جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
2020 - جىلعى ەكونوميكالىق قىزمەتكە تالداۋ جاسادى، زەرتتەۋ جۇرگىزدى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداسىپ، ورنالاستىردى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 12 - ايدىڭ 6 - كۇنى ءماجىلىس اشىپ، 2020 - جىلعى ەكونوميكالىق قىزمەتكە تالداۋ جاسادى، زەرتتەۋ جۇرگىزدى؛ ورتالىق ءتارتىپ تەكسەرۋ كوميتەتىنىڭ قىزمەت مالىمەتىن تىڭداپ، 2020 - جىلعى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداسىپ، ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ قارادى: بيىل جىل باسىنان بەرى، ەل ءىشى - سىرتىنداعى حاۋىپ - قاتەر، سايىستار كورنەكتى ارتقان كۇردەلى جاعداي الدىندا بۇكىل پارتيا، بۇكىل مەملەكەت پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، جوعارى ساپالى دامۋدى ىلگەرىلەتىپ، ”التىنى ورنىقتىرۋ“ قىزمەتىن جاقسى ىستەپ، ەكونوميكانىڭ، قوعامنىڭ ءۇرتىس اقاۋسىز دامۋىن ساقتادى، 3 ۇلكەن قامال الۋ شايقاسى شەشۋشى ىلگەرىلەۋشىلىككە قول جەتكىزىپ، رەفورما جاساۋدا، ەسىك اشۋدا ماڭىزدى قادام تاستالدى، قامداۋ جاعىنداعى قۇرىلىمدىق رەفورمانى ۇزبەي تەرەڭدەتىپ، عىلىم - تەحنيكادا جاڭالىق اشۋدا تىڭ ناتيجەگە قول جەتكىزىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ارتىپ، ”13 - بەسجىلدىق“ جوباداعى باستى كورسەتكىشتەردىڭ اياق الىسى مەجەدەگىگە ۇيلەسىپ، جاپپاي دوڭگەلەك داۋلەتتى قوعام ورناتۋدا تىڭ، كەلەلى ىلگەرىلەۋشىلىكتەرگە قول جەتتى.
ءماجىلىس مىنالاردى اتاپ كورسەتتى: 2020 - جىل جاپپاي دوڭگەلەك داۋلەتتى قوعام ورناتاتىن جانە ”13 - بەسجىلدىق“ جوبا اياقتالاتىن جىل، ءبىز ءبىرىنشى 100 جىلدىق كۇرەس نىساناسىن جۇزەگە اسىرامىز. كەلەر جىلعى ەكونوميكالىق قىزمەتتى جاقسى ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاپپاي دوڭگەلەك داۋلەتتى قوعام ورناتۋ نىسانا - مىندەتىمەن تىعىز ۇشتاستىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، جاڭا دامۋ ۇستانىمىنان جازباي، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى قوزعاۋشى كۇش ەتۋدەن جازباي، جوعارى ساپالى دامۋدى ىلگەرىلەتىپ، وسىزاماندانعان ەكونوميكالىق جۇيەنى جەدەل قۇرىپ، ءۇش ۇلكەن قامال الۋ شايقاسىندا باتىلدىقپەن جەڭىسكە جەتىپ، ”التىنى ورنىقتىرۋ“ قىزمەتىن جاپپاي جاقسى ىستەپ، ارتۋدى ورنىقتىرۋدى، رەفورمانى جەبەۋدى، قۇرىلىمدى رەتتەۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى ءبىر تۇتاس جوسپارلاپ ىلگەرىلەتىپ، ەكونوميكانىڭ اينالىمىن ۇيلەسىمدى ارالىقتا ساقتاپ، جاپپاي دوڭگەلەك داۋلەتتى قوعام ورناتۋعا جانە ”13 - بەسجىلدىق“ جوبانى تابىسپەن اياقتاتۋعا كەپىلدىك ەتۋ كەرەك.
