”تۇرعىنداردىڭ سەنىم ارتۋى ءبىزدىڭ موينىمىزداعى جاۋاپكەرشىلىك“

日期:2021年10月13日
来源:新疆日报
【字体:

حى دۇڭياڭ:

”تۇرعىنداردىڭ سەنىم ارتۋى ءبىزدىڭ موينىمىزداعى جاۋاپكەرشىلىك“

□ انار بۇلت / شينجياڭ گازەتىنىڭ ءتىلشىسى گو چيان

  ”ۇستىڭگى قاباتتان سۋ ءوتتى، عيماراتتى تازالايتىن ادام جوق... تۇرعىندار قيىنشىلىققا ءدوپ كەلگەندە، ەڭ الدىمەن الەۋمەتتىك اۋماقتى ىزدەيدى، تۇرعىنداردىڭ سەنىم ارتۋى موينىمىزداعى جاۋاپكەرشىلىك سانالادى“، - دەدى ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) جۇڭيا سولتۇستىك جولى شاعىن اۋماعى چياۋدۇڭ الەۋمەتتىك اۋماعى پارتيا ياچەيكاسىنىڭ شۋجيى حى دۇڭياڭ.

  چياۋدۇڭ الەۋمەتتىك اۋماعىنا قاراستى جەر شاعىن، تيپتىك تۇرارجاي ۇلگىسىندەگى الەۋمەتتىك اۋماق، قاراستىلىعىندا 4 شاعىن رايون، 4000نان استام تۇرعىن بار. نەشە جىلدىڭ الدىندا چياۋدۇڭ الەۋمەتتىك اۋماعى نەگىزدىك قۇرىلعىلارى كونەرىپ توزعان، كەيبىر بولىك جولدارى تار، جولدىڭ بەتى اۋىر بۇلىنگەن سياقتى ماسەلەلەرگە ءدوپ كەلگەن بولاتىن.

  2018 - جىلى حى دۇڭياڭ چياۋدۇڭ الەۋمەتتىك اۋماعى پارتيا ياچەيكاسىنىڭ شۋجيى بولادى. تازالىق ىستەۋ، قايشىلىقتاردى شەشۋ... قاي جەر قاجەت ەتسە الەۋمەتتىك اۋماق قىزمەتكەرلەرى سول جەردەن تابىلدى. ماسەلە شەشىلۋى عوي شەشىلەدى، تۇرعىنداردى الەۋمەتتىك اۋماقپەن قايتكەندە توعىستىرۋعا بولادى؟ 2019 - جىلى چياۋدۇڭ الەۋمەتتىك اۋماعى مەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ”عيمارات باستىقتارى كەڭەس جيىنى“ ءتۇزىمىن ورناتادى، پەنسياعا شىققان پارتيا مۇشەلەرى باستاماشى بولىپ، ەرىكتىلەر جاراستىرۋ گرۋپپاسىن ۇيىمداستىرىپ، شاعىن رايوندا مەرزىم سايىن جيىن اشىپ، الەۋمەتتىك اۋماق پەن شاعىن رايوننىڭ جالپىلىق اۋماقتاعى كەمەلدەندىرۋدى جانە رەتتەۋ - تۇزەتۋدى قاجەت ەتكەن ماسەلەلەرىن بىرگە كەڭەسەدى.

  ”وتباسىلارىن تۇگەل ارالاپ، ءاربىر ۇيگە بارىپ تۇرعىنداردىڭ ارىز - تىلەگىن ۇعىسقاننان گورى، ’عيمارات باستىقتارى كەڭەس جيىنى‘ ءتاسىلى ءتىپتى دە قولايلى بولادى. تۇرعىنداردىڭ نە جۇمىسى بولسادا ورتاعا سالىپ ايتقىسى كەلەتىن بولدى، حالىقتىڭ تىلەگىن ۇعىسۋ ونىمدىلىگى ءتىپتى دە جاقسى بولادى“. حى دۇڭياڭ بىلاي دەدى: تۇرعىندار نەگىزگى ساتى قوعامىن جونگە سالۋدان يگىلىكتەنۋشىلەر ءارى وعان ات سالىسۋشىلار، ”عيمارات باستىقتارى كەڭەس جيىنى“ ءتۇزىمىن ورناتۋ تۇرعىنداردىڭ بىرگە قۇرۋ، بىرگە يگىلىكتەنۋدەي تۇلعالىق رولىن تولىق ساۋلەلەندىرىپ قانا قالماستان، تۇرعىنداردىڭ ءوز ىسىنە ءوزى شەشىم جاساۋىن دا جۇزەگە اسىردى.

