اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 6 ـ كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ قاتىناستى ٴارى ماڭىزدى ٴسوز سويلەدى
اۋمىن ەرەكشە اكىمشىلىك رايونىنىڭ 6 ـ كەزەكتى اكىمى سىن حاۋحۇي جانە ەرەكشە اكىمشىلىك رايون ۇكىمەتىنىڭ نەگىزگى ٴمانساپتىلارى قاتارلىلار سەرت بەرىپ مىندەتكە وتىردى
شي جينپيڭ بىلاي دەپ اتاپ كورسەتتى: اۋمىن وتان قۇشاعىنا ورالعان 25 جىلدان بەرى، اۋمىن ەرەكشەلىگىنە يە ”ٴبىر ەل، ەكى ٴتۇزىم“ امالياتى وراسان زور تابىسقا قول جەتكىزدى، اۋمىندا كەرەمەت وزگەرىستەر تۋىلدى، حالىقارالىق ىقپال كۇشى بارىنشا ارتتى. جاڭا كەزەكتى اۋمىن ەرەكشە اكىمشىلىك رايونى ۇكىمەتىنىڭ قوعامنىڭ ٴار سالاسىن ىنتىماقتاستىرىپ جانە باستاپ، ورايدى مىقتى يگەرىپ، قايراتتانا رەفورما جاساپ، جاۋاپكەرشىلىك ارقالاپ، ىسكەرلىك كورسەتىپ، ”ٴبىر ەل، ەكى ٴتۇزىم“ سىندى ٴتۇزىم ابزالدىلىعىن اناعۇرلىم ويداعىداي ساۋلەلەندىرىپ، ”ٴبىر ەل، ەكى ٴتۇزىم“ ىستەرىنىڭ جوعارى ساپالى دامۋىندا ۇزدىكسىز جاڭا جاعداي اشۋىن ٴۇمىت ەتەمىن

12 - ايدىڭ 20 - كۇنى تۇستەن بۇرىن اۋمىن وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى اۋمىن شىعىس ازيا سپورت جينالىسى دەنە تاربيە سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

12 - ايدىڭ 20 - كۇنى تۇستەن بۇرىن اۋمىن وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتى اۋمىن شىعىس ازيا سپورت جينالىسى دەنە تاربيە سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى. سۋرەتتە: شي جينپيڭنىڭ سەرت بەرۋدى باقىلاۋىندا اۋمىن ەرەكشە اكىمشىلىك رايونىنىڭ 6 - كەزەكتى اكىمى سىن حاۋحۇي سەرت بەرىپ مىندەتكە وتىردى.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 12 ـ ايدىڭ 20 ـ كۇنى اۋمىننان بەرگەن حابارى (تىلشىلەر جۋ جيچاي، جاۋ بو، جاڭ يان). اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 6 ـ كەزەكتى ۇكىمەتىنىڭ مىندەتكە وتىرۋ سالتى 12 ـ ايدىڭ 20 ـ كۇنى تۇستەن بۇرىن اۋمىن شىعىس ازيا سپورت جينالىسى دەنە تاربيە سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قاتىناستى ٴارى ماڭىزدى ٴسوز سويلەدى. ول بىلاي دەپ اتاپ كورسەتتى: اۋمىن وتان قۇشاعىنا ورالعان 25 جىلدان بەرى، اۋمىن ەرەكشەلىگىنە يە ”ٴبىر ەل، ەكى ٴتۇزىم“ امالياتى وراسان زور تابىسقا قول جەتكىزدى، اۋمىندا كەرەمەت وزگەرىستەر تۋىلدى، حالىقارالىق ىقپال كۇشى بارىنشا ارتتى. ول جاڭا كەزەكتى اۋمىن ەرەكشە اكىمشىلىك رايونى ۇكىمەتىنىڭ قوعامنىڭ ٴار سالاسىن ىنتىماقتاستىرىپ جانە باستاپ، ورايدى مىقتى يگەرىپ، قايراتتانا رەفورما جاساپ، جاۋاپكەرشىلىك ارقالاپ، ىسكەرلىك كورسەتىپ، ”ٴبىر ەل، ەكى ٴتۇزىم“ سىندى ٴتۇزىم ابزالدىلىعىن اناعۇرلىم ويداعىداي ساۋلەلەندىرىپ، ”ٴبىر ەل، ەكى ٴتۇزىم“ ىستەرىنىڭ جوعارى ساپالى دامۋىندا ۇزدىكسىز جاڭا جاعداي اشۋىن ٴۇمىت ەتتى.
