شي جينپيڭ كاسىپورىندار مەن ماماندار اڭگىمە ٴماجىلىسىن باسقارىپ اشىپ بىلاي دەپ باسا دارىپتەدى
جۇڭگو ۇلگىسىندەگى وسىزامانداندىرۋدى ىلگەرىلەتۋ نەگىزگى تاقىرىبىمەن تىعىز بايلانىستىرىپ، رەفورمانى اناعۇرلىم جاپپاي تەرەڭدەتۋ كەرەك
ۋاڭ حۋنيڭ، ساي چي قاتىناستى
5 ـ ايدىڭ 23 ـ كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ شاندۇڭ ولكەسىنىڭ جينان قالاسىندا كاسىپورىندار مەن ماماندار اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 5 ـ ايدىڭ 23 ـ كۇنى جيناننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 5 ـ ايدىڭ 23 ـ كۇنى تۇستەن كەيىن شاندۇڭ ولكەسىنىڭ جينان قالاسىندا كاسىپورىندار مەن ماماندار اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: پارتيا 20 ـ قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جوباسىن كەسكىندەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ وزەكتى مىندەتىن تۇراقتاندىردى. رەفورمانى اناعۇرلىم جاپپاي تەرەڭدەتۋدە جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى وسى نەگىزگى تاقىرىپپەن تىعىز بايلانىستىرىپ، رەفورمانىڭ ماڭىزدى تۇيىندەرىن كورنەكتىلەندىرىپ، قۇن بەتالىسىن مىقتاپ يگەرىپ، ٴتاسىل مەن امالعا ٴمان بەرىپ، وزەكتى مىندەتتى ورىنداۋعا، ستراتەگيالىق نىسانانى جۇزەگە اسىرۋعا قوزعاۋشى كۇش ۇستەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي اڭگىمە ماجىلىسىنە قاتىناستى.
اڭگىمە ماجىلىسىندە مەملەكەتتىك ەلەكتر قۋاتى قارجى قوسۋ توبى شەكتى سەرىكتەستىگىنىڭ القا باستىعى، پارتيا باسشىلىق گرۋپپاسىنىڭ شۋجيى ليۋ ميڭشىڭ، شىنجىن قالاسى جاڭالىق اشۋعا قارجى قوسۋ توبى شەكتى سەرىكتەستىگىنىڭ القا باستىعى، پارتكوم شۋجيى زو ديڭ، انتا دەنە تاربيە بۇيىمدارى توبى شەكتى سەرىكتەستىگى القالار مەكەمەسىنىڭ ٴتوراعاسى ديڭ شىجۇڭ، جىجياڭ چۋانحۋا توبى شەكتى سەرىكتەستىگىنىڭ القا باستىعى شۇي گۋانجۇي، گەرمانيا بوشى (جۇڭگو) قارجى قوسۋ شەكتى سەرىكتەستىگىنىڭ باس جوراسى شۇي داچۋان، شياڭگاڭ فىڭشى توبىنىڭ ٴتوراعاسى فىڭ گوجيڭ، بەيجيڭ داشۋەسى مەملەكەت دامۋىن زەرتتەۋ ورنىنىڭ پروفەسسورى جوۋ چيرىن، جۇڭگو ماكرولىق ەكونوميكا زەرتتەۋ ورنىنىڭ باستىعى حۋاڭ حانچۋان، جۇڭگو قوعامدىق عىلىمدار اكادەمياسى دۇنيە ٴجۇزى ەكونوميكاسى مەن ساياسيىن زەرتتەۋ ورنىنىڭ ورىنباسار باستىعى جاڭ بين قاتارلى 9 كاسىپورىن مەن ماماندار ۋاكىلى ىلگەرىندى ـ كەيىندى ٴسوز سويلەپ، ەلەكتر قۋاتى ٴتۇزىلىس رەفورماسىن تەرەڭدەتۋ، تاۋەكەل قارجى قوسۋدى دامىتۋ، عىلىم ـ تەحنيكادان پايدالانىپ ٴداستۇرلى كاسىپ سالالارىن جاڭالاپ، دەڭگەيىن كوتەرۋ، حالىقتىق كاسىپورىنداردى باسقارۋ جۇيەسىن ورناتۋ، اقاۋسىزداندىرۋ، شەتەل قارجىلاندىرعان كاسىپورىنداردىڭ شارۋاشىلىق ـ ساۋدا ورتاسىن ساپالىلاندىرۋ، شياڭگاڭنىڭ جاڭا دامۋ ارناسىمەن اناعۇرلىم ويداعىداي توعىسۋىن ىلگەرىلەتۋ، حالىق بۇقاراسىنىڭ رەفورما تابىس سەزىمىن كۇشەيتۋ، قالا مەن اۋىلدىڭ توعىسا دامۋىن ىلگەرىلەتۋ، ماكرولىق ەكونوميكانى باسقارۋ جۇيەسىن كەمەلدەندىرۋ سياقتىلار جونىندە پىكىر ـ ۇسىنىس قويدى. ٴسوز اراسىندا شي جينپيڭ كوپشىلىكپەن ىشكەرىلەي اۋىس ـ كۇيىس جاساپ، ٴماجىلىس ورنى قىزۋ، جالىندى بەينەگە شومدى.
