شي جينپيڭ مەملەكەتتىك قوعام حاۋىپسىزدىگى قىزمەتى ٴماجىلىسىنىڭ ۋاكىلدەرىمەن كەزدەستى

شي جينپيڭ مەملەكەتتىك قوعام حاۋىپسىزدىگى قىزمەتى ٴماجىلىسىنىڭ ۋاكىلدەرىمەن كەزدەستى

　　لي چياڭ، ساي چي، ديڭ شۋەشياڭ، لي شي كەزدەسۋگە قاتىناستى

　　5 ـ ايدىڭ 28 ـ كۇنى پارتيا مەن مەملەكەت باسشىلارىنان شي جينپيڭ، لي چياڭ، ساي چي، ديڭ شۋەشياڭ، لي شي قاتارلىلار بەيجيڭ حالىق سارايىندا مەملەكەتتىك قوعام حاۋىپسىزدىگى قىزمەتى ٴماجىلىسىنىڭ ۋاكىلدەرىمەن كەزدەستى.

□ سۋرەتتى شينحۋا اگەنتتىگىنىڭ ٴتىلشىسى جۇي پىڭ تۇسىرگەن

　　شينحۋا اگەنتتىگىنىڭ 5 ـ ايدىڭ 29 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 5 ـ ايدىڭ 28 ـ كۇنى تۇستەن كەيىن بەيجيڭ حالىق سارايىندا مەملەكەتتىك قوعام حاۋىپسىزدىگى قىزمەتى ٴماجىلىسىنىڭ ۋاكىلدەرىمەن ىقىلاسپەن كەزدەسىپ، ولارعا شىنايى سالەم جولدادى، بۇكىل ەلدەگى قالىڭ قوعام حاۋىپسىزدىگى حالىق ساقشىلارىن، كومەكشى ساقشىلاردى قوعام حاۋىپسىزدىگى قىزمەتىن وسىزامانداندىرۋدى قۇلشىنا ىلگەرىلەتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن ىلگەرىلەتۋگە تىڭ دا اناعۇرلىم زور ۇلەس قوسۋعا ىنتالاندىردى.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، ساي چي، ديڭ شۋەشياڭ، لي شي كەزدەسۋگە قاتىناستى.

　　تۇستەن كەيىن ساعات 4 تە، شي جينپيڭ قاتارلىلار حالىق سارايىنىڭ باتىس زالىنا كەلگەندە بۇكىل زالدان شاتىرلاعان قىزۋ شاپالاق ٴۇنى كوتەرىلدى. شي جينپيڭ قاتارلىلار ۋاكىلدەردىڭ ورتاسىنا بارىپ، كوپشىلىكپەن ىقىلاسپەن قول الىسىپ، ٴالسىن ـ ٴالى اڭگىمەلەستى ٴارى توپتىق ەستەلىك سۋرەتكە ٴتۇستى.

　　چىن ۋىنچيڭ كەزدەسۋگە قاتىناستى ٴارى 5 ـ ايدىڭ 29 ـ كۇنى تۇستەن بۇرىن اشىلعان مەملەكەتتىك قوعام حاۋىپسىزدىگى قىزمەتى ماجىلىسىندە ٴسوز سويلەدى. ول بىلاي دەپ اتاپ كورسەتتى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ زاڭمەن باسقارۋ يدەياسىن، جالپى تۇلعالىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، باس شۋجي شي جينپيڭنىڭ جاڭا داۋىردەگى قوعام حاۋىپسىزدىگى قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، جاڭا جورىقتا قوعام حاۋىپسىزدىگى قىزمەتىنىڭ العا باسۋ بەتالىسىن مىقتاپ يگەرۋ؛ پارتيانىڭ ساياسي قۇرىلىسىن جاپپاي كۇشەيتىپ، ادال، كىرشىكسىز، جاۋاپكەرشىلىك ارقالايتىن ىسىلعان قوعام حاۋىپسىزدىگى قۇرىش قوسىنىن كۇش سالا سومداۋ؛ قىزمەت جاۋاپكەرشىلىگىن، بورىشتى ادالدىقپەن اتقارىپ، بار كۇشتى سالا وتىرىپ حاۋىپ ـ قاتەردەن ساقتانۋ، حاۋىپسىزدىكتى قامتاماسىز ەتۋ، ورنىقتىلىقتى قورعاۋ، دامۋدى جەبەۋ؛ زاڭمەن باسقارىلاتىن قوعام حاۋىپسىزدىگى قۇرىلىسىن تەرەڭدەتىپ، زاڭنىڭ اتقارىلۋ ساپاسىن، ونىمدىلىگىن جانە زاڭ اتقارۋدىڭ الەۋمەتتىك سەنىمدىلىگىن ۇزدىكسىز جوعارىلاتۋ؛ رەفورما ارقىلى ساقشى قوسىنىن الۋەتتەندىرۋ جولىمەن بۇلجىماي ٴجۇرىپ، قوعام حاۋىپسىزدىگى قىزمەتىن وسىزامانداندىرۋدىڭ جاڭا جاعدايىن قۇلشىنا اشۋ كەرەك.

　　لي گانجيە، ۋ جىڭلۇڭ كەزدەسۋگە قاتىناستى، ۋاڭ شياۋحۇڭ كەزدەسۋگە قاتىناستى ٴارى ٴماجىلىستى باسقاردى.

　　ولكە، اۆتونوميالى رايون، توتە قاراستى قالالاردىڭ جانە جوسپارى ايىرىم جاسالاتىن قالالاردىڭ، شينجياڭ ٴوندىرىس ـ قۇرىلىس بيڭتۋانىنىڭ، ٴارقايسى ولكەلەردىڭ ورتالىق قالالارىنىڭ پارتكوم ساياسي ـ زاڭ كوميتەتتەرىنىڭ، قوعام حاۋىپسىزدىگى مەڭگەرمەلەرىنىڭ (مەكەمە) نەگىزگى جاۋاپتى جولداستارى، ورتالىق پەن مەملەكەت ورگاندارىنىڭ قاتىستى تاراۋلارىنىڭ، ارميانىڭ قاتىستى ورىندارىنىڭ جاۋاپتى جولداستارى قاتارلىلار ماجىلىسكە قاتىناستى.