جۇڭگو كوممۋنيستىك پارتياسى ورتالىق كوميتەتى ساياسي بيۋروسى دەموكراتيالىق تۇرمىس جيىنىن اشىپ مىنالاردى باسا دارىپتەدى
پارتيا ٴتارتىبىن ۇيرەنۋ تاربيەسىنىڭ جەتىستىكتەرىن بەكەمدەپ، تەرەڭدەتىپ، پارتيانىڭ ٴتارتىپ قۇرىلىسىن كۇشەيتۋدە ۇلگىلىك، جەتەكشىلىك رولىن ساۋلەلەندىرۋ كەرەك
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ٴارى ماڭىزدى ٴسوز سويلەدى
12 ـ ايدىڭ 26 ـ كۇنىنەن 27 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسى دەموكراتيالىق تۇرمىس جيىنىن اشتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن
12 ـ ايدىڭ 26 ـ كۇنىنەن 27 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتى ساياسي بيۋروسى دەموكراتيالىق تۇرمىس جيىنىن اشتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن
شينحۋا اگەنتتىگىنىڭ 12 ـ ايدىڭ 27 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 12 ـ ايدىڭ 26 ـ كۇنىنەن 27 ـ كۇنىنە دەيىن دەموكراتيالىق تۇرمىس جيىنىن اشتى، شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا ٴتارتىبىن ۇيرەنۋ تاربيەسىنىڭ جەتىستىكتەرىن بەكەمدەۋدى، تەرەڭدەتۋدى، پارتيا ٴتارتىبى تاربيەسىنىڭ تەجەۋ جانە قامتاماسىزداندىرۋ، شابىتتاندىرۋ رولىن جان ـ جاقتى ساۋلەلەندىرۋدى ارقاۋ ەتىپ، ٴتارتىپ جازاسى ەرەجەسىن ۇيرەنۋ، دايەكتىلەندىرۋ، ورتالىقتىڭ سەگىز ٴتۇرلى بەلگىلەمەسىن تياناقتاندىرۋ جاعدايىن تەكسەرۋدىڭ ماڭىزدى مازمۇنى ەتىپ، يدەيامەن جانە قىزمەت ٴىس جۇزىندىگىمەن ۇشتاستىرىپ، ٴوزىن تەكسەرىپ، پارتيالىلىق تالداۋ جاساپ، سىن جانە ٴوز ـ وزىنە سىن ورىستەتتى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ جيىندى باسقاردى ٴارى ماڭىزدى ٴسوز سويلەدى.
جيىننان بۇرىن قاتىستى جاقتار مۇقيات دايىندىق جاسادى. ورتالىق كوميتەت ساياسي بيۋروسىنداعى جولداستار قاتىستى جاۋاپتى جولداستارمەن سىرلاسىپ، اڭگىمەلەسىپ، پىكىر ـ ۇسىنىستاردى تىڭداپ، سويلەيتىن سوزدەرىنىڭ تەزيسىن دايىندادى. جيىن الدىمەن 2024 ـ جىلعى ورتالىق كوميتەت ساياسي بيۋروسىنىڭ ورتالىقتىڭ سەگىز ٴتۇرلى بەلگىلەمەسىن دايەكتىلەندىرۋ، اتقارۋ جاعدايى جونىندەگى باياندامانى جانە 2024 ـ جىلعى فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ قىزمەتى جاعدايى جونىندەگى باياندامانى تىڭدادى. ورتالىق كوميتەت ساياسي بيۋروسىنداعى جولداستار ٴبىر ـ بىردەن ٴسوز سويلەپ، جيىن نەگىزگى تاقىرىبىن ارقاۋ ەتىپ، «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسىمەن»، «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىن كۇشەيتۋ جانە قورعاۋ جونىندەگى ٴبىرقانشا بەلگىلەمەسىمەن»، «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ورتالىقتىڭ سەگىز ٴتۇرلى بەلگىلەمەسىن دايەكتىلەندىرۋدى، تياناقتاندىرۋدى اتقارۋ ەگجەي ـ تەگجەيلى ەرەجەسىمەن» سالىستىرىپ، مۇقيات تەكسەرىپ، ماسەلەلەردى ورتاعا قويدى، تەرەڭ تالداۋ جاسادى، ويىن اقتارىلا ايتىپ، بۇكپەسىز سويلەستى، جيىن رايى قاتاڭ دا جاندى بولىپ، كوزدەگەن ونىمدىلىككە جەتتى.
