ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 6 – ايدىڭ 20 - كۇنى ارناۋلى ۇشاقپەن پيوڭياڭعا بارىپ، چاۋشيان دەموكراتيالىق حالىق رەسپۋبليكاسىنداعى مەملەكەتتىك ساپارىن باستادى.
سول جەر ۋاقىتى بويىنشا ساعات 12 مولشەرىندە شي جينپيڭ وتىرعان ارناۋلى ۇشاق پيڭرۇن - ان اۋەجايىنا قوندى. جاڭبىردان كەيىن كۇن قايتا اشىلىپ، شۋدا – شۋدا اقشا بۇلت قالىقتاپ جاتتى، اۋا رايى جانعا جايلى ەدى، بارلىق جەر جاسىل جەلەك جامىلىپ، گۇلدەي قۇلپىرعان، بۇكىل قالا دوستىق شۋاعىنا، قىزۋ مەرەيگە شومدى. اۋەجايدا جۇڭگو مەن چاۋشياننىڭ مەملەكەت تۋى جەلبىرەپ جەلبىرەپ تۇر، «جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، جۇڭحۋا حالىق رەسپۋبليكاسىنىڭ ءتوراعاسى شي جينپيڭ جولداستى قىزۋ قارسى الامىز »، «چاۋشيان مەن جۇڭگو حالقى اراسىنداعى مىزعىماس دوستىق ىنتىماق جاساسىن» دەگەن ۇراندار بيىك ءىلىنىپ، مولشەرى 10 مىڭعا جۋىق بۇقارا رەتتى ساپ تۇزەپ، قولدارىنا ۇستاعان گۇلدەرىن بۇلعاپ، شات - شادىمان ۇران جانە ىقىلاستى، مەيىرلى جۇزبەن قادىرلى جۇڭگولىق قوناقتى قارسى الدى. چاۋشيان ەڭبەك پارتياسىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇن مەن حانىمى ري سول - جۋ اۋەجايعا بارىپ قارسى الدى.
چاۋشيان بۇقاراسىنىڭ تەڭىزدەي تولقىعان شاتتىق ءۇنى ىشىندە شي جينپيڭ مەن حانىمى پىڭ لييۋان ۇشاق ەسىگىنەن شىققاندا، كيم جوڭ - ۇن مەن حانىمى ري سول - جۋ ۇشاق باسپالداعىنىڭ جانىندا قىزۋ قارسى الدى. شي جينپيڭ ۇشاق باسپالداعىنان ءتۇسىپ، كيم جوڭ - ۇنمەن ىقىلاسپەن قول الىسىپ امانداستى. چاۋشيان بالالارى شي جينپيڭ مەن پىڭ لييۋانعا گۇل ۇسىندى. ءتوراعا شي جينپيڭ قارسى الۋعا كەلگەن چاۋشياننىڭ جوعارى دارەجەلى مانساپتىلارىمەن ءبىر - بىرلەپ قول الىسىپ قۇرمەت ءبىلدىردى.
چاۋشيان جاق اۋەجايدا سالتاناتتى قارسى الۋ سالتىن وتكىزدى. 21 رەت قۇرمەت ساليۋتى اتىلىپ، اسكەري وركەستر جۇڭگو مەن چاۋشياننىڭ مەملەكەت گيمنىن ورىندادى، شي جينپيڭ كيم جوڭ - ۇننىڭ سەرىك بولۋىندا چاۋشيان حالىق ارمياسى 3 - ارمياسىنىڭ قۇرمەت قاراۋىلىن كوزدەن كەشىردى ءارى بولەك – بولەك ورىندالعان كونسەرت نومىرلەرىن كوردى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى ساپارلاستارى سول ۇشاقپەن بىرگە باردى.
جۇڭگونىڭ چاۋشياندا تۇراتىن باس ەلشىسى لي جينجۇن دە اۋەجايعا بارىپ قارسى الدى.
چاۋشياننىڭ پارتيا مەن مەملەكەت باسشىلارىنان پۋ فىڭجۋ، لي يۇڭحاۋ، لي ۋانجيان، لي جۋيۇڭ، سۇي حۇي، جين يىڭجى، جين شيۋجي، لي يۇڭجي، نۋگۋاڭتيە، لي لۇڭنان، جين يۇجىڭ قاتارلىلار اۋەجايدى قارسى الۋ سالتىنا قاتىناستى.
