1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

سەنىمدى بەكەمدەپ، بەرىلە شوگەلدىكپەن ىستەپ، ەرلىكپەن ۇزدىك بولۋعا ۇمتىلىپ، جاڭا داۋىردەگى ورتا جازىقتىڭ اناعۇرلىم كەرەمەت شۇعىلالى تاراۋىن جازايىق

日期:2019年09月20日
来源:新疆日报
【字体:

شي جينپيڭ حىناندا تەكسەرۋ جۇرگىزگەندە بىلاي دەپ باسا دارىپتەدى

سەنىمدى بەكەمدەپ، بەرىلە شوگەلدىكپەن ىستەپ، ەرلىكپەن ۇزدىك بولۋعا ۇمتىلىپ، جاڭا داۋىردەگى ورتا جازىقتىڭ اناعۇرلىم كەرەمەت شۇعىلالى تاراۋىن جازايىق

 9 - ايدىڭ 16 - كۇنىنەن 18 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىناندا تەكسەرۋ جۇرگىزدى. سۋرەتتە: 9 - ايدىڭ 16 - كۇنى تۇستەن كەيىن شي جينپيڭ شينياڭ قالاسى شينشيان اۋدانىنداعى حۋبەي - حىنان - انحۇي سوۆەتتىك رايونىنىڭ ورتالىعىنداعى قۇرباندار قابىرستانىنا كەلىپ، توڭكەرىستىك قۇرباندار ەسكەرتكىش سارايىن ىززەت - قۇرمەتپەن كورۋدە. □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

    9 - ايدىڭ 16 - كۇنىنەن 18 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىناندا تەكسەرۋ جۇرگىزدى. سۋرەتتە: 9 - ايدىڭ 17 - كۇنى تۇستەن بۇرىن، شي جينپيڭ شينياڭ قالاسى گۋاڭشان اۋدانى حۋايديان اۋىلىنداعى سىما گۋاڭ ماي بۇرگەن باقشاسىنا كەلىپ، ەڭبەك ىستەپ جاتقان قىستاق تۇرعىندارىمەن جانە باسقارۋشىلارمەن اڭگىمەلەسۋدە. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

 جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا حىناندا تەكسەرۋ جۇرگىزگەندە بىلاي دەپ باسا دارىپتەدى: پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ءبىر تۇتاس ويداعىداي جوسپارلاپ، جاقسى ىستەپ، ءۇش ۇلكەن قامال الۋ شايقاسىن ويداعىداي جۇرگىزىپ، ەكونوميكانىڭ باياندى، اقاۋسىز دامۋىن جانە قوعامنىڭ جاراسىمدى ورنىقتىلىعىن جەبەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، ورتا بولىكتەگى وڭىرلەردىڭ كوركەيۋ بارىسىندا ەرلىكپەن ۇزدىك بولۋعا ۇمتىلىپ، جاڭا داۋىردەگى ورتا جازىقتىڭ اناعۇرلىم كەرەمەت شۇعىلالى تاراۋىن جازۋ كەرەك.

التىن كۇز، ورتا جازىقتىڭ كەڭ بايتاق دالاسى مول ءونىم شاتتىعىنا شومعان، بارلىق جەردەن جالىندى تىرشىلىك لەبى ەسەدى. 9 - ايدىڭ 16 - كۇنىنەن 18 - كۇنىنە دەيىن، شي جينپيڭ حىنان ولكەلىك پارتكومنىڭ شۋجيى ۋاڭ گوشىڭنىڭ، ولكە باستىعى چىن رۇن - ىردىڭ سەرىك بولۋىمەن، ىلگەرىندى - كەيىندى شينياڭ، جىڭجوۋ سياقتى جەرلەرگە بارىپ، توڭكەرىستىك بايىرعى وڭىرلەردى، اۋىل - قىستاقتاردى، كاسىپورىنداردى، ت.ب ىشكەرىلەي ارالاپ، ەكونوميكالىق، قوعامدىق دامۋ جانە ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جاعدايى جونىندە تەكسەرۋ - زەرتتەۋ جۇرگىزدى.

دابيەشان وڭىرىندەگى شينياڭ قالاسىنىڭ شينشيان اۋدانى حۋبەي - حىنان - انحۇي سوۆەتتىك رايونىنىڭ ورتالىعى تۇرعان جەر. 9 - ايدىڭ 16 - كۇنى تۇستەن كەيىن، شي جينپيڭ الدىمەن حۋبەي - حىنان - انحۇي سوۆەتتىك رايونىنىڭ ورتالىعىنداعى قۇرباندار قابىرستانىنا كەلىپ، توڭكەرىستىك قۇرباندار ەسكەرتكىشىن، ەسكەرتكىش سارايىن ىززەت - قۇرمەتپەن كوردى، يىڭشيۇڭ تاۋىنداعى ”قىزىل تۋ جەلبىرەيدى“ نەگىزگى تاقىرىپتىق مۇسىنىنە الىستان كوز جىبەردى.

