
11 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن يندونەزيا زۇڭتۇڭى پرابوۋومەن كەڭەس وتكىزدى. سۋرەتتە: شي جينپيڭ پرابوۋومەن قول الىسۋدا.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 11 ـ ايدىڭ 9 ـ كۇنى بەيجيڭنەن بەرگەن حابارى (ٴتىلشى فىڭ شينران). 11 ـ ايدىڭ 9 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن يندونەزيا زۇڭتۇڭى پرابوۋومەن كەڭەس وتكىزدى.
شي جينپيڭ بىلاي دەپ اتاپ كورسەتتى: ٴسىز بيىل 3 ـ ايدا زۇڭتۇڭدىققا سايلانعاننان كەيىن، ەڭ الدىمەن تۇڭعىش ساپارىڭىزدى جۇڭگودان باستادىڭىز، رەسمي مىندەتكە وتىرعاننان كەيىن دە الدىمەن جۇڭگودا مەملەكەتتىك ساپاردا بولدىڭىز، بۇل ٴسىزدىڭ جۇڭگو _ يندونەزيا قارىم ـ قاتىناسىن دامىتۋعا ايرىقشا ٴمان بەرەتىندىگىڭىزدى ايگىلەدى ٴارى ەكى ەل قارىم ـ قاتىناسىنىڭ جوعارى دەڭگەيىن جانە ستراتەگيالىق سيپاتىن كورسەتتى. ستراتەگيالىق دەربەستىككە، ٴوزارا سەنىمدىلىككە، ٴوزارا قارايلاسۋعا، سەلبەسىپ تەڭ يگىلىككە كەنەلۋگە، ادىلدىككە، ادىلەتتىلىككە تاباندى بولۋ _ ٴارى وتكەن نەشە ون جىلداعى جۇڭگو _ يندونەزيا قارىم ـ قاتىناسىنىڭ دامۋ تاجىريبەلەرىنىڭ قورىتىندىسى، ٴارى بولاشاقتا ەكى ەل قارىم ـ قاتىناسىنىڭ ۇزاق ۋاقىت، ورنىقتى دامۋىندا بويسۇنۋعا ٴتيىستى ماڭىزدى پرينسيپ. جۇڭگو جاق يندونەزيا جاڭا ۇكىمەتىمەن بىرگە بۇرىنعىعا مۇراگەرلىك ەتىپ بولاشاققا جول اشىپ، وڭىرلىك جانە الەمدىك ىقپالعا يە تاعدىرلاس ورتاق تۇلعا قۇرىپ، وركەندەپ كەلە جاتقان ٴىرى ەلدەردىڭ بىرلەسىپ ٴوزىن الۋەتتەندىرۋىنىڭ، ىنتىماقتاسىپ ىستەستىك جاساۋىنىڭ، ٴوزارا پايدا جەتكىزىپ تەڭ يگىلىككە كەنەلۋىنىڭ جاڭا تاراۋىن ۇزدىكسىز جازۋدى قالايدى.
شي جينپيڭ بىلاي دەپ باسا دارىپتەدى: ەكى جاق اناعۇرلىم جوعارى دەڭگەيدەگى ستراتەگيالىق ٴوزارا سەنىمدىلىكتى بەكەمدەپ، جوعارى جىكتەگىلەردىڭ بارىس ـ كەلىسىن جانە ۇكىمەتتەردىڭ، زاڭ شىعارۋ قۇرىلىمدارىنىڭ، جەرگىلىكتى ورىنداردىڭ سەلبەستىگىن جيىلەتىپ، ەل باسقارۋ تاجىريبەلەرى جونىندەگى اۋىس ـ كۇيىستى كۇشەيتىپ، ٴبىر ـ ٴبىرىنىڭ ٴوز ەلىنىڭ مەملەكەت جاعدايىنا ۇيلەسەتىن وسىزاماندانۋ جولى جونىندە ىزدەنىس جاساۋىن باتىل قولداۋى، ٴبىر ـ ٴبىرىنىڭ وزەكتى مۇددەسىن قورعاۋىن جانە ٴجىتى قاداعالاپ وتىرعان كەلەلى ىستەرىن باتىل قولداۋى كەرەك. ستراتەگيالىق سەلبەستىك ورنالاسىمىن ونان ارى كەمەلدەندىرىپ، ساياسي، ەكونوميكا، گۋمانيتارلىق ىستەر، تەڭىز ٴۇستى، حاۋىپسىزدىك سىندى ”بەس ۇلكەن تىرەك“ سەلبەستىگىن تۇلعالاۋى كەرەك.”