«ىسىراپشىلدىق قۇبىلىسى جان تۇرشىكتىرەدى، كىسىنى اشىندىرادى!»
تاياۋدا باس شۋجي شي جينپيڭ تاماقتانۋداعى ىسىراپشىلدىقتى تەجەۋ جونىندە ماڭىزدى نۇسقاۋ بەرىپ، مىنالاردى دارىپتەدى: زاڭ شىعارۋدى، باقىلاپ - باسقارۋدى كۇشەيتىپ، ۇتىمدى شارالار قولدانىپ، باياندى مەحانيزم ورناتىپ، تاماقتانۋداعى ىسىراپشىلدىقتى باتىل تەجەۋ كەرەك. ۇگىت - تاربيەنى اناعۇرلىم كۇشەيتىپ، ۇنەمشىلدىك ادەتىن شىنايى جەتىلدىرىپ، بۇكىل قوعامدا ىسىراپشىلدىق − نامىس، ۇنەمشىلدىك − داڭق دەيتىن اۋقىم قالىپتاستىرۋ كەرەك.
قالىڭ كادر - جۇرتشىلىق مىنالاردى ءبىلدىردى: باس شۋجي شي جينپيڭ استىق حاۋىپسىزدىگى مەن «ۇنەمشىل بولۋ، ىسىراپشىلدىققا قارسى تۇرۋ» سىندى قوعامدىق سالتتى دارىپتەۋگە باستان - اياق باسا ءمان بەرىپ كەلەدى، تاماقتانۋداعى ىسىراپشىلدىقتى تەجەۋدى تالاي رەت دارىپتەگەن بولاتىن. پارتيانىڭ 18 - قۇرىلتايىنان بەرى ءبىرقىدىرۋ پارمەندى وڭاۋ شارالارىنىڭ ارقاسىندا تاماقتانۋداعى ىسىراپشىلىق قۇبىلىسىندا بەلگىلى دارەجەدە وڭ وزگەرىس بولدى، اسىرەسە، بۇقارانىڭ اڭىسى كۇشتى بولعان ۇكىمەت اقشاسىمەن تاماقتانۋداعى ىسىراپشىلىق ارەكەتى ءونىمدى تەجەلدى، تۇتاس پارتيادا، تۇتاس قوعامدا ۇنەمشىل بولۋ تاماشا سالتى قالىپتاسۋدا. الايدا كەي جەرلەردە تاماقتانۋداعى ىسىراپشىلدىق قۇبىلىسى ءالى دە ورىن تەۋىپ وتىر، باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتى تياناقتاندىرىپ، ءتىپتى دە پارمەندى شارالاردى بەلگىلەپ، اتقارىپ، بۇكىل قوعامنىڭ تاماقتانۋداعى ىسىراپشىلدىقتى تەجەۋ قىزمەتىن ىشكەرىلەي ىلگەرىلەتۋ كەرەك.
استىق حاۋىپسىزدىگى جونىندە قاي - قاشان دا حاۋىپ - قاتەر تانىمىن ۇستانۋىمىز كەرەك
«ەلىمىز استىق وندىرىسىندە جىل سايىن مول ءونىم الىپ وتىرعانىمەن، استىق حاۋىپسىزدىگى جونىندە قاي - قاشان دا حاۋىپ - قاتەر تانىمىن ۇستانۋىمىز كەرەك، بيىلعى دۇنيە جۇزىندە تۋىلعان جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالى بىزگە ساقتىق دابىلىن قاقتى». باس شۋجي شي جينپيڭنىڭ ماڭىزدى نۇسقاۋى كۇشتى ۇندەستىك تۋدىردى.
جۇڭگو حالىق داشۋەسى اۋىل شارۋاشىلىعى جانە اۋىل - قىستاقتى دامىتۋ شۋەيۋانى پارتكومىنىڭ شۋجيى لۇي جيە مىنانى ءبىلدىردى: ەلىمىزدىڭ استىق وندىرىسىنەن جىل سايىن مول ءونىم الىنعانىمەن، ورتا، ۇزاق مەزگىلدەن الىپ قاراعاندا، ەلىمىزدىڭ استىق ءوندىرىسى مەن قاجەتى ءالى دە تىعىز تەپە - تەڭدىكتى ساقتاپ، مەملەكەتتىڭ وسى ارقاۋدى ءبىر ءسات تە بوساڭسىتپاۋىن قاجەت ەتەدى. ۇنەمشىل بولىپ، تاماقتانۋداعى ىسىراپشىلدىققا قارسى تۇرۋ − ءارى جۇڭحۋا ۇلتىنىڭ قاجىرلى، ۇنەمشىل بولۋ سىندى ءداستۇرلى تاماشا ءمورالىن ساۋلەلەندىرۋدەگى ماڭىزدى شارا، ءارى مەملەكەتتىڭ استىق حاۋىپسىزدىگىنە كەپىلدىك ەتۋدىڭ كوكەيتەستى قاجەتى.
