1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ بىشكەككە باردى

日期:2019年06月14日
来源:新华网
【字体:

قىرعىز رەسپۋبليكاسىندا، تاجىكستان رەسپۋبليكاسىندا مەملەكەت ىستەرى ساپارىندا بولۋ ءارى شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 19 - رەتكى ماجىلىسىنە، ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ماجىلىسىنە قاتىناسۋ ءۇشىن بەيجيڭنەن اتتاندى

شي جينپيڭ بىشكەككە باردى

 6 - ايدىڭ 12 - كۇنى مەملەكەت ءتوراعاسى شي جينپيڭ ارناۋلى ۇشاقپەن بىشكەككە جەتىپ، قىرعىز رەسپۋبليكاسىنداعى مەملەكەت ىستەرى ساپارىن باستادى ءارى شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 19 - رەتكى ماجىلىسىنە قاتىناسادى. قىرعىزستاننىڭ زۇڭتۇڭى جيەنبەكوۆ ۇشاق ساتىسىنىڭ جانىندا تۇرىپ قىزۋ قارسى الدى.

مەملەكەت ءتوراعاسى شي جينپيڭ 6 - ايدىڭ 12 - كۇنى ارناۋلى ۇشاقپەن بەيجيڭنەن اتتاندى، قىرعىز رەسپۋبليكاسىنىڭ زۇڭتۇڭى جيەنبەكوۆتىڭ ۇسىنىسىمەن قىرعىز رەسپۋبليكاسىندا مەملەكەت ىستەرى ساپارىندا بولادى ءارى بىشكەكتە وتكىزىلەتىن شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 19 - رەتكى ماجىلىسىنە قاتىناسادى؛ تاجىكستان رەسپۋبليكاسىنىڭ زۇڭتۇڭى راحموننىڭ ۇسىنىسىمەن دۋشانبەدە وتكىزىلەتىن ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ماجىلىسىنە قاتىناسادى ءارى تاجىكستاندا مەملەكەت ىستەرى ساپارىندا بولادى.

شي جينپيڭگە سەرىك بولىپ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت سىرتقى ىستەر قىزمەت كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتارلىلار ساپارعا اتتاندى.

شينحۋا اگەنتتىگىنىڭ 6 - ايدىڭ 12 - كۇنى بىشكەكتەن بەرگەن حابارى (تىلشىلەر گۋان جيان - ۋ، حۋاڭين جيازى).مەملەكەت ءتوراعاسى شي جينپيڭ 6 - ايدىڭ 12 - كۇنى ارناۋلى ۇشاقپەن بىشكەككە بارىپ، قىرعىز رەسپۋبليكاسىنداعى مەملەكەت ىستەرى ساپارىن باستادى ءارى شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 19 - رەتكى ماجىلىسىنە قاتىناسادى.

جەرگىلىكتى ۋاقىت كەشكى ساعات 7دەن 40 مينۋت وتكەن مولشەردە، شي جينپيڭ وتىرعان ارناۋلى ۇشاق ماناس حالىقارالىق اۋەجايىنا كەلىپ قوندى. شي جينپيڭ ۇشاق ەسىگىنەن شىققاندا، قىرعىزستاننىڭ زۇڭتۇڭى جيەنبەكوۆ ۇشاق ساتىسىنىڭ جانىندا تۇرىپ قىزۋ قارسى الدى. جەرگىلىكتى بويجەتكەندەر شي جينپيڭگە گۇل جانە بولكا، بال ۇسىنىپ، قۇرمەتتى قوناقتى قارسى الاتىندىقتارىن ءبىلدىردى. قىرعىزستاننىڭ قۇرمەت قاراۋىلى قىزىل كلەمنىڭ ەكى جاعىنا ءتىزىلىپ، كوز اۋدارماي قۇرمەت ءبىلدىردى.