ءماجىلىس مىنالاردى باسا دارىپتەدى: كەزەكتەگى جانە مۇنان بىلايعى ءبىر مەزگىلدە ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى بەتالىسى وزگەرمەيدى. ءبىز ديالەكتيكالىق ويلاۋ ارقىلى جاعدايدىڭ دامۋ وزگەرىسىنە قاراۋدان جازباي، ءسوزسىز جەڭىسكە جەتۋ سەنىمىن كۇشەيتىپ، سىرتقى قىسىمدى رەفورمانى تەرەڭدەتۋدىڭ، ەسىكتى ايقارا اشۋدىڭ پارمەندى قوزعاۋشى كۇشىنە اينالدىرۋعا شەبەر بولىپ، زەيىن - زەردەنى شوعىرلاندىرا وتىرىپ، ءوز ءىسىمىزدى جاقسى ىستەۋىمىز كەرەك. ماكرولىق ساياسات ورنىقتى بولۋ، ميكرولىق ساياسات جاندى بولۋ، قوعامدىق ساياسات جان - جاقتى بولۋ سىندى ساياسات جۇلگەسىنە تاباندى بولىپ، ماسەلەنى باعدار ەتۋدەن، نىسانانى باعدار ەتۋدەن، ناتيجەنى باعدار ەتۋدەن جازباي، ماكرولىق رەتتەۋ - مەڭگەرۋدىڭ بولجامپازدىعىن، باعىتتامالىلىعىن، ونىمدىلىگىن جوعارىلاتىپ، كەرى پەريودتىق رەتتەۋ قۇرالىنان جاقسى پايدالانۋ كەرەك. كەلەر جىلعى ءۇش ۇلكەن قامال الۋ شايقاسىن باتىلدىقپەن جاقسى جۇرگىزىپ، كەدەيلىكتەن ارىلتۋدان قامال الۋ نىسانا - مىندەتىن ورىنداۋعا شىنايى كەپىلدىك ەتۋ، لاستانۋدان ساقتانۋ جانە ونى جونگە سالۋدان قامال الۋ شايقاسىنىڭ كەزەڭدىك نىساناسىن ورىنداۋعا شىنايى كەپىلدىك ەتۋ، جۇيەلى فينانس حاۋىپ - قاتەرىن بولعىزباۋعا شىنايى كەپىلدىك ەتۋ كەرەك. وسىزاماندانعان ەكونوميكالىق جۇيە قۇرىلىسىن جەدەلدەتىپ، اۋىل شارۋاشىلىعىنىڭ، جاساۋ كاسىبىنىڭ، قىزمەت وتەۋ كاسىبىنىڭ جوعارى ساپالى دامۋىن ىلگەرىلەتىپ، نەگىزدىك قۇرىلعىلار قۇرىلىسىن كۇشەيتىپ، ارتىقشىلىقتار ارقىلى ءبىر - ءبىرىن تولىقتايتىن جوعارى ساپالى دامۋدىڭ وڭىرلىك ەكونوميكالىق ورنالاسۋىن قالىپتاستىرۋدى ىلگەرىلەتىپ، عىلىم - تەحنيكالىق قۋاتتى جانە جاڭالىق اشۋ قابىلەتىن جوعارىلاتىپ، ەكونوميكا ءتۇزىلىس رەفورماسىن تەرەڭدەتىپ، اناعۇرلىم جوعارى دەڭگەيلى، اشىق ەكونوميكالىق جاڭا ءتۇزىلىس ورناتۋ كەرەك.
ءماجىلىس مىنالاردى تالاپ ەتتى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، پارتيانىڭ ەكونوميكالىق قىزمەتكە باسشىلىق ەتۋ ءتۇزىم ابزالدىلىعىن جونگە سالۋ ونىمدىلىگىنە شىن مانىندە اينالدىرىپ، رەفورما، دامۋ، ورنىقتىلىق قىزمەتتەرىن جاپپاي جاقسى ىستەپ، ەكونوميكالىق قىزمەتكە باسشىلىق ەتۋ ءادىس - ءتاسىلىن جاقسارتىپ، جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرۋ مەحانيزمىن كەمەلدەندىرۋ كەرەك. قيىنشىلىعى بار بۇقارانىڭ نەگىزگى تۇرمىسىنىڭ ءونىمدى قامتاماسىزداندىرىلۋىنا جانە جاقسارۋىنا شىنايى كەپىلدىك ەتۋ كەرەك. كونە جىلدىڭ سوڭىندا، جاڭا جىلدىڭ باسىندا ءار جاقتاعى قىزمەتتەردى جاقسى ىستەپ، ءوندىرىس حاۋىپسىزدىگى جاۋاپكەرشىلىك ءتۇزىمىن تياناقتاندىرىپ، قوعامنىڭ كەلەلى جاعدايىنىڭ جاراسىمدى، ورنىقتى بولۋىنا شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: پارتيا ورتالىق كوميتەتىنىڭ پارمەندى باسشىلىعىندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە جەرگىلىكتى ءار دارەجەلى ءتارتىپ تەكسەرۋ كوميتەتتەرى، باقىلاۋ - تەكسەرۋ كوميتەتتەرى پارتيا ۋستاۆى مەن نەگىزگى زاڭ جۇكتەگەن قىزمەت جاۋاپكەرشىلىگىن ادالدىقپەن وتەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيالى كادرلاردى سانالىلىقپەن ”ەكىنى قورعاۋ“دى ورىنداۋعا قۋزاپ، پارتيانى جاپپاي قاتاڭ جونگە سالۋ باعىتى مەن تالابىن دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋگە، شىندىقتى ءىس جۇزىنەن ىزدەۋگە، بەلگىلەمەگە، تارتىپكە، زاڭعا نەگىزدەلۋگە تاباندى بولىپ، ءتارتىپ تەكسەرۋ، باقىلاۋ - تەكسەرۋ قىزمەتىن باتىل، ۇيلەسىمدى، تىڭعىلىقتى، ءونىمدى جۇرگىزىپ، جوعارى ساپالى دامۋدا تىڭ ناتيجەلەرگە قول جەتكىزدى. قىزمەت جاۋاپكەرشىلىگىن باقىلاۋدى كۇشەيتىپ، ساياسي باقىلاۋدى تەرەڭدەتىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرىپ، فورماشىلدىق، تورەشىلدىك ماسەلەلەرىن شوعىرلى رەتتەپ - وڭاپ، ساياسي شارلاۋ مەن شارلاپ رەتتەۋ - تۇزەتۋدى جاقسى يگەرىپ، ”ءتورت ءتۇرلى فورماتسيا“دان پايدالانىپ، ءتارتىپتى، زاڭدى قاتاڭ اتقارىپ، دالمە - ءدال، پارمەندى جاۋاپقا تارتتى. بۇقارانىڭ ماڭىنداعى شىرىكتەسۋ جانە ستيل ماسەلەلەرىن رەتتەۋ - وڭاۋدى تەرەڭدەتىپ، كەڭەيتىپ، شىرىكتەسۋگە قارسى كۇرەستىڭ ۇستەم جەڭىسىن بەكەمدەدى، دامىتتى. ءتارتىپ تەكسەرۋ، باقىلاۋ - تەكسەرۋ ءتۇزىلىس رەفورماسىن ءبىر تۇتاس جوسپارلاپ ىلگەرىلەتىپ، جۇيەلەنۋ، زاڭمەن جونگە سالۋ دەڭگەيىن جوعارىلاتىپ، ءتارتىپ تەكسەرۋ، باقىلاۋ - تەكسەرۋدىڭ ادال، كىرشىكسىز، جاۋاپكەرشىلىك ارقالايتىن قۇرىش قوسىنىن قۇردى.
ءماجىلىس مىنالاردى باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندە ستراتەگيالىق ورنالاستىرۋ جاساپ، پارتيانى جاپپاي قاتاڭ جونگە سالۋدى ىلگەرىلەتۋدىڭ ىشكەرىلەي دامۋىنا تىڭ تالاپتار قويدى. ءتارتىپ تەكسەرۋ، باقىلاۋ - تەكسەرۋ قىزمەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتكومداردىڭ پارتيانى جاپپاي قاتاڭ جونگە سالۋدى تەرەڭدەتۋىنە سايكەسىپ، پارتيا مەن مەملەكەتتىڭ باقىلاۋ جۇيەسىنە تاباندى بولىپ جانە كەمەلدەندىرىپ، بيلىكتىڭ جۇرگىزىلۋىن تەجەۋ مەن باقىلاۋدى كۇشەيتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، ءتارتىپ تەكسەرۋدىڭ، باقىلاۋ تەكسەرۋدىڭ جوعارى ساپالى، ماماندانعان كادرلار قوسىنىن قۇرىپ، ءبىرىنشى 100 جىلدىق كۇرەس نىساناسىن ورىنداۋعا پارمەندى كەپىلدىك ازىرلەۋ كەرەك.
وسىدان بۇرىن، باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ورتالىق ءتارتىپ تەكسەرۋ كوميتەتىنىڭ 2019 - جىلعى قىزمەت جاعدايى جانە 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىنە دايىندالۋ جاعدايى جونىندەگى مالىمەتتى تىڭدادى.
ءماجىلىس 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسىن كەلەر جىلى 1 - ايدىڭ 13 - كۇنىنەن 15 - كۇنىنە دەيىن اشۋعا قوسىلدى.