جيىن الاڭى سالتاناتتى دا مەرەيلى كۇيگە شومدى. ٴتوراعالار مىنبەسىندە جۇڭحۋا حالىق رەسپۋبليكاسىنىڭ مەملەكەت تۋى، مەملەكەت گەربى جانە اۋمىن ەرەكشە اكىمشىلىك رايونىنىڭ رايون تۋى ەرەكشە كوز تارتادى. شي جينپيڭ مەن حانىمى پىڭ لييۋان اۋمىن ەرەكشە اكىمشىلىك رايونىنىڭ 6 ـ كەزەكتى اكىمى سىن حاۋحۇي مەن حانىمى حۋاڭ كىپيڭنىڭ سەرىك بولۋىندا جيىن الاڭىنا كىرگەندە، الاڭداعىلار ورىندارىنان تۇرىپ، قىزۋ شاپالاق سوقتى.
تۇستەن بۇرىن ساعات 10دا قۇتتىقتاۋ جينالىسى جانە مىندەتكە وتىرۋ سالتى باستالدى. بارلىق ادام ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ٴانىن ورىندادى.
شي جينپيڭ ٴتوراعالار مىنبەسىنە شىعىپ سەرت بەرۋدى باقىلادى. سىن حاۋحۇي الدىمەن سەرت بەرىپ مىندەتكە وتىردى، ول جۇڭحۋا حالىق رەسپۋبليكاسىنىڭ مەملەكەت تۋى، مەملەكەت گەربى جانە اۋمىن ەرەكشە اكىمشىلىك رايونىنىڭ رايون تۋى الدىندا تۇرىپ، وڭ قولىن كوتەرىپ، اۋمىن ەرەكشە اكىمشىلىك رايونىنىڭ ٴتۇبىرلى زاڭىنىڭ بەلگىلەمەسى بويىنشا سالتاناتتى سەرت بەردى. سەرت بەرۋ اياقتاعاننان كەيىن شي جينپيڭ سىن حاۋحۇيمەن ىقىلاستى قول الىستى.
ىلە ـ شالا شي جينپيڭنىڭ سەرت بەرۋدى باقىلاۋىندا اۋمىن ەرەكشە اكىمشىلىك رايونى 6 ـ كەزەكتى ۇكىمەتىنىڭ نەگىزگى ٴمانساپتىلارى سىن حاۋحۇيدىڭ باستاۋىندا سەرت بەرىپ مىندەتكە وتىردى. سەرت بەرۋ اياقتاعاننان كەيىن شي جينپيڭ ولارمەن ٴبىر ـ بىردەن قول الىسىپ قۇرمەت ٴبىلدىردى.
وسىدان سوڭ، سىن حاۋحۇيدىڭ سەرت بەرۋدى باقىلاۋىندا اۋمىن ەرەكشە اكىمشىلىك رايونى اكىمشىلىك كەڭەسىنىڭ مۇشەلەرى سەرت بەرىپ مىندەتكە وتىردى.
قىزۋ قول شاپالاق ٴۇنى ىشىندە شي جينپيڭ ماڭىزدى ٴسوز سويلەدى. ول الدىمەن ورتالىق ۇكىمەت جانە بۇكىل ەلدەگى ٴار ۇلت حالقى اتىنان تۇتاس اۋمىن تۇرعىندارىنا شىنايى سالەم جولدادى؛ جاڭادان مىندەتكە تاعايىندالعان اۋمىن ەرەكشە اكىمشىلىك رايونىنىڭ 6 ـ كەزەكتى اكىمى سىن حاۋحۇي مىرزا مەن 6 ـ كەزەكتى ۇكىمەتتىڭ نەگىزگى ٴمانساپتىلارىن، اكىمشىلىك كەڭەسىنىڭ مۇشەلەرىن قىزۋ قۇتتىقتادى؛ ۇزاق ۋاقىتتان بەرى ”ٴبىر ەل، ەكى ٴتۇزىم“ ىستەرىنە جانە اۋمىننىڭ گۇلدەنۋىنە، ورنىقتىلىعىنا، دامۋىنا كوڭىل ٴبولىپ، قولداۋ كورسەتىپ كەلگەن ەل ٴىشى ـ سىرتىنداعى باۋىرلاستارعا جانە حالىقاراداعى دوستارعا شىن جۇرەكتەن العىس ايتتى.
