اپاتقا بار كۇشپەن توتەپ بەرىپ، تاسقىننان ساقتانۋ، قۋاڭشىلىققا قارسى اتتانۋ، حاۋىپتەن اراشالاۋ، اپاتتان قۇتقارۋ قىزمەتتەرىن ويداعىداي ىستەپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن شىن مانىندە قامتاماسىز ەتۋدى تالاپ ەتتى

شي جينپيڭ تاسقىننان ساقتانۋ، قۋاڭشىلىققا قارسى اتتانۋ قىزمەتى جونىندە ماڭىزدى نۇسقاۋ بەردى

اپاتقا بار كۇشپەن توتەپ بەرىپ، تاسقىننان ساقتانۋ، قۋاڭشىلىققا قارسى اتتانۋ، حاۋىپتەن اراشالاۋ، اپاتتان قۇتقارۋ قىزمەتتەرىن ويداعىداي ىستەپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن شىن مانىندە قامتاماسىز ەتۋدى تالاپ ەتتى

شينحۋا اگەنتتىگىنىڭ 6 ـ ايدىڭ 18 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاسقىننان ساقتانۋ، قۋاڭشىلىققا قارسى اتتانۋ قىزمەتى جونىندە ماڭىزدى نۇسقاۋ بەردى.

شي جينپيڭ بىلاي دەپ اتاپ كورسەتتى: جۋىقتا وڭتۇستىكتەگى كوپتەگەن جەرلەردە ٴۇرتىس نوسەر جاۋىپ، گۋاڭدۇڭ، فۋجيان قاتارلى جەرلەردە تاسقىن جانە گەولوگيالىق اپات تۋىلىپ، ٴولىم ـ ٴجىتىم بولدى جانە مال ـ مۇلىك زيانعا ۇشىرادى، سولتۇستىكتىڭ ٴىشىنارا وڭىرلەرىندە قۋاڭشىلىق جاعدايى تەز اسقىنىپ، وڭتۇستىكتە تاسقىن ٴجۇرۋ، سولتۇستىكتە قۋاڭشىلىق تۋىلۋ ەرەكشەلىگى كورنەكتىلەندى.

شي جينپيڭ مىنالاردى تالاپ ەتتى: اپاتقا بار كۇشپەن توتەپ بەرىپ، دەرەكسىز كەتكەندەر مەن قامالىپ قالعانداردى ٴتۇرلى ٴادىس ـ شارالارمەن ىزدەپ جانە قۇتقارىپ، اپاتقا ۇشىراعان بۇقارانى ۇيلەسىمدى ورنالاستىرىپ، قالىپتى ٴوندىرىس، تۇرمىس ٴتارتىبىن قامتاماسىز ەتىپ، اپات زيانىن ەڭ جوعارى شەكتە ازايتۋ كەرەك.

شي جينپيڭ بىلاي دەپ باسا دارىپتەدى: ەلىمىزدىڭ نەگىزگى تاسقىن مەزگىلىنە جاپپاي وتۋىنە بايلانىستى، تاسقىننان ساقتانۋ جاعدايى بارعان سايىن قيىن بولا ٴتۇستى، وڭىرلەر جانە قاتىستى تاراۋلار حاۋىپ ـ قاتەر تانىمىن، تومەنگى شەكتە ويلاۋدى اناعۇرلىم كۇشەيتىپ، جاۋاپكەرشىلىكتى ناقتىلاندىرىپ، ٴبىر تۇتاس جوسپارلاۋدى كۇشەيتىپ، تاسقىننان ساقتانۋ، قۋاڭشىلىققا قارسى اتتانۋ، حاۋىپتەن اراشالاۋ، اپاتتان قۇتقارۋ قىزمەتتەرىن تىڭعىلىقتى ويداعىداي ىستەۋى كەرەك. اپاتتى باقىلاۋ ـ ولشەۋدى، ساقتاندىرۋدى كۇشەيتىپ، حاۋىپ ـ قاتەر كومەسكى كىناراتتارىن ٴبىر ـ بىردەن تەكسەرىپ، زاتتىق ماتەريالداردى جەتكىلىكتى دايىنداپ، قىزمەت دايىندىق جوباسىن كەمەلدەندىرىپ، ٴتۇرلى توسىن وقيعالارعا پارمەندى، ٴونىمدى توتەپ بەرىپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن جانە قوعامدىق كەلەلى جاعدايدىڭ ورنىقتىلىعىن شىن مانىندە قامتاماسىز ەتۋ كەرەك.