ورتالىق كوميتەت ساياسي بيۋروسىنداعى جولداستاردىڭ ٴسوزى 5 ماڭىزدى تۇيىنگە شوعىرلاندى. ٴبىرىنشى، پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن قورعاۋدا اناعۇرلىم تاباندى بولۋ كەرەك؛ ەكىنشى، حالىققا قىزمەت وتەۋ، حالىقتى باقىتقا كەنەلتۋ سىندى قۇن تالپىنىسىن اناعۇرلىم بەكەمدەۋ كەرەك؛ ٴۇشىنشى، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرۋدا اناعۇرلىم تاباندى بولۋ كەرەك؛ ٴتورتىنشى، باستاماشىلدىقپەن ٴتارتىپتى ۇيرەنۋگە، ٴتارتىپتى بىلۋگە، ٴتارتىپتى ايقىنداۋعا، تارتىپكە بويسۇنۋعا اناعۇرلىم تاباندى بولۋ كەرەك؛ بەسىنشى، پارتيانى قاتاڭ باسقارۋ، پارتيانى قاتاڭ جونگە سالۋ ساياسي جاۋاپكەرشىلىگىن اناعۇرلىم بەكەمدەۋ كەرەك.
جيىن مىنالاردى باسا دارىپتەدى: بيىل جىل باسىنان بەرى، ەل ٴىشى ـ سىرتى جاعدايى اكەلگەن سىن ـ سايىستارعا مەڭزەس، پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، وزگەرىسكە بايىپتىلىقپەن توتەپ بەرىپ، كەشەندى شارا قولدانىپ، ەكونوميكالىق، قوعامدىق دامۋدىڭ باستى نىسانا ـ مىندەتتەرىن ٴساتتى ورىنداپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستادى. حالىق تۇرمىسىن تىڭعىلىقتى، پارمەندى قامتاماسىز ەتىپ، قوعامدىق كەلەلى جاعدايدىڭ ورنىقتىلىعىن ساقتاپ، سوتسياليستىك دەموكراتيالىق زاڭمەن باسقارۋ قۇرىلىسىن ىلگەرىلەتۋدە تىڭ ونىمدىلىكتەرگە قول جەتكىزىپ، جۇڭگوشا ٴىرى ەل ديپلوماتياسىندا جاڭا جاعداي اشىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتتى. بۇل ناتيجەلەر وڭاي ـ وسپاق قولعا كەلگەن جوق.
ورتالىق كوميتەت ساياسي بيۋروسىنداعى جولداستار ٴبىر اۋىزدان بىلاي دەپ قارادى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعى بارلىق قىزمەتتى ويداعىداي ىستەۋدىڭ ٴتۇبىرلى كەپىلى، جۇڭگو ۇلگىسىندەگى وسىزامانداندىرۋ كەمەسىنىڭ تولقىن جارا العا ىلگەرىلەپ، ورنىقتى قاداممەن الىسقا جەتۋىنە شىنايى كەپىلدىك ەتەدى. بۇكىل پارتيا، ٴسوز جوق، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ باعىت ـ ساياساتتارى مەن قىزمەت ورنالاستىرۋلارىن بۇلجىماي دايەكتىلەندىرۋى، تياناقتاندىرۋى كەرەك. كەلەر جىل _ ”14 ـ بەسجىلدىق“ جوبا اياقتالاتىن جىل، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، ەكونوميكانىڭ ۇزدىكسىز قايتا ورلەۋىن، جاقسارۋىن ىلگەرىلەتىپ، حالىقتىڭ تۇرمىس دەڭگەيىن ۇزدىكسىز جوعارىلاتىپ، قوعامنىڭ جاراسىمدىلىعىن، ورنىقتىلىعىن ساقتاپ، بۇلجىماي پارتيانى جاپپاي قاتاڭ باسقارىپ، ”14 ـ بەسجىلدىق“ جوباداعى نىسانا ـ مىندەتتەردى جوعارى ساپامەن ورىنداپ، ”15 ـ بەسجىلدىق“ جوبانىڭ تاماشا باستاماسىن جۇزەگە اسىرۋعا بەرىك نەگىز قالاۋ كەرەك.
