شينحۋا اگەنتتىگىنىڭ 10 ـ ايدىڭ 27 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى قۇراستىرعان «شي جينپيڭنىڭ سالاماتتى جۇڭگو جونىندەگى بايىمداۋلارىنان ۇزىندىلەر» كىتابى جۋىقتا ورتالىق حۇجاتتار باسپاسىنان باسىلىپ شىعىپ، بۇكىل ەلدە تاراتىلدى.
حالىقتىڭ سالاماتتىعى _ سوتسياليستىك وسىزامانداندىرۋدىڭ ماڭىزدى بەلگىسى. پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى بارىنەن جوعارى قويۋعا، ٴومىردى بارىنەن جوعارى قويۋعا باستان ـ اياق تاباندى بولىپ، حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، جۇڭگوشا دەنساۋلىق ساقتاۋ جانە سالاماتتىق دامۋ جولىنا تاباندى بولىپ، جاڭا داۋىردەگى دەنساۋلىق ساقتاۋ جانە سالاماتتىق قىزمەتى باعىتىن بەلگىلەپ، سالاماتتى جۇڭگو قۇرىلىسىن جاپپاي ىلگەرىلەتىپ، ەمدەۋ، ٴدارى ـ دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتىپ، دۇنيە ٴجۇزى بويىنشا كولەمى ەڭ زور ەمدەۋ ـ دەنساۋلىق ساقتاۋ جۇيەسىن ورناتىپ، قالا مەن اۋىلدى قامتيتىن الەۋمەتتىك دەنساۋلىق ساقتاۋ قىزمەت وتەۋ جۇيەسىن كەمەلدەندىردى، ەلىمىز حالقىنىڭ سالاماتتىق دەڭگەيى كورنەكتى جوعارىلادى. شي جينپيڭ جولداستىڭ سالاماتتى جۇڭگو قۇرىلىسىن ارقاۋ ەتە وتىرىپ جاريالاعان ٴبىر قىدىرۋ ماڭىزدى بايىمداۋلارىنىڭ ويى ورەلى، مازمۇنى باي، يدەياسى تەرەڭ، بۇل جاڭا داۋىردەگى ەلىمىزدىڭ دەنساۋلىق ساقتاۋ جانە سالاماتتىق ىستەرىنىڭ دامۋىن ىلگەرىلەتۋ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە مىعىم سالاماتتىق نەگىزىن قالاۋ جونىنەن توتەنشە ماڭىزدى مانگە يە.
«بايىمداۋلاردان ۇزىندىلەر» 10 ارناۋلى تاقىرىپقا بولىنگەن، جيىنى 292 بولىك بايىمداۋ بار، شي جينپيڭ جولداستىڭ 2012 ـ جىلى 11 ـ ايدان 2024 ـ جىلى 9 ـ ايعا دەيىنگى مەزگىلدەگى باياندامالارى، سوزدەرى، سۇحباتتارى، ارناۋ سوزدەرى، حاتتارى، نۇسقاۋلارى، بەكىتۋلەرى سياقتى 140تان استام ماڭىزدى حۇجاتتان الىنعان. مۇنىڭ ىشىندە ٴىشىنارا بايىمداۋلار تۇڭعىش رەت جاريالانىپ وتىر.