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋعا تاباندى بولىپ، جاكارتا _ باندۇڭ جوعارى قارقىندى تەمىر جولىن ۇزدىكسىز ويداعىداي جۇرگىزىپ، ”وڭىرلىك ۋنيۆەرسال ەكونوميكا ٴدالىزى“ جانە ”ەكى ەل، قوس باقشا“ سەلبەستىگىن ىلگەرىلەتىپ، سيفرلى ەكونوميكا، وزىق جاساۋ كاسىبى، اينالمالى ەكونوميكا سياقتى سالالارداعى سەلبەستىكتى كۇشەيتىپ، تەڭىز ٴۇستىن بىرگە اشۋ سەلبەستىگىن ورىستەتىپ، جان ـ جاقتى ٴوزارا پايدا جەتكىزۋ سەلبەستىگىن ۇزدىكسىز تەرەڭدەتىپ، توعىسا دامۋدى اناعۇرلىم ويداعىداي جۇزەگە اسىرىپ، ٴوز ـ ٴوزىنىڭ وسىزاماندانۋىن ىلگەرىلەتۋى كەرەك. جۇڭگو جاق تا يندونەزيامەن اناعۇرلىم كوپ حالىققا تيىمدىلىك جاساۋ ينجەنەرياسىن بىرگە تۇلعالاپ، كەدەيلىكتى ازايتۋ، ٴدارى ـ دارمەك، استىق ەگىمشىلىگى، بالىق شارۋاشىلىعى سياقتى سالالارداعى اۋىس ـ كۇيىستى، سەلبەستىكتى كۇشەيتىپ، يندونەزيانىڭ عىلمي زەرتتەۋ دارىندىلارىن باۋلۋىنا جانە كاسىپتىك وقۋ ـ اعارتۋدى دامىتۋىنا قولداۋ كورسەتىپ، اناعۇرلىم كوپ قولايلى شارالاردى شىعارىپ، ادامداردىڭ بارىس ـ كەلىسىن كەڭەيتۋدى قالايدى.
شي جينپيڭ بىلاي دەپ باسا دارىپتەدى: بيىل _ بەيبىت قاتار تۇرۋدىڭ بەس پرينسيبى جاريالانعاندىعىنىڭ 70 جىلدىعى، كەلەر جىلى _ باندۇڭ ٴماجىلىسى اشىلعاندىعىنىڭ 70 جىلدىعى. وركەندەپ كەلە جاتقان ٴىرى ەلدەر، بازارى جاڭادان گۇلدەنگەن ەلدەر جانە جەر شارىنىڭ وڭتۇستىگىنىڭ نەگىزگى مۇشەلەرى رەتىندە، جۇڭگو مەن يندونەزيا بەيبىتشىلىكتى، سەلبەستىكتى، سيىسىمدى بولۋدى، توعىسۋدى وزەك ەتكەن ازيا قۇن كوزقاراسىن بىرگە اسقاقتاتىپ، بەيبىت قاتار تۇرۋدىڭ بەس پرينسيبىنە جانە باندۇڭ رۋحىنا جاڭا داۋىرلىك ٴمان ۇستەپ، جەر شارىنىڭ وڭتۇستىگىندەگى ەلدەردىڭ ىنتىماقتاسىپ، ٴوزىن الۋەتتەندىرۋىنە جەتەكشىلىك ەتىپ، الەمدىك باسقارۋدىڭ اناعۇرلىم ادىلەتتى، ۇيلەسىمدى بەتالىسقا قاراي دامۋىن ىلگەرىلەتۋى كەرەك. جۇڭگو جاق يندونەزيامەن اناعۇرلىم ٴجيى كوپ جاقتى ستراتەگيالىق سايكەسۋ ورىستەتىپ، سىڭار جاقتىلىق پەن قورعامپازدىققا قارسى تۇرىپ، تەرەزەسى تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا بىردەي، سيىسىمدى ەكونوميكانىڭ جاھاندانۋىن ىلگەرىلەتىپ، ٴوڭىردىڭ بەيبىتشىلىگىن، ورنىقتىلىعىن بىرگە قورعاۋدى قالايدى.