كوپشىلىكتىڭ ٴسوزىن تىڭداعاننان كەيىن، شي جينپيڭ ماڭىزدى ٴسوز سويلەدى. ول مىنالاردى ٴبىلدىردى: پارتيا ورتالىق كوميتەتى كەلەلى شەشىم جاساعاندا، ماڭىزدى حۇجات شىعارعاندا تۇگەلدەي ىشكەرىلەي تەكسەرۋ ـ زەرتتەۋ جۇرگىزىپ، ٴار جاقتىڭ پىكىرىن كەڭ كولەمدە تىڭدايدى، بۇل پارتيامىزدىڭ ەجەلدەن بەرگى ٴتاسىلى جانە تاڭداۋلى ٴداستۇرى. كوپشىلىكتىڭ ورتاعا قويعان رەفورمانى اناعۇرلىم جاپپاي تەرەڭدەتۋ جونىندەگى پىكىرلەرى مەن ۇسىنىستارىن قاتىستى جاقتار مۇقيات زەرتتەۋى، قابىلداۋى كەرەك.
شي جينپيڭ بىلاي دەپ اتاپ كورسەتتى: رەفورما _ دامۋدىڭ قوزعاۋشى كۇشى. رەفورمانى اناعۇرلىم جاپپاي تەرەڭدەتۋدە جۇڭگوشا سوتسياليستىك ٴتۇزىمدى كەمەلدەندىرۋ جانە ونى دامىتۋ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ سىندى وسى باس نىسانانى كوزدەپ، جۇڭگو ۇلگىسىندەگى وسىزامانداندىرۋدى ىلگەرىلەتۋمەن تىعىز بايلانىستىرىپ، نىسانانى باعدار ەتۋ مەن ماسەلەنى باعدار ەتۋدى ۇشتاستىرۋعا تاباندى بولىپ، ماسەلەلەرگە تۋرا بەتتەپ، ماسەلەلەردى قاداعالاي وتىرىپ تۇزەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە كەدەرگى بولىپ وتىرعان يدەيالىق كوزقاراس پەن ٴتۇزىلىس ـ مەحانيزمدەگى كىناراتتاردى باتىل جويىپ، ٴتۇزىلىس ـ مەحانيزمدەگى تەرەڭ قاتپارلى كەدەرگىلەردى جانە قۇرىلىمدىق قايشىلىقتاردى كۇش سالا تالقانداپ، جۇڭگو ۇلگىسىندەگى وسىزامانداندىرۋعا ۇزدىكسىز قۋاتتى قوزعاۋشى كۇش، پارمەندى تۇزىمدىك قامتاماسىزدىق ازىرلەۋ كەرەك.