شي جينپيڭ بىلاي دەپ اتاپ كورسەتتى: اۋمىن وتان قۇشاعىنا ورالعان 25 جىلدان بەرى، ”ٴبىر ەل، ەكى ٴتۇزىم“ ٴتۇزىم جۇيەسى ۇزدىكسىز كەمەلدەنىپ، مەملەكەتتىڭ يەلىك ۇقىعى، حاۋىپسىزدىگى، دامۋ مۇددەسى ٴونىمدى قورعالدى؛ ەكونوميكالىق، قوعامدىق دامۋىندا تاريحي قارىشتاۋ جۇزەگە اسىپ، تۇرعىنداردىڭ تابىس سەزىمى، باقىت سەزىمى، حاۋىپسىزدىك سەزىمى بارىنشا كۇشەيدى؛ سىرتپەن سەلبەستىگى ۇزدىكسىز ۇلعايىپ، ”ٴبىر ورتالىق، ٴبىر تۇعىر، ٴبىر بازا“ رولى كۇن سايىن كورنەكتىلەندى.
شي جينپيڭ بىلاي دەپ باسا دارىپتەدى: اۋمىننىڭ وتان قۇشاعىنا ورالعاننان كەيىن قول جەتكىزگەن شۇعىلالى جەتىستىگى ادامدارعا مىنانى دالەلدەدى: ”ٴبىر ەل، ەكى ٴتۇزىم“ _ كورنەكتى ٴتۇزىم ابزالدىلىعىنا جانە قۇدىرەتتى ومىرشەڭ كۇشكە يە، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن ساقتايتىن جاقسى ٴتۇزىم، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە قىزمەت وتەيتىن جاقسى ٴتۇزىم، تۇرلىشە قوعامدىق تۇزىمدەردىڭ بەيبىت قاتار تۇرۋىن، سەلبەسىپ تەڭ يگىلىككە كەنەلۋىن جۇزەگە اسىراتىن جاقسى ٴتۇزىم، وعان، ٴسوز جوق، ۇزاق ۋاقىت تاباندى بولۋ كەرەك. ”ٴبىر ەل، ەكى تۇزىمدە“ قامتىلعان بەيبىتشىلىك، سيىسىمدىلىق، اشىق بولۋ، بىرگە يگىلىكتەنۋ سىندى قۇن ۇستانىمى جۇڭگونىكى ٴارى دۇنيە جۇزىنىكى، بىرگە قورعاۋعا تاتيدى.
شي جينپيڭ بىلاي دەپ اتاپ كورسەتتى: شياڭگاڭنىڭ، اۋمىننىڭ وتان قۇشاعىنا ورالعاننان بەرگى اماليات تاجىريبەلەرى بىزگە شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن ساقتاپ، ”ٴبىر ەل، ەكى ٴتۇزىم“ امالياتىنىڭ ورنىقتى قاداممەن الىسقا جەتۋىن ۇزدىكسىز ىلگەرىلەتۋدە مىناداي 4 ٴىستى ويداعىداي يگەرۋ كەرەكتىگىن ٴتۇسىندىردى: ٴبىرىنشى، ”ٴبىر ەل“ ٴتۇپ نەگىزىن بەرىك ساقتاپ، ”ەكى ٴتۇزىم“ تيىمدىلىگىنەن ۇتىمدى پايدالانۋ كەرەك. مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن بارىنەن جوعارى قويۋعا باستان ـ اياق تاباندى بولىپ، ورتالىقتىڭ جاپپاي باسقارۋ ۇقىعىن تياناقتاندىرۋدان ٴارقانداي ۋاقىتتا اۋىتقۋعا بولمايدى. سونىمەن بىرگە ”ەكى ٴتۇزىمنىڭ“ ايىرماشىلىعىنا قۇرمەت ەتىپ، ەرەكشە اكىمشىلىك رايوننىڭ وسكەلەڭ اۆتونوميا ۇقىعىن تولىق قامتاماسىز ەتىپ، ”ٴبىر ەل، ەكى ٴتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن ۇزدىكسىز جاپپاي، دالمە ـ ٴدال، بۇلجىماي دايەكتىلەندىرىپ، وزگەرمەۋىنە، اۋىتقىماۋعا شىنايى كەپىلدىك