导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

حالىقتىڭ قالاسىن حالىق گۇلدەندىرۋگە، حالىقتىڭ قالاسىنىڭ حالىق ٴۇشىن قىزمەت ەتۋىنە تاباندى بولىپ، جاراسىمدى، كورىكتى قالانى بىرگە قۇرىپ، باقىتتى، تاماشا تۇرمىستى بىرگە جاراتۋ كەرەك

日期:2024年11月06日
来源:新疆日报
【字体:

شي جينپيڭ شاڭحاي قالاسى ياڭپۋ رايونى ”لاۋياڭشۋ ۇگىت لەكسيا ۇيىرمەسىندەگى“ بارلىق جولداسقا جاۋاپ حات قايتارىپ، بىلاي دەپ باسا دارىپتەدى

  حالىقتىڭ قالاسىن حالىق گۇلدەندىرۋگە، حالىقتىڭ قالاسىنىڭ حالىق ٴۇشىن قىزمەت ەتۋىنە تاباندى بولىپ، جاراسىمدى، كورىكتى قالانى بىرگە قۇرىپ، باقىتتى، تاماشا تۇرمىستى بىرگە جاراتۋ كەرەك

  شينحۋا اگەنتتىگىنىڭ 11 ـ ايدىڭ 4 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ شاڭحاي قالاسى ياڭپۋ رايونى ”لاۋياڭشۋ ۇگىت لەكسيا ۇيىرمەسىندەگى“ بارلىق جولداسقا جاۋاپ حات قايتارىپ، ولارعا شىنايى سالەم جولدادى ٴارى ىقىلاستى ٴۇمىت ارتتى.

  شي جينپيڭ بىلاي دەپ اتاپ كورسەتتى: سىزدەر ٴوز كەشىرمەلەرىڭىزبەن ۇشتاستىرىپ قالا تۇرعىندارىنا تاريحتى، پارتيانىڭ جاسامپاز نازارياسىن، جاڭا داۋىردە شاڭحاي قالاسىندا تۋىلعان قۋانارلىق وزگەرىستەردى باياندادىڭىزدار، بۇل توتەنشە ماعىنالى ٴىس.

  شي جينپيڭ بىلاي دەپ باسا دارىپتەدى: حالىقتىڭ قالاسىن حالىق گۇلدەندىرۋى، حالىقتىڭ قالاسى حالىق ٴۇشىن قىزمەت ەتۋى كەرەك. ماڭايلارىڭىزداعى جان تەبىرەنتەرلىك حيكايالاردى ۇزدىكسىز ويداعىداي بايانداپ، اناعۇرلىم كوپ قالا تۇرعىنىن حالىق قالاسى ۇستانىمىن امالياتتا ىشكەرىلەي ايگىلەپ، قالا قۇرىلىسىنا جانە ونى باسقارۋعا بەلسەنە ات سالىسۋعا باستاپ، جاراسىمدى، كورىكتى قالانى بىرگە قۇرىپ، باقىتتى، تاماشا تۇرمىستى بىرگە جاراتۋلارىڭىزدى ٴۇمىت ەتەمىن.

  2019 ـ جىلى 11 ـ ايدا باس شۋجي شي جينپيڭ شاڭحاي قالاسىندا قىزمەت تەكسەرگەندە ”حالىقتىڭ قالاسىن حالىق گۇلدەندىرۋى، حالىقتىڭ قالاسى حالىق ٴۇشىن قىزمەت ەتۋ“ ۇستانىمىن تۇڭعىش رەت العا قويدى، وسىدان كەيىن شاڭحايدىڭ حالىق قالاسى قۇرىلىسى جونىندە تالاي رەت ماڭىزدى نۇسقاۋ بەردى. ”لاۋياڭشۋ ۇگىت لەكسيا ۇيىرمەسى“ شاڭحاي ياڭپۋ رايونىندا ۇزاق ۋاقىت قىزمەت ىستەگەن، تۇرمىس كەشىرگەن ساقا كادرلاردان، ساقا جاۋىنگەرلەردەن، ساقا مامانداردان، ساقا وقىتۋشىلاردان، ساقا ۇلگىلەردەن قۇرام تاپقان، باستىسى، نەگىزگى ساتىداعى بۇقارانى بەتكە الىپ، پارتيانىڭ جاسامپاز نازارياسى، حالىق قالاسى ۇستانىمى سياقتى ۇگىت لەكسيا قيمىلدارىن ورىستەتەدى. جۋىقتا وسى ۇجىمداعى بارلىق جولداس باس شۋجي شي جينپيڭگە حات جازىپ، ۇگىت لەكسيا ورىستەتۋ جاعدايىنان مالىمەت بەرىپ، پارتيا مۇشەسى رولدارىن ۇزدىكسىز ساۋلەلەندىرىپ، شاڭحاي حالىق قالاسى قۇرىلىسىنا ۇلەس قوسۋ بەكىمدەرىن بىلدىرگەن بولاتىن.