شي جينپيڭ ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ماجىلىسىنە قاتىناستى ءارى ماڭىزدى ءسوز سويلەدى
ورايدى بىرگە قارسى الىپ، سىن - سايىسقا بىرگە توتەپ بەرىپ، ازيانىڭ حاۋىپسىزدىگى مەن دامۋىنىڭ جاڭا جاعدايىن قول ۇستاسا اشۋدى باسا دارىپتەدى
6 - ايدىڭ 15 - كۇنى ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ءماجىلىسى تاجىكستاننىڭ استاناسى دۋشانبەدە وتكىزىلدى. مەملەكەت ءتوراعاسى شي جينپيڭ باسشىلار ماجىلىسىنە قاتىناستى ءارى «ازيانىڭ حاۋىپسىزدىگى مەن دامۋىنىڭ جاڭا جاعدايىن قول ۇستاسا اشايىق» دەگەن تاقىرىپتا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
6- ايدىڭ 15 - كۇنى ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ءماجىلىسى تاجىكستاننىڭ استاناسى دۋشانبەدە وتكىزىلدى. مەملەكەت ءتوراعاسى شي جينپيڭ باسشىلار ماجىلىسىنە قاتىناستى ءارى ماڭىزدى ءسوز سويلەدى. سۋرەتتە: ازيا ءوزارا ىقپالداستىق جانە سەنىم شارالارى ماجىلىسىنە مۇشە ەلدەردىڭ باسشىلارى نەمەسە ۋاكىلدەرى، باقىلاۋشى ەلدەردىڭ ۋاكىلدەرى، سونداي - اق قاتىستى حالىقارالىق جانە وڭىرلىك ۇيىمداردىڭ ۋاكىلدەرى توپتىق سۋرەتكە ءتۇستى. سۋرەتتى شينحۋا اگەنتتىگىنىڭ ءتىلشىسى جاڭ ليڭ تۇسىرگەن
ءوزارا قۇرمەت ەتەتىن، ءوزارا سەنەتىن ازيا قۇرۋ ءبىزدىڭ ورتاق ءۇمىتىمىز. حاۋىپسىز، ورنىقتى ازيا قۇرۋ ءبىزدىڭ ورتاق نىسانامىز. دامىعان، گۇلدەنگەن ازيا قۇرۋ ءبىزدىڭ ورتاق تىلەگىمىز. اشىق، سيىسىمدى ازيا قۇرۋ ءبىزدىڭ ورتاق تالپىنىسىمىز. سەلبەسىپ جاڭالىق اشاتىن ازيا قۇرۋ ءبىزدىڭ ورتاق قاجەتىمىز.
ازياداعى ۇلكەن شاڭىراقتىڭ ءبىر مۇشەسى جانە حالىقارالىق قوعامدا جاۋاپكەرشىلىك ارقالايتىن ءىرى ەل رەتىندە، جۇڭگو ۇزدىكسىز دۇنيە ءجۇزى بەيبىتشىلىگىن قۇرۋشى، جاھاندىق دامۋعا ۇلەس قوسۋشى، حالىقارالىق ءتارتىپتى قورعاۋشى بولىپ، جاڭاشا حالىقارالىق قارىم - قاتىناس جانە ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتەدى. ءبىرىنشى، ءبىز بەيبىت دامۋ جولىمەن مىزعىماي جۇرەمىز، استە باسقاعا زيان جەتكىزىپ، ءوزىمىز پايداعا كەنەلمەيمىز، كورشىگە زيان جەتكىزبەيمىز. ەكىنشى، ءبىز اشىق بولۋعا، بىرگە يگىلىكتەنۋگە تاباندى بولىپ، دامۋ ورايىنان ءار ەلمەن بىرگە يگىلىكتەنەمىز. ءۇشىنشى، ءبىز كوپ جاقتىلىقتى باتىل امالياتتا ايگىلەپ، حالىقارالىق زاڭدى نەگىز ەتكەن حالىقارالىق ءتارتىپتى قورعايمىز.
ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ءماجىلىسى 6 - ايدىڭ 15 - كۇنى تاجىكستاننىڭ استاناسى دۋشانبەدە وتكىزىلدى. مەملەكەت ءتوراعاسى شي جينپيڭ باسشىلار ماجىلىسىنە قاتىناستى ءارى ماڭىزدى ءسوز سويلەپ، بىلاي دەپ باسا دارىپتەدى: ءوزارا قۇرمەت ەتەتىن، ءوزارا سەنەتىن، حاۋىپسىز، ورنىقتى، دامىعان، گۇلدەنگەن، اشىق، سيىسىمدى، سەلبەسىپ جاڭالىق اشاتىن ازيا قۇرۋ كەرەك. جۇڭگو بەيبىت دامۋ جولىمەن مىزعىماي جۇرەدى، اشىق بولۋدان، بىرگە يگىلىكتەنۋدەن جازباي، كوپ جاقتىلىقتى تاباندىلىقپەن امالياتتا ايگىلەپ، ازيانىڭ جانە دۇنيە ءجۇزىنىڭ تاماشا كەلەشەگىن ءار جاقپەن بىرگە جاراتادى.
جەرگىلىكتى ۋاقىت تۇستەن بۇرىن، شي جينپيڭ ناۋرىز سارايىنىڭ قوناقتاردى قارسى الۋ زالىنا بارىپ، تاجىكستاننىڭ زۇڭتۇڭى راحموننىڭ قىزۋ قارسى الۋىنا بولەندى.
ءماجىلىستى راحمون باسقاردى. اۋعانستان، ازەربايجان، بانگلادەش، كامبودجا، يران، قازاقستان، قىرعىزستان، كاتار، رەسەي، شريلانكا، تۇركيا، وزبەكستان قاتارلى ازيا ءوزارا ىقپالداستىق جانە سەنىم شارالارى ماجىلىسىنە مۇشە ەلدەردىڭ باسشىلارى نەمەسە ۋاكىلدەرى، باقىلاۋشى ەلدەردىڭ ۋاكىلدەرى، سونداي - اق قاتىستى حالىقارالىق جانە وڭىرلىك ۇيىمداردىڭ ۋاكىلدەرى ماجىلىسكە قاتىناستى. ماجىلىسكە قاتىناسقان ءار جاق ”بىرگە نازار سالۋ: حاۋىپسىز جانە اناعۇرلىم گۇلدەنگەن ازيا ءوزارا ىقپالداستىق جانە سەنىم شارالارى ءوڭىرى ءۇشىن“ نەگىزگى تاقىرىبىن توڭىرەكتەي وتىرىپ پىكىر اۋىستىرىپ، ءار جاق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەردى ىشكەرىلەي تالقىلاپ، ازيانىڭ باياندى بەيبىتشىلىگى مەن بىرگە گۇلدەنۋ ۇلى جوسپارىن بىرگە اقىلداسىپ، كەڭ كولەمدى ورتاق تانىمعا كەلدى.
