导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ ”جەر شارىنىڭ وڭتۇستىگى“ مەديا اقىلماندار قويماسى جوعارى دارەجەلىلەر تالقى مىنبەرىنە قۇتتىقتاۋ حاتىن جولدادى

日期:2024年11月13日
来源:新疆日报
【字体:

  شينحۋا اگەنتتىگىنىڭ 11 ـ ايدىڭ 11 ـ كۇنى بەيجيڭنەن بەرگەن حابارى. 11 ـ ايدىڭ 11 ـ كۇنى مەملەكەت ٴتوراعاسى شي جينپيڭ ”جەر شارىنىڭ وڭتۇستىگى“ مەديا اقىلماندار قويماسى جوعارى دارەجەلىلەر تالقى مىنبەرىنە قۇتتىقتاۋ حاتىن جولدادى.

  شي جينپيڭ بىلاي دەپ اتاپ كورسەتتى: كەزەكتە جەر شارىنىڭ وڭتۇستىگىنىڭ ىقپالى كورنەكتى كۇشەيىپ، ادامزاتتىڭ العا باسۋ ىستەرىندە بارعان سايىن ماڭىزدى رول اتقارۋدا. جۇڭگو قاي ـ قاشاندا جەر شارىنىڭ وڭتۇستىگىنىڭ ٴبىر مۇشەسى، ماڭگى وركەندەپ كەلە جاتقان ەلگە جاتادى، قالىڭ جەر شارىنىڭ وڭتۇستىگى ەلدەرىمەن بىرگە شىن مانىندەگى كوپ جاقتىلىقتى امالياتتا ايگىلەپ، تەرەزەسى تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا ٴتيىمدى، سيىسىمدى ەكونوميكانىڭ جاھاندانۋىن دارىپتەپ، ادامزاتتىڭ تاعدىرلاس ورتاق تۇلعاسىن قول ۇستاسا ىلگەرىلەتۋدى قالايدى.

  شي جينپيڭ بىلاي دەپ باسا دارىپتەدى: دۇنيە ٴجۇزىنىڭ 100 جىلدىق وزگەرىسىندە وسىزاماندانۋ ارمانىنا قاراي تالپىنىپ، حالىقارالىق ٴتارتىپتىڭ اناعۇرلىم ٴادىل، ۇيلەسىمدى بەتالىسقا قاراي دامۋىن ىلگەرىلەتۋ _ جەر شارىنىڭ وڭتۇستىگىندەگى ەلدەر ارقالاعان قاسيەتتى تاريحي بورىش ٴارى جەر شارىنىڭ وڭتۇستىگى مەديا اقىلماندار قويماسى ٴدوپ كەلگەن ورتاق داۋىرلىك تاقىرىپ. ماجىلىسكە قاتىناسقان سيلى قوناقتاردىڭ ىشكەرىلەي تالقى جۇرگىزىپ، ورتاق تانىم ۇيىستىرىپ، ”وڭتۇستىكتىڭ ٴۇنىن“ بىرگە جاڭعىرتىپ، ”وڭتۇستىكتىڭ جاۋاپكەرشىلىگىن“ ايگىلەپ، جەر شارىنىڭ وڭتۇستىگىنىڭ بەيبىتشىلىكتى قورعايتىن ورنىقتى كۇش، اشىق دامۋداعى تىرەكتى كۇش، بۇكىل جەر شارىن جونگە سالۋداعى قۇرۋشى كۇش، وركەنيەتتەردىڭ ٴوزارا ۇلگى الۋىنداعى جەبەۋشى كۇش بولۋىن ىلگەرىلەتۋگە اقىل ـ پاراساتىن ارناۋىن ٴۇمىت ەتەمىن.

  ”جەر شارىنىڭ وڭتۇستىگى“ مەديا اقىلماندار قويماسى جوعارى دارەجەلىلەر تالقى مىنبەرى سول كۇنى برازيليانىڭ سان _ پاۋلوسىندا شىمىلدىعىن اشتى. تالقى مىنبەرىن شينحۋا اقپارات اگەنتتىگى جانە برازيليا اقپارات سەرىكتەستىگى بىرلەسىپ ۇيىمداستىرىپ وتكىزگەن، نەگىزگى تاقىرىبى _ ” ’جەر شارىنىڭ وڭتۇستىگىنىڭ‘ نەگىزگى اۋەنىن جاڭعىرتىپ، دامۋدىڭ، گۇلدەنۋدىڭ جاڭا جورىعىن باستاۋ“. سول كۇنى برازيليا زۇڭتۇڭى لۋلا دا تالقى مىنبەرىنە قۇتتىقتاۋ حاتىن جولدادى.