ەسكەرتكىشتىڭ الدىندا، شي جينپيڭ توڭكەرىستىك ارداگەر قۇرباندارعا قۇرمەتپەن گۇلشارباق قويدى ءارى 3 رەت تاعزىم ەتىپ، توڭكەرىس جەڭىسى جولىندا قىمباتتى ومىرلەرىن ارناعان قاھارمان ۇل - قىزداردى تەرەڭ ساعىنىشپەن ەسكە الدى. ەسكەرتكىش سارايىنىڭ ىشىندە، شي جينپيڭ توڭكەرىستىك قۇربانداردىڭ ىزگى ىستەرى تۋرالى تانىستىرۋدى تىڭداپ، ولاردىڭ ۇلەسىنە جوعارى باعا بەردى. ول بىلاي دەپ باسا دارىپتەدى: بۇل جولعى تەكسەرۋدە حۋبەي - حىنان - انحۇي سوۆەتتىك رايونى ورتالىعىنداعى قۇرباندار قابىرستانىن ءبىرىنشى بەكەت ەتۋدەگى ماقساتىم − جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ قارساڭىندا، توڭكەرىستىك ارداگەر قۇربانداردى ساعىنىشپەن ەسكە الىپ، توڭكەرىستىك قاھارمانداردىڭ رۋحىن جۇباتۋ. ءار جولى توڭكەرىستىك بايىرعى وڭىرلەرگە تەكسەرۋ - زەرتتەۋ جۇرگىزۋگە بارعان سايىن، توڭكەرىستىك تاريحي ەسكەرتكىش ورىندارىن ىززەت - قۇرمەتپەن كورەمىن، مۇنداعى ويىم بۇكىل پارتياداعى جولداستارعا قىزىل بيلىكتىڭ قالاي كەلگەنىن، جاڭا جۇڭگونىڭ قالاي كەلگەنىن، بۇگىنگى باقىتتى تۇرمىستىڭ قالاي كەلگەنىن ۇمىتپاۋدى ەسكەرتۋ، جۇڭگو كوممۋنيستىك پارتياسىنىڭ قاشاندا قىزىل تۋدى بيىك ۇستاپ، جۇڭگوشا سوتسياليزم جولىمەن تاباندىلىقپەن ءجۇرىپ، الدىڭعى اعا بۋىندار اشقان ءىستى ۇزدىكسىز العا ىلگەرىلەتەتىندىگىن اڭعارتۋ.

ونان سوڭ شي جينپيڭ حۋبەي - حىنان - انحۇي سوۆەتتىك رايونى ورتالىعىنىڭ توڭكەرىستىك مۇراجايىنا بارىپ، حۋبەي - حىنان - انحۇي سوۆەتتىك رايونىنىڭ توڭكەرىس تاريحىن ۇعىستى. حۋبەي - حىنان - انحۇي سوۆەتتىك رايونى − جۇڭگو كوممۋنيستىك پارتياسى جەر توڭكەرىسى سوعىسى مەزگىلىندە باسشىلىق ەتىپ قۇرعان بازالاردىڭ ءبىرى، ورتالىق سوۆەتتىك رايونىنان قالسا 2 - ۇلكەن توڭكەرىستىك بازا، مۇندا كوپتەگەن قىزىل ارميا نەگىزگى كۇشى ومىرگە كەلىپ، ”28 جىل قىزىل تۋدى جىقپاعان“ كەرەمەتتى جاراتقان. ازاتتىق سوعىس كەزىندە، بۇل جەر ليۋ بوچىڭ مەن دىڭ شياۋپيڭ قوسىندارىنىڭ مىڭ شاقىرىم جول باسىپ دابيەشانعا جورىق جاساۋداعى تياناعى بولدى. مۇراجايعا كوپتەگەن باعالى توڭكەرىستىك مادەني مۇرالار قويىلىپتى، شي جينپيڭ ايالداپ بايىپپەن كورىپ، ءالسىن - ءالى كوپشىلىكپەن اۋىس - كۇيىس جاساسىپ، داڭقتى جىلداردى ەسكە الدى. شي جينپيڭ بىلاي دەپ باسا دارىپتەدى: ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتىپ، پارتيا مۇشەلەرى، كادرلار پارتيا تاريحىن، جاڭا جۇڭگو تاريحىن كوبىرەك ۇيرەنىپ، قىزىل ءداستۇر تاربيەسىن سانالىلىقپەن قابىلداپ، ۇنەمى ۇيرەنىپ، ۇنەمى جاڭالانىپ، ۇزدىكسىز سەزىپ ءتۇسىنىپ، مۇرات - سەنىمدى بەكەمدەۋى جانە جوعارىلاتۋى كەرەك. توڭكەرىستىك مۇراجاي، ەسكەرتكىش ساراي، پارتيا تاريحى سارايى، قۇرباندار قابىرستانى سياقتىلار − پارتيا مەن مەملەكەتتىڭ قىزىل گەن قامباسى. پارتيانىڭ اڭگىمەلەرىن، توڭكەرىس اڭگىمەلەرىن، بازا اڭگىمەلەرىن، قاھارماندار مەن قۇربانداردىڭ اڭگىمەلەرىن جاقسى بايانداپ، توڭكەرىستىك ءداستۇر تاربيەسىن، وتانشىلدىق تاربيەسىن، جاستار مەن ورەندەردىڭ يدەيا - ءمورال تاربيەسىن كۇشەيتىپ، قىزىل گەندى ويداعىداي جالعاستىرىپ، قىزىل بيلىكتىڭ ءتۇسىنىڭ ماڭگى وزگەرمەۋىنە شىنايى كەپىلدىك ەتۋ كەرەك.

ەكسكۋرسيا اياقتاعاننان كەيىن، شي جينپيڭ مۇراجايدىڭ ىشكى اۋلاسىنا كەلىپ، سول جەردەگى قىزىل ارميا ۇرپاقتارىنىڭ، توڭكەرىستىك قۇرباندار وتباسىلارىنىڭ ۋاكىلدەرىمەن كەزدەسىپ، كوپشىلىكپەن ءبىر - بىرلەپ قول الىسىپ سالەمدەستى. شي جينپيڭ تەبىرەنە بىلاي دەدى: بۇگىن مەن سىزدەرگە امانداسۋ، سىزدەردەن جانە سوۆەتتىك رايونىنداعى بارلىق قىزىل ارميا جاۋىنگەرلەرىنىڭ ۇرپاقتارىنان، توڭكەرىستىك قۇربانداردىڭ وتباسىنداعىلاردان شىنايى حال سۇراۋ ءۇشىن ارنايى كەلدىم. سۋ ىشكەندە قۇدىق قازۋشىنى ۇمىتپا دەگەندەي، توڭكەرىستىك قۇربانداردى ۇمىتۋىمىزعا استە بولمايدى، بايىرعى رايونداعى حالىقتى ۇمىتۋىمىزعا استە بولمايدى، توڭكەرىستىك بايىرعى رايوندى اناعۇرلىم جاقسى گۇلدەندىرىپ، بايىرعى رايونداعى حالىقتىڭ اناعۇرلىم جاقسى تۇرمىس كەشىرۋىنە مۇمكىندىك جاساۋ كەرەك. توڭكەرىستىك بايىرعى رايوندار، كەدەي وڭىرلەر قىزمەتىن جاقسى ىستەپ، بايىرعى رايونداعى بۇقارانىڭ تۇرمىسىن ويداعىداي قامتاماسىز ەتىپ، توڭكەرىستىك قۇربانداردى الاڭسىز ەتۋ كەرەك. قىزىل ارميا ۇرپاقتارىنىڭ، توڭكەرىستىك قۇرباندار وتباسىنداعىلارىنىڭ توڭكەرىستىك رۋحقا مۇراگەرلىك ەتۋدە يلاندىرۋ قۋاتى مەن اسەرلەندىرۋ قۋاتى بار، اعا بۋىنداردىڭ قاھارماندىق اڭگىمەلەرىن كوپشىلىككە، جاس بۋىنعا بايانداپ بەرىپ، ادامداردى پارتياعا باتىلدىقپەن ىلەسىپ، كوركەم تۇرمىستى جۇزەگە اسىرۋ جولىندا كۇرەس جۇرگىزۋگە جىگەرلەندىرۋ كەرەك.