شي جينپيڭ ماجىلىستە «ازيانىڭ حاۋىپسىزدىگى مەن دامۋىنىڭ جاڭا جاعدايىن قول ۇستاسا اشايىق» دەگەن تاقىرىپتا ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: ازيا ءوزارا ىقپالداستىق جانە سەنىم شارالارى قۇرىلعان 27 جىلدان بەرى، ءار ەلدىڭ ءوزارا سەنىمدىلىگىن جانە ىستەستىگىن ارتتىرۋعا كۇش سالىپ، ءوڭىردىڭ حاۋىپسىزدىگىن جانە ورنىقتىلىعىن قورعاپ، ازيانىڭ بەيبىتشىلىگى مەن دامۋىن جەبەۋگە بەلسەندى ۇلەس قوستى. ازيا ءوزارا ىقپالداستىق جانە سەنىم شارالارى ءماجىلىسى شاڭحاي باسشىلار ماجىلىسىندە، مەن ورتاق، كەشەندى، سەلبەسكەن، باياندى جاڭا حاۋىپسىزدىك كوزقاراسىن امالياتتا ايگىلەۋدى ورتاعا قويىپ، ازيانىڭ ەرەكشەلىگى مەن ءار ەلدىڭ ورتاق مۇددەسىنە ۇيلەسەتىن حاۋىپسىزدىك جانە دامۋ جولىن قاراستىرۋدى دارىپتەدىم، بۇعان ءار جاق بەلسەنە ءۇن قوستى. جۇڭگو جاق ءار جاقپەن بىرگە، ءار سالاداعى سەلبەستىكتى تەرەڭدەتىپ، ازيا ءوزارا ىقپالداستىق جانە سەنىم شارالارى اياق الىسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: ازيا − قازىرگى تاڭداعى دۇنيە جۇزىندە ەڭ دامۋ ومىرشەڭدىك كۇشىنە جانە كومەسكى كۇشىنە يە وڭىرلەردىڭ ءبىرى، سونىمەن بىرگە ساياسي ءوزارا سەنىمدىلىك جەتەرسىز بولۋ، ەكونوميكالىق دامۋ بىركەلكى بولماۋ، حاۋىپسىزدىك جانە جونگە سالۋ ماسەلەلەرى كورنەكتى بولۋ سياقتى ورتاق سىن - سايىسقا ءدوپ كەلىپ وتىر. 2015 - جىلى مەن ازيا تاعدىرلاس ورتاق تۇلعاسىن قۇرۋ دارىپتەمەسىن العا قويعان بولاتىنمىن. جاڭا جاعدايدا، ءبىز كوزدەگەن نىسانادان جازباي، ورايدى بىرگە قارسى الىپ، سىن - سايىستارعا بىرگە توتەپ بەرىپ، ازيانىڭ حاۋىپسىزدىگى مەن دامۋىنىڭ جاڭا جاعدايىن قول ۇستاسا اشۋىمىز كەرەك.
− ءوزارا قۇرمەت ەتەتىن، ءوزارا سەنەتىن ازيا قۇرۋ ءبىزدىڭ ورتاق ءۇمىتىمىز. ءبىز بىرلەسكەن مەملەكەتتەر ۇيىمىنىڭ ۋستاۆى تۇراقتاندىرعان نەگىزگى ماقسات پەن پرينسيپكە بويسۇنىپ، ءار ەلدىڭ يەلىك ۇقىعىنا، تاۋەلسىزدىگىنە، تەرريتوريا بۇتىندىگىنە قۇرمەت ەتۋىمىز، ءار ەلدىڭ ءوزى تاڭداعان ساياسي تۇزىمىنە جانە دامۋ جولىنا قۇرمەت ەتۋىمىز كەرەك. نولدىك جيىنتىق ويىنىن، قورعامپازدىقتى دوعارىپ، ساياسي بايلانىستى كۇشەيتىپ، ساياسي ءوزارا سەنىمدىلىكتى نىعايتىپ، ستراتەگيالىق ورتاق تانىمدى بىرتىندەپ كەڭەيتۋىمىز كەرەك.
− حاۋىپسىز، ورنىقتى ازيا قۇرۋ ءبىزدىڭ ورتاق نىسانامىز. ءبىز قارسىلاسۋ ەمەس، قايتا تىلدەسۋگە، وداقتاسۋ ەمەس، قايتا سەرىكتەسۋگە تاباندى بولىپ، ءتۇرلى ءداستۇرلى جانە ءداستۇرلى ەمەس حاۋىپسىزدىك ماسەلەلەرىنە ۇيلەسىمدى توتەپ بەرۋىمىز، اسىرەسە، ءارقانداي فورماداعى لاڭكەستىككە باتىل سوققى بەرۋىمىز كەرەك. ءتۇرلى ۇتىمدى ساقتانۋ سيپاتتى شارالاردى قولدانۋعا باسا ءمان بەرىپ، ۇشقارى يدەيا اعىمىنىڭ ورشۋىنەن تۇبىرىنەن ساقتانۋىمىز كەرەك. ازيانىڭ ەرەكشەلىگىنە ۇيلەسەتىن وڭىرلىك حاۋىپسىزدىك قۇرىلىمىن ورناتۋدى تالقىلاپ، جاپپاي حاۋىپسىزدىككە جانە ورتاق حاۋىپسىزدىككە ۇمتىلۋىمىز كەرەك.
