6 - ايدىڭ 18 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە اۋە ارمياسى 13 - رەتكى پارتيا قۇرىلتايىنىڭ بارلىق ۋاكىلدەرىن قابىلدادى. سۋرەتتە: شي جينپيڭ ۋاكىلدەرمەن ىستىق ىقىلاسپەن قول الىسۋدا. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 18 - كۇنى بەيجيڭدە اۋە ارمياسىنىڭ 13 - رەتكى پارتيا قۇرىلتايىنىڭ بارلىق ۋاكىلدەرىن قابىلدادى، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان اۋە ارمياسىنىڭ 13 - رەتكى پارتيا قۇرىلتايىنىڭ اشىلعاندىعىن قىزۋ قۇتتىقتايتىندىعىن ءبىلدىردى، ۋاكىلدەرگە جانە اۋە ارمياسىنىڭ بارلىق كوماندير - جاۋىنگەرلەرىنە ىقىلاستى سالەم جولدادى.
تۇستەن بۇرىن ساعات 11دەن 20 مينۋت مولشەرىندە، شي جينپيڭ جيڭشي قوناق سارايىنىڭ كەزدەسۋ زالىنا كەلدى، بۇكىل زالدا قىزۋ شاپالاق ءۇنى كوتەرىلدى. شي جينپيڭ ۋاكىلدەرمەن ىستىق ىقىلاسپەن قول الىستى ءارى ەستەلىك سۋرەتكە ءتۇستى.
پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ بەكىتۋىمەن، اۋە ارمياسىنىڭ 13 - رەتكى پارتيا قۇرىلتايى 6 - ايدىڭ 17 - كۇنى بەيجيڭدە اشىلدى. قۇرىلتايدىڭ باستى مىندەتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگياسىنىڭ باعىتىن ىشكەرىلەي دايەكتىلەندىرىپ، اۋە ارمياسىنىڭ وتكەن 5 جىلداعى پارتيا قۇرىلىسى جانە اسكەري ءبولىم قۇرىلىس جاعدايىن قورىتىندىلاپ، الداعى 5 جىلداعى باستى قىزمەت مىندەتتەرىن ورنالاستىرىپ، قالىڭ كوماندير - جاۋىنگەرلەردى قۇدىرەتتى وسىزاماندانعان حالىق اۋە ارمياسىن جەدەل قۇرۋعا، پارتيا مەن حالىق جۇكتەگەن جاڭا داۋىردەگى بورىش پەن مىندەتتى باتىل ورىنداپ، تاڭداۋلى ناتيجەمەن جاڭا جۇڭگو قۇرىلعاندىعىنىڭ 70 جىلدىعىن قارسى الۋعا جۇمىلدىرۋ.
شۇي چيلياڭ، جاڭ يوۋشيا، ۋي فىڭحى، لي زوچىڭ، مياۋ حۋا، جاڭ شىڭمين قابىلداۋعا قاتىناستى.