پرابوۋو مىنالاردى ٴبىلدىردى: جۇڭگو _ ۇلى مەملەكەت، يندونەزيا مەن جۇڭگونىڭ مىڭ جىلدىق دوستىق بارىس ـ كەلىس تاريحى بار، ەكى ەلدىڭ قارىم ـ قاتىناسى تاماشا دامۋ تەبىنىن ساقتادى. كەزەكتەگى كۇردەلى حالىقارالىق جاعدايدا، يندونەزيا جۇڭگومەن جان ـ جاقتى ستراتەگيالىق ىستەستىكتى ونان ارى كۇشەيتىپ، اناعۇرلىم بەرىك جالپى بەتتىك ستراتەگيالىق سەرىكتەرگە اينالىپ، وڭىرلىك جانە الەمدىك ىقپالعا يە تاعدىرلاس ورتاق تۇلعا قۇرۋدى ٴۇمىت ەتەدى، بۇل ەكى ەل حالقىن باقىتقا كەنەلتىپ قانا قويماي، ازيا ٴوڭىرىنىڭ بەيبىت دامۋدى اناعۇرلىم ويداعىداي جۇزەگە اسىرۋىنا دا تاماشا ورتا جاراتادى. يندونەزيا جۇڭگو جاقپەن ”ٴبىر بەلدەۋ، ٴبىر جولدى“ ۇزدىكسىز جوعارى ساپامەن بىرگە قۇرىپ، ”بەس ۇلكەن تىرەك“ سەلبەستىك ارناسىن كەمەلدەندىرىپ، نەگىزدىك قۇرىلعى، ەنەرگيا ـ كەن، ٴدارى ـ دارمەك، اۋىل شارۋاشىلىعى، تۇرعىن ٴۇي، تەڭىز ٴۇستىن بىرگە اشۋ، استىق حاۋىپسىزدىگى، كەدەيلىكتى ازايتۋ سياقتى جان ـ جاقتى، تۇتاس كاسىپ تىزبەگىندىك سەلبەستىكتى كۇشەيتۋدى قالايدى، جۇڭگو كاسىپورىندارىنىڭ يندونەزياعا بارىپ قارجى قوسۋىن قارسى الادى. يندونەزيا جۇڭگو ۇكىمەتىنىڭ تايۋان ماسەلەسىندەگى تۇرعىسىن بۇكىلدەي قولدايدى، ٴبىر جۇڭگو ساياساتىن باتىل اتقارادى، جۇڭگو ۇكىمەتىنىڭ تەرريتوريا تۇتاستىعىن قورعاۋ، مەملەكەتتىڭ بىرلىككە كەلۋىن جۇزەگە اسىرۋ جولىنداعى قۇلشىنىسىن باتىل قولدايدى. شينجياڭعا ساياتىن ىستەر _ بۇكىلدەي جۇڭگونىڭ ىشكى ٴىسى، يندونەزيا ىشكى ىسكە كيلىكپەۋ پرينسيبىنە تاباندى بولادى، جۇڭگو جاقتىڭ شينجياڭنىڭ دامۋىن، ورنىقتىلىعىن قورعاۋ جولىندا جاساعان قۇلشىنىسىن باتىل قولدايدى. جۇڭگو جاقتىڭ پالەستينا ماسەلەسىندە ادىلدىكتى، تۋراشىلدىقتى جاقتاعاندىعىنا العىس ايتادى. يندونەزيا تاۋەلسىزدىككە، دەربەستىككە تاباندى بولادى، وداقتاسپاۋ ديپلوماتيالىق ساياساتىنا تاباندى بولادى، ٴۇشىنشى جاققا باعىتتالعان ٴارقانداي اسكەري وداققا نەمەسە ”شاعىن شەڭبەرگە“ كىرمەيدى، ٴتوراعا شي جينپيڭ العا قويعان ٴۇش ۇلكەن الەمدىك باستامانى قولدايدى، جۇڭگو جاقپەن 20 ەل توبى سياقتى كوپ جاقتى جۇلگەدە كەڭەسۋدى، ىستەستىك جاساۋدى جيىلەتىپ، جەر شارىنىڭ وڭتۇستىگىنىڭ ورتاق مۇددەسىن قورعاۋ، دۇنيە ٴجۇزىنىڭ كوپ ۇيەكتەنۋىن جەبەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا بەلسەنە قۇلشىنىس جاساۋدى قالايدى.
كەڭەستەن كەيىن ەكى ەلدىڭ مەملەكەت باسشىلارى بىرگە اشۋ، كوك ٴتۇستى ەكونوميكا، سۋ يگىلىگى، كەن ونىمدەرى سياقتى سالالارداعى كوپتەگەن ەكى جاقتى سەلبەستىك حۇجاتتارىنا قول قويىلۋىنا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن يندونەزيا رەسپۋبليكاسىنىڭ جالپى بەتتىك ستراتەگيالىق سەرىكتەستىك قارىم ـ قاتىناستى جانە جۇڭگو _ يندونەزيا تاعدىرلاس ورتاق تۇلعاسى قۇرىلىسىن ىلگەرىلەتۋ جونىندەگى بىرلەسكەن مالىمدەمەسىن» جاريالادى.
كەڭەستەن بۇرىن شي جينپيڭ حالىق سارايىنىڭ سولتۇستىك زالىندا پرابوۋونى قارسى الۋ سالتىن وتكىزدى.
تيان _ انمىن الاڭىندا 21 رەت قۇرمەت ساليۋتى اتىلىپ، قۇرمەت قاراۋىلى قاتار تۇزەپ قۇرمەت ٴبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىقتى، اسكەري وركەستر جۇڭگو مەن يندونەزيا ەكى ەلدىڭ مەملەكەت ٴانىن ورىندادى. پرابوۋو شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ٴارى سالتانات قاتارىن تاماشالادى.
سول كۇنى كەشتە شي جينپيڭ حالىق سارايىنىڭ جينسى زالىندا پرابوۋونى قارسى الۋ قوناعاسىن وتكىزدى.
ۋاڭ ي جوعارىداعى قيمىلدارعا قاتىناستى.