ەكى ەلدىڭ مەملەكەت باسشىلارى ىقىلاسپەن اڭگىمەلەستى. شي جينپيڭ جيەنبەكوۆتىڭ اۋەجايعا كەلىپ قارسى العاندىعىنا العىس ايتتى، دوس قىرعىزستان حالقىنا جۇڭگو حالقىنىڭ شىنايى سالەمىن جانە تاماشا تىلەگىن جەتكىزدى. شي جينپيڭ بىلاي دەپ اتاپ كورسەتتى: جۇڭگو - قىرعىزستان ەكى مەملەكەتتىڭ تاۋ - سۋى تۇتاسقان، حالقى تاريحتان ىرگەلەس قونىستانىپ كەلەدى. بايىرعى جىبەك جولى ءبىزدى تىعىز بايلانىستىردى. قازىر جۇڭگو - قىرعىزستان جان - جاقتى ستراتەگيالىق سەرىكتەستىك قارىم - قاتىناسى ۇزدىكسىز ىشكەرىلەي دامىپ، ”ءبىر بەلدەۋ، ءبىر جول“دى بىرگە قۇرۋ سەلبەستىگى سۇبەلى تابىستارعا قول جەتكىزدى، ەكى ەل ناعىز جاقسى كورشى، جاقسى دوس، جاقسى سەرىككە اينالدى. ساپاردا بولعان مەزگىلدە، مەن جيەنبەكوۆ زۇڭتۇڭمەن جۇڭگو - قىرعىزستان جان - جاقتى ستراتەگيالىق سەرىكتەستىك قارىم - قاتىناسىن ۇزدىكسىز تەرەڭدەتۋ، ”ءبىر بەلدەۋ، ءبىر جول“دى بىرگە قۇرۋ، ءتۇرلى سالاداعى ءوزارا ءتيىمدى سەلبەستىكتى كەڭەيتۋ، سونداي - اق باسقا دا ورتاق كوڭىل بولەتىن حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، جۇڭگو - قىرعىزستان قارىم - قاتىناسىنىڭ بولاشاقتاعى دامۋى ءۇشىن جاڭا جوبا جاسايمىن. وسى رەتكى ساپارىمنىڭ جۇڭگو - قىرعىزستان ءداستۇرلى دوستىعىن بەكەمدەپ، جۇڭگو - قىرعىزستان جان - جاقتى ستراتەگيالىق سەرىكتەستىك قارىم - قاتىناسىنىڭ تاعى تىڭ ساتىعا قادام تاستاۋىن ىلگەرىلەتەتىندىگىنە سەنەمىن.

شي جينپيڭ بىلاي دەپ باسا دارىپتەدى: بىشكەكتەگى باسشىلار ءماجىلىسى شاڭحاي سەلبەستىك ۇيىمىنىڭ بولاشاقتاعى دامۋى جونىنەن كەلەلى ماڭىزعا يە. قىرعىزستان كەزەكتى ءتوراعا ەل رەتىندە، وسى رەتكى باسشىلار ماجىلىسىنە دايىندالۋ ءۇشىن قىرۋار قىزمەت ىستەدى. ءارقايسى مۇشە ەلدەردىڭ ورتاق قۇلشىنۋىندا، وسى رەتكى باسشىلار ءماجىلىسىنىڭ سۇبەلى تابىستارعا قول جەتكىزىپ، شاڭحاي سەلبەستىك ۇيىمىنىڭ جاڭا دامۋعا قول جەتكىزۋىن ىلگەرىلەتەتىندىگىنە سەنەمىن.

جيەنبەكوۆ ءتوراعا شي جينپيڭنىڭ ساپارلاي كەلگەندىگىن قىزۋ قارسى الىپ مىنالاردى ءبىلدىردى: ءتوراعا شي جينپيڭنىڭ وسى رەتكى ساپارىن ۇزاق ۋاقىتتان بەرى كۇتتىم. قىرعىزستان جاق جۇڭگو جاقتىڭ قىرعىزستاننىڭ شاڭحاي سەلبەستىك ۇيىمىنىڭ بىشكەكتەگى باسشىلار ءماجىلىسىن وتكىزۋىن زور كۇشپەن قولداعاندىعىنا العىس ايتادى. قىرعىزستان جۇڭگونىڭ شينجياڭىمەن ىرگەلەس، شينجياڭدى قامتىعان جۇڭگونىڭ قارىشتاي دامۋىنا ايرىقشا سۇيىنەدى، ءتوراعا شي جينپيڭنىڭ باسشىلىعىنداعى جۇڭگو كوممۋنيستىك پارتياسى مەن جۇڭگو ۇكىمەتىنىڭ قول جەتكىزگەن جەتىستىكتەرىنە ەرەكشە سۇيىنەدى.

ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلى سەرىكتەرى وسى ۇشاقتا بىرگە باردى.

جۇڭگونىڭ قىرعىزستانداعى باس ەلشىسى دۋ دىۋىن دە اۋەجايعا كەلىپ قارسى الدى.

قىرعىزستانداعى ساپارىن اياقتاتقاننان كەيىن، شي جينپيڭ تاجىكستانعا بارىپ، دۋشانبەدە وتكىزىلەتىن ازيا ءوزارا ىقپالداستىق جانە سەنىم شارالارى ءماجىلىسىنىڭ 5 - رەتكى باسشىلار ماجىلىسىنە قاتىناسادى ءارى تاجىكستاندا مەملەكەت ىستەرى ساپارىندا بولادى.