导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

ورتالىق اسكەري ىستەر كوميتەتى شاڭجياڭ اسكەري شەنىنە ٴوسىرۋ سالتىن وتكىزدى

日期:2024年12月25日
来源:新疆日报
【字体:

شي جينپيڭ بۇيرىق كۋالىگىن بەردى ٴارى شەنى وسىرىلگەن اسكەري قولباسىنى قۇتتىقتادى


  12 ـ ايدىڭ 23 ـ كۇنى ورتالىق اسكەري ىستەر كوميتەتىنىڭ شاڭجياڭ اسكەري شەنىنە ٴوسىرۋ سالتى بەيجيڭ 1 ـ تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ٴتوراعاسى شي جينپيڭ شاڭجياڭ اسكەري شەنىنە وسىرىلگەن قۇرلىق ارمياسىنىڭ ساياسي كوميسسارى چىن حۇيگە بۇيرىق كۋالىگىن بەردى.

□ سۋرەتتى شينحۋا اگەنتتىگىنىڭ ٴتىلشىسى لي گاڭ تۇسىرگەن

  شينحۋا اگەنتتىگىنىڭ 12 ـ ايدىڭ 23 ـ كۇنى بەيجيڭنەن بەرگەن حابارى (ٴتىلشى مەي چاڭۋي). ورتالىق اسكەري ىستەر كوميتەتىنىڭ شاڭجياڭ اسكەري شەنىنە ٴوسىرۋ سالتى 12 ـ ايدىڭ 23 ـ كۇنى بەيجيڭ 1 ـ تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ٴتوراعاسى شي جينپيڭ شەن ٴوسىرۋ سالتىنا قاتىناستى.

  تۇستەن بۇرىن ساعات 10 مولشەرىندە شەن ٴوسىرۋ سالتى ايبىندى جۇڭحۋا حالىق رەسپۋبليكاسىنىڭ مەملەكەت انىمەن باستالدى. ورتالىق اسكەري ىستەر كوميتەتىنىڭ ورىنباسار ٴتوراعاسى جاڭ يوۋشيا ورتالىق اسكەري ىستەر كوميتەتىنىڭ ٴتوراعاسى شي جينپيڭ قول قويعان شاڭجياڭ اسكەري شەنىنە ٴوسىرۋ بۇيرىعىن وقىدى. ورتالىق اسكەري ىستەر كوميتەتىنىڭ ورىنباسار ٴتوراعاسى حى ۋيدۇڭ شەن ٴوسىرۋ سالتىن باسقاردى.

  شي جينپيڭ شاڭجياڭ اسكەري شەنىنە وسىرىلگەن قۇرلىق ارمياسىنىڭ ساياسي كوميسسارى چىن حۇيعا بۇيرىق كۋالىگىن بەرىپ، ونى قۇتتىقتادى. شاڭجياڭ اسكەري شەنى پاگونىن تاققان چىن حۇي شي جينپيڭگە قۇرمەت ٴبىلدىردى، سالتقا قاتىناسقان بارلىق جولداسقا قۇرمەت ٴبىلدىردى، بۇكىل زالدان قىزۋ شاپالاق ٴۇنى كوتەرىلدى.

  شەن ٴوسىرۋ سالتى اسقاق جۇڭگو حالىق ازاتتىق ارمياسىنىڭ ارميا انىمەن اياقتادى.

  ورتالىق اسكەري ىستەر كوميتەتىنىڭ مۇشەلەرى ليۋ جىنلي، جاڭ شىڭمين، اسكەري ىستەر كوميتەتى ورگانىنىڭ ٴارقايسى تاراۋىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار، ت. ب شەن ٴوسىرۋ سالتىنا قاتىناستى.