شي جينپيڭ 33 ـ كەزەكتى وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىندەگىلەرمەن كەزدەسكەندە بىلاي دەپ باسا دارىپتەدى
داندايسۋدان، ۇشقالاقتىقتان ساقتانىپ، كۇش ۇستىنە كۇش قوسىپ، دەنە تاربيەدە قۋاتتى ەل قۇرۋعا تاعى دا تىڭ ۇلەس قوسىڭىزدار
جاۋ لىجي، ۋاڭ حۋنيڭ، ساي چي، لي شي، حان جىڭ كەزدەسۋگە قاتىناستى
8 ـ ايدىڭ 20 ـ كۇنى پارتيا مەن مەملەكەت باسشىلارىنان شي جينپيڭ، جاۋ لىجي، ۋاڭ حۋنيڭ، ساي چي، لي شي، حان جىڭ قاتارلىلار حالىق سارايىندا 33 ـ كەزەكتى جازعى وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىنىڭ بارلىق مۇشەسىمەن كەزدەستى. سۋرەتتە: شي جينپيڭ ماڭىزدى ٴسوز سويلەۋدە.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
8 ـ ايدىڭ 20 ـ كۇنى پارتيا مەن مەملەكەت باسشىلارىنان شي جينپيڭ، جاۋ لىجي، ۋاڭ حۋنيڭ، ساي چي، لي شي، حان جىڭ قاتارلىلار حالىق سارايىندا 33 ـ كەزەكتى جازعى وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىنىڭ بارلىق مۇشەسىمەن كەزدەستى.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 8 ـ ايدىڭ 20 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 8 ـ ايدىڭ 20 ـ كۇنى تۇستەن كەيىن حالىق سارايىندا 33 ـ كەزەكتى جازعى وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىنىڭ بارلىق مۇشەسىمەن كەزدەستى. ول بىلاي دەپ باسا دارىپتەدى: پاريج وليمپيادا سپورت جارىسىندا سىزدەر ٴبىر نيەتپەن ىنتىماقتاسىپ، قايسارلىقپەن شايقاسىپ، ەرلىكپەن العا ۇمتىلىپ، بورىشتارىڭىزدى وتەپ، ەلىمىزدىڭ شەكارا سىرتىندا جازعى وليمپيادا سپورت جارىسىنا قاتىناسۋ تاريحىنداعى ەڭ جاقسى ناتيجەگە قول جەتكىزىپ، جارىس ناتيجەسى مەن رۋحاني وركەنيەتتەن بىردەي سۇبەلى تابىسقا قول جەتكىزىپ، وتان مەن حالىققا داڭق اپەردىڭىزدەر. ول پارتيا ورتالىق كوميتەتى مەن مەملەكەتتىك كەڭەس اتىنان كوپشىلىكتىڭ جەڭىسپەن ورالعاندىعىن قارسى الىپ، كوپشىلىكتى قىزۋ قۇتتىقتادى جانە ولاردان شىنايى حال سۇرادى ٴارى بۇكىل ەلدەگى دەنە تاربيە شەبىندەگى جولداستارعا شىنايى سالەم جولدادى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى جاۋ لىجي، ۋاڭ حۋنيڭ، ساي چي، لي شي، مەملەكەتتىڭ ورىنباسار ٴتوراعاسى حان جىڭ كەزدەسۋگە قاتىناستى.
حالىق سارايىنىڭ جينسى زالى قۋانىش شاتتىعىنا شومدى. تۇستەن كەيىن ساعات 3تەن 20 مينۋت مولشەرىندە، شي جينپيڭ قاتارلى پارتيا مەن مەملەكەت باسشىلارى ۋاكىلدەر ۇيىرمەسى مۇشەلەرىنىڭ اراسىنا كەلگەندە، تۇتاس الاڭدى ۇزاققا دەيىن قىزۋ شاپالاق ٴۇنى كەرنەدى. شي جينپيڭ قاتارلىلار كوپشىلىكپەن ىقىلاسپەن قول الىستى ٴارى ەستەلىك سۋرەتكە ٴتۇستى.
