1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

جوعارى ساپالى، تولىق جۇمىستاندىرۋدى جەبەپ، قالىڭ ەڭبەكشىلەردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك

日期:2024年05月30日
来源:新疆日报
【字体:

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 14 ـ رەتكى توپتىق ۇيرەنۋىندە بىلاي دەپ باسا دارىپتەدى

  جوعارى ساپالى، تولىق جۇمىستاندىرۋدى جەبەپ، قالىڭ ەڭبەكشىلەردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك

  شينحۋا اگەنتتىگىنىڭ 5 ـ ايدىڭ 28 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 5 ـ ايدىڭ 27 ـ كۇنى تۇستەن كەيىن جوعارى ساپالى، تولىق جۇمىستاندىرۋدى جەبەۋ جونىندە 14 ـ رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: جوعارى ساپالى، تولىق جۇمىستاندىرۋدى جەبەۋ _ جاڭا داۋىردەگى جاڭا جورىقتا جۇمىستاندىرۋ قىزمەتىنىڭ جاڭا ورنى، جاڭا بورىشى. حالىقتى وزەك ەتكەن دامۋ يدەياسىنا تاباندى بولىپ، ەڭبەكشىلەر ٴوز كۇشىنە سۇيەنىپ جۇمىستانۋ، بازار ارقىلى جۇمىستاندىرۋدى رەتتەۋ، ۇكىمەت جۇمىستاندىرۋدى جەبەۋ جانە شارۋاشىلىق قۇرۋعا دەم بەرۋ باعىتىن جاپپاي دايەكتىلەندىرىپ، جۇمىستاندىرۋ ساپاسىنىڭ ٴونىمدى جوعارىلاۋى مەن مولشەرىنىڭ ۇيلەسىمدى ارتۋىن ۇزدىكسىز جەبەپ، قالىڭ ەڭبەكشىلەردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى تىرەك ازىرلەۋ كەرەك.

  جۇڭگو ەڭبەك جانە قوعامدىق قامتاماسىزداندىرۋ عىلمي زەرتتەۋ ورنىنىڭ باستىعى، زەرتتەۋشى مو رۇڭ وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار ٴتۇسىندىرۋدى مۇقيات تىڭدادى ٴارى تالقى جۇرگىزدى.

  شي جينپيڭ ٴتۇسىندىرۋ مەن تالقىنى تىڭداعاننان كەيىن ماڭىزدى ٴسوز سويلەدى. ول بىلاي دەپ اتاپ كورسەتتى: جۇمىستاندىرۋ _ ەڭ نەگىزگى حالىق تۇرمىسى، حالىق بۇقاراسىنىڭ ٴتول مۇددەسىنە سايادى، ەكونوميكانىڭ، قوعامنىڭ اقاۋسىز دامۋىنا سايادى، مەملەكەتتىڭ باياندى تىنىشتىعىنا سايادى. پارتيا 18 ـ قۇرىلتايىنان بەرى پارتيا ورتالىق كوميتەتى جۇمىستاندىرۋ قىزمەتىن ەل باسقارۋدا كورنەكتى ورىنعا قويۋعا تاباندى بولىپ، جۇمىستاندىرۋدى الدىمەن ويلاستىرۋ ساياساتىن كۇشەيتىپ، جۇمىستاندىرۋدى جەبەۋ مەحانيزمىن اقاۋسىزداندىرىپ، ٴتۇرلى قىسىمدار مەن سىن ـ سايىستارعا ٴونىمدى توتەپ بەردى، قالا ـ قالاشىقتاردا جىلىنا ورتا ەسەپپەن 13 ميلليون ادامدى تىڭنان جۇمىسقا ورنالاستىرىپ، حالىق تۇرمىسىن جاقسارتۋ مەن ەكونوميكالىق دامۋعا ماڭىزدى تىرەك ازىرلەدى. اماليات بارىسىندا جاڭا داۋىردەگى جۇمىستاندىرۋ قىزمەتىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، كوپتەگەن تاجىريبە توپتادىق. بۇل، باستىسى، مىنالاردى قامتيدى: جۇمىستاندىرۋدى حالىق تۇرمىسىنىڭ نەگىزى ەتۋگە تاباندى بولۋ؛ جۇمىستاندىرۋدى الدىمەن ويلاستىرۋ ستراتەگياسىن اتقارۋعا تاباندى بولۋ؛ دامۋعا سۇيەنىپ جۇمىستاندىرۋدى جەبەۋگە تاباندى بولۋ؛ جۇمىستاندىرۋ سيىمدىلىعىن ارتتىرۋ مەن جۇمىستاندىرۋ ساپاسىن جوعارىلاتۋدى ۇشتاستىرۋعا تاباندى بولۋ؛ ٴتۇيىندى قاۋىمنىڭ جۇمىستانۋىن كورنەكتى تۇردە ويداعىداي يگەرۋگە تاباندى بولۋ؛ شارۋاشىلىق قۇرۋ ارقىلى جۇمىستاندىرۋعا دەم بەرۋگە تاباندى بولۋ؛ ٴادىل جۇمىستاندىرۋ ورتاسىن قالىپتاستىرۋعا تاباندى بولۋ؛ جاراسىمدى ەڭبەك قاتىناسىن ورناتۋعا تاباندى بولۋ، ت . ب. بۇل تاجىريبەلەر توتەنشە باعالى، وعان ۇزاق ۋاقىت تاباندى بولۋ جانە ونى ۇزدىكسىز بايىتۋ، دامىتۋ كەرەك.

