ازيا _ تىنىق مۇحيت ەكونوميكالىق سەلبەستىك ۇيىمىنىڭ 31 ـ رەتكى باسشىلار بەيرەسمي ماجىلىسىنە، 20 ەل توبى باسشىلارىنىڭ 19 ـ رەتكى باسشىلار ماجىلىسىنە قاتىناسىپ ٴارى پەرۋدەگى، برازيلياداعى مەملەكەتتىك ساپارىن اياقتاتىپ
شي جينپيڭ بەيجيڭگە قايتىپ كەلدى
شينحۋا اگەنتتىگىنىڭ 11 ـ ايدىڭ 23 ـ كۇنى بەيجيڭنەن بەرگەن حابارى. 11 ـ ايدىڭ 23 ـ كۇنى تۇستەن بۇرىن مەملەكەت ٴتوراعاسى شي جينپيڭ ازيا _ تىنىق مۇحيت ەكونوميكالىق سەلبەستىك ۇيىمىنىڭ 31 ـ رەتكى باسشىلار بەيرەسمي ماجىلىسىنە، 20 ەل توبى باسشىلارىنىڭ 19 ـ رەتكى باسشىلار ماجىلىسىنە قاتىناسىپ ٴارى پەرۋدەگى، برازيلياداعى مەملەكەتتىك ساپارىن اياقتاتىپ، ارناۋلى ۇشاقپەن بەيجيڭگە قايتىپ كەلدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلى ساپارلاستارى وسى ۇشاقپەن بىرگە قايتىپ كەلدى.
كاسابلانكادا تەحنيكالىق ايالداپ اتتانعان كەزدە ماروككو باس ٴۋازىرى احەننوۋش قاتارلىلار اۋەجايعا بارىپ اتتاندىرىپ سالدى.