ەتۋ، وزگەرمەۋىنە، قۇبىلماۋىنا شىنايى كەپىلدىك ەتۋ كەرەك. ەكىنشى، جوعارى دەڭگەيدەگى حاۋىپسىزدىكتى قورعاۋ، جوعارى ساپالى دامۋدى ىلگەرىلەتۋ كەرەك. حاۋىپسىزدىك _ دامۋدىڭ العى شارتى، دامۋ _ حاۋىپسىزدىكتىڭ قامتاماسىزدىعى، حاۋىپسىزدىكتى قورعاۋ مەن دامۋدى ىلگەرىلەتۋگە بۇلجىماي تاباندى بولۋ كەرەك. قول جەتكىزۋ وڭايعا تۇسپەگەن قازىرگى تىنىش تا بەرەكەلى جاعدايدى قاستەرلەپ، زەيىن ـ زەردەنى شوعىرلاندىرىپ، ەكونوميكانى دامىتىپ، دامۋدى جوسپارلاپ، قۇرىلىس جۇرگىزىپ، جاڭا قوزعالىس قۋاتىن، جاڭا باسىمدىقتى ۇزدىكسىز سومداۋ كەرەك. ٴۇشىنشى، وزگەشە باسىمدىقتى ساۋلەلەندىرىپ، ىشپەن بىرلەسىپ، سىرتپەن تۇتاسۋدى كۇشەيتۋ كەرەك. اناعۇرلىم اشىق، سيىسىمدى بەينەمەن حالىقارالىق بايلانىستى جاپپاي كەڭەيتىپ، الەمدىك ىقپال كۇش پەن باۋراۋ قۋاتىن جوعارىلاتۋ كەرەك. مەملەكەتتىڭ دامۋ ستراتەگياسىمەن تەرەڭ ٴتۇيىلىسىپ، مەملەكەتتىڭ دامۋ كەلەلى جاعدايىمەن جەدەل توعىسىپ، جاڭا دامۋ ارناسىن قالىپتاستىرۋ بارىسىندا كوپىرلىك رولدى اناعۇرلىم ويداعىداي اتقارۋ كەرەك. ٴتورتىنشى، وزەكتى قۇندى اسقاقتاتۋ، سيىسىمدىلىقتى، جاراسىمدىلىقتى جەبەۋ كەرەك. وتاندى ٴسۇيۋ، شياڭگاڭدى ٴسۇيۋ، وتاندى ٴسۇيۋ، اۋمىندى ٴسۇيۋ وزەكتى قۇنىن جالعاستىرىپ، كوپ نەگىزدى مادەنيەتتىڭ اۋىس ـ كۇيىسىن، توعىسۋىن كۇشەيتىپ، بارلىق بەلسەندى كۇشتەردى ۇيىستىرىپ، ەل ٴىشى ـ سىرتىندا ”ٴبىر ەل، ەكى ٴتۇزىم“ ىستەرىن قولدايتىن ەڭ ۇلكەن سەنترلەس شەڭبەردى سىزۋ كەرەك.
شي جينپيڭ جاڭا كەزەكتى اۋمىن ەرەكشە اكىمشىلىك رايونى ۇكىمەتىنە مىناداي 4 ٴتۇرلى ٴۇمىتتى العا قويدى: ٴبىرىنشى، ەكونوميكانىڭ ۇيلەسىمدى، كوپ نەگىزدى دامۋىن كۇش سالا ىلگەرىلەتۋ، ەكىنشى، ەرەكشە اكىمشىلىك رايوندى باسقارۋ قۋاتىن كۇش سالا جوعارىلاتۋ، ٴۇشىنشى، اناعۇرلىم جوعارى دەڭگەيدەگى سىرتقا ەسىك اشۋ تۇعىرىن كۇش سالا تۇلعالاۋ، ٴتورتىنشى، قوعامنىڭ جاراسىمدىلىعىن، ورنىقتىلىعىن كۇش سالا قورعاۋ كەرەك.
شي جينپيڭ مىنالاردى ٴبىلدىردى: جاستار _ اۋمىننىڭ ٴۇمىتى جانە بولاشاعى، اۋمىندى كوركەيتۋدىڭ، مەملەكەتتى كوركەيتۋدىڭ جالىندى كۇشى. قالىڭ جاستاردىڭ اۋمىندى كوكەيدە ساقتاپ، مەملەكەتتى كوكەيدە ساقتاپ، اسقاق مۇرات ورناتىپ، ىجداعاتتىلىقپەن ىستەپ، ”ٴبىر ەل، ەكى ٴتۇزىم“ ٴىسىنىڭ جاقسى قۇرۋشىلارى مەن ٴىزباسارلارى بولىپ، قۇدىرەتتى وتان جانە كوركەم اۋمىن قۇرۋدىڭ كەڭ ورىسىندە جاستىق ورالىن جالىنداتۋىن ٴۇمىت ەتەمىن.