− دامىعان، گۇلدەنگەن ازيا قۇرۋ ءبىزدىڭ ورتاق تىلەگىمىز. ءبىز ساۋداعا جانە قارجى قوسۋعا ەركىن، قولايلى بولۋدى بىرگە ىلگەرىلەتىپ، بيىل 4 - ايداعى 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى ورتاق تانىمىن تياناقتاندىرىپ، دامۋ ستراتەگياسىنىڭ ۇشتاسۋىن كۇشەيتىپ، جان - جاقتى ۇلاستىرۋدى، تۇتاستىرۋدى جەبەپ، ءار ەلدىڭ ەكونوميكاسىنىڭ جوعارى ساپالى دامۋىن ىلگەرىلەتۋىمىز كەرەك.− اشىق، سيىسىمدى ازيا قۇرۋ ءبىزدىڭ ورتاق تالپىنىسىمىز. ءبىز بيىل 5 - ايداعى ازيا وركەنيەتتەر تىلدەسۋ جينالىسى ورتاق تانىمىن ويداعىداي تياناقتاندىرىپ، تەرەزەسى تەڭ، ءوزارا ۇلگى الاتىن، تىلدەسەتىن، سيىسىمدى وركەنيەت كوزقاراسىن ورناتۋىمىز كەرەك. الۋان تۇرلىلىكپەن بىرگە ءومىر ءسۇرۋ ارقىلى وركەنيەتتەر ۇستەمدىگىنەن اسىپ ءتۇسۋىمىز، جاراسىمدى بىرگە جاساۋ ارقىلى وركەنيەتتەر قاقتىعىسىنان اسىپ ءتۇسۋىمىز، توعىسۋ، بىرگە ءبولىسۋ ارقىلى مادەنيەتتەر ارازدىعىنان اسىپ ءتۇسۋىمىز، گۇلدەنۋ، بىرگە ىلگەرىلەۋ ارقىلى وركەنيەتتەر قاتىپ - سەمۋىنەن اسىپ ءتۇسۋىمىز كەرەك.
− سەلبەسىپ جاڭالىق اشاتىن ازيا قۇرۋ ءبىزدىڭ ورتاق قاجەتىمىز. ءبىز نازاريا، ءتۇزىم، عىلىم - تەحنيكا، مادەنيەت سياقتى ءار جاقتا جاڭالىق اشۋدى كۇشەيتىپ، كونە ماسەلەلەردى شەشۋدىڭ جاڭا جاۋابىن تابۋعا قۇلشىنىپ، جاڭا ماسەلەلەرگە توتەپ بەرۋدىڭ جاۋابىن ويداعىداي قاراستىرىپ، ازيا ءدوپ كەلگەن ءتۇرلى قيىن ماسەلەلەردى شەشۋىمىز كەرەك.
شي جينپيڭ بىلاي دەپ اتاپ كورسەتتى: جۇڭگو ازيا ەلدەرىمەن كورشىلىك دوستىق قارىم - قاتىناسقا باستان - اياق تاباندى بولادى. ازيا ۇلكەن شاڭىراعىنىڭ ءبىر مۇشەسى جانە حالىقارالىق قوعامدا جاۋاپكەرشىلىك ارقالايتىن ءىرى ەل رەتىندە، جۇڭگو ۇزدىكسىز دۇنيە ءجۇزى بەيبىتشىلىگىن قۇرۋشى، جاھاندىق دامۋعا ۇلەس قوسۋشى، حالىقارالىق ءتارتىپتى قورعاۋشى بولىپ، جاڭاشا حالىقارالىق قارىم - قاتىناس جانە ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتەدى.