جاڭا جۇڭگونىڭ قۇرىلعانىنا 70 جىل بولدى، بايىرعى رايونداعى حالىقتىڭ تۇرمىسى قانداي؟ مۇنى ەسىنەن شىعارماعان شي جينپيڭ اۆتوموبيلمەن شينشيان اۋدانى تيانپۋ اۋىلىنىڭ تيانپۋ داۋان دەگەن جەرىنە كەلىپ تەكسەرۋ - زەرتتەۋ جۇرگىزدى. تاۋعا جاستانا، سۋدىڭ بويىنا ورنالاسقان، كورىنىسى كوز تارتاتىن بۇل جەر − وزگەشە ەرەكشەلىگى بار ءداستۇرلى قىستاق، بۇل جەردە ورتا جازىق مادەنيەتى، چۋ مادەنيەتى، حۇيپاي مادەنيەتى ءوزارا ءوبىسىپ شۇعىلا شاشقان. تاياۋ جىلداردان بەرى، قىستاق قىزىل ساياحات بايلىعىنا سۇيەنە وتىرىپ، 20 نەشە جاسامپازدار شاعىن دۇكەنىن اشىپ، قىستاق تۇرعىندارىن كەدەيلىكتەن ارىلىپ اۋقاتتانۋعا جەتەكتەدى. شي جينپيڭ قىستاقتىڭ شاعىن جولىمەن جاسامپازدار شاعىن دۇكەنىنە كىرىپ، قولونەر بۇيىمدارىنىڭ ساتىلىمى، حالىقتىق تۇسەلحاناعا قوناق ءتۇسۋ مولشەرى، شاعىن دۇكەننىڭ تيجاراتى سياقتى جاعدايلاردى ۇعىستى. ول اۋىل - قىستاق ساياحاتىن دامىتۋدا جاپپاي شاعىپ، جاپپاي سالۋعا بوي ۇرماي، جەرگىلىكتى جاعدايعا قاراي جەتەكتەي ءبىلىپ، ءداستۇرلى قىستاقتى ويداعىداي جاڭالاۋ، ويداعىداي قورعاۋ كەرەكتىگىن باسا دارىپتەدى.

”لاۋجيا حانشى“ حالىقتىق تۇسەلحاناسىندا شي جينپيڭ قىزمەت وتەۋ قۇرىلعىلارىن ءساپ سالا كورىپ، تۇسەلحانا قوجايىنى حان گۋاڭيىڭنىڭ ءۇي ىشىمەن بىرگە وتىرىپ اڭگىمەلەستى. حان گۋاڭيىڭ باس شۋجيگە ءوزىنىڭ قىزىل ارميانىڭ ۇرپاعى، توڭكەرىستىك قۇربان وتباسىنان ەكەنىن، سوڭعى جىلدارى اۋىل - قىستاق ساياحاتىنا سۇيەنە وتىرىپ كىرىسىن ارتتىرعانىن، سونداي - اق اۋىلداستارىن حالىقتىق تۇسەلحانانى دامىتىپ اۋقاتتانۋ جولىنا تۇسۋگە باستاعانىن ايتتى. شي جينپيڭ مۇنى ەستىپ توتەنشە قۋاندى. ول: مول قىزىل مادەنيەت بايلىعى مەن جاسىل ەكولوگيالىق بايلىققا سۇيەنە وتىرىپ اۋىل - قىستاق ساياحاتىن دامىتىپ، اۋىل - قىستاق ەكونوميكاسىن جانداندىرۋ − اۋىل - قىستاقتى گۇلدەندىرۋدىڭ تاماشا ءادىسى، - دەپ اتاپ كورسەتتى.

قىستاقتان اتتاناردا، اۋىلداستار مەن ساياحاتشىلار قىستاقتىڭ كىرە بەرىسىنە جينالىپ، ”باس شۋجي سالەمەتسىز!“، ”ءتوراعا شي جينپيڭ سالەمەتسىز!“ دەپ اسقاق داۋىسپەن الاقايلادى. شي جينپيڭ كۇلىمسىرەي كوپشىلىككە قول بۇلعاپ قۇرمەت ءبىلدىردى. جۇرتتىڭ اراسىندا باستاۋىش مەكتەپ وقۋشىلارىن كورگەن باس شۋجي قۋانا العا قاراي ءوتىپ ولاردىڭ كىشكەنە قولدارىن ۇستاپ، بەتتەرىن سيپاپ، ولاردى جاقسى ۇيرەنىپ، جان - جاقتى جەتىلۋگە جىگەرلەندىردى.

