جۇڭگو مەن فيليپپيننىڭ ديپلوماتيالىق قارىم - قاتىناس ورناتقاندىعىنىڭ 45 جىلدىعى بايلانىسىمەن
شي جينپيڭ فيليپپيننىڭ زۇڭتۇڭى دۋتەرتپەن ءوزارا قۇتتىقتاۋ تەلەگرامماسىن جولدادى
مەملەكەت ءتوراعاسى شي جينپيڭ 6 - ايدىڭ 9 - كۇنى فيليپپيننىڭ زۇڭتۇڭى دۋتەرتپەن ءوزارا قۇتتىقتاۋ تەلەگرامماسىن جولداپ، جۇڭگو مەن فيليپپيننىڭ ديپلوماتيالىق قارىم - قاتىناس ورناتقاندىعىنىڭ 45 جىلدىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن فيليپپين دوس كورشى ەل، ءداستۇرلى دوستىعىنىڭ تاريحى وتە ۇزاق. ديپلوماتيالىق قارىم - قاتىناس ورناتقان 45 جىلدان بەرى، جۇڭگو مەن فيليپپيننىڭ قارىم - قاتىناسى ارشىندى دامۋعا قول جەتكىزدى. اسىرەسە، جۋىق جىلداردان بەرى ەكى ەلدىڭ ساياسيدا ءوزارا سەنىم ارتۋى تەرەڭدەپ، ءارقايسى سالاداعى سەلبەستىك ۇزدىكسىز كەڭەيىپ، ”ءبىر بەلدەۋ، ءبىر جولدى“ بىرگە قۇرۋدىڭ ناتيجەسى مول بولىپ، ەكى ەل حالقىنا شىنايى ىرىس - قۇت اكەلدى، ءوڭىردىڭ ورنىقتىلىعىنا، دامۋىنا بەلسەندى ۇلەس قوستى.
شي جينپيڭ بىلاي دەپ باسا دارىپتەدى: جۇڭگو مەن فيليپپين ەكى ەل دامۋدىڭ شەشۋشى مەزگىلىندە تۇر، سەلبەستىك جاساۋ بولاشاعى كەڭ. مەن جۇڭگو مەن فيليپپيننىڭ قارىم - قاتىناسىنىڭ دامۋىنا ايرىقشا ءمان بەرەمىن، دۋتەرت زۇڭتۇڭمەن بىرگە قۇلشىنىس جاساپ، جۇڭگو مەن فيليپپيننىڭ جالپى بەتتىك ستراتەگيالىق سەلبەستىك قارىم - قاتىناسىن ۇزدىكسىز جاڭا بەلەسكە كوتەرۋدى قالايمىن. جۇڭگو جاق فيليپپيننىڭ جاڭا تيپتى ايدارشا ۆيرۋس وكپە قابىنۋ ىندەتىنە ۇشىراعاندىعىن تەرەڭ سەزىنىپ وتىر، فيليپپين جاقپەن بىرگە قول ۇستاسا قۇلشىنىپ، ۋاقىتتىق قيىندىقتى بىرگە جەڭۋدى قالايدى.
دۋتەرت قۇتتىقتاۋ تەلەگرامماسىندا مىنالاردى ءبىلدىردى: فيليپپين مەن جۇڭگو ەكى ەل حالقىنىڭ دوستىعى مەن سۇيىسپەنشىلىگى مىڭ جىلعا جالعاسقان. 1975 - جىلى ديپلوماتيالىق قارىم - قاتىناس ورناتقاننان بەرى، ەكى ەلدىڭ دوستىق قارىم - قاتىناسى ۇزدىكسىز دامىدى. قازىر دۇنيە ءجۇزىنىڭ حاۋىپسىزدىگى مەن ورنىقتىلىعى سىن - سايىسقا ۇزدىكسىز ءدوپ كەلۋدە، جاڭا تيپتى ايدارشا ۆيرۋس وكپە قابىنۋ ىندەتى سياقتى بەي ءداستۇرلى حاۋىپسىزدىك قاتەرى كۇن سايىن كورنەكتىلەنىپ كەلەدى، فيليپپين مەن جۇڭگونىڭ سەرىكتەستىك قارىم - قاتىناسىن اناعۇرلىم كۇشەيتۋ وتە ماڭىزدى. فيليپپين جاق جۇڭگو جاقتى تاتۋ كورشىمىز جانە ماڭىزدى سەرىكتەسىمىز دەپ قارايدى، بەيبىت قاتار تۇرۋ، ءوزارا پايدا جەتكىزىپ سەلبەستىك جاساۋ پرينسيبىن ۇزدىكسىز ۇستانىپ، ەكى ەلدىڭ جالپى بەتتىك ستراتەگيالىق سەلبەستىگىن ۇزدىكسىز تەرەڭدەتىپ، ەكى ەلدىڭ بەيبىتشىلىگىن، دامۋىن جانە گۇلدەنىپ - كوركەيۋىن جەبەۋدى قالايدى.