  شي جينپيڭ بىلاي دەپ باسا دارىپتەدى: جاڭا دامۋ ۇستانىمىن بۇلجىماي دايەكتىلەندىرىپ، اناعۇرلىم سانالى تۇردە جوعارى ساپالى، تولىق جۇمىستانۋدى ەكونوميكالىق، قوعامدىق دامۋدا الدىمەن ويلاستىراتىن نىسانا ەتىپ، جوعارى ساپالى دامۋ بارىسىن جۇمىستانۋدىڭ ساپاسىن جوعارىلاتىپ، سيىمدىلىعىن كەڭەيتۋ بارىسىنا اينالدىرىپ، دامۋدىڭ جۇمىستانۋدى جەتەكتەۋ كۇشىن جوعارىلاتۋ كەرەك. جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، ٴداستۇرلى كاسىپ سالالارىن جاڭالاپ جانە ونىڭ دەڭگەيىن جوعارىلاتىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، بولاشاق كاسىپ سالالارىن ورنالاستىرىپ، قۇرىپ، وسىزاماندانعان كاسىپ سالاسى جۇيەسىن كەمەلدەندىرىپ، اناعۇرلىم كوپ جوعارى ساپالى جۇمىس ورنىن قۇلشىنا جاراتۋ كەرەك. جۇمىستانۋعا باۋراۋ قابىلەتى كۇشتى كاسىپ سالالارى مەن كاسىپورىنداردى دامىتۋعا قولداۋ كورسەتىپ، جۇمىستانۋ سيىمدىلىعىن ورنىقتىرۋ جانە كەڭەيتۋ كەرەك. ەكونوميكالىق، قوعامدىق دامۋدىڭ جاڭا بەتالىسى مەن حالىق بۇقاراسىنىڭ جوعارى ساپالى تۇرمىسىنىڭ جاڭا تىلەگىنە ساي، جاڭا كاسىپ كۇيىن، جاڭا ۇلگىنى كۇش سالا دامىتىپ، جاڭا كاسىپ تۇرلەرىن بەلسەنە اشىپ، جەتىلدىرىپ، جۇمىستانۋدىڭ جاڭا ارتۋ تۇيىندەرىن اشۋ كەرەك. كەلەلى ساياساتتار، كەلەلى نىساندار، كەلەلى وندىرگىش كۇشتەر ورنالاسىمىنىڭ جۇمىستانۋعا جاسايتىن ىقپالىن باعالاۋدى كۇشەيتىپ، قازىنا، اقشا، قارجى قوسۋ، تۇتىنۋ، كاسىپ سالاسى، ٴوڭىر سياقتى ساياساتتاردىڭ جۇمىستانۋ ساياساتىمەن سايكەسۋىن، بىرلەسىپ ارەكەتتەنۋىن، ٴبىر باعىتتا كۇش سالۋىن ىلگەرىلەتىپ، جۇمىستانۋدىڭ جاراسىمدى ۇلگىدەگى دامۋ ٴتاسىلىن قالىپتاستىرۋ كەرەك.