شينياڭ قالاسىنىڭ گۋاڭشان اۋدانى دابيەشانداعى شوعىرلى تۇتاسقان ەرەكشە كەدەي وڭىرگە ورنالاسقان، ورتالىق كوميتەت كەڭسەسى تۇيىندە تۇرىپ سۇيەمەلدەيتىن كەدەي اۋدان. 9 - ايدىڭ 17 - كۇنى تۇستەن بۇرىن، شي جينپيڭ گۋاڭشان اۋدانى حۋايديان اۋىلىنداعى سىما گۋاڭ ماي بۇرگەن باقشاسىنا بارىپ تەكسەرۋ - زەرتتەۋ جۇرگىزدى. ماي بۇرگەن باقشاسىنىڭ كورمە زالىندا شي جينپيڭ گۋاڭشان اۋدانىنىڭ ماي بۇرگەن كاسىبىن دامىتۋ، كەدەيلىكتەن ارىلۋدى ىلگەرىلەتۋدىڭ جالپى جاعدايىن تاپتەشتەي ۇعىستى. سەبەزگى جاڭبىر جاۋىپ، ماي بۇرگەن باقشاسى ونان ارى جاسىل تۇسكە ەندى. شي جينپيڭ ەڭبەك ىستەپ جۇرگەن قىستاق تۇرعىندارىمەن جانە باسقارۋشىلارمەن اڭگىمەلەسىپ، ماي بۇرگەننىڭ ەگىلۋ جانە جەمىس بەرۋ جاعدايىن تەكسەرىپ، اۋىلداستاردىڭ وتباسى، جۇمىس جانە كىرىس جاعدايىن سۇرادى. كوپشىلىك باس شۋجيگە سوڭعى جىلداردا ماي بۇرگەن ەگۋ، وڭدەۋ كاسىبى ارقىلى كەدەي وتباسىلارىنىڭ كەدەيلىكتەن ارىلىپ، قىستاق تۇرعىندارىنىڭ تۇرمىستارىنىڭ جاقسارعانىن ايتتى. شي جينپيڭ بىلاي دەپ باسا دارىپتەدى: قاعىر تاۋدان پايدالانىپ ماي بۇرگەن ەگۋدى جالپىلاستىرۋ بۇقارانىڭ جاقىن ماڭدا جۇمىستانۋىن ىلگەرىلەتىپ، بۇقارانىڭ كەدەيلىكتەن ارىلىپ اۋقاتتانۋىنا جەتەكشىلىك ەتتى ءارى ەكولوگيالىق ورتانى جاقسارتىپ، كوپ جاقتان پايداعا كەنەلتتى. شارۋالاردى ۇيىمداستىرىپ، بازارعا بەت الىپ، ”سەرىكتەستىك + شارۋا وتباسى“ ۇلگىسىن جالپىلاستىرىپ، مۇددە ىقپالداستىعى مەحانيزمىن ورناتىپ، ءار جاقتىڭ بىرگە پايداعا كەنەلۋىنە مۇمكىندىك جاساۋ كەرەك. جاسىل دامۋ جولىمەن جۇرۋگە تاباندى بولىپ، جاڭا تەحنيكانى جالپىلاستىرىپ، جىنتىكتەي وڭدەۋدى دامىتىپ، ماي بۇرگەن كاسىبىن ساپالىلاندىرىپ، ۇلعايتىپ، ەكونوميكانىڭ دامۋىن، شارۋالار كىرىسىنىڭ ارتۋىن، ەكولوگيانىڭ جاقسارۋىن جۇزەگە اسىرۋعا قۇلشىنۋ كەرەك.

ىلە - شالا شي جينپيڭ اۆتوموبيلمەن گۋاڭشان اۋدانىنىڭ باتىس وڭتۇستىك بولىگىندەگى ۋىنشۋ اۋىلىنىڭ دۇڭيۋە قىستاعىنا باردى. قىستاقتا ارحيۆ تۇرعىزىلىپ كارتچكالانعان 145 كەدەي وتباسى، 585 كەدەي بار بولاتىن، كەدەيلىكتەن ارىلتۋدان قامال الۋ شايقاسى باستالعاننان بەرى، ءار جاقتىڭ بىرگە قۇلشىنۋىندا، 2018 - جىلى بۇكىل قىستاق تۇتاسىمەن كەدەيلىكتەن ارىلدى. شي جينپيڭ قىستاقتىڭ مادەنيەت كۇتىپ الۋ ورتالىعىنا كەلىپ، گۋاڭشان اۋدانىنىڭ كەدەيلىكتەن ارىلتۋ قىزمەتى مەن ورتالىق كوميتەت كەڭسەسىنىڭ گۋاڭشان اۋدانىندا كەدەيلەردى سۇيەمەلدەۋ قىزمەتىنىڭ جاعدايىن ۇعىستى. وسى جىلداردا دۇڭيۋە قىستاعى ”مىڭ بوياۋلى اتىز“ كاسىبى ارقىلى كەدەيلەردى سۇيەمەلدەۋدى كۇش سالا ىلگەرىلەتىپ، قىستاقتىڭ ەلەكتروندى ساۋدا قىزمەت وتەۋ ورتالىعىن قۇرىپ، قىستاقتىڭ اۋىل شارۋاشىلىعى قوسىمشا ونىمدەرىن بۇكىل ەلدىڭ جەر - جەرىنە ساتتى. شي جينپيڭ كۇرىش قارما، ايكۇلشە، سۇرلەنگەن كۇنجىتتى ۇيرەك جۇمىرتقاسى، قارا شوشقا ءسۇرى ەتى، ءتاتتى كارتوپ بالدىرشاسى، ءتاتتى كۇرىش شارابى سياقتى ”گۋاڭشاننىڭ 10 اسىلى“ جانە گۋاڭشاننىڭ مامىق كيىمى سياقتى ەرەكشە ونىمدەرىن كورىپ، ونىمدەردىڭ بازارداعى ساتىلىمىن جانە قىستاق تۇرعىندارىنىڭ كەدەيلىكتەن ارىلۋىنا جەتەكشىلىك ەتۋ رولىن ەگجەي - تەگجەيلى سۇرادى. ول بىلاي دەپ باسا دارىپتەدى: اۋىل - قىستاقتىڭ ەلەكتروندى ساۋدا جانە جەدەل جولداما كاسىبىن بەلسەنە دامىتىپ، اۋىل شارۋاشىلىعى ونىمدەرىنىڭ ساتىلۋ ارناسىن كەڭەيتىپ، شارۋالاردىڭ كىرىسىن ارتتىرۋ كەرەك. ۇنەمشىلدىك ىستەپ قورشاعان ورتانى قورعاۋعا كوڭىل ءبولىپ، شەكتەن تىس قوراپتاۋدى تەجەپ، ىسىراپشىلدىقتان جانە قورشاعان ورتانى لاستاۋدان ساقتانۋ كەرەك. گۋاڭشاننىڭ بارابان تەاترى مەملەكەت دارەجەلى بەيزاتتىق مادەنيەت مۇرالارىنىڭ ۋاكىلدىك تۇرلەرى تىزىمىنە ەنگىزىلىپتى. سول جەردە 2 بارابان تەاترى ارتيسى باس شۋجيگە جاڭا جاسالعان بارابان تەاترىن ورىنداپ بەردى، قىزۋ قول شاپالاق ءۇنى كوتەرىلدى.

