مەملەكەت ءتوراعاسى شي جينپيڭ 5 - ايدىڭ 15 - كۇنى بەيجيڭدەگى مەملەكەتتىك ءماجىلىس ورتالىعىندا ازيا وركەنيەتتەر تىلدەسۋ جينالىسىنىڭ اشىلۋ سالتىنا قاتىناستى ءارى «وركەنيەت اۋىس - كۇيىسىن، ءوزارا ۇلگى الۋدى تەرەڭدەتىپ، ازيانىڭ تاعدىرلاس ورتاق تۇلعاسىن بىرگە قۇرايىق» دەگەن تاقىرىپتا ارقاۋ لەكسيا جاسادى. ول بىلاي دەپ اتاپ كورسەتتى: شۇعىلالى ازيا وركەنيەتى دۇنيە ءجۇزى وركەنيەتى دامۋ تاريحىنىڭ شۇعىلالى داستانىن جازدى. ازيا حالقى بەيبىت، تىنىش، ورتاق گۇلدەنگەن، اشىق ۇستالعان، توعىسقان ازيا قۇرۋدى اڭسايدى. ءبىز ءوزارا قۇرمەت ەتە تەڭ تۇرعىدا مامىلە جاساۋىمىز، اسەمدىكتى اسپەتتەۋىمىز، اسەمدىكتەن ورتاق يگىلىكلتەنۋىمىز، اشىق ۇستاپ باۋىرمال بولۋىمىز، ءوزارا ۇيرەنىپ، ۇلگى الۋىمىز، داۋىرمەن جارىسا العا باسۋىمىز، جاڭالىق جاراتا دامىپ، ازيانىڭ تاعدىرلاس ورتاق تۇلعاسىن، ادامزاتتىڭ تاعدىرلاس ورتاق تۇلعاسىن بىرگە قۇرۋدىڭ گۋمانيتارلىق نەگىزىن بەكەمدەۋىمىز كەرەك. شي جينپيڭ مىنالاردى دارىپتەدى: جۇڭحۋا وركەنيەتى − باسقا وركەنيەتتەرمەن ۇزدىكسىز اۋىس - كۇيىس جاساۋ، ءوزارا ۇلگى الۋ بارىسىندا قالىپتاسقان اشىق جۇيە. بولاشاقتاعى جۇڭگو، ءسوز جوق، اناعۇرلىم اشىق ۇستالعان بەينەدە دۇنيە جۇزىمەن قاۋىشىپ، اناعۇرلىم ومىرشەڭدىك كۇشكە يە وركەنيەت تابىسىمەن دۇنيە جۇزىنە ۇلەس قوسادى.
ۋاڭ حۋنيڭ اشىلۋ سالتىنا قاتىناستى.
تۇستەن بۇرىن ساعات 10 نان 30 مينۋت وتكەندە شي جينپيڭ شەتەل باسشىلارىمەن بىرگە ءماجىلىس زالىنا كىردى. دۋ قول شاپالاق ءۇنى ىشىندە شي جينپيڭ ءتوراعالار مىنبەسىنە شىعىپ، ارقاۋ لەكسيا جاسادى. (لەكسيانىڭ تولىق مازمۇنىن «حالىق گازەتىنەن» وقي الاسىزدار)
شي جينپيڭ مىنالاردى اتاپ كورسەتتى: قازىر دۇنيە ءجۇزىنىڭ كوپ ۇيەكتەنۋى، ەكونوميكانىڭ جاھاندانۋى، مادەنيەتتىڭ الۋاندانۋى، قوعامنىڭ ينفورماتسيالانۋى ىشكەرىلەي دامۋدا، ادامزات قوعامى ۇمىتكە تولى. سونىمەن بىرگە، حالىقارالىق جاعدايدا ورنىقسىزدىقتار مەن تۇراقسىزدىقتار ءتىپتى دە كورنەكتىلەنىپ، ادامزات ءدوپ كەلىپ وتىرعان دۇنيە جۇزىلىك سىن - سايىس ءتىپتى دە اۋىرلاسا ءتۇستى. سايىسقا ورتاق توتەپ بەرىپ، كوركەم بولاشاققا قادام تاستاۋ ءۇشىن، ەكونوميكالىق، عىلىم - تەحنيكالىق كۇش - قۋات ءارى مادەنيەت، وركەنيەت كۇش - قۋاتى قاجەت. ازيا وركەنيەتتەر تىلدەسۋ جينالىسى ازيا جانە دۇنيە جۇزىندەگى ءار ەل وركەنيەتىنىڭ تەڭ تۇرعىدا تىلدەسۋىن، اۋىس - كۇيىس جاساۋىن، ءوزارا ۇلگى الۋىن، ءوزارا شابىت بەرۋىن جەبەۋگە تىڭ تەكشە ازىرلەدى.
شي جينپيڭ مىنالاردى اتاپ كورسەتتى: ازيا − ادامزاتتىڭ ەڭ العاشقى قونىستانعان جەرىنىڭ ءبىرى، سونداي - اق ادامزات وركەنيەتىنىڭ ماڭىزدى بەسىگى. نەشە مىڭ جىلدىق دامۋ بارىسىندا ازيا حالقى شۇعىلالى وركەنيەت تابىسىن جاراتتى. ازيا وركەنيەتى دە ءوز ىشىندە جانە دۇنيە ءجۇزى وركەنيەتىمەن اۋىس - كۇيىس جاساۋ، ءوزارا ۇلگى الۋ بارىسىندا دامىپ زورايدى. شۇعىلالى ازيا وركەنيەتى دۇنيە ءجۇزى وركەنيەتىنىڭ دامۋ تاريحىنا شۇعىلالى داستان جازدى، ادامزات وركەنيەتى ازيا سەبەبىنەن ءتىپتى دە قۇلپىرا ءتۇستى. ءبىز وركەنيەتكە دەگەن سەنىمدى كۇشەيتىپ، اعا بۋىنداردىڭ سومداعان شۇعىلالى تابىستارى نەگىزىندە دۇنيە جۇزىندەگى باسقا وركەنيەتتەرمەن اۋىس - كۇيىس جاساپ، ءوزارا ۇلگى الۋدا تاباندى بولىپ، ازيا وركەنيەتىنىڭ تىڭ دا شۇعىلالى تابىستارىن قۇلشىنا جازۋىمىز كەرەك.
