (ٴتىلشى سۇڭ ۋيگو حابارلايدى). ”كوپشىلىككە ٴبىر قۋانىشتى حاباردى جەتكىزبەكپىن، قىستاعىمىز ٴوتىنىش ەتكەن ’پىلال مۇزدىعى‘ ساۋدا ماركاسى بەكىتىلىپ ٴتۇستى، بۇدان كەيىن ٴبىز وسى ماركادان ويداعىداي پايدالانىپ، قىستاق تۇرعىندارىنىڭ قالتاسىن تاعى دا قامپايتۋىمىز كەرەك“، ـ دەدى 12 ـ ايدىڭ 13 ـ كۇنى جۇڭگو تەلەگرابى شينجياڭ بولىمشە سەرىكتەستىگىنىڭ اقتاۋ اۋدانى ويتاق قالاشىعى پىلال قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ٴبىرىنشى شۋجي حى ۋي قىستاق كادرلارىنا.

  بيىل 1 - ايدا حى ۋي پىلال قىستاعىنا قىزمەت اترەتىنىڭ باستىعى، ٴبىرىنشى شۋجيى بولۋعا جىبەرىلەدى. احۋال ۇعىسۋ بارىسىندا حى ۋي پىلال قىستاعىنىڭ ويتاق مۇزدىعىنىڭ ەتەگىنە ورنالاسقانىن، ٴار جىلى قىرۋار ساياحاتشى كەلىپ ساياحاتتايتىنىن، قايتار كەزدە ساياحاتشىلار تاعى قىستاققا كەلىپ، جەرگىلىكتى ەرەكشە ونىمدەردى ساتىپ الىپ، سيىر ەتى، قوي ەتى، الما سياقتىلار قىزۋ قارسى الۋعا يە بولاتىندىعىن بايقايدى.

  جۇڭگو تەلەگرافى شينجياڭ بولىمشە سەرىكتىگىندە كوپ جىل بويى ايگىلى ماركا ساتۋمەن شۇعىلدانعان حى ۋي مەن قىستاق ”ەكى كوميتەتىنىڭ“ مۇشەلەرى اقىلداسقاننان كەيىن، ”پىلال مۇزدىعى“ ساۋدا ماركاسىن تىركەۋدى ۇيعارىپ، پىلال قىستاعى سەلبەستىك كووپەراتيۆىن قۇرىپ، قىستاق تۇرعىندارىن ماركالاندىرۋ قۇرىلىسى جولىنا باستادى.

  ابدۇلباقى عاپار بۇرىننان پىلال قىستاعىندا تۇرمىس كەشىرىپ كەلگەن، ول قىستاققا كەلىپ سيىر، قوي ساتىپ الاتىن ساۋداگەرلەردىڭ بارعان سايىن كوبەيگەنىن بايقايدى، اشىق ويلى ابدۇلباقى سيىر، قوي ەتىن الىپ - ساتا باستايدى. ٴاربىر ٴتىرى مالدان نەشە ون يۋان پايدا تابۋعا بولادى، وعان بورداقىلانعاننان كەيىنگى ارتقان قۇنىن قوسقاندا، ٴبىر قويدان 2 - 3 ايدا 300 - 400 يۋان كىرىس كىرگىزۋگە بولادى.

  ”مىنا ساۋداگەرلەر سيىر، قويدى سيىر ەتىنە، قوي ەتىنە اينالدىرعاننان كەيىن كىرىس ارتتى، ەگەر ٴبىز سيىر، قوي ەتتەرىن بۋىن بويىنشا ٴبولىپ دايىنداپ قويساق، وندا دا كوپ اقشا تابۋىمىزعا بولادى“. ٴبىر جولى وتباسىلارىن ارالاۋ بارىسىندا حى ۋي ابدۇلباقىعا بايۋ جولىن ۇيرەتتى.

  قىستاقتا تاعى ٴتۇرلى جەمىس - جيدەك جانە ايران ونىمدەرى بار. الايدا ٴونىم الاتىن مەزگىلدە جەمىس – جيدەكتەردىڭ كوپتىگىنەن جەپ تاۋىىسۋعا كەلمەيدى، نە ٴشىريدى، نە باسقالارعا بەرىلەدى. قىستاقتىڭ ساپالى جەرگىلىكتى ەرەكشە ونىمدەر بايلىعى قىستاق تۇرعىندارىنا دامۋدىڭ پايداسىن اكەلمەدى.

  بيىل 10 ـ ايدا حى ۋيدىڭ باس بولۋىندا پىلال قىستاعى سەلبەستىك كووپەراتيۆى قۇرىلدى. سەلبەستىك كووپەراتيۆى دامۋ جوباسى مەن ٴونىم ولشەمىن بەلگىلەپ، كوپتەگەن قىستاق تۇرعىندارى سەلبەستىك كووپەراتيۆىنە كىرىپ، جەرگىلىكتى ەرەكشە ونىمدەردى ماركالاندىرۋ، ساۋداعا سالۋ، ولشەمدەندىرۋ قۇرىلىسى جولى اشىلدى.

  حى ۋي ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق”ەكى كوميتەتىن“ باستاپ، ءونىم قورابىن جوبالاپ، ايگىلى ماركا قۇرىلىسىن ىلگەرىلەتتى، داڭعىل جول پىلال قىستاعى تۇرعىنداردىڭ كوز الدىندا مەن مۇندالادى.

  ”بۇرىن «مۇز تاۋعا كەلگەن قوناق» اتتى كينو بار بولاتىن، قازىر مەن مۇز تاۋعا جاڭادان كەلگەن قوناق بولىپ، مۇزدىقتىڭ ماقالاسىن تولىق جازىپ، مۇزدىق جەلىلەس بۇيىمدارىن كوپتەپ اشىپ، پىلال قىستاعىنىڭ تۇرعىندارىن ٴتىپتى دە باي، ٴتىپتى دە باقىتتى تۇرمىسقا باستاۋدى قالايمىن“، ـ دەدى حى ۋي.