ءبىرىنشى، ءبىز بەيبىت دامۋ جولىمەن مىزعىماي جۇرەمىز، استە باسقاعا زيان جەتكىزىپ، ءوزىمىز پايداعا كەنەلمەيمىز، كورشىگە زيان جەتكىزبەيمىز. جۇڭگو جاق بەيبىت قاتار تۇرۋ 5 پرينسيبى نەگىزىندە ءار ەلمەن دوستىق سەلبەستىكتى ۇزدىكسىز تەرەڭدەتىپ، قاتىستى ەلدەرمەن تەرريتوريا يەلىك ۇقىعى جانە تەڭىز - مۇحيت ۇقىق - مۇددە تالاس - تارتىسىن بەيبىت جولمەن شەشىپ، وڭىرلەردىڭ قولامتالى ماسەلەسىن تىلدەسۋ، كەڭەسۋ ارقىلى شەشۋىن قولدايدى.
ەكىنشى، ءبىز اشىق بولۋعا، بىرگە يگىلىكتەنۋگە تاباندى بولىپ، دامۋ ورايىن ءار ەلمەن بىرگە بولىسەمىز. جۇڭگو جاق ءار جاقپەن ”ءبىر بەلدەۋ، ءبىر جول“دى بىرگە قۇرۋ حالىقارالىق سەلبەستىك تۇعىرىنان ويداعىداي پايدالانىپ، ورتاق دامۋعا ۇزدىكسىز قۇدىرەتتى قوزعاۋشى قۋات ۇستەۋدى قالايدى. جۇڭگو جاق بيىل 2 - كەزەكتى جۇڭگو حالىقارالىق يمپورت كورمەسىن وتكىزىپ، ءار جاقتىڭ جۇڭگو بازارىنا كىرۋىنە اناعۇرلىم كوپ قولايلى شارت - جاعداي جاراتۋعا قۇلشىنادى.
ءۇشىنشى، ءبىز كوپ جاقتىلىقتى باتىل امالياتتا ايگىلەپ، حالىقارالىق زاڭدى نەگىز ەتكەن حالىقارالىق ءتارتىپتى قورعايمىز. جۇڭگو جاق ءار ەلمەن بىرگە بىرگە اقىلداسۋ، بىرگە قۇرۋ، بىرگە يگىلىكتەنۋ سىندى الەمدىك جونگە سالۋ كوزقاراسىن ۇستانىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى باتىل قورعاۋدى، الەمدىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن باتىل قورعاۋدى قالايدى. ەكونوميكا - ساۋدا بارىس - كەلىسىندە جارىققا شىققان ماسەلەلەردى قيت ەتسە بولعانى قورعامپازدىقپەن، سىڭار جاقتىلىقپەن ءبىتىرۋ ەمەس، قايتا ءار جاق ءوزارا قۇرمەت ەتۋ رۋحىن نەگىزگە الىپ، تەرەزەسى تەڭ تۇرعىدا كەڭەسۋ، تىلدەسۋ ارقىلى حالىقارالىق قارىم - قاتىناس ولشەمى جانە كوپ جاقتى ساۋدا ەرەجەسى بويىنشا ۇيلەسىمدى ءبىر جاقتى ەتۋ كەرەك. جۇڭگونىڭ وسى ءبىر تۇرعىسى ءار ەلدىڭ ورىندى دامۋ ۇقىعىن قورعاۋ بولىپ قالماستان ءارى حالىقارالىق ادىلدىكتى، تۋراشىلدىقتى دا قورعاۋ بولىپ تابىلادى.