شي جينپيڭ ورتالىق كوميتەت ساياسي بيۋروسىنداعى ٴاربىر جولداستىڭ سالىستىرىپ تەكسەرۋ سوزىنە ٴبىر ـ بىردەن باعا بەردى، ٴبىر ـ بىردەن تالاپ قويدى ٴارى قورىتىندى جاسادى. ول بىلاي دەپ اتاپ كورسەتتى: ورتالىق كوميتەت ساياسي بيۋروسىنىڭ وسى رەتكى دەموكراتيالىق تۇرمىس جيىنى وتە ٴونىمدى اشىلىپ، يدەيا اۋىستىرۋ، ماسەلەنى قاداعالاۋ، بەتالىستى ايقىنداۋ ماقساتىنا جەتتىك، بۇل ورتالىق كوميتەت ساياسي بيۋروسىنىڭ ىنتىماقتى نىعايتۋىنا، قىزمەتتى جاقسارتۋىنا، بورىش ارقالاۋىنا پايدالى.
شي جينپيڭ بىلاي دەپ باسا دارىپتەدى: وسى رەتكى پارتيا ٴتارتىبىن ۇيرەنۋ تاربيەسىندە ٴىشىنارا پارتيا مۇشەلەرىنىڭ، كادرلاردىڭ پارتيانىڭ ەرەجە ـ ٴتارتىبىن كوڭىل تورىنە قويماۋى، تۇسىنبەۋى، يگەرمەۋى سياقتى ماسەلەلەر كۇش سالا شەشىلىپ، ٴار دارەجەلى پارتيا ۇيىمدارى مەن باسشىلىق القالارىنىڭ پارتيانىڭ ٴتارتىپ قۇرىلىسىن قاتاڭ يگەرۋى ىلگەرىلەتىلىپ، قالىڭ پارتيا مۇشەلەرىنىڭ، كادرلاردىڭ سانالى تۇردە ادال بولۋى، كىرشىكسىز بولۋى، جاۋاپكەرشىلىك ارقالاۋى ىلگەرىلەتىلىپ، كورنەكتى ونىمدىلىككە قول جەتتى. قالىڭ پارتيا مۇشەلەرىنىڭ، كادرلاردىڭ ٴتارتىپ، قاعيدا تانىمى، پاك، تارتىپشەڭ بولۋ تانىمى شىنايى كۇشەيىپ، جاۋاپكەرشىلىك ارقالاپ ىسكەرلىك كورسەتىپ، ٴىس تىندىرىپ ناتيجە جاراتۋ ىشكى قوزعاۋشى كۇشى ونان ارى قاۋلاپ، قاتاڭ نەگىزگى اۋەن، قاتاڭ شارا، قاتاڭ اۋقىم اناعۇرلىم كۇشەيىپ، فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋ ونىمدىلىگى اناعۇرلىم كورنەكتىلەندى.