قىزۋ قول شاپالاق ٴۇنى ىشىندە شي جينپيڭ ماڭىزدى ٴسوز سويلەدى. ول مىنالاردى ٴبىلدىردى: جۇڭگو دەنە تاربيە ۋاكىلدەر ۇيىرمەسىنىڭ ۇزدىك ناتيجەسى _ ٴارى ەلىمىزدىڭ دەنە تاربيە ىستەرىنىڭ دامۋىنىڭ، العا باسۋىنىڭ شوعىرلى بەينەسى، ٴارى جۇڭگو ۇلگىسىندەگى وسىزامانداندىرۋ قۇرىلىسى تابىستارىنىڭ ىقشام كورىنىسى، ول جاڭا داۋىردەگى جۇڭگو كۇشىن تولىق ايگىلەدى. مەملەكەت گۇلدەنسە، دەنە تاربيە گۇلدەنەدى، مەملەكەت كۇشەيسە، دەنە تاربيە كۇشەيەدى. ەلىمىزدىڭ دۇنيە جۇزىندەگى دەنە تاربيەدە ٴىرى ەل، وليمپيادا سپورت جارىسىندا قۋاتتى ەل قاتارىنا كىرە الۋى، تۇپتەپ كەلگەندە، مەملەكەتتىڭ جالپىلىق قۋاتىنىڭ ۇزدىكسىز كۇشەيۋىنە بايلانىستى بولدى، ول دەنە تاربيە باسەكەلىك جاتتىعۋىن وزىق عىلىم ـ تەحنيكالىق تىرەكپەن جانە بەرىك زاتتىق كەپىلمەن قامدادى، سونداي ـ اق ٴار سالاداعى دەنە تاربيە دارىندىلارىنىڭ توپ جارىپ العا شىعۋىنا تاماشا تولىسۋ ورتاسىن جانە كەڭ كولەمدى بۇقارالىق نەگىز ازىرلەدى. جاڭا ٴداۋىردىڭ جاڭا جورىعىندا جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ، ٴسوز جوق، ەلىمىزدىڭ دەنە تاربيە ىستەرىنىڭ دامۋىنا اناعۇرلىم جاقسى شارت ـ جاعداي ازىرلەيدى، پارمەندى قوزعاۋشى كۇش قوسادى. ٴبىز حالىقتى وزەك ەتكەن دەنە تاربيە ىستەرىن ۇزدىكسىز بار كۇشپەن دامىتىپ، جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىنىڭ ىشكەرىلەي توعىسۋىن ىلگەرىلەتىپ، دەنە تاربيەدە قۋاتتى ەل قۇرۋ، سالاماتتى جۇڭگو قۇرۋ نىساناسىنا قاراي ۇزدىكسىز قادام تاستاۋىمىز كەرەك.
شي جينپيڭ بىلاي دەپ اتاپ كورسەتتى: جۇڭگو دەنە تاربيە ۋاكىلدەر ۇيىرمەسىنىڭ ۇزدىك ناتيجەلەرى جۇڭحۋا دەنە تاربيە رۋحى مەن وليمپيادا رۋحىن ساۋلەلەندىرىپ، جۇڭحۋا ۇلتى رۋحى مەن ٴداۋىر رۋحىنىڭ ٴبىر ـ بىرىنە ٴار بەرۋىنە مۇمكىندىك جاساپ، جاڭا داۋىردەگى جۇڭگو رۋحىن جاندى بەينەلەدى. جارىس الاڭىندا كوپشىلىك پارتيا مەن حالىقتىڭ ماڭىزدى تاپسىرماسىن ەستە بەرىك ساقتاپ، ”مەملەكەتتىڭ داڭقى ماڭگى جەكە ادامنان ۇستەم تۇرادى“، ”العان التىن مەدالىمدى ۇلى وتانعا ارنايمىن“ دەگەن سياقتى كۇشتى سەرتپەن، وتاندى بارىنەن جوعارى قويۋ، وتانعا داڭق اپەرۋدەي قالتقىسىز سۇيىسپەنشىلىكتەرىن ايگىلەدى، قايسارلىقپەن شايقاسىپ، تالىقپاي تالپىنىپ، ٴسوز جوق، جەڭىسكە جەتۋ سەنىمدەرىن ايگىلەدى، ىنتىماقتاسا سەلبەسەتىن، تىزە قوسا شايقاس جاسايتىن باعالى قاسيەتتەرىن ايگىلەدى، جۇڭگو جاستارىنىڭ سەنىمدى، ۇمىتكەر، ىقىلاستى، دوستىق جالىندى كەلبەتىن ايگىلەدى. سىزدەر بۇكىل دۇنيە جۇزىنە جۇڭحۋانىڭ تاڭداۋلى ٴداستۇرلى مادەنيەتىنىڭ مايەكتى قورىن، جۇڭگونىڭ اشىق، سيىسىمدى، اسقاق، العاباسار داۋىرلىك بەت ـ بەينەسىن، جۇڭگو حالقىنىڭ جىگەرىن، ەرلىگىن جانە ارىنىن كورسەتتىڭىزدەر. وتان مەن حالىق سىزدەردى ماقتانىش ەتەدى، سىزدەردى القايدى.
شي جينپيڭ بىلاي دەپ باسا دارىپتەدى: جۇڭگو دەنە تاربيە ۋاكىلدەر ۇيىرمەسى ٴمورال التىن مەدالىن الۋعا، ستيل التىن مەدالىن الۋعا، كىرشىكسىز التىن مەدال الۋعا تاباندى بولىپ، دەنە تاربيە ٴمورال سالتىن اسقاقتاتىپ، كەڭ كولەمدە قۇرمەتكە، مويىنداۋعا يە بولىپ، جاڭا داۋىردەگى جۇڭگو وبرازىن تولىق ايگىلەدى. جارىس الاڭىندا كوپشىلىك ەرەجەگە بويسۇنىپ، ارىپتەستەرىنە قۇرمەت ەتىپ، تورەشىلەرگە قۇرمەت ەتىپ، كورەرمەندەرگە قۇرمەت ەتىپ، تاماشا جارىس ستيلىن، جارىس ٴتارتىبىن جانە وركەنيەتتى سالتتى ساقتاپ، جەڭسە داندايسىماي، جەڭىلسە جاسىماي، ونەر جاعىندا، ٴمورال جاعىندا، ستيل جاعىندا دەرلىك التىن مەدال الدى.
شي جينپيڭ بىلاي دەپ اتاپ كورسەتتى: جاڭا وليمپيادا سپورت جارىسىنا دايىندالۋدىڭ پەريودى باستالدى. كوپشىلىكتىڭ داندايسۋدان، ۇشقالاقتىقتان ساقتانىپ، كۇش ۇستىنە كۇش قوسىپ، جاتتىعۋ جانە جارىس دەڭگەيىن جوعارىلاتىپ، ارتىقشىلىقتى ساۋلەلەندىرىپ، ولقىلىقتاردى تولىقتاپ، دارىندىلاردى تاربيەلەۋدى جەدەلدەتىپ، سايىسقا دايىندالۋ قىزمەتىن جوعارى ساپامەن ويداعىداي ىستەۋىن ٴۇمىت ەتەمىن. باسەكەلىك دەنە تاربيە مەن بۇقارالىق دەنە تاربيە ٴبىرىن ـ ٴبىرى تولىقتايدى، كوپشىلىكتىڭ باسەكەلىك دەنە تاربيەنىڭ جالپىلىق قۋاتىن ونان ارى جوعارىلاتىپ، جالپى حالىقتىق دەنە شىنىقتىرۋدى، جاستار مەن ورەندەر سپورتىنىڭ قارىشتاپ دامۋىن جەبەپ، دەنە تاربيەدە قۋاتتى ەل قۇرۋعا تاعى دا تىڭ ۇلەس قوسۋىن ٴۇمىت ەتەمىن.
ۋاڭ ي، ليۋ گوجۇڭ، لي شۋلەي، لي حۇڭجۇڭ، حى ۋيدۇڭ، چىن ۋ، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ٴارقايسى ولكە، اۆتونوميالى رايون، توتە قاراستى قالالاردىڭ جانە شينجياڭ ٴوندىرىس ـ قۇرىلىس بيڭتۋانىنىڭ دەنە تاربيە تاراۋلارىنداعى جاۋاپتى جولداستار كەزدەسۋگە قاتىناستى.