شي جينپيڭ بىلاي دەپ باسا دارىپتەدى: جۇڭگو جاق ءار جاقپەن قول ۇستاسا قۇلشىنىپ، بەيبىتشىلىككە، ورنىقتىلىققا، گۇلدەنۋگە قاجىماي - تالماي تالپىنىپ، ازيانىڭ جانە دۇنيە ءجۇزىنىڭ تاماشا كەلەشەگىن بىرگە جاراتادى. شي جينپيڭنىڭ سوزىنە تۇتاس زالداعىلار دۋ قول شاپالاق سوقتى.
ماجىلىسكە قاتىناسقان مۇشەلەر جۇڭگونىڭ وتكەن كەزەكتى ءتوراعا ەل رەتىندە ازيا ءوزارا ىقپالداستىق جانە سەنىم شارالارى ءماجىلىسى اياسىنداعى تىلدەسۋدى جانە سەلبەستىكتى ىلگەرىلەتۋ جولىندا قوسقان ۇلەسىنە العىس ايتتى. ءار جاق ءبىر اۋىزدان مىناعان قوسىلدى: ءار جاق ۇزدىكسىز ازيانىڭ ءىس جۇزىندىگىن تياناق ەتىپ، ازيا ءوزارا ىقپالداستىق جانە سەنىم شارالارى ءماجىلىسىنىڭ اياق الىسىن ونان ارى ىلگەرىلەتىپ، سەنىم شارالارىن تياناقتاندىرىپ، ورتاق، كەشەندى، سەلبەسكەن، باياندى حاۋىپسىزدىككە تالپىنىپ، مادەنيەتتىڭ كوپ تۇرلىلىگىنە قۇرمەت ەتىپ، ازيانى باياندى بەيبىت، گۇلدەنگەن جاراسىمدى ءوڭىر ەتىپ قۇرىپ شىعۋ كەرەك.
ءار جاق بىرلەسكەن مەملەكەتتەر ۇيىمى ۋستاۆىنا جانە جاپپاي مويىندالعان حالىقارالىق زاڭ ولشەمدەرىنە بۇلجىماي بويسۇنىپ، بىرلەسكەن مەملەكەتتەر ۇيىمىن وزەك ەتكەن جوعارى ءونىمدى كوپ جاقتىلىققا تاباندى بولىپ، ءار ەلدىڭ ءبىر - ءبىرىنىڭ ىشكى ىستەرىنە كيلىكپەۋ پرينسيبىن بۇكىلدەي قولداپ، اشىق دۇنيە ءجۇزى ەكونوميكاسىن بىرگە قۇرىپ، ءارقانداي فورماداعى قورعامپازدىققا باتىل قارسى تۇرىپ، حالىقاراداعى لاڭكەستىككە، ۇشقارىلىققا، مەملەكەت اتتاعان ۇيىمدى قىلمىسقا تىزە قوسا سوققى بەرىپ، ءتۇرلى حاۋىپ - قاتەرلەر مەن سىن - سايىستارعا كۇش قوسا توتەپ بەرىپ، ازيانىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن جەبەپ، ءوزارا قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن جاڭاشا حالىقارالىق قارىم - قاتىناس ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن تۇلعالاۋدى قايتالاي دارىپتەدى.
باسشىلار ءماجىلىسى «ازيا ءوزارا ىقپالداستىق جانە سەنىم شارالارى ءماجىلىسى 5 - رەتكى باسشىلار ءماجىلىسىنىڭ جارناماسى»ن جاريالادى.
باسشىلار ماجىلىسىنەن كەيىن، شي جينپيڭ راحموننىڭ باسشىلار ماجىلىسىنە قاتىناسقان ءار ەل باسشىلارىنا، سونداي - اق حالىقارالىق جانە وڭىرلىك ۇيىمداردىڭ جاۋاپتىلارىنا ارناپ وتكىزگەن قارسى الۋ قوناعاسىنا قاتىناستى.
ديڭ شۋەشياڭ، ياڭ جيەچى، ۋاڭ ي قاتارلىلار جوعارىداعى قيمىلدارعا قاتىناستى.
