1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

شي جينپيڭ ورتالىقتىڭ رەفورمانى جاپپاي تەرەڭدەتۋ كوميتەتىنىڭ 5 - رەتكى ءماجىلىسىن باسقارىپ اشقاندا بىلاي دەپ باسا دارىپتەدى

جۇڭگوشا وسىزامانعى كاسىپورىن ءتۇزىمىن كەمەلدەندىرىپ، دۇنيە جۇزىلىك باسەكەلىك قۋاتقا يە عىلىم - تەحنيكالىق جاڭالىق جاراتۋ - ەسىك اشۋ ورتاسىن قالىپتاستىرۋ كەرەك

لي چياڭ، ۋاڭ حۋنيڭ، ساي چي قاتىناستى

日期:2024年06月13日
来源:人民网
【字体:

    شينحۋا اگەنتتىگى، 6 – ايدىڭ 11 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 6 - ايدىڭ 11 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 5 - رەتكى ءماجىلىسىن باسقارىپ اشىپ، «جۇڭگوشا وسىزاماندانعان كاسىپورىن ءتۇزىمىن كەمەلدەندىرۋ جونىندەگى پىكىر»، «استىق ەككەن شارۋالاردىڭ كىرىسىن كەپىلدەندىرۋ مەحانيزمىن جانە استىق ءوندىرىس رايوندارىنىڭ مۇددەسىىنە تولىقتاما بەرۋ مەحانيزىمىن كەمەلدەندىرۋ جونىندەگى جەتەكشى پىكىر»، «دۇنيە جۇزىلىك باسەكەلىك قۋاتقا يە عىلىم - تەحنيكادا جاڭالىق جاراتۋ - ەسىك اشۋ ورتاسىن قالىپتاستىرۋ جونىندەگى ءبىرقانشا پىكىر» سياقتى قۇجاتتاردى قاراپ ماقۇلدادى.

  شي جينپيڭ ءماجىلىستى باسقارعاندا مىنالاردى باسا دارىپتەدى: جۇڭگوشا وسىزامانعى كاسىپورىن ءتۇزىمىن كەمەلدەندىرۋدە، ءسوز جوق، جۇڭگوشا سوتسياليستىك ءتۇزىمنىڭ ابزالدىعىن ساۋلەلەندىرۋدى كوزدەۋ، پارتيانىڭ باسشىلىعىن كۇشەيتۋ، سەرىكتەستىك باسقارۋدى كەمەلدەندىرۋ، كاسىپورىنداردىڭ مال - مۇلىك ۇقىعىن ايقىنداۋ، ۇقىق پەن جاۋاپكەرلىكتى ايقىنداۋ، ۇكىمەت پەن كاسىپورىن بولىنگەن، باسقارۋى عىلميلانعان وسىزامانعى كاسىپورىن ءتۇزىمىن ورناتۋدى جەبەپ، دۇنيە جۇزىلىك دەڭگەيگە يە اناعۇرلىم كوپ بىرەگەي كاسىپورىنداردى جەتىلدىرۋ كەرەك. استىق ءوندىرىسىن ورنىقتىرىپ، استىق حاۋىپسىزدىگىنە كەپىلدىك ەتۋدە، ءسوز جوق، شارۋالاردىڭ استىق ەگۋ جانە جەرگىلىكتى ورىنداردىڭ استىق ءوندىرىسىن مىقتى ۇستاۋ بەلسەندىلىگىن قورعاپ جانە جۇمىلدىرىپ، استىق ەگەتىن شارۋالاردىڭ كىرىسىن قامتاماسىزداندىرۋ مەحانيزمىن جانە استىق وندىرەتىن نەگىزگى رايونداردىڭ مۇددەسىنە تولەم بەرۋ مەحانيزمىن اقاۋسىزداندىرىپ، ساياساتتىڭ دالدىگىن، ونىمدىلىگىن جوعارىلاتىپ، استىق حاۋىپسىزدىگىنىڭ نەگىزىن بەكەمدەۋ كەرەك. ەسىك اشۋ ارقىلى جاڭالىق جاراتۋدى جەبەۋدە تاباندى بولىپ، عىلىم - تەحنيكادا سىرتقا ەسىك اشۋ ءتۇزىلىس، مەحانيزمىن اقاۋسىزداندىرىپ، دۇنيە جۇزىنە بەت العان جاڭالىق جاراتۋ جۇيەسىن كەمەلدەندىرىپ، دۇنيە جۇزىلىك جاڭالىق جاراتۋ تورىمەن ىرىقتىلىقپەن توعىسىپ، ءتۇيىندى سالالار مەن شەشۋشى بۋىنداردى كورنەكتىلەندىرىپ، ەسىك اشۋ - جاڭالىق جاراتۋداعى تۇزىمدىك ولقىلىقتاردى تولىقتاۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتى مەڭگەرۋشىسىنىڭ ورىنباسالارى لي چياڭ، ۋاڭ حۋنيڭ، ساي چي ماجىلىسكە قاتىناستى.

