导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ چاۋشياننىڭ مەملەكەت مەرەكەسىنىڭ 76 جىلدىعى بايلانىسىمەن چاۋشياننىڭ ەڭ جوعارى باسشىسى جين جىڭىنعا قۇتتىقتاۋ تەلەگرامماسىن جولدادى

日期:2024年09月11日
来源:新疆日报
【字体:

  شينحۋا اگەنتتىگىنىڭ 9 ـ ايدىڭ 9 ـ كۇنى بەيجيڭنەن بەرگەن حابارى. 9 ـ ايدىڭ 9 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ چاۋشياننىڭ مەملەكەت مەرەكەسىنىڭ 76 جىلدىعى بايلانىسىمەن چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىنعا قۇتتىقتاۋ تەلەگرامماسىن جولدادى.

  شي جينپيڭ بىلاي دەپ اتاپ كورسەتتى: 76 جىلدان بەرى چاۋشيان ەڭبەك پارتياسىنىڭ باسشىلىعىندا، چاۋشيان حالقى ٴبىر نيەتپەن ىنتىماقتاسىپ، مەملەكەتتىڭ ٴتۇرلى ىستەرىنىڭ قارىشتاپ دامۋىن ىلگەرىلەتتى. سوڭعى جىلدارى باس شۋجي جولداس چاۋشيان پارتياسى مەن حالقىن باستاپ، چاۋشيان ەڭبەك پارتياسى 8 ـ قۇرىلتايىنىڭ جانە ٴار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، كوركەيتۋدە، دامىتۋدا ٴبىر قىدىرۋ جەتىستىكتەرگە قول جەتكىزدى. باس شۋجي جولداس باس بولعان چاۋشيان ەڭبەك پارتياسىنىڭ باسشىلىعىندا، چاۋشيان حالقىنىڭ، ٴسوز جوق، چاۋشيان ۇلگىسىندەگى سوتسياليزم ىستەرىن ىلگەرىلەتۋ جورىعىندا ۇزدىكسىز تىڭ دا اناعۇرلىم زور جەڭىستەرگە قول جەتكىزەتىندىگىنە سەنەمىن.

  شي جينپيڭ بىلاي دەپ باسا دارىپتەدى: جۇڭگو مەن چاۋشيان ەكى ەلدىڭ تاۋ ـ سۋى جالعاسقان، ٴداستۇرلى دوستىعى ۋاقىت وتكەن سايىن بەكەمدەلە ٴتۇستى. بيىل _ جۇڭگو مەن چاۋشياننىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى جانە ”جۇڭگو _ چاۋشيان دوستىق جىلى“. جاڭا داۋىردە، جاڭا جاعدايدا، جۇڭگو جاق جۇڭگو _ چاۋشيان قارىم ـ قاتىناسىنا ۇزدىكسىز ستراتەگيالىق بيىكتەن جانە ۇزاق بولاشاقتىق تۇرعىدان قارايدى، چاۋشيان جاقپەن ستراتەگيالىق قارىم ـ قاتىناستى تەرەڭدەتىپ، سايكەسۋدى، سەلبەسۋدى كۇشەيتىپ، جۇڭگو مەن چاۋشياننىڭ ٴداستۇرلى دوستىق سەلبەستىك قارىم ـ قاتىناسىن بىرگە ويداعىداي قورعاپ، ويداعىداي بەكەمدەپ، ويداعىداي دامىتىپ، سوتسياليزم ىستەرىن بىرگە ىلگەرىلەتىپ، ەكى ەل حالقىنا ٴتىپتى دە كوپ قۇت ـ ىرىس اكەلۋگە، ٴوڭىردىڭ جانە دۇنيە ٴجۇزىنىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن جەبەۋگە اناعۇرلىم زور ۇلەس قوسۋدى قالايدى.