شي جينپيڭ بىلاي دەپ اتاپ كورسەتتى: پارتيالىلىق جەتىلىمى جاقسى، پارتيالىلىعى كۇشتى بولسا، پارتيا تارتىبىنە بويسۇنۋدا اناعۇرلىم سانالى بولادى. باسشى كادرلار پارتيالىلىقتى شىڭداۋدى، يدەيالىق سانانى جوعارىلاتۋدى ومىرلىك تاقىرىپ ەتىپ، ٴومىر بويى ۇيرەنىپ، ٴومىر بويى جەتىلۋى كەرەك. ساياسي جەتىلىمدى پارتيالىلىق جەتىلىمدە ماڭداي الدى ورىنعا قويىپ، پارتيانىڭ جاسامپاز نازارياسىنان پارتيالىلىق ٴنار الىپ، پارتيا ۋستاۆىن، پارتيا ەرەجەسىن، پارتيا ٴتارتىبىن ۇيرەنۋدى، وعان بويسۇنۋدى، ونى دايەكتىلەندىرۋدى پارتيالىلىق جەتىلىمنىڭ ماڭىزدى مازمۇنى ەتۋ كەرەك. ورتالىق كوميتەت ساياسي بيۋروسىنداعى جولداستار ماركسيزمدىك ساياساتشى ولشەمى بويىنشا وزىنە قاتاڭ تالاپ قويۋعا تاباندى بولىپ، پارتيانىڭ جاسامپاز نازارياسىن باستاماشىلدىقپەن ۇيرەنىپ، دەموكراتيالىق ورتالىقتاندىرۋ ٴتۇزىمىن باستاماشىلدىقپەن اتقارىپ، سىن جانە ٴوز ـ وزىنە سىندى باستاماشىلدىقپەن ورىستەتىپ، پارتيا ٴتارتىبى مەن قاعيداسىنا باستاماشىلدىقپەن قاتاڭ بويسۇنىپ، پارتيانىڭ تاڭداۋلى ٴداستۇرى مەن ستيلىن باستاماشىلدىقپەن اسقاقتاتىپ، شىن مانىندە مۇرات ـ سەنىمدى بەكەمدەپ، پارتياعا قالتقىسىز ادال بولىپ، پارتيا مەن حالىق ىستەرى ٴۇشىن جان قيارلىقپەن ۇلەس قوسۋلارى كەرەك.
شي جينپيڭ بىلاي دەپ باسا دارىپتەدى: پارتيا ٴتارتىبىنىڭ تاربيەلەۋ، تەجەۋ فۋنكتسياسى دا، قامتاماسىز ەتۋ، ىنتالاندىرۋ رولى دا بار. پارتيا ٴتارتىبى مەن ٴىس تىندىرىپ ناتيجە جاراتۋ ىشكى بىرلىككە يە. ٴتارتىپ ٴارى سوقتىعۋعا بولمايتىن تومەنگى شەك پەن شەكارانى ايقىندادى، ٴارى پارتيا مۇشەلەرىنىڭ، كادرلاردىڭ كىرشىكسىز ىستەۋىنە، باتىلدىقپەن ٴىس تىندىرۋىنا ارەكەت ولشەمىن ازىرلەدى. ەرەجەگە، تارتىپكە بويسۇنعاندا، ٴىس تىندىرىپ ناتيجە جاراتۋدىڭ تولىق ەركىندىگى مەن كەڭ ورىسىنە يە بولۋعا بولادى. ورتالىق كوميتەت ساياسي بيۋروسىنداعى جولداستار ۇلگى ورناتىپ، ونەگە كورسەتىپ، ەرەجەگە، تارتىپكە بويسۇنۋدىڭ، ٴىس تىندىرىپ ناتيجە جاراتۋدىڭ ۇلگىسى بولىپ قانا قويماي، ونىڭ ۇستىنە ايقىن باعدار ورناتىپ، باتىلدىقپەن جاۋاپكەرشىلىك ارقالاعاندارعا قولداۋ كورسەتىپ، دەم بەرىپ، قايراتتانا العا ۇمتىلاتىن، ەرلىكپەن العا باساتىن جالىندى جاعداي قالىپتاستىرۋدى ىلگەرىلەتۋى كەرەك.
