شي جينپيڭ گۋاڭدۇڭنىڭ جۋحاي قالاسىنداعى اۆتوكولىكپەن جۇرگىنشىلەردى سوعۋ دەلوسى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
جارالانعانداردى بار كۇشپەن قۇتقارىپ ەمدەۋ، قاندى قولدى زاڭ بويىنشا قاتاڭ جازالاۋ، حاۋىپ ـ قاتەردەن تۋ باستان ساقتانۋ ـ تىزگىندەۋدى كۇشەيتىپ، ۇشقارى دەلولاردىڭ تۋىلۋىنان قاتاڭ ساقتانۋ كەرەك
لي چياڭ بەكىتۋ جازدى
شينحۋا اگەنتتىگىنىڭ 11 ـ ايدىڭ 12 ـ كۇنى بەيجيڭنەن بەرگەن حابارى. 11 ـ ايدىڭ 11 ـ كۇنى كەشتە گۋاڭدۇڭنىڭ جۋحاي قالاسى شياڭجوۋ رايونى دەنە تاربيە ورتالىعىندا اۆتوكولىكپەن جۇرگىنشىلەردى سوعۋ دەلوسى تۋىلدى، قازىرگە دەيىن 35 ادام ٴولىپ، 43 ادام اۋىر جارالاندى.
دەلو تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ايرىقشا نازار اۋداردى ٴارى ماڭىزدى نۇسقاۋ بەرىپ، بىلاي دەپ اتاپ كورسەتتى: گۋاڭدۇڭنىڭ جۋحاي قالاسى شياڭجوۋ رايونى دەنە تاربيە ورتالىعىندا اۆتوكولىكپەن جۇرگىنشىلەردى سوعۋ دەلوسى تۋىلىپ، اۋىر ٴولىم ـ ٴجىتىم بولدى، سيپاتى توتەنشە جيرەنىشتى. جارالانعانداردى بار كۇشپەن قۇتقارىپ ەمدەۋ، جارالانعاندارعا، ولگەندەرگە جانە ولاردىڭ وتباسىنداعىلارعا قاتىستى جۇباتۋ، سوڭعى جۇمىستارىن ىڭعايلاۋ قىزمەتتەرىن دەن قويا جاقسى ىستەۋ كەرەك. قاندى قولدى زاڭ بويىنشا قاتاڭ جازالاۋ كەرەك. وڭىرلەر جانە قاتىستى تاراۋلار تەرەڭ ساباق الىپ، بىرەۋى ارقىلى وزگەسىن تۇسپالداپ، حاۋىپ ـ قاتەردەن تۋ باستان ساقتانۋدى، تىزگىندەۋدى كۇشەيتىپ، قايشىلىقتار مەن داۋ ـ شارلاردى دەر كەزىندە جويىپ، ۇشقارى دەلولاردىڭ تۋىلۋىنان قاتاڭ ساقتانىپ، حالىق بۇقاراسىنىڭ ٴومىرىنىڭ حاۋىپسىزدىگىن جانە قوعامنىڭ ورنىقتىلىعىن بار كۇشپەن قامتاماسىز ەتۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، مىنالاردى اتاپ كورسەتتى: جارالانعانداردى بار كۇشپەن قۇتقارىپ، سوڭعى جۇمىستاردى ۇيلەسىمدى ورنالاستىرىپ، دەلونىڭ ٴمان ـ جايىن تەز ارادا انىقتاۋ ٴارى قاندى قولدى زاڭ بويىنشا قاتاڭ جازالاۋ كەرەك. ساقتانۋ مەن تىزگىندەۋدى ۇشتاستىرىپ، حاۋىپ ـ قاتەرلەردى، كومەسكى قاتەرلەردى جانە قوعامدىق قايشىلىقتاردى ٴبىر ـ بىردەن تەكسەرىپ جويۋدى شىنايى ويداعىداي ىستەپ، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋ كەرەك.
شي جينپيڭنىڭ ماڭىزدى نۇسقاۋىنا ساي، ورتالىق سول جەرگە قىزمەت گرۋپپاسىن جىبەرىپ، ٴبىر جاقتى ەتۋ قىزمەتىنە جەتەكشىلىك ەتتى، گۋاڭدۇڭ ولكەسى جانە جۋحاي قالاسى جارالانعانداردى قۇتقارىپ ەمدەۋ، دەلونى بارلاۋ ـ تەكسەرۋ، قوعامدىق ساقتانۋ ـ تىزگىندەۋ سياقتى قىزمەتتەردى بار كۇشپەن ويداعىداي ىستەۋدە. قازىر ٴتۇرلى قىزمەتتەر ورىستەتىلۋ ۇستىندە.