شي جينپيڭ بىلاي دەپ باسا دارىپتەدى: رەفورمانى اناعۇرلىم جاپپاي تەرەڭدەتۋدە باستى قايشىلىق پەن قايشىلىقتىڭ باستى جاعىن مىقتى يگەرۋ كەرەك. ەلىمىزدىڭ نەگىزگى ەكونوميكا تۇزىمىنە تاباندى بولىپ جانە ونى دامىتىپ، جوعارى دەڭگەيدەگى سوتسياليستىك بازار ەكونوميكا ٴتۇزىلىسىن ورناتىپ، ماكرولىق ەكونوميكانى باسقارۋ جۇيەسى مەن جوعارى ساپالى دامۋدى ىلگەرىلەتۋ ٴتۇزىلىس ـ مەحانيزمىن اقاۋسىزداندىرىپ، جاپپاي جاڭالىق اشۋ، قالا مەن اۋىلدى توعىسپالى دامىتۋ سياقتى ٴتۇزىلىس ـ مەحانيزمدى كەمەلدەندىرىپ، قولداپ، قوعامدىق وندىرگىش كۇشتى اناعۇرلىم ازات ەتىپ جانە دامىتىپ، قوعامنىڭ ومىرشەڭدىك كۇشىن كۇشەيتىپ، وندىرىستىك قاتىناس پەن وندىرگىش كۇشتىڭ، قوندىرما مەن ەكونوميكالىق بازيستىڭ اناعۇرلىم ويداعىداي ۇيلەسۋىن ىلگەرىلەتۋ كەرەك. ەكونوميكالىق ٴتۇزىلىس رەفورماسىن ىلگەرىلەتۋدە ٴىس جۇزىندىك قاجەتتى شىعار ٴتۇيىن ەتىپ، ەڭ كوكەي تەستى ىستەردەن باستاپ يگەرىپ، امالياتتىق ماسەلەلەردى شەشۋ بارىسىندا نازاريادا جاڭالىق اشۋدى تەرەڭدەتىپ، تۇزىمدە جاڭالىق اشۋدى ىلگەرىلەتۋ كەرەك. وزگە سالالاردىڭ رەفورماسىندا دا نازاردى جالپى جاعدايلىق، ستراتەگيالىق ماسەلەلەرگە شوعىرلاندىرا وتىرىپ رەفورما شارالارىن جوسپارلاپ، ارقاۋدى ٴتۇزۋ تارتىپ، وزگەسىن وڭاۋدى جۇزەگە اسىرۋ كەرەك.
شي جينپيڭ بىلاي دەپ اتاپ كورسەتتى: حالىقتىڭ تاماشا تۇرمىسقا تالپىنىسى _ ٴبىزدىڭ كۇرەس نىسانامىز، رەفورمانى يگەرۋ، دامۋدى جەبەۋ ٴتۇبىن قۋعاندا حالىقتىڭ ٴتىپتى دە جاقسى تۇرمىس كەشىرۋى ٴۇشىن بولىپ تابىلادى. حالىقتىڭ تۇلعالىق مۇددەسىن، ٴتۇبىرلى مۇددەسىن، ۇزاق بولاشاقتىق مۇددەسىن شىعار ٴتۇيىن ەتە وتىرىپ رەفورمانى جوبالاپ جانە ىلگەرىلەتىپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ٴجۇرىپ، جۇمىستاندىرۋ، كىرىستى ارتتىرۋ، وقۋعا ٴتۇسۋ، ەمدەلۋ، تۇرعىن ٴۇي، جۇمىس ٴبىتىرۋ، بالانى اماناتتاپ باقتىرۋ، زەينەتكەرلىك جانە ٴومىر مەن مال ـ مۇلىك حاۋىپسىزدىگى سياقتى بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىنەن رەفورمانىڭ كۇش سالۋ ٴتۇيىنى مەن سەرپىلىس ٴتۇيىنىن ٴدال تاۋىپ، حالىق تۇرمىسىنا شۇعىل قاجەتتى، حالىق كوكسەگەن رەفورما شارالارىن كوبىرەك اتقارىپ، حالىق تۇرمىسىنا يگىلىك جاراتاتىن، جۇرت جۇرەگىن جىلىتاتىن، حالىق قالاۋىنان شىعاتىن ناقتى ىستەردى كوبىرەك ٴبىتىرىپ، رەفورمانىڭ حالىق بۇقاراسىن اناعۇرلىم مول تابىس سەزىمىنە، باقىت سەزىمىنە، حاۋىپسىزدىك سەزىمىنە بولەۋىنە مۇمكىندىك جاساۋ كەرەك.