  ءماجىلىس مىنالاردى اتاپ كورسەتتى: جۇڭگوشا وسىزامانعى كاسىپورىن ءتۇزىمىن كەمەلدەندىرۋدە كاسىپورىننىڭ تيجارات تۇلعالىق ورنىنا قۇرمەت ەتىپ، ماسەلەنى كوزدەۋدەن كوز جازباي، كاسىپورىننىڭ كولەمى، دامۋ ساتىسى، مەنشىك ءتۇزىمى سيپاتى سياقتىلارعا نەگىزدەلىپ تۇرلەر بويىنشا شارا قولدانۋ، جەتەكتەۋدى كۇشەيتۋ كەرەك. پارتيانىڭ مەملەكەت مەنشىگىندەگى كاسىپورىندارعا ءبىر تۇتاس باسشىلىعىن كۇشەيتۋ، پارتيانىڭ مەملەكەت مەنشىگىندەگى كاسىپورىندارعا باسشىلىق ەتۋ ءتۇزىمى مەحانيزمىن كەمەلدەندىرىپ، مەملەكەت مەنشىگىندەگى كاسىپورىنداردا جاۋاپكەرلىكتى قاتاڭ تياناقتاندىرۋدى ىلگەرىلەتىپ، مەملەكەت مەنشىگىندەگى كاسىپورىنداردا وسىزامانعى سەرىكتەستىك باسقارۋدى كەمەلدەندىرىپ، مەملەكەت مەنشىگىندەگى كاپيتالدى باقىلاۋ - باسقارۋدى كۇشەيتۋ كەرەك. شارت - جاعدايى بار حالىقتىق كاسىپورىنداردى وسىزامانعى كاسىپورىن ءتۇزىمىن ورناتۋعا شابىتتاندىرىپ، زاڭدىق تۇلعالاردى باسقارۋ قۇرىلىمىن كەمەلدەندىرىپ، جارناگەرلەردىڭ ارەكەتىن ارناعا ءتۇسىرىپ، ىشكى باقىلاۋدى كۇشەيتىپ، حاۋىپ - قاتەردەن ساقتانۋ مەحانيزمىن اقاۋسىزداندىرىپ، پارتيا قۇرىلىسىنىڭ جەتەكشىلىك رولىن ساۋلەلەندىرۋگە باسا ءمان بەرىپ، ىشكى باسقارۋ دەڭگەيىن جوعارىلاتۋ كەرەك.

