6 - ايدىڭ 8 - كۇنى تۇستەن بۇرىن رەسەي فەدەراتسياسىنداعى مەملەكەت ىستەرى ساپارىن اياقتاتقاننان ءارى 23 - كەزەكتى سانت - پەتربۋرگ حالىقارالىق ەكونوميكا تالقى مىنبەرىنە قاتىناسقاننان كەيىن، مەملەكەت ءتوراعاسى شي جينپيڭ بەيجيڭگە قايتىپ كەلدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت سىرتقى ىستەر قىزمەت كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيستىرى ۋاڭ ي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتارلى سەرىك بولىپ ساپارلاي بارۋشىلار وسى ۇشاقپەن بىرگە كەلدى.
جەرگىلىكتى ۋاقىت 6 - ايدىڭ 7 - كۇنى تۇستەن كەيىن شي جينپيڭ سانت - پەتربۋرگتەن اتتانىپ، ەلگە قايتۋعا جول الدى. رەسەي فەدەراتسياسى ۇكىمەتىنىڭ جوعارى دارەجەلى ءمانساپتىلارى، سونداي - اق لەنينگراد وبلىسىنىڭ باستىعى، سانت - پەتربۋرگ قالاسى ۇكىمەتىنىڭ جاۋاپتىسى قاتارلىلار اۋەجايعا شىعىپ اتتاندىرىپ سالدى.