قارسى الۋ سالتى اياقتاعاننان كەيىن، 21 قۇرمەت موتوتسيكلىنىڭ قورعاۋىندا شي جينپيڭ اۆتوكولىكپەن جينشيۋشان قوناق ۇيىنە باردى. جول بويىنداعى نەشە ءجۇز مىڭ بۇقارا جۇڭگو مەن چاۋشياننىڭ مەملەكەت تۋى مەن الۋان ءتۇستى گۇلدەرىن بۇلعاپ، جۇڭگو مەن چاۋشياننىڭ دوستىعى جاساسىن دەگەن ۇرانداردى قىزۋ مەرەيمەن اسقاقتاتىپ، جولاي قارسى الدى.
شي جينپيڭ ليميڭ كوشەسىنىڭ جول اۋزىنا بارىپ، اشىق اۆتوموبيلگە وتىرىپ، كيم جوڭ - ۇنمەن بىرگە جينشيۋشان كۇن سارايى الاڭىنا باردى. كوشەنىڭ ەكى جاعاسى ادام تەڭىزىنە اينالدى، مۇنداي سالتاناتتى جاعداي بۇرىن – سوڭدى بولماعان ەدى. جۇرتشىلىق بيىك بەتكەيدە تۇرىپ، تۇرعىن ءۇي عيماراتىنىڭ تەرەزەسىنەن جۇڭگولىق سيلى قوناققا قۇرمەت ءبىلدىردى. بارلىق جەردەن جىلى ءجۇزدى ادامداردى كورەسىز، دوستىقتىڭ شاتتىق ءۇنى تولاستامادى. شي جينپيڭ مەن كيم جوڭ - ۇن قارسى العان جۇرتشىلىققا ءالسىن - ءالى قول بۇلعاپ قۇرمەت ءبىلدىردى.
شۋاقتى كۇن نۇرىندا جينشيۋشان كۇن سارايى الاڭى ەرەكشە ايباتتى كورىنەدى، كيم ەرسەن مەن كيم چەن – يردىڭ ۇلكەن سۋرەتتەرى بيىككە قاتار ءىلىنىپ، ۇلكەن گۇل تەكشەلەرى كەڭ الاڭنىڭ ورتاسىنا جايىپ قويىلعان، حوش ءيىسى اڭقىپ، جاسىل تۇسكە ەنگەن. مەرەكەلىك كيىمدەرىن كيىپ قارسى العان جۇرتشىلىق ساپ تۇزەپ تۇردى. شي جينپيڭ جەتكەن كەزدە سان مىڭداعان ءتۇستى اۋا شارى اسپانعا كوتەرىلدى. شي جينپيڭ مەن پىڭ لييۋان كيم جوڭ - ۇن مەن ري سول - جۋدىڭ سەرىك بولۋىندا وسى ارادا چاۋشياننىڭ پارتيا، ۇكىمەت باسشى كادرلارى مەن پيوڭياڭ قالا تۇرعىندارى ۋاكىلدەرىنىڭ قۇرمەتىن قابىلداپ، ولارمەن ءبىر - بىرلەپ قول الىستى. بۇل شەتەل باسشىلارىنىڭ تۇڭعىش رەت جينشيۋشان كۇن سارايى الاڭىندا قۇرمەتكە بولەنۋى سانالىپ، وتاعاسىلىق قىزعىندىلىق پەن قۇرمەت تولىق ايگىلەندى. چاۋشياننىڭ پارتيا مەن مەملەكەت باسشىلارىنان سۇي لۇڭحاي، جين سايلۇڭ، پۋ گۋاڭحاۋ، جين پيڭحاي، ۋ شوۋيۇڭ، پۋ تايچىڭ، تايحىڭچي، سۇي فۋرى، جىڭ جيڭزى، جين دىشۇن، لي جوۋ - ۋ، دۇڭ جىڭحاۋ، جين نۇڭجي قاتارلىلار قۇرمەت ءبىلدىرۋ قيمىلىنا قاتىناستى.