  ءماجىلىس مىنالاردى باسا دارىپتەدى: استىق ەگەتىن شارۋالاردىڭ كىرىسىن قامتاماسىزداندىرۋ مەحانيزمىن جانە استىق وندىرەتىن نەگىزگى رايونداردىڭ مۇددەسىنە تولەم بەرۋ مەحانيزمىن اقاۋسىزداندىرۋدا اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويىپ، باعا، قوسىمشا قاراجات، قامسىزداندىرۋ سياقتى ساياسات جۇيەسىن كەمەلدەندىرۋ، استىق ساتۋ ونىمدىلىگىن ارتتىرۋ تاسىلىندە جاڭالىق جاراتۋ، استىق وندىرەتىن نەگىزگى رايونداردى سيلاۋ - تولىقتاما بەرۋ - شابىتتاندىرۋ ءتۇزىمىن اقاۋسىزداندىرۋ، ءوندىرۋ - ساتۋ رايوندارىندا كوپ ارنالى مۇددەلىك تولەم بەرۋ ءادىسى جونىندە ىزدەنىس جاساۋ، استىق ءوندىرىسىن قولداۋ - قورعاۋ جۇيەسىن اقاۋسىزداندىرۋ كەرەك. ولكەلەر ارا ەندىك مۇددەلىك تولەم مەحانيزمىن ورناتۋ جاعىندا ماندىك قادام تاستاپ، استىق وندىرەتىن نەگىزگى رايونداردىڭ، نەگىزگى ساتۋشى رايونداردىڭ، ءوندىرۋى مەن ساتۋى تەپە - تەڭ رايونداردىڭ استىقپەن قامتاماسىز ەتۋ ورتاق جاۋاپكەرلىگىن اناعۇرلىم ويداعىداي تياناقتاندىرۋ كەرەك. شاعىن شارۋا وتباسىلارى مەن جاڭاشا اۋىل شارۋاشىلىق تيجارات تۇلعالارىن ءبىر تۇتاس قولداپ، ساياساتتىق سۇيەمەلدەۋدى، قىزمەت وتەۋدى، مۇددە ۇشتاستىرۋدى كۇشەيتىپ، ۇساق شارۋا وتباسىلارى مەن وسىزامانعى اۋىل شارۋاشىلىعىن دامىتۋدىڭ ورگانيكالى ۇشتاسۋىن جەبەۋ كەرەك.

  ءماجىلىس مىنالاردى اتاپ كورسەتتى: دۇنيە جۇزىلىك باسەكەلىك قۋاتقا يە عىلىم - تەحنيكادا جاڭالىق اشۋدىڭ اشىق ورتاسىن قۇرۋدا سىرتقا شىعارۋ مەن سىرتتان ەنگىزۋدى ۇشتاستىرۋدا تاباندى بولىپ، حالىقارالىق عىلىم - تەحنيكا اۋىس - كۇيىسى مەن سەلبەستىگىن ۇلعايتىپ، سەلبەسە ورتاق يگىلىكتەنەتىن سەرىكتەستىك قاتىناس ورناتۋعا قۇلشىنىپ، دۇنيە جۇزىلىك عىلىم - تەحنيكا باسقارۋدى كورەگەندىكپەن جوسپارلاۋ جانە وعان ىشكەرىلەي ات سالىسۋ كەرەك. حالىقارالانعان عىلمي زەرتتەۋ ورتاسىن قۇرۋدى كۇشەيتپ، عىلمي زەرتتەۋ قىزمەتكەرلەرىنىڭ رەال كوڭىل ءبولىپ وتىرعان ماسەلەلەرىن كوزدەپ، كورنەكتى ماسەلەلەردى كۇش سالا شەشىپ، دارىندىلاردى ەنگىزۋگە، الىپ قالۋعا، ويداعىداي پايدالانۋعا كەپىلدىك ەتۋ كەرەك. عىلىم - تەحنيكا حاۋىپسىزدىگى ءتۇزىمىن جانە حاۋىپ - قاتەردەن ساقتانۋ مەحانيزمىن ۇزدىكسىز اقاۋسىزداندىرىپ، اشىق ۇستالعان ورتادا حاۋىپسىزدىك تومەنگى شەگىن بەكەمدەۋ كەرەك.

  ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.