شي جينپيڭ ساياحات قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
وسى زامانعى ساياحات كاسىبى جۇيەسىن كۇش سالا كەمەلدەندىرىپ، ساياحاتتا قۋاتتى ەل قۇرۋدى جەدەلدەتىپ، ساياحات كاسىبىنىڭ جوعارى ساپالى دامۋىن، ورنىقتى قاداممەن الىسقا جەتۋىن ىلگەرىلەتۋ كەرەك
شينحۋا اگەنتتىگىنىڭ 5 ـ ايدىڭ 17 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا ساياحات قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: رەفورما جاساعاننان، ەسىك اشقاننان، اسىرەسە، پارتيا 18 ـ قۇرىلتايىنان بەرى ەلىمىزدىڭ ساياحاتى جەدەل دامۋ ارناسىنا ٴتۇسىپ، دۇنيە جۇزىندەگى ەڭ ۇلكەن ەل ٴىشى ساياحات بازارىن قالىپتاستىرىپ، حالىقارالىق ساياحاتتاعى ەڭ ۇلكەن ساياحاتشى قاينار ەلىنە جانە باستى نىسانالى جەرگە اينالدى، ساياحات كاسىبى شاعىننان زورايىپ، السىزدەن بىرتە ـ بىرتە كۇشەيىپ، كۇن سايىن جاڭادان گۇلدەنگەن ستراتەگيالىق سيپاتتى تىرەكتى كاسىپ سالاسىنا جانە كورنەكتى ٴداۋىر ەرەكشەلىگىنە يە حالىق تۇرمىسى كاسىپ سالاسىنا، باقىت كاسىپ سالاسىنا اينالىپ، جۇڭگونىڭ بوگەنايى بولەك ساياحاتتى دامىتۋ جولىمەن ٴساتتى ٴجۇردى.
شي جينپيڭ بىلاي دەپ باسا دارىپتەدى: جاڭا ٴداۋىردىڭ جاڭا جورىعىندا ساياحاتتى دامىتۋ تىڭ ورايعا، جاڭا سىن ـ سايىسقا ٴدوپ كەلۋدە. جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، تۋراشىلدىقتان اينىماي جاڭالىق اشۋعا، ساپانى جوعارىلاتىپ، ونىمدىلىكتى ارتتىرۋعا، توعىسا