ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 5 - ايدىڭ 28 – كۇنى تۇستەن بۇرىن بىيجيڭدەگى حالىق سارايىندا 9 - كەزەكتى دۇنيە جۇزىندەگى جۇڭگولىق مۇھاجىرلار مەن جۇڭگولىقتاردىڭ قوعامدىق ۇيىمدارىنىڭ دوستىق جينالىسىنا جانە جۇڭحۋا شەتەلدەگى دوستىق قوعامىنىڭ 5 - كەزەكتى 1 - رەتكى القالار ماجىلىسىنە قاتىناسقان بارلىق ۋاكىلمەن كەزدەستى، پارتيا ورتالىق كوميتەتى، مەملەكەتتىك كەڭەس اتىنان كوپشىلىكتى قىزۋ قارسى الاتىنىن جانە شىن جۇرەكتەن قۇتتىقتايتىنىن ءبىلدىردى، دۇنيە ءجۇزىنىڭ جەر - جەرىندەگى جۇڭگولىق مۇھاجىرلار مەن جۇڭگولىقتارعا شىنايى سالەم جولدادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ كەزدەسۋدە بىرگە بولدى.
تۇستەن بۇرىن ساعات 11 دە شي جينپيڭ قاتارلىلار حالىق سارايىنىڭ سولتۇستىك زالىنا كەلدى. شي جينپيڭ قاتارلىلار ۋاكىلدەرمەن ىقىلاسپەن قول الىسىپ، ءالسىن - ءالى اڭگىمەلەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.
9 - كەزەكتى دۇنيە جۇزىندەگى جۇڭگولىق مۇھاجىرلار مەن جۇڭگولىقتاردىڭ قوعامدىق ۇيىمدارىنىڭ دوستىق جينالىسى 29 - مامىردا اشىلادى، 90 نەشە مەملەكەت پەن رايوننان كەلگەن 450 دەن استام جۇڭگولىق مۇھاجىر جانە جۇڭگولىقتاردىڭ قوعامدىق ۇيىمدارىنىڭ جاۋاپتىلارى جينالىسقا قاتىناسادى.