导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ اۋمىنعا باردى

日期:2024年12月20日
来源:新疆日报
【字体:

اۋمىن وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە اۋمىن ەرەكشە اكىمشىلىك رايونى 6 ـ كەزەكتى ۇكىمەتىنىڭ مىندەتكە وتىرۋ سالتىنا قاتىناسادى ٴارى اۋمىندى كوزدەن كەشىرەدى

شي جينپيڭ اۋمىنعا باردى

اۋمىن ەرەكشە اكىمشىلىك رايونىنىڭ اكىمى حى يچىڭ قاتارلىلار اۋەجايعا بارىپ قارسى الدى


  12 - ايدىڭ 18 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ارناۋلى ۇشاقپەن اۋمىنعا باردى، 12 - ايدىڭ 20 - كۇنى وتكىزىلەتىن اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە اۋمىن ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناسادى ءارى اۋمىندى كوزدەن كەشىرەدى. سۋرەتتە: شي جينپيڭ مەن حانىمى پىڭ لييۋان قارسى الۋعا كەلگەن جۇرتشىلىققا قۇرمەت بىلدىرۋدە.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 12 ـ ايدىڭ 18 ـ كۇنى اۋمىننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 12 ـ ايدىڭ 18 ـ كۇنى تۇستەن كەيىن ارناۋلى ۇشاقپەن اۋمىنعا باردى، 12 ـ ايدىڭ 20 ـ كۇنى وتكىزىلەتىن اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاۋ جينالىسىنا جانە اۋمىن ەرەكشە اكىمشىلىك رايونى 6 ـ كەزەكتى ۇكىمەتىنىڭ مىندەتكە وتىرۋ سالتىنا قاتىناسادى ٴارى اۋمىندى كوزدەن كەشىرەدى.

  ساعات 16 مولشەرىندە شي جينپيڭ وتىرعان ارناۋلى ۇشاق اۋمىن حالىقارالىق اۋەجايىنا باياۋ كەلىپ قوندى. شي جينپيڭ مەن حانىمى پىڭ لييۋان ۇشاق ەسىگىنەن شىعىپ، قارسى الۋعا كەلگەن جۇرتشىلىققا قول بۇلعاپ قۇرمەت ٴبىلدىردى. اۋمىن ساقشى وركەسترى شات مەرەيلى قارسى الۋ مۋزيكاسىن ورىندادى، ايداعار، ارىستان ٴبيى بيلەنىپ، الاڭ شات ـ شادىمان كۇيگە ەندى. ۇشاق باسپالداعى جانىندا ەكى ٴوسپىرىم شي جينپيڭ مەن پىڭ لييۋانعا گۇل ۇسىندى. اۋمىن ەرەكشە اكىمشىلىك رايونىنىڭ اكىمى حى يچىڭ مەن حانىمى جىڭ سۋجىننىڭ سەرىك بولۋىندا، شي جينپيڭ مەن پىڭ لييۋان قارسى الۋعا كەلگەندەرمەن ىقىلاستى تۇردە قول الىستى. نەشە جۇزدەگەن اۋمىندىق جاس ٴوسپىرىم جانە ٴار سالا بۇقاراسىنىڭ ۋاكىلدەرى مەملەكەت تۋىن، ەرەكشە اكىمشىلىك رايون تۋىن جانە گۇل شوقتارىن بۇلعاپ، قىزۋ قارسى الاتىندىقتارىن ٴبىلدىردى.

  شي جينپيڭنىڭ وسى رەت اۋمىنعا بارۋى ەل ٴىشى ـ سىرتىنىڭ ايرىقشا نازارىن اۋداردى، جۇڭگولىق، شەتەلدىك تىلشىلەر اۋەجايدا كۇتىپ تۇردى. شي جينپيڭ سۇحباتتاسۋ اۋماعىنا بارىپ سول جەردەگى تىلشىلەرمەن امانداستى. ول مىنالاردى ٴبىلدىردى: كورىكتى اۋمىنعا ٴار جولى كەلگەنىمدە ايرىقشا قۋانىشقا بولەنەمىن. وسى رەت باۋىرلاستارمەن بىرگە اۋمىننىڭ وتان قۇشاعىنا ورالعاندىعىنىڭ 25 جىلدىعىن قۇتتىقتاپ، اۋمىننىڭ وسى بىرنەشە جىلداعى تىڭ دامۋىن، تىڭ وزگەرىستەرىن كورۋگە كەلدىم. مەن ورتالىق ۇكىمەت جانە بۇكىل ەلدەگى ٴار ۇلت حالقى اتىنان بارلىق اۋمىندىق تۇرعىندارعا ىقىلاستى سالەم جولدايمىن جانە ىزگى تىلەك بىلدىرەمىن.