  شي جينپيڭ بىلاي دەپ اتاپ كورسەتتى: ساپاسى جاقسى، جالپى مولشەرى مول، قۇرىلىمى ساپالى، ورنالاسۋى ۇيلەسىمدى وسىزاماندانعان ادام كۇشى بايلىعىن جەدەل قالىپتاستىرىپ، ادام كۇشى بايلىعىندا قامداۋ مەن قاجەتسىنۋدىڭ سايكەسپەۋى سىندى قۇرىلىمدىق جۇمىستانۋ قايشىلىعىن ويداعىداي شەشۋ كەرەك. جاڭا كەزەكتى عىلىم ـ تەحنيكا توڭكەرىسى مەن كاسىپ سالاسى وزگەرىسىنە سايكەسىپ، ادام كۇشى بايلىعىنىڭ دامۋ بەتالىسىنا عىلمي تۇجىرىم جاساپ، وقۋ ـ اعارتۋدى، باۋلۋدى جانە جۇمىستانۋدى ٴبىر تۇتاس ويداعىداي يگەرىپ، جوعارى دارەجەلى وقۋ ـ اعارتۋ ماماندىعى مەن بايلىق قۇرىلىمىنىڭ ورنالاسىمىن يكەمدى رەتتەپ، كاسىپتىك وقۋ ـ اعارتۋدى كۇش سالا دامىتىپ، ومىرلىك كاسىپتىك شەبەرلىككە باۋلۋ ٴتۇزىمىن اقاۋسىزداندىرۋ كەرەك. قامداۋ مەن قاجەتسىنۋدى ۇشتاستىرۋ مەحانيزمىن كەمەلدەندىرىپ، ادام مەن جۇمىس ورنىنىڭ ٴوزارا سايكەسۋىن، ادام ىستەتۋدە ارتىقشىلىعىن ساۋلەلەندىرۋدى، اركىمنىڭ قابىلەتىن تولىق ساۋلەلەندىرۋدى جۇزەگە اسىرۋعا قۇلشىنىپ، جۇمىستانۋدىڭ ساپاسى مەن ورنىقتىلىعىن جوعارىلاتۋ كەرەك. ۇگىت تاربيەنى كۇشەيتىپ، تۇتاس قوعامدى دۇرىس جۇمىستانۋ كوزقاراسىن بەرىك ورناتۋعا جەتەكتەپ، جاڭا كاسىپ تاڭداۋ كوزقاراسى ارقىلى جۇمىستانۋدىڭ جاڭا ٴورىسىن اشۋ كەرەك. كەيبىر كاسىپ سالاسىندا جارىققا شىققان ادام جەتىسپەۋدىڭ سەبەبىنە ىشكەرىلەي تالداۋ جاساپ، ”جۇمىس بار، ىستەيتىن ادام جوق“ دەگەندى شەشۋدەن باستاپ كىرىسىپ، ”ادام بار، ىستەيتىن جۇمىس جوق“ ماسەلەسىن شەشۋ كەرەك.

  شي جينپيڭ بىلاي دەپ باسا دارىپتەدى: ٴتۇيىندى قاۋىمنىڭ جۇمىستانۋىن قولداۋ ساياساتىن كەمەلدەندىرۋ كەرەك. جوعارى مەكتەپ بىتىرگەن وقۋشىلار سياقتى جاستار قاۋىمىنىڭ جۇمىستانۋىن بارىنەن ماڭىزدى ورىنعا قويۋعا تاباندى بولىپ، ۇيرەنگەندەرىن، ارتىقشىلىقتارىن ساۋلەلەندىرۋگە ٴتيىمدى جۇمىس ورىندارىن اناعۇرلىم كوپتەپ اشىپ، جاستاردى ٴتۇيىندى سالالارعا، ٴتۇيىندى كاسىپتەرگە، قالا، اۋىل نەگىزگى ساتىلارىنا جانە ورتا، شاعىن، ۇساق كاسىپورىندارعا جۇمىسقا ورنالاسۋعا، شارۋاشىلىق قۇرۋعا شابىتتاندىرىپ، بازارلانعان، قوعامدانعان جۇمىستانۋ ارناسىن كەڭەيتۋ كەرەك. جاڭاشا قالا ـ قالاشىقتانۋمەن جانە اۋىل ـ قىستاقتى جاپپاي گۇلدەندىرۋدى ىلگەرىلەتۋمەن ۇشتاستىرىپ، سىرتقا شىعىپ جۇمىستانۋ مەن سول جەردىڭ وزىندە، جاقىن ماڭدا جۇمىستانۋعا تەڭ ٴمان بەرۋگە تاباندى بولىپ، كوپ ٴتۇرلى شارانى قاتار قولدانىپ، شارۋا جۇمىسكەرلەردىڭ جۇمىستانۋىن جەبەپ، سىرتقا شىققان دارىندىلاردى اۋىلعا قايتۋعا، قالا دارىندىلارىن اۋىل ـ قىستاققا بارىپ شارۋاشىلىق قۇرۋعا جەتەكتەۋ كەرەك. كەدەيلىكتەن ارىلعانداردىڭ جۇمىس ىستەۋ كولەمى مەن جۇمىس كىرىسىن ورنىقتىرىپ، جۇمىسسىزدىق سەبەبىنەن كولەمدى قايتا كەدەيلەسۋدەن ساقتانۋ كەرەك. جاسى ۇلعايعاندار، مۇگەدەكتەر، ٴبىرشاما ۇزاق ۋاقىت جۇمىسسىز قالعاندار سياقتى جۇمىستانۋى قيىن قاۋىمعا كومەكتەسۋدى ـ سۇيەمەلدەۋدى كۇشەيتىپ، الەۋمەتتىك يگىلىك سيپاتتى جۇمىس ورىندارىن ٴبىر تۇتاس جوسپارلاپ ويداعىداي پايدالانىپ، بىردە ـ ٴبىر ادامى جۇمىستانباعان وتباسىلاردىڭ يكەمدى جۇمىستانۋىنا شىنايى كەپىلدىك ەتۋ كەرەك. قوسىننان بوساعان اسكەريلەر، ايەلدەر سياقتى قاۋىمداردىڭ جۇمىستانۋ قىزمەتىن ويداعىداي ىستەۋ كەرەك.

  شي جينپيڭ بىلاي دەپ اتاپ كورسەتتى: جۇمىستاندىرۋ ٴتۇزىلىس ـ مەحانيزمى رەفورماسىن تەرەڭدەتۋ كەرەك. جۇمىستانۋعا الەۋمەتتىك قىزمەت وتەۋ ٴتۇزىمىن كەمەلدەندىرىپ، جۇمىستانۋعا الەۋمەتتىك قىزمەت وتەۋ جۇيەسىن اقاۋسىزداندىرۋ كەرەك. شارۋاشىلىق قۇرۋ ارقىلى جۇمىستانۋدى جەبەۋدى قامتاماسىزداندىرۋ ٴتۇزىمىن كەمەلدەندىرىپ، شارۋاشىلىق قۇرۋعا قىزمەت وتەۋدى ساپالىلاندىرىپ، شارۋاشىلىق قۇرۋ ساپاسىن جوعارىلاتۋ كەرەك. ٴبىر تۇتاس ارناعا تۇسكەن ادام كۇشى بايلىعى بازارى جۇيەسىن اقاۋسىزداندىرىپ، ٴادىل جۇمىستانۋ ورتاسىن جاراتىپ، بارلىق ادامنىڭ قاجىرلىلىقپەن قۇلشىنۋ ارقىلى وزىندىك دامۋدى جۇزەگە اسىرۋ ورايىنا يە بولۋىنا مۇمكىندىك جاساۋ كەرەك.

  شي جينپيڭ بىلاي دەپ باسا دارىپتەدى: ەڭبەكشىلەردىڭ ۇقىق ـ مۇددەسىن قامتاماسىز ەتۋدى كۇشەيتۋ كەرەك. ەڭبەك جونىندەگى زاڭداردى، زاڭ ەرەجەلەردى اقاۋسىزداندىرىپ، جاڭا جۇمىستانۋ فورماتسياسىنداعى ەڭبەك نەگىزگى ولشەمىن ارناعا ٴتۇسىرىپ، قوعامدىق قامتاماسىزداندىرۋ جۇيەسىن كەمەلدەندىرىپ، ەڭبەكشىلەردىڭ زاڭدى ۇقىق ـ مۇددەسىن قورعاۋ كەرەك. يكەمدى جۇمىستانۋ مەن جاڭا جۇمىستانۋ فورماتسياسىنداعى ەڭبەكشىلەردىڭ ۇقىق ـ مۇددەسىن قامتاماسىز ەتۋدى كۇشەيتىپ، كاسىپتىك زاقىمدالۋدى قامتاماسىز ەتۋ بويىنشا تۇيىندە سىناق ەتۋدى كەڭەيتىپ، تاجىريبەلەردى دەر كەزىندە قورىتىندىلاپ، ٴتۇزىم قالىپتاستىرۋ كەرەك. بازاردى باقىلاۋ ـ باسقارۋدى، ەڭبەك قامتاماسىزدىعىن باقىلاۋ ـ تەكسەرۋ بويىنشا زاڭ اتقارۋدى كۇشەيتىپ، جۇمىستانۋدا كەمسىتۋ، ەڭبەكاقىسىن كەشەۋىلدەتۋ، قامتاماسىزداندىرۋ اقىسىن كەشەۋىلدەتۋ، زاڭعا قايشى قىزمەتكەر قىسقارتۋ سياقتى بىلىققان جايتتەردى ٴونىمدى جونگە سالۋ كەرەك.

  شي جينپيڭ سوڭىندا بىلاي دەپ اتاپ كورسەتتى: ٴار دارەجەلى پارتكومدار مەن ۇكىمەتتەر جۇمىستانۋدى حالىق تۇرمىسىنداعى ماڭداي الدى ٴىرى ٴىس رەتىندە يگەرىپ، ۇيىمدىق باسشىلىقتى كۇشەيتىپ، ٴتۇزىم ـ مەحانيزمدى اقاۋسىزداندىرىپ، قىزمەت بىرىككەن كۇشىن نىعايتۋى كەرەك. جۇڭگونىڭ جۇمىستانۋ نازارياسى جۇيەسىن جەدەل ورناتىپ، ەلىمىزدىڭ جۇمىستانۋ سالاسىنداعى حالىقارالىق ٴسوز سويلەۋ ۇقىعى مەن ىقپال كۇشىن ٴونىمدى جوعارىلاتۋ كەرەك.