چاۋشيان دەموكراتيالىق حالىق رەسپۋبليكاسىندا مەملەكەتتىك ساپاردا بولۋ قارساڭىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشياننىڭ «ەڭبەك اقپاراتى» قاتارلى نەگىزگى اقپارات قۇرالدارىندا « جۇڭگو مەن چاۋشياننىڭ دوستىعىن جالعاستىرىپ، ءداۋىردىڭ تىڭ داستانىن جازايىق» دەگەن تاقىرىپتا اۆتورلى ماقالا جاريالادى. ماقالانىڭ تولىعى تومەندەگىدەي:
جۇڭگو مەن چاۋشياننىڭ دوستىعىن جالعاستىرىپ، ءداۋىردىڭ تىڭ داستانىن جازايىق
ج ك پ ورتالىق كوميتەتىنىڭ باس شۋجيى، جۇڭحۋا حالىق رەسپۋبليكاسىنىڭ ءتوراعاسى شي جينپيڭ
بيىل − جۇڭگو مەن چاۋشياننىڭ ديپلوماتيالىق قاتىناس ورناتقانىنىڭ 70 جىلدىعى. وسى تاريحي ساتتە چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇن جولداستىڭ ۇسىنىسى بويىنشا مەن «دوستىقتى جالعاستىرۋ، جاڭا داستان جازۋ» سىندى تاماشا تىلەكپەن چاۋشيان دەموكراتيالىق حالىق رەسپۋبليكاسىندا مەملەكەتتىك ساپاردا بولامىن.
سول جىلدارى ەكى پارتيانىڭ، ەكى ەلدىڭ اعا بۋىن باسشىلارى ورتاق مۇرات - سەنىم جانە تەرەڭ توڭكەرىستىك دوستىق ارقىلى جۇڭگو مەن چاۋشياننىڭ ءداستۇرلى دوستىعىن قول ۇستاسا سومداپ، بىزگە ورتاق باعالى بايلىق قالدىردى. جۇڭگو مەن چاۋشياننىڭ نەشە ۇرپاق باسشىلارى قويۋ بارىس - كەلىستى ساقتاپ، جۇڭگو مەن چاۋشياننىڭ ءداستۇرلى دوستىعىن جالعاستىرىپ، ەكى ەل حالىقتارىنا باقىت جاراتىپ، ىشكەرىلەي قارىم - قاتىناس جاساپ، شىنايى سەلبەستىك جاساپ، حالىقارالىق قارىم - قاتىناس تاريحىندا ونەگە قالدىردى.
ۇزاق ۋاقىتتان بەرى جۇڭگو - چاۋشيان پارتيالارىنىڭ پارمەندى باسشىلىعىندا، مەيلى سىرتقى شاپقىنشىلىققا بىرگە قارسى تۇرىپ، مەملەكەت تاۋەلسىزدىگى مەن ۇلت ازاتتىعىنا قول جەتكىزۋ كۇرەسىندە بولسىن، الدە سوتسياليستىك توڭكەرىس پەن قۇرىلىس ىستەرىن ورىستەتۋ بارىسىندا بولسىن، ەكى ەل حالىقتارى ءبىر - بىرىنە سەنىم ارتىپ، ءبىرىن - ءبىرى قولداپ، ءبىر - بىرىنە كومەكتەسىپ، تەرەڭ دوستىق سۇيىسپەنشىلىك ورناتتى، مۇنى باعاسىز بايلىق دەۋگە بولادى.
تۋىس تۋىستىڭ جاقسى بولۋىن، كورشى كورشىنىڭ جاقسى بولۋىن قالايدى. جاقسى جولداس، تاتۋ كورشى رەتىندە، حالىقارالىق جاعداي قالاي قۇبىلسا دا، جۇڭگو پارتياسى مەن ۇكىمەتىنىڭ جۇڭگو مەن چاۋشياننىڭ دوستىق، سەلبەستىك قاتىناسىن بەكەمدەۋ، دامىتۋ بەرىك تۇرعىسى وزگەرگەن جوق، وزگەرمەيدى دە، جۇڭگو كوميتەت باستىعى كيم جوڭ - ۇننىڭ چاۋشيان پارتياسى مەن حالقىن باستاپ، جاڭا ستراتەگيالىق لۋشياندى دايەكتى تياناقتاندىرىپ، زەيىن - زەردەنى شوعىرلاندىرا وتىرىپ ەكونوميكانى دامىتىپ، حالىق تۇرمىسىن جاقسارتىپ، چاۋشياننىڭ سوتسياليستىك قۇرىلىسىندا تىڭ دا اناعۇرلىم زور تابىسقا قول جەتكىزۋىن باتىل قولدايدى.
جۇڭگو مەن چاۋشيان ەكى ەل جانە ەكى ەل حالىقتارى جاپا – ماشاقاتتى باستان وتكەرگەن، بەيبىتشىلىكتىڭ اسا باعالى ەكەنىن ابدەن بىلەدى. ءبىز كوميتەت باستىعى كيم جوڭ - ۇننىڭ دۇرىس شەشىم جاساۋىندا جانە قاتىستى جاقتاردىڭ ورتاق كۇش سالۋىندا تۇبەكتىڭ بەيبىت جولمەن پىكىرلەسۋ جاعدايى قالىپتاسىپ، تۇبەك ماسەلەسىن ساياسي جولمەن شەشۋ تاپتىرماس تاريحي ورايعا ءدوپ كەلىپ، حالىقارالىق قوعامنىڭ جاپپاي قۇپتاۋىنا يە بولىپ، تىلەگىنە سايكەسكەنىن قۋانىشپەن كورىپ وتىرمىز. جۇڭگو چاۋشيان جاقپەن تىزە قوسا قۇلشىنىپ، ءوڭىردىڭ باياندى تىنىشتىعىن جۇزەگە اسىرۋ ۇلى جوسپارىن بىرگە جاساۋدى قالايدى.