  شي جينپيڭ بىلاي دەپ اتاپ كورسەتتى: 25 جىلدان بەرى، اۋمىن ەرەكشەلىگىنە يە ”ٴبىر ەل، ەكى ٴتۇزىم“ امالياتى كۇللى الەمدى مويىنداتقان تابىستارعا قول جەتكىزىپ، تاسقىنداعان ومىرشەڭ كۇشى مەن وزگەشە تارتىمدىلىعىن ايگىلەدى. مەملەكەتتىڭ دامۋى كۇن سايىن جاڭارىپ، اي سايىن تۇلەجىدى، ارىنى كۇشتى بولدى، اۋمىننىڭ دامۋى بارعان سايىن جاقسارىپ كەلەدى، بولاشاعى نۇرلى. بۇل اۋمىن تۇرعىندارىنىڭ داڭقى، سونداي ـ اق بۇكىل ەل حالقىنىڭ ماقتانىشى. ”ٴبىر ەل، ەكى ٴتۇزىمنىڭ“ ٴتۇزىم ابزالدىلىعىن تولىق ساۋلەلەندىرىپ، باتىلدىقپەن كۇرەس جۇرگىزىپ، جۇرەكتىلىكپەن جاڭالىق اشقاندا عانا، اۋمىن، ٴسوز جوق، اناعۇرلىم تاماشا بولاشاق جاراتادى.

  شي جينپيڭ بىلاي دەپ باسا دارىپتەدى: اۋمىن وتانىمىزدىڭ مەرۋەرتى، مەن بۇل ارانىڭ دامۋىن جانە بارلىق تۇرعىندارىنىڭ قۇت ـ ىرىسىن باستان ـ اياق كوكەيدەن شىعارىپ كورگەن ەمەسپىن. الداعى بىرنەشە كۇندە مەن ارالاپ كورىپ، ٴار سالاداعى دوستارمەن كەڭىنەن ىشكەرىلەي اڭگىمەلەسىپ، اۋمىننىڭ دامۋ ۇلى جوسپارىن بىرگە اقىلداسامىن.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لي حۇڭجۇڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ٴتوراعاسى حى ۋيدۇڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حى ليفىڭ، مەملەكەتتىك ساياسي كەڭەستىڭ ورىنباسار ٴتوراعاسى، قوسىمشا باس حاتشىسى ۋاڭ دۇڭفىڭ قاتارلى ساپارلاستارى سول ۇشاقپەن بىرگە باردى. جۇڭگو كوممۋنيستىك پارتياسى ورتالىق كوميتەتى شياڭگاڭ، اۋمىن قىزمەت كەڭسەسى، مەملەكەتتىك كەڭەس شياڭگاڭ، اۋمىن ىستەرى كەڭسەسىنىڭ مەڭگەرۋشىسى شيا باۋلۇڭ الدىن الا باردى ٴارى اۋەجايعا بارىپ قارسى الدى.

  مەملەكەتتىك ساياسي كەڭەستىڭ ورىنباسار ٴتوراعاسى حى حوۋحۋا، اۋمىن ەرەكشە اكىمشىلىك رايونىنىڭ مىندەتكە وتىرۋ الدىندا تۇرعان اكىمى سىن حاۋحۇي، اۋمىن ەرەكشە اكىمشىلىك رايونىنىڭ قازىرگى اكىمشىلىك، زاڭ شىعارۋ، ٴادىليا قۇرىلىمدارىنىڭ جاۋاپتىلارى قاتارلىلار اۋەجايعا بارىپ قارسى الدى.

  ورتالىق ۇكىمەتتىڭ اۋمىندا تۇراتىن بايلانىس جاساۋ كەڭسەسىنىڭ مەڭگەرۋشىسى جىڭ شينسۇڭ، سىرتقى ىستەر مينيسترلىگىنىڭ اۋمىندا تۇراتىن ارنايى قىزمەتكەرى مەكەمەسىنىڭ ارناۋلى قىزمەتكەرى ليۋ شيانفا، جۇڭگو حالىق ازاتتىق ارمياسىنىڭ اۋمىندا تۇراتىن اسكەري ٴبولىمنىڭ سىليڭيۋانى يۇي چاڭجياڭ، جىڭۋيى لين چيڭحۋا قاتارلىلار دا اۋەجايعا بارىپ قارسى الدى.