شي جينپيڭ بىلاي دەپ اتاپ كورسەتتى: پارتيا ٴتارتىبى ۇقىقتى دۇرىس جۇرگىزۋگە، ۇقىعىنان پايدالانىپ قارا باسىنىڭ قامىن كۇيىتتەۋدىڭ الدىن الۋعا تومەنگى شەك سىزىپ، شەكتەلگەن رايون بەلگىلەدى، بۇل پارتيا مۇشەلەرىنىڭ، كادرلاردىڭ پاك، كىرشىكسىز بولۋدى ساقتاۋداعى حاۋىپسىزدىك قورعانى. تارتىپتەن يمەنىپ، تارتىپكە بويسۇنعاندا عانا، ازدىرۋدان ساقتانۋعا، ٴتۇرلى ۋىتتىڭ جايىلۋىنان ساقتانۋعا بولادى. شىرىكتەسۋدى تۋدىراتىن توپىراق پەن شارت ـ جاعداي ٴالى دە ٴومىر سۇرەدى ەكەن، شىرىكتەسۋگە قارسى كۇرەس ماڭگى جالعاسادى. شىرىكتەسۋگە قارسى تۇرۋ كۇرەسىنىڭ جاعدايى جونىندە ەرەكشە سەرگەك بولۋ، پوزيتسيادا ەرەكشە باتىل بولۋ، استە بوساڭسىماۋ، استە كوڭىلشەكتىك ىستەمەۋ كەرەك. ورتالىق كوميتەت ساياسي بيۋروسىنداعى جولداستار اۋىر مىندەت ارقالاپ وتىر، ٴسوز جوق، وزىنە اناعۇرلىم قاتاڭ تالاپ قويىپ، قولىنداعى ۇقىققا بارىنشا اباي بولۋى كەرەك. جاۋاپتى سالاسى مەن باسقاراتىن جەرىندەگى پارتيا ستيلى، پاكتىك قۇرىلىسىن مىقتى يگەرىپ، ٴتۇرلى بۇرىس ستيلدەرمەن جانە شىرىكتەسۋ جايتتەرىمەن باتىل كۇرەس جۇرگىزىپ، وتباسىنداعىلاردى جانە جانىنداعى قىزمەتكەرلەردى تاربيەلەۋدى، باسقارۋدى كۇشەيتۋى كەرەك.
شي جينپيڭ بىلاي دەپ باسا دارىپتەدى: پارتيا ٴتارتىبىن قاتاڭ اتقارۋ جانە قورعاۋ _ بۇكىل پارتيانىڭ ورتاق جاۋاپكەرشىلىگى. ٴار دارەجەلى پارتكومدار (پارتيا باسشىلىق گرۋپپالارى) تۇلعالىق جاۋاپكەرشىلىكتى ويداعىداي ارقالاۋى، پارتيا ۇيىمدارىنىڭ شۋجيلەرى ٴبىرىنشى جاۋاپتى ادام قىزمەت جاۋاپكەرشىلىگىن ويداعىداي اتقارۋى، باسشىلىق القانىڭ باسقا مۇشەلەرى ”ٴبىر قىزمەت ورنىندا ەكى جاۋاپكەرشىلىك ارقالاۋدى“ ويداعىداي اتقارىپ، دارەجە دارەجە بويىنشا جەتەكتەپ، پارتيانىڭ ٴتارتىپ قۇرىلىسىندا ۇزدىكسىز تىڭ ونىمدىلىككە قول جەتكىزۋدى ىلگەرىلەتۋى كەرەك. ورتالىق كوميتەت ساياسي بيۋروسىنداعى جولداستار پارتيانىڭ ٴتارتىپ قۇرىلىسى ساياسي جاۋاپكەرشىلىگىن شىنايى ارقالاپ، جاۋاپتى سالاسى مەن باسقاراتىن جەرىندەگى ٴتارتىپ قۇرىلىسى جاعدايىن دەر كەزىندە جان ـ جاقتى ۇعىسىپ، قىزمەت جاۋاپكەرشىلىگى كولەمىندەگى ماسەلەلەردى باتىلدىقپەن باسقارىپ، باتىلدىقپەن وڭاپ، قاتاڭ باسقارىپ، قاتاڭ وڭاپ، ٴسوزسىز، پارتيانىڭ ٴتارتىپ قۇرىلىسىن كۇشەيتۋدىڭ باسشىسى، اتقارۋشىسى، ىلگەرىلەتۋشىسى بولۋى كەرەك.
شي جينپيڭ سوڭىندا بىلاي دەپ باسا دارىپتەدى: كەلەر جىلعى رەفورما، دامۋ، ورنىقتىلىق مىندەتى توتەنشە اۋىر، ٴار دارەجەلى باسشى كادرلار نەگىزگى ساتىعا ىشكەرىلەي بارىپ، بۇقارامەن ىشكەرىلەي ارالاسىپ، تەكسەرۋ ـ زەرتتەۋدى كۇشەيتىپ، حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن ايقىنداپ، نەگىزگى ساتىداعى دەرەۋ شەشۋدى كۇتىپ تۇرعان كورنەكتى ماسەلەلەردى ايقىنداپ، باعىتتامالى تۇردە اقىلداسىپ شەشۋى كەرەك.