شينحۋا اگەنتتىگىنىڭ 8 ـ ايدىڭ 16 ـ كۇنى بەيجيڭنەن بەرگەن حابارى. مەملەكەتتىك ەنەرگيا مەكەمەسى ۇيىمداستىرىپ قۇراستىرعان «شي جينپيڭنىڭ مەملەكەتتىڭ ەنەرگيا حاۋىپسىزدىگى جونىندەگى ماڭىزدى بايىمداۋلارىن ىشكەرىلەي ۇيرەنەيىك» اتتى كىتاپ تاياۋدا حالىق باسپاسىنان باسپادان شىعىپ، بۇكىل ەلدە تاراتىلدى.
بۇل كىتاپ شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ مەملەكەتتىڭ ەنەرگيا حاۋىپسىزدىگى جونىندەگى ماڭىزدى بايىمداۋلارىنىڭ باي مازمۇنىن، وزەكتى ٴمانىن، رۋحاني ٴنارىن، امالياتتىق تالابىن ارناۋلى تاقىرىپتا بايىمدادى. پارتيا 18 ـ قۇرىلتايىنان بەرى باس شۋجي شي جينپيڭ ەنەرگيا حاۋىپسىزدىگى جونىندە كوپ رەت ماڭىزدى ٴسوز سويلەپ، ٴبىر قىدىرۋ ماڭىزدى نۇسقاۋ بەرىپ، ەنەرگيا حاۋىپسىزدىگىنىڭ مەملەكەتتىڭ ەكونوميكالىق، قوعامدىق دامۋىنا قاتىستى جالپى جاعداي سيپاتتى، ستراتەگيالىق سيپاتتى ماسەلە ەكەندىگىن ىشكەرىلەي اتاپ كورسەتىپ، ەنەرگيا قامتاماسىزدىعى مەن حاۋىپسىزدىگىنىڭ مەملەكەت جوسپارىنا، حالىق تۇرمىسىنا ساياتىندىعىن، استە نەمقۇرايدى قاراۋعا بولمايتىن ”مەملەكەتتىڭ زور ٴىسى“ ەكەندىگىن باسا دارىپتەپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋدە، ٴسوز جوق، ەنەرگيا ٴوندىرىسى مەن تۇتىنۋ توڭكەرىسىن ىلگەرىلەتۋ كەرەكتىگىن ايقىندادى. باس شۋجي شي جينپيڭنىڭ مەملەكەتتىڭ ەنەرگيا حاۋىپسىزدىگى جونىندەگى ماڭىزدى بايىمداۋلارى مەملەكەتتىڭ ەنەرگيا حاۋىپسىزدىگىنە ساياتىن ٴبىر قىدىرۋ بەتالىس سيپاتتى، ٴتۇبىرلى سيپاتتى، جالپى جاعداي سيپاتتى، ستراتەگيالىق سيپاتتى ماسەلەلەردى ىشكەرىلەي بايىمداعان، اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا جانە باعىتتامالىلىق سيپاتقا يە بولىپ، جاڭا داۋىردەگى مەملەكەتتىڭ ەنەرگيا حاۋىپسىزدىگى قىزمەتىنە ايقىن العا باسۋ بەتالىسىن كورسەتىپ، ٴتۇبىرلى بويسۇنۋ ولشەمىن ازىرلەدى.