شي جينپيڭ بىلاي دەپ اتاپ كورسەتتى: بيىل جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە جۇيەلى ورنالاستىرۋ جاسادى، مەملەكەتتى قۇدىرەتتەندىرۋ قۇرىلىسىنىڭ ايبىندى كارتيناسى جايىلدى ٴارى تەڭدەسسىز نۇرلى بولاشاعىن ايگىلەدى، جۇڭحۋا ۇلتى بوگەۋ بەرمەس قاداممەن ۇلى گۇلدەنۋگە قادام تاستاۋدا. تەك ”ٴبىر ەل، ەكى ٴتۇزىم“ باعىتىن جاپپاي، دالمە ـ ٴدال، بۇلجىماي دايەكتىلەندىرگەندە، ەرەكشە اكىمشىلىك رايون ۇكىمەتى مەن قوعامنىڭ ٴار سالاسىنىڭ ورتاق قۇلشىنىسى، ۇلى وتاننىڭ كۇشتى تىرەگى بولسا بولعانى، اۋمىن، ٴسوز جوق، دامۋدىڭ جاڭا ٴورىسىن اشىپ، جاڭا شۇعىلانى ۇزدىكسىز جاراتا الادى، ٴسوز جوق، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە اناعۇرلىم زور ۇلەس قوسا الادى.
سىن حاۋحۇي ارناۋ سوزىندە بىلاي دەدى: اۋمىن ەرەكشە اكىمشىلىك رايونىنىڭ 6 ـ كەزەكتى اكىمى رەتىندە، جاۋاپكەرشىلىگىمنىڭ اۋىر، بورىشىمنىڭ داڭقتى ەكەندىگىن تەرەڭ سەزىندىم. ٴبىز ”قايراتتانا بىرگە ىلگەرىلەۋ، تۋراشىلدىقپەن جاڭالىق جاساۋ“ سىندى بيلىك جۇرگىزۋ ۇستانىمىنان جازباي، ٴبىر نيەتپەن سەلبەسىپ، تۋراشىلدىقتان اينىماي جاڭالىق اشىپ، ”ٴبىر ەل، ەكى ٴتۇزىم“ باعىتىن جاپپاي، دالمە ـ ٴدال، بۇلجىماي دايەكتىلەندىرىپ، نەگىزگى زاڭ مەن ٴتۇبىرلى زاڭدا بەلگىلەنگەن ەرەكشە اكىمشىلىك رايوننىڭ نەگىزگى زاڭدىق ٴتۇزىم ٴتارتىبىن باتىل قورعاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، ”وتانشىلدار اۋمىندى باسقارۋ“ پرينسيبىن تاباندىلىقپەن تياناقتاندىرىپ، اۋمىن ەرەكشەلىگىنە يە ”ٴبىر ەل، ەكى ٴتۇزىم“ امالياتىنىڭ جاڭا جاعدايىن ۇزدىكسىز اشامىز. ۇلى وتان پارمەندى تىرەك بولىپ تۇرعاندا، بارلىق اۋمىن قالا تۇرعىندارى ىنتىماقتاسا كۇرەس جۇرگىزگەندە، مەملەكەتتىڭ اۋمىن سىندى ”مەرۋەرتىن“ ونان ارى جارقىراتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە رولىمىزدى اناعۇرلىم ويداعىداي ساۋلەلەندىرىپ، اناعۇرلىم زور ۇلەس قوسۋعا سەنىمىمىز بار، قۋاتىمىز جەتەدى دەپ سەنەمىز.
ساي چي، لي حۇڭجۇڭ، حى ۋيدۇڭ، حى ليفىڭ، ۋاڭ شياۋحۇڭ، ۋاڭ دۇڭفىڭ، شيا باۋلۇڭ قاتارلىلار قاتىناستى.
مەملەكەتتىك ساياسي كەڭەستىڭ ورىنباسار ٴتوراعاسى حى حوۋحۋا، شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ بۇرىنعى اكىمدەرى سۇي شى ـ ان، حى يچىڭ، سونداي ـ اق اۋمىننىڭ ٴار سالا ۋاكىلدەرى جانە ەرەكشە ۇسىنىس ەتىلگەن سيلى قوناقتار دا قۇتتىقتاۋ جينالىسىنا جانە مىندەتكە وتىرۋ سالتىنا قاتىناستى.