导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ اۋمىن ەرەكشە اكىمشىلىك رايونى ۇكىمەتىنىڭ قارسى الۋ كەشكى قوناعاسىنا قاتىناستى ٴارى ماڭىزدى ٴسوز سويلەدى

日期:2024年12月21日
来源:新疆日报
【字体:

   12 ـ ايدىڭ 19 ـ كۇنى كەشتە مەملەكەت ٴتوراعاسى شي جينپيڭ اۋمىن ەرەكشە اكىمشىلىك رايونى ۇكىمەتىنىڭ قارسى الۋ كەشكى قوناعاسىنا قاتىناستى ٴارى ماڭىزدى ٴسوز سويلەدى.

    □ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن

  شينحۋا اگەنتتىگىنىڭ 12 ـ ايدىڭ 19 ـ كۇنى اۋمىننان بەرگەن حابارى (تىلشىلەر ليۋ گاڭ، جاۋ بو). مەملەكەت ٴتوراعاسى شي جينپيڭ 12 ـ ايدىڭ 19 ـ كۇنى كەشتە اۋمىن ەرەكشە اكىمشىلىك رايونى ۇكىمەتىنىڭ قارسى الۋ كەشكى قوناعاسىنا قاتىناستى ٴارى ماڭىزدى ٴسوز سويلەدى. شي جينپيڭ بىلاي دەپ اتاپ كورسەتتى: وتكەن 5 جىل اۋمىن تاريحىنداعى وزگەشە 5 جىل بولدى، دۇنيە ٴجۇزىنىڭ 100 جىلدىق وزگەرىسى جەدەل قۇبىلعان جانە عاسىرلىق ىندەتتىڭ قاتاڭ سىناعى الدىندا، 5 ـ كەزەكتى ەرەكشە اكىمشىلىك رايون ۇكىمەتى اۋمىن قوعامىنىڭ ٴار سالاسىنداعىلاردى ىنتىماقتاستىرىپ جانە باستاپ، قيىندىقتان تايسالماي العا ۇمتىلىپ، ناقتى ٴىس تىندىرىپ، ەكونوميكانىڭ ۇزدىكسىز قالپىنا كەلۋىن، جاقسارۋىن ىلگەرىلەتىپ، ٴتۇرلى ىستەردى جالپى بەتتىك العا باستىرىپ، اۋمىن ەرەكشەلىگىنە يە ”ٴبىر ەل، ەكى ٴتۇزىم“ تابىستى امالياتىنىڭ شىت جاڭا تاراۋىن جازدى.

  اۋمىن شىعىس ازيا سپورت جينالىسى دەنە تاربيە سارايىنىڭ قوناعاسى زالى قىزۋ شاتتىققا شومدى. ساعات 18 مولشەرىندە شي جينپيڭ مەن حانىمى پىڭ لييۋان اۋمىن ەرەكشە اكىمشىلىك رايونىنىڭ اكىمى حى يچىڭ مەن حانىمى جىڭ سۋجىننىڭ سەرىك بولۋىندا زالعا كىردى، بۇكىل زالداعىلار ورىندارىنان تۇرىپ، شاپالاق سوعىپ قارسى الدى.

  دۋ قول شاپالاق ٴۇنى ىشىندە شي جينپيڭ ىستىق ىقىلاسقا تولى ٴسوز سويلەدى. ول الدىمەن ورتالىق ۇكىمەت پەن بۇكىل ەلدەگى ٴار ۇلت حالقى اتىنان بۇكىل اۋمىن تۇرعىندارىنا جانە اۋمىننىڭ دامۋىنا كوڭىل بولگەن، قولداۋ كورسەتكەن حالىقارالىق دوستارعا ىقىلاستى سالەم جولدادى جانە ىزگى تىلەك ٴبىلدىردى.

  شي جينپيڭ مىنالاردى ٴبىلدىردى: وتكەن 5 جىلدا اۋمىن ەكونوميكاسى ۇيلەسىمدى كوپ نەگىزدى دامۋدا جاڭا ونىمدىلىككە قول جەتكىزىپ، حالىق تۇرمىسى قۇت ـ ىرىس دەڭگەيى تىڭ ساتىعا كوتەرىلدى، وتاندى ٴسۇيۋ، اۋمىندى ٴسۇيۋ ساياسي، قوعامدىق نەگىزى كۇن سايىن بەكەمدەلىپ، حالىقاراداعى ىقپال كۇشى مەن تانىمالىلىعى زور دارەجەدە جوعارىلادى. وسى 5 جىلدا اۋمىننىڭ دامۋىندا قول جەتكەن كورنەكتى ناتيجەلەر ”ٴبىر ەل، ەكى ٴتۇزىم“ باعىتىن جاپپاي، دالمە ـ ٴدال دايەكتىلەندىرۋدىڭ ارقاسىندا، ورتالىق ۇكىمەت پەن وتاننىڭ ىشكى وڭىرلەرىنىڭ زور كۇشپەن قولداۋىنىڭ ارقاسىندا، حالىقارالىق قوعامنىڭ بەلسەنە ات سالىسۋىنىڭ ارقاسىندا، ەرەكشە اكىمشىلىك رايون ۇكىمەتىنىڭ قوعامنىڭ ٴار سالاسىن ىنتىماقتاستىرىپ قۇلشىنۋىنىڭ، ەڭبەكتەنۋىنىڭ ارقاسىندا جۇزەگە اسقان.

  شي جينپيڭ مىنالاردى ٴبىلدىردى: اۋمىن ”ٴبىر ەل، ەكى ٴتۇزىم“ سىندى وزگەشە ابزالدىلىققا يە، بەرىك دامۋ نەگىزىن قالادى، مەملەكەتتى قۇدىرەتتەندىرۋ قۇرىلىسىنىڭ، ۇلتتىڭ گۇلدەنۋىنىڭ ايبىندى شىعىس جەلىنىڭ ارقاسىندا، ٴتىپتى دە بيىككە سامعاۋعا، ٴتىپتى دە الىسقا جەتۋگە، ٴتىپتى دە جاقسى دامۋدى جۇزەگە اسىرۋعا شارت ـ جاعدايى، قابىلەتى قاپتال جەتەدى.

  شي جينپيڭ اۋمىنعا 3 ٴتۇرلى ٴۇمىت ٴبىلدىردى، ٴبىرىنشى، بيىكتە تۇرىپ الىسقا كوز جىبەرىپ، گۋاڭدۇڭ _ شياڭگاڭ _ اۋمىن ۇلكەن شىعاناق رايونى قۇرىلىسى سياقتى مەملەكەتتىڭ دامۋ ستراتەگيالارىمەن اناعۇرلىم بەلسەندى، ىرىقتى تۇردە ٴتۇيىلىسىپ، حالىقارالىق ساحنادا اناعۇرلىم زور ىسكەرلىك كورسەتۋ كەرەك. ەكىنشى، بار الەمگە قۇشاق اشىپ، وتاندى ٴسۇيۋ، اۋمىندى ٴسۇيۋ تۋى استىندا اناعۇرلىم اشىق، سيىسىمدى بولىپ، ىنتىماقتاسا كۇش توپتاپ، الەمدەگى دارىندىلاردى كەڭىنەن قابىلداپ، كورىكتى اۋمىندى بىرگە قۇرۋ كەرەك. ٴۇشىنشى، قايراتتانا العا ۇمتىلىپ، اناعۇرلىم زور باتىلدىقتى ايگىلەپ، باتىلدىقپەن وزگەرىس جاساپ، باتىلدىقپەن جاڭالىق اشىپ، ”ٴبىر ەل، ەكى ٴتۇزىم“ سىندى ٴتۇزىم ابزالدىلىعىن اناعۇرلىم ويداعىداي ساۋلەلەندىرىپ، اۋمىن دامۋىنىڭ جاڭا جاعدايىن اشۋ كەرەك.

  شي جينپيڭ مىنانى ٴبىلدىردى: ۇلى وتان پارمەندى تىرەك بولىپ تۇرعاندا، اۋمىن ەرەكشە اكىمشىلىك رايونى، ٴسوز جوق، كۇش ۇستىنە كۇش قوسىپ، قايراتتانا ٴىس تىندىرىپ، جاڭا شارىقتاۋدى جۇزەگە اسىرىپ، جاڭا شۇعىلالى ناتيجە جاراتا الادى.

  حى يچىڭ ارناۋ سوزىندە مىنالاردى ٴبىلدىردى: اۋمىننىڭ وتان قۇشاعىنا ورالعاندىعىنىڭ 25 جىلدىعى قارساڭىندا ٴتوراعا شي جينپيڭ اۋمىنعا تاعى دا كەلدى، بۇل اۋمىن ەرەكشە اكىمشىلىك رايونى جونىنەن ٴىرى ٴىس، قۋانىشتى جانە سالتاناتتى ٴىس. ٴتوراعا شي جينپيڭنىڭ اۋمىنعا تەرەڭ سۇيىسپەنشىلىگى، شىنايى قامقورلىعى اۋمىندىق باۋىرلاستاردى ايرىقشا شابىتتاندىردى، ايرىقشا داڭق سەزىندىردى. اۋمىن وتان ۇلى شاڭىراعىنىڭ ٴبىر مۇشەسى رەتىندە، جاڭا ٴداۋىردىڭ جاڭا جورىعىندا جاڭا جاۋاپكەرلىك ارقالاپ، تىڭ ىسكەرلىك كورسەتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە اناعۇرلىم زور ۇلەس قوسىلدى. مەن ٴتوراعا شي جينپيڭنىڭ ىقىلاستى قامقورلىعى مەن ورتالىق ۇكىمەتتىڭ زور كۇشپەن قولداۋىندا، 6 ـ كەزەكتى اكىم سىن حاۋحۇي مىرزانىڭ جاڭا كەزەكتى ەرەكشە اكىمشىلىك رايون ۇكىمەتى مەن قوعامداعى ٴار سالانى باستاپ، اۋمىن ەرەكشەلىگىنە يە ”ٴبىر ەل، ەكى ٴتۇزىم“ امالياتىنىڭ جاڭا تاراۋىن جازاتىندىعىنا كامىل سەنەمىن.

  ساي چي، لي حۇڭجۇڭ، حى ۋيدۇڭ، حى ليفىڭ، ۋاڭ شياۋحۇڭ، ۋاڭ دۇڭفىڭ، شيا باۋلۇڭ قاتارلىلار قارسى الۋ كەشكى قوناعاسىنا قاتىناستى.

  مەملەكەتتىك ساياسي كەڭەستىڭ ورىنباسار ٴتوراعاسى حى حوۋحۋا، شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ مىندەتكە وتىرۋ الدىندا تۇرعان اكىمى سىن حاۋحۇي، بۇرىنعى اكىم سۇي شى ـ ان، اۋمىن ەرەكشە اكىمشىلىك رايون ۇكىمەتىنىڭ نەگىزگى ٴمانساپتىلارى، اۋمىننىڭ ٴار سالا ۋاكىلدەرى، ت.ب كەشكى قوناعاسىنا قاتىناستى.