  چيڭجيچاڭ شاعىن رايونى − قوجالىق باسقارۋى جوق كونە شاعىن رايون، بيىل 8 - ايدا شاعىن رايوننىڭ جاسىلداندىرۋ مەن تازالىعىنا جاۋاپتى ورتا تازالىعىن ساقتاۋ قىزمەتكەرى دەنساۋلىق جاعدايى سەبەبىنەن قىزمەتتەن باس تارتادى. وسى ماسەلەنى قالاي شەشۋ جونىندە حى دۇڭياڭ جانە شاعىن رايوننىڭ عيمارات باستىقتارى اۋلادا وتىرىپ ءبىر رەتكى كەڭەس جيىنىن اشادى.

  ءبىر ساعاتقا جەتپەيتىن ۋاقىت ىشىندە ماسەلەنى شەشۋ جوباسى جاسالدى. عيمارات باستىقتارى شاعىن رايونداعى ەرىكتىلەردى باستاپ كەزەككە تۇرىپ الماسىپ جاۋاپتى بولۋ، ءاربىر عيمارات ءوزارا ءبىر - ءبىرىن باقىلاۋ شەشىمى قابىلداندى.

  ”جۇمىس كوپ بولماعانىمەن، الايدا وعان دەن قويۋ قاجەت. كەڭەس ماجىلىسىندە كوپشىلىك بەلسەنە اڭىس ءبىلدىرىپ، شاعىن رايوننىڭ ورتا تازالىعى ءاربىر تۇرعىنمەن قاتىستى، ءاركىم ءوز تازالىعىنا جاۋاپتى بولۋ كەرەك دەپ ايتارىن ويلاماعان ەكەنبىز، سودان بەرى 2 اي ءوتتى، شاعىن رايون تۇرعىندارىنان تازالىق جونىندە شاعىم ايتىپ تەلەفون شالعان ەشكىم بولمادى“، - دەدى حى دۇڭياڭ.

  حايتاڭ ميڭجۇي شاعىن رايونىندا قوقسىقتى تۇرگە ايىرۋ ورنىن قۇرۋ؛ چيڭجيچاڭ شاعىن رايونى جەرىنە اشەكەيلى كەرپىش توسەۋ؛ الەۋمەتتىك اۋماقتاعى بوس ورىنعا دويبى ۇستەلى، مەيىرىمدىلىك ورىندىعى، شىنىعۋ اسپاپتارى سياقتىلاردى ورناتۋ... ”عيمارات باستىقتارى كەڭەس جيىنى“ ارقىلى چياۋدۇڭ الەۋمەتتىك اۋماعىنان تۇرعىنداردىڭ قيىنشىلىعى جونىندە 61 تالاپ جيدى، سونداي - اق جىل بويى وتباسىنا بارىپ قىزمەت وتەۋدى جولعا قويىپ، جالپى 37 رەت ۋاكىلاتان جۇمىس ءبىتىردى.

  ءبىر الەۋمەتتىك اۋماق قىزمەتكەرى ەستەلىگىنە: ”بىرتە - بىرتە ىزدەنۋ بارىسىندا قىزمەت وتەۋ جانە ۇلەس قوسۋدىڭ بۇقارانىڭ كوڭىلىن تاباتىن تىكە جول ەكەندىگىن اڭعاردىم“، - دەپ جازعان.

  ”ءبىر الەۋمەتتىك اۋماق كادرى جونىنەن العاندا، قازىر الەۋمەتتىك اۋماقتىڭ قىزمەت وتەۋى بارعان سايىن تىڭعىلىقتى بولىپ كەلەدى، تەك تۇرعىندارعا قاتىستى بولادى ەكەن، مەيلى ەلەۋلى ءىس، الدە كىشى - گىرىم ءىس بولسىن، الەۋمەتتىك اۋماق بارلىعىنا بىردەي قىزمەت وتەدى، ءدال وسىلاي بولعاندىعى ءۇشىن، تۇرعىنداردىڭ قاراستىلىق سەزىمى بارعان سايىن كۇشەيدى، تۇرعىنداردىڭ بىزگە سەنىم ارتۋىن الەۋمەتتىك اۋماق قىزمەتىنىڭ تياناقتى بولعانى دەپ بىلەمىن“، - دەدى حى دۇڭياڭ.