شي جينپيڭ بىلاي دەپ باسا دارىپتەدى: رەفورمادا كۇشىنەن قالدىرۋ دا، ورناتۋ دا بولادى، ونىڭ زاڭدىلىعىن يگەرگەندە از كۇشپەن كوپ جۇمىس بىتىرۋگە بولادى، زاڭدىلىعىن تابا الماعاندا كوپ كۇش جۇمساپ تا ٴىستى تىندىرۋعا بولمايدى، اۋەلى، كەرى ىقپال تۋدىرادى. تۋراشىلدىقتان اينىماي جاڭالىق اشۋعا تاباندى بولىپ، مەيلى قالاي رەفورما جۇرگىزۋدە بولسىن پارتيانىڭ جاپپاي باسشىلىعىنا تاباندى بولۋ، ماركسيزمگە تاباندى بولۋ، جۇڭگوشا سوتسياليزم جولىنا تاباندى بولۋ، حالىق دەموكراتياسى ديكتاتۋراسىنا تاباندى بولۋ سياقتى ٴتۇبىرلى دۇنيەلەردەن مۇلدە اۋىتقۋعا بولمايدى، سونىمەن قاتار، باتىلدىقپەن جاڭالىق اشىپ، رەفورمالاۋعا تيىستىلەرىن، رەفورمالاۋعا بولاتىندارىن ويداعىداي رەفورمالاپ، تياناقتى رەفورمالاپ، كوز جەتكەن سوڭ بۇلجىماي يگەرۋ كەرەك. رەفورما جاساۋدا جۇيەلى شوعىرلاندىرۋعا ٴتىپتى دە ٴمان بەرىپ، جالپى جاعداي كوزقاراسى مەن جۇيەلى وي جەلىسى ارقىلى جوسپارلاپ ىلگەرىلەتۋگە تاباندى بولىپ، ٴتۇرلى رەفورما شارالارىن سايكەستىرۋدى، جۇيەلىلەندىرۋدى كۇشەيتىپ، ٴار سالاداعى، ٴار جاقتاعى رەفورما شارالارىنىڭ ٴبىر باعىتتا كۇش سالۋىن، بىرىككەن كۇش قالىپتاستىرۋىن ىلگەرىلەتىپ، جالپى تۇلعالىق ونىمدىلىكتى كۇشەيتىپ، اركىم ٴوز بىلگەنى بويىنشا ىستەيتىن، ٴوزارا كەدەرگى بولاتىن جايتتەن ساقتانۋ جانە ونى جويۋ كەرەك. رەفورما جاساۋدا جوسپارلاۋعا ٴمان بەرۋ، ونان دا ماڭىزدىسى، تياناقتاندىرۋعا ٴمان بەرۋ كەرەك. شەگە قاعۋ رۋحىمەن رەفورمانىڭ تياناقتانۋىن يگەرىپ، بەلسەندى، ىرىقتى بولۋ، ونان دا ماڭىزدىسى، تىڭعىلىقتى، ورنىقتى، اقاۋسىز بولۋ، الدىمەن ويلاستىراتىن ٴتارتىپتى ايقىنداپ، ۋاقىتتى، ولشەمدى، ونىمدىلىكتى يگەرىپ، بار كۇشتى سالىپ، كورپەگە قاراي كوسىلۋ، ٴىس جۇزىندىكتەن الشاقتاماۋ كەرەك.
لي گانجيە، حى ليفىڭ اڭگىمە ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، شاندۇڭ ولكەسىنىڭ جاۋاپتى جولداستارى، مەملەكەت مەنشىگىندەگى كاسىپورىنداردىڭ، حالىقتىق كاسىپورىنداردىڭ، شەتەل قارجىلاندىرعان كاسىپورىنداردىڭ، شياڭگاڭ، اۋمىن، تايۋان قارجىلاندىرعان كاسىپورىنداردىڭ، ارنايىلانعان، كەمەلدەنگەن، ەرەكشەلەنگەن، جاڭاشالانعان ”شاعىن قۋاتتى“ كاسىپورىنداردىڭ، جەكە ساۋدا ـ ونەركاسىپشىلەردىڭ جانە مامان ـ وقىمىستىلاردىڭ ۋاكىلدەرى قاتارلىلار اڭگىمە ماجىلىسىنە قاتىناستى.