شي جينپيڭ ورتالىق كوميتەت كەڭسەسىنىڭ گۋاڭشان اۋدانىنا جىبەرىلگەن كەدەيلەردى سۇيەمەلدەۋگە سايكەستى مىندەتپەن جىبەرگەن جولداستاردى قابىلدادى ءارى جەرگىلىكتى ورىننىڭ كەدەيلىكتەن ارىلىپ، اۋقاتتانۋ باستاماشىلارىمەن ىقىلاسپەن اڭگىمەلەستى. شي جينپيڭ مىنالاردى ءبىلدىردى: گۋاڭشان اۋدانى بيىل كەدەي اۋدان تىزىمىنەن شەگەرىلدى، كەدەيلىك قالپاعىن الىپ تاستادى، قامال الۋ رۋحىن بوساڭسىتۋعا بولمايدى. تاماشا تۇرمىسقا تالپىنىس ماڭگىلىك نەگىزگى تاقىرىپ، ماڭگى جالعاسادى. كەدەيلىكتەن ارىلتۋدان قامال الۋدا، ءارى اقىل - پاراسات جاعىنان سۇيەمەلدەۋ، ءارى ەرىك - جىگەر جاعىنان سۇيەمەلدەۋ قاجەت، ءارى قان قۇيۋ، ونان دا ماڭىزدىسى، قان جاساۋ كەرەك، قان جاساۋ مەحانيزمىن ورناتىپ، اۋقاتتانۋدىڭ ىشكى قوزعاۋشى كۇشىن كۇشەيتۋ، قايتا كەدەيلەسۋدىڭ الدىن الۋ كەرەك. ءوز كۇشىنە سۇيەنىپ ءومىر ءسۇرۋ، تالىقپاي تالپىنۋ رۋحىن ساۋلەلەندىرىپ، كەدەيلىكتەن ارىلىپ عانا قالماي، ونىڭ ۇستىنە اۋقاتتانۋ كەرەك، اۋقاتتانۋ جولىندا ۇزدىكسىز ۇمتىلىس جاساپ، اناعۇرلىم ىرعىن تاماشا تۇرمىسقا بەت الۋ كەرەك. كەدەيلىكتەن ارىلتۋدان قامال الۋ − حالىقتىڭ قولداۋىنا تەرەڭ يە بولعان حالىق تىلەگى ينجەنەرياسى. پارتيانىڭ ساياساتى قانشا جاقسى بولعانىمەن، تاعى دا كوپشىلىكتىڭ تياناقتاندىرۋىنا سۇيەنەدى. نەگىزگى ساتى پارتيا ۇيىمى قۇرىلىسىن پارمەندى جاۋىنگەر قورعانعا اينالدىرىپ، پارتيا ورتالىق كوميتەتى العا قويعان كەلەلى مىندەتتەردى نەگىزگى ساتىنىڭ ناقتى قىزمەتىنە اينالدىرىپ، مىقتاپ يگەرۋ، شىنايى يگەرۋ، يگەرۋدەن ناتيجە شىعارۋ كەرەك.

9 - ايدىڭ 17 - كۇنى تۇستەن كەيىن، شي جينپيڭ جىڭجوۋ كومىر كەن ماشينالارى توبى جارنا شەكتى سەرىكتەستىگىنە كەلدى. بۇل مەملەكەت دارەجەلى جوعارى، جاڭا تەحنيكا كاسىپورنى بولىپ، 60 نەشە جىلدىق دامۋدى وتكەرىپ، بۇكىل دۇنيە جۇزىندەگى ماڭىزدى كومىر كەن جالپىلىق قازۋ تەحنيكاسىمەن جانە جابدىقپەن قامداۋشىعا، حالىقارالىق وزىق اۆتوكولىك بولشەكتەرىن جاساۋ كاسىپورنىنا اينالدى. كاسىپورىننىڭ كورمە زالىندا، شي جينپيڭ كاسىپورىننىڭ عىلىم - تەحنيكادا جاڭالىق اشۋدى ورىستەتۋ، شەتەلدەردەن بىرىكتىرىپ ساتىپ الۋ، ونىمدەردىڭ تيبىن جاڭالاپ، دارەجەسىن ءوسىرۋدى ىلگەرىلەتۋ جاعدايى جونىندەگى تانىستىرۋدى تىڭدادى. باس قۇراستىرۋ سەحىندا، كومىر كەن سۇيىقتىق قىسىم تىرەۋىش ونىمدەرى رەتتى قويىلىپتى، شي جينپيڭ سۇيىقتىق قىسىم تىرەۋىشىنىڭ مەڭگەرۋ بارىسىن دەن قويا كوردى. ول بىلاي دەپ باسا دارىپتەدى: جاساۋ كاسىبى ناقتى ەكونوميكانىڭ نەگىزى، ناقتى ەكونوميكا ەلىمىزدىڭ دامۋداعى نەگىزدىك قورى، بولاشاق دامۋ ستراتەگياسىنىڭ باسىمدىعىن سومدايتىن ماڭىزدى تىرەك. كاسىپ سالاسىنىڭ تيبىن جاڭالاپ، دارەجەسىن ءوسىرۋدى باتىل ىلگەرىلەتىپ، دەربەس جاڭالىق اشۋدى كۇشەيتىپ، جوعارى دەڭگەيلى جاساۋدى، زەردەلى جاساۋدى دامىتىپ، ەلىمىزدىڭ جاساۋ كاسىبىن جانە ناقتى ەكونوميكاسىن جوعارىلاتىپ، ەلىمىز ەكونوميكاسىنىڭ سانىنىڭ كوپ بولۋدان ساپاسىنىڭ كۇشتى بولۋىنا قاراي بۇرىلىس جاساۋىن ىلگەرىلەتىپ، ”قوس 100 جىلدىق“ كۇرەس نىساناسىن تىڭعىلىقتى جۇزەگە اسىرۋ كەرەك.

حۋاڭحى − جۇڭحۋا ۇلتىنىڭ انا وزەنى، جۇڭحۋا وركەنيەتىنىڭ بەسىگى. پارتيا 18 - قۇرىلتايىنان بەرى، باس شۋجي شي جينپيڭ حۋاڭحى وزەنى اعارىنىڭ ەكولوگياسىن قورعاۋ جانە دامۋ جاعدايىن تالاي رەت جۇمىس ۇستىندە تەكسەرىپ، ءۇش وزەن قاينارى، چيليانشان، چينليڭ سياقتى ءتۇيىندى وڭىرلەردىڭ ەكولوگياسىن قورعاۋ قۇرىلىسى جونىندە تالاي رەت تالاپ قويدى. 9 - ايدىڭ 17 - كۇنى تۇستەن كەيىن، شي جينپيڭ حۋاڭحى مۇراجايىنا بارىپ، كورمە زالىنا كىرىپ، كورمەنى ەكسكۋرسيالاپ، حۋاڭحى وزەنى اعارىنىڭ وركەنيەتتى دامۋ، سۋ اپاتىن جونگە سالۋ، ەكولوگيانى قورعاۋ سياقتى تاريحي وزگەرىستەرىن ۇعىستى. شي جينپيڭ اۋىق - اۋىق ايالداپ كورمەگە قويىلعان مادەني مۇرا ۇلگىلەرىنە، تاريحي حۇجاتتارعا جانە سۋرەتكە، كەستەگە ۇڭىلە قاراپ، قاتىستى ماسەلەلەر جونىندە كوپشىلىكپەن اۋىس - كۇيىس جاساسىپ، پىكىر اۋىستىرىپ، جۇڭحۋا ۇلتىنىڭ حۋاڭحى وزەنىنىڭ سۋ اپاتىمەن كۇرەس جۇرگىزۋ بارىسىندا ايگىلەگەن قايىسپاس قايسار، ايانباي ايقاساتىن كۇرەسكەرلىك رۋحىن تولىق تۇراقتاندىردى.

شي جينپيڭ وسىدان كەيىن اۆتوكولىككە وتىرىپ، حۋاڭحى وزەنى مەملەكەتتىك گەولوگيالىق باقشاسىنىڭ لينحى الاڭىنا كەلىپ، حۋاڭحى وزەنى جاعاسىندا جاياۋ ءجۇرىپ، ماڭىنداعى ورتانى تەكسەرىپ كورىپ، حۋاڭحى بويىنداعى وڭىرلەردىڭ ەكولوگياسىن قورعاۋ، سۋ بايلىعىنان پايدالانۋ، توسپا قۇرىلىسى جانە تاسقىننان ساقتانۋ جاعدايى سياقتى احۋالدارىن تىڭدادى. لينحى الاڭىنىڭ كورىنىس تاماشالاۋ تۇعىرىندا، شي جينپيڭ حۋاڭحى وزەنىنىڭ جىڭجوۋ بولىگىنە كوز جىبەردى. اسقار تاۋ، كەڭ كوسىلگەن وزەن، بىتىك وسكەن ورمان، ءشوپ، بار الاپتان جالىندى تىرشىلىك لەبى ەسەدى. شي جينپيڭ بىلاي دەپ اتاپ كورسەتتى: جاڭا جۇڭگو قۇرىلعان العاشقى تۇستا، ماۋ زىدۇڭ جولداس ”حۋاڭحى وزەنىنىڭ ءىسىن ويداعىداي ىستەيىك“ دەگەن ۇلى ۇندەۋ شىعاردى. 70 جىلدان بەرى، پارتيا حالىققا باسشىلىق ەتىپ، حۋاڭحىنى جونگە سالۋ ىستەرىنىڭ جاڭا تاراۋىن اشتى، حۋاڭحى وزەنىنىڭ جىلدار بويى تىنىشتىق ورناعان تاريحي حيكىمەتىن جاراتتى. اماليات: تەك جۇڭگو كوممۋنيستىك پارتياسىنىڭ باسشىلىعىندا، سوتسياليستىك ءتۇزىمنىڭ باسىمدىعىن ساۋلەلەندىرگەندە عانا، حۋاڭحى وزەنىن جونگە سالۋدىڭ ىرىقسىزدىقتان ىرىقتىلىققا دەيىنگى تاريحي بۇرىلىسىن شىنايى جۇزەگە اسىرىپ، حۋاڭحى وزەنىنىڭ 3 جىلدا 2 رەت ارنا بۇزۋداي ايانىشتى جاعدايىن تۇبىرىنەن وزگەرتۋگە مۇمكىندىك بولعاندىعىن دالەلدەدى.

9 - ايدىڭ 18 - كۇنى تۇستەن كەيىن، شي جينپيڭ حۋنان ولكەلىك پارتكومنىڭ جانە ولكەلىك ۇكىمەتتىڭ قىزمەت مالىمەتىن تىڭداپ، حىناننىڭ ءتۇرلى قىزمەتتەردە قول جەتكىزگەن ناتيجەسىن تۇراقتاندىردى. شي جينپيڭ بىلاي دەپ باسا دارىپتەدى: كەزەكتە ەلىمىزدىڭ دامۋ جاعدايى جاقسى، الايدا حالىقارالىق جاعداي ءالى دە قىم - قۋىت، كۇردەلى، ەلىمىزدىڭ دامۋى جاڭا حاۋىپ - قاتەرلەرگە، سىن - سايىستارعا ءدوپ كەلىپ وتىر، ءبىز، ءسوز جوق، ءوز ءىسىمىزدى ويداعىداي ىستەۋىمىز كەرەك. حىنانداعى قالىڭ كادرلاردان، جۇرتشىلىقتان ولكەلىك پارتكومنىڭ جانە ولكەلىك ۇكىمەتتىڭ باسشىلىعىندا، سەنىمدى بەكەمدەپ، قاجىرلىلىقپەن بەرىلە ىستەپ، ۇزدىك ناتيجەلەر ارقىلى جاڭا جۇڭگو قۇرىلعاندىعىنىڭ 70 جىلدىعىن قارسى الىپ، تاريحقا ءتان، داۋىرگە ءتان، حالىققا ءتان جاڭا دا اناعۇرلىم زور ناتيجەلەردى جاراتۋعا قۇلشىنۋلارىن ءۇمىت ەتەمىن.

شي جينپيڭ بىلاي دەپ اتاپ كورسەتتى: ەكونوميكانىڭ جوعارى ساپالى دامۋىن ىلگەرىلەتىپ، ورتا بولىك وڭىرلەرىن كوركەيتۋدى جەبەۋ ستراتەگيالىق ورايىن مىقتاپ يگەرىپ، ولكە جاعدايىنىڭ ءىس جۇزىندىگىن تياناق ەتىپ، ارتىقشىلىقتاردى ساۋلەلەندىرىپ، ولقىلىقتاردى تولىقتاپ، جاساۋ كاسىبىنىڭ جوعارى ساپالى دامۋىن نەگىزگى قامال الۋ بەتالىسى ەتىپ، جاڭالىق اشۋدى دامۋ جالپى جاعدايىنىڭ كورنەكتى ورنىنا قويىپ، كەلەلى نەگىزدىك قۇرىلعى قۇرىلىسىن كۇشەيتىپ، ادامدى وزەك ەتە وتىرىپ، جاڭاشا قالا - قالاشىقتاندىرۋدى ىلگەرىلەتۋگە تاباندى بولىپ، رەفورما ادىستەرىنەن پايدالانىپ، ەكونوميكالىق، قوعامدىق دامۋداعى كورنەكتى ماسەلەلەردى شەشۋگە شەبەر بولىپ، ”ءبىر بەلدەۋ، ءبىر جول“دى بىرگە قۇرۋعا بەلسەنە توعىسىپ، ىشكى قۇرلىقتىڭ ەسىك اشۋ بەلەسىن تۇلعالاۋدى جەدەلدەتۋ، وسىزاماندانعان ەكونوميكالىق جۇيە قۇرۋدى جەدەلدەتۋ كەرەك.

شي جينپيڭ بىلاي دەپ باسا دارىپتەدى: اۋىل - قىستاقتى گۇلدەندىرۋ ستراتەگياسىن تىڭعىلىقتى اتقارىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن بەلسەنە ىلگەرىلەتىپ، استىق سىندى وسى وزەكتى باسەكەلىك قۋاتتى مىقتاپ يگەرىپ، اۋىل شارۋاشىلىعى قۇرىلىمىن ۇزدىكسىز رەتتەپ، ساپالىلاندىرىپ، ساپالى استىق ينجەنەرياسىن ىشكەرىلەي ىلگەرىلەتىپ، ەگىستىك جەردى قورعاۋدى جانە جەر قۇنارلىلىعىن جوعارىلاتۋدى ويداعىداي يگەرۋدى كورنەكتىلەندىرىپ، جوعارى ولشەمدى ەگىنجاي قۇرىلىسىن ىلگەرىلەتۋدى جەدەلدەتىپ، استىق بازارى مەن اينالىم جۇمىسىن ويداعىداي ىستەپ، جەر ءتۇزىمى رەفورماسىن بەلسەنە، ورنىقتى ىلگەرىلەتىپ، كەدەيلىكتەن ارىلتۋدان قامال الۋ ستراتەگياسىمەن ءونىمدى ۇشتاسۋىن كۇشەيتىپ، اۋىل - قىستاقتى گۇلدەندىرۋ بارىسىندا اۋىل شارۋاشىلىعىندا قۋاتتى ولكە قۇرۋ نىساناسىن جۇزەگە اسىرۋ كەرەك.

شي جينپيڭ بىلاي دەپ اتاپ كورسەتتى: ەكولوگيانى قورعاۋ قىزمەتىنە وسكەلەڭ ءمان بەرىپ، تۇنىق سۋ مەن جاسىل تاۋ − باعالى بايلىق دەيتىن ۇستانىمدى مىقتاپ ورناتىپ، ەكولوگيالىق ورتا ماسەلەسىن قاينارىنان شەشىپ، كاسىپ سالاسى قۇرىلىمى جانە ەنەرگيا قۇرىلىمى دارەجەسىن ءوسىرىپ، ساپالىلاندىرۋدى ءۇرتىس ىلگەرىلەتىپ، جاسىل تومەن كومىرتەكتى اينالمالى داميتىن ەكونوميكالىق جۇيەنى تۇلعالاۋعا قۇلشىنىپ، اشىق اسپان، تۇنىق سۋ، تازا توپىراقتى قورعاۋ شايقاسىنىڭ جەڭىسىنە باتىل قول جەتكىزىپ، تاۋ، سۋ، ورمان، اتىز، كول، جايلىم جۇيەسىن جونگە سالۋدى ءبىر تۇتاس جوسپارلاپ ىلگەرىلەتىپ، حۋاڭحى جاعالاۋىنىڭ ەكولوگياسىن ويداعىداي قورعاپ، جاراتىلىستىق ەكولوگيالىق جۇيەنىڭ ساپاسى مەن ورنىقتىلىعىن جوعارىلاتۋ كەرەك.

شي جينپيڭ بىلاي دەپ باسا دارىپتەدى: حالىق تۇرمىسىن شىنايى قامتاماسىزداندىرىپ جانە جاقسارتىپ، بار كۇشىن سالۋعا، شاماعا قاراي ىستەۋگە تاباندى بولىپ، بۇقارا اسىعاتىن، قاجەت ەتەتىن، اڭسايتىن حالىق تۇرمىسى ناقتى ىستەرىن ويداعىداي ىستەۋ كەرەك. نازاردى ”ءۇش تاۋ، ءبىر قايراڭ“، اسىرەسە، دابيەشان توڭكەرىستىك بايىرعى رايونى سياقتى اۋىر كەدەي وڭىرلەردىڭ جانە ەرەكشە كەدەي قاۋىمنىڭ قامال الۋدى اتقارۋىنا شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋگە كۇش سالۋ كەرەك. جۇمىستاندىرۋعا، شارۋاشىلىق قۇرۋعا ىنتالاندىراتىن اناعۇرلىم كوپ شارانى ورتاعا قويىپ، جوعارى مەكتەپتەردەن وقۋ تاۋىسقان وقۋشىلار، قوسىننان شەگىنگەن اسكەريلەر، جۇمىس ورنىنان بوساعان جۇمىسشى - قىزمەتكەرلەر، شارۋا جۇمىسكەرلەر، اۋىلىنا قايتا ورالعاندار سياقتى ءتۇيىندى قاۋىمدى جۇمىستاندىرۋ ماسەلەسىن ءتۇيىندى تۇردە ويداعىداي شەشۋ كەرەك. قوعام اماندىعىن جالپىلىق جونگە سالۋدى كۇشەيتىپ، نەگىزگى ساتىنىڭ قوعامدىق جونگە سالۋ قابىلەتىن جوعارىلاتىپ، حالىق بۇقاراسىنا تىنىش ءومىر، شات - شادىمان تۇرمىس كەشىرەتىن قوعامدىق ورتا جاراتۋ كەرەك.

شي جينپيڭ بىلاي دەپ اتاپ كورسەتتى: مادەنيەتتىڭ گۇلدەنىپ - كوركەيۋىن ىلگەرىلەتىپ، ءداستۇرلى مادەنيەتكە مۇراگەرلىك ەتىپ، وعان جاڭالىق اشىپ، دامىتىپ، يدەولوگيا قىزمەتىنىڭ جاۋاپكەرشىلىك ءتۇزىمىن قاتاڭ تياناقتاندىرىپ، اقپارات قۇرالدارىنىڭ توعىسىپ، تەرەڭدەي دامۋىن ىلگەرىلەتىپ، جالپىلىق اقپارات قۇرالدارىن قۇرىپ، تور مازمۇنى قۇرىلىسىنا اناعۇرلىم ءمان بەرىپ، تور كەڭىستىگىنىڭ تاماشا سالتقا تولى بولۋىنا مۇمكىندىك جاساۋ كەرەك.

شي جينپيڭ بىلاي دەپ باسا دارىپتەدى: ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ 1 - توپتاعىسى اياقتاپ، 2 - توپتاعىسى ەندى باستالدى. ءار دارەجەلى پارتكومدار 1 - توپتاعى نەگىزگى تاقىرىپتىق تاربيە تابىسىن قورىتىندىلاپ، ويداعىداي قولدانىپ، 2 - توپتاعى نەگىزگى تاقىرىپتىق تاربيەنى ويداعىداي يگەرۋ كەرەك. 2 - توپتاعى نەگىزگى تاقىرىپتىق تاربيەسى دارەجە بويىنشا تومەنگە ءتۇسىرىلدى، ونىڭ جەلىسى ۇزاق، اياسى كەڭ. تۇرگە ءبولىپ جەتەكشىلىك ەتۋگە باسا ءمان بەرىپ، فورماشىلدىقتى، تورەشىلدىكتى باتىل تەجەپ، نەگىزگى ساتىنىڭ جۇگىن جەڭىلدەتۋگە باسا ءمان بەرىپ، اشىق ۇستاپ، تاربيەنى يگەرۋگە باسا ءمان بەرىپ، بۇقارا ەڭ اسىعاتىن، ەڭ ۋايىمدايتىن، ەڭ اڭسايتىن كوكەي تەستى ماسەلەلەردى شەشۋگە باسا ءمان بەرىپ، پارتيا ورتالىق كوميتەتىنىڭ نەگىزگى تاقىرىپتىق تاربيە جونىندەگى ءتۇرلى تالاپتارىن شىنايى ناقتى تياناقتاندىرۋ كەرەك.

شي جينپيڭ بىلاي دەپ اتاپ كورسەتتى: حۋبەي - حىنان - انحۇي سوۆەتتىك رايونى بازاسى پارتيامىزدىڭ ماڭىزدى پارتيا قۇرىلىسى بازاسى، جياۋ يۇيلۋ رۋحى، قىزىل تۋ توعانى رۋحى، دابيەشان رۋحى سياقتىلاردىڭ بارلىعى پارتيامىزدىڭ قىمباتتى رۋحاني بايلىعى. نەگىزگى تاقىرىپتىق تاربيە ورىستەتۋدە، قالىڭ پارتيا مۇشەلەرىنىڭ، كادرلاردىڭ قىزىل ءتۇستى تاربيە الۋ بارىسىندا اۋەلگى ماقساتتان اينىماۋىنا، بورىش ارقالاۋىنا مۇمكىندىك جاساپ، توڭكەرىستىك ارداگەر قۇربانداردىڭ كۇرەس جۇرگىزگەن، قۇربان بولعان ۇلى ىستەرىن كۇش سالا العا ىلگەرىلەتۋ كەرەك.

ديڭ شۋەشياڭ، ليۋ حى، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار تەكسەرۋدە بىرگە بولدى.

تەكسەرۋ كەزىندە، شي جينپيڭ حىناندا تۇراتىن اسكەري بولىمدەردىڭ ورىنباسار شى مىندەتتەن جوعارى باسشى كادرلارىن جانە تۋان دارەجەلى ورىنداردىڭ نەگىزگى باسشىلارىن جىڭجوۋدا ىستىق ىقىلاسپەن قابىلداپ، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان حىناندا تۇراتىن اسكەري ءبولىمنىڭ بارلىق كوماندير - جاۋىنگەرلەرىنە شىنايى سالەم جولدادى ءارى كوپشىلىكپەن توپتىق سۋرەتكە ءتۇسىپ، ەستەلىك قالدىردى. جاڭ يوۋشيا قابىلداۋدا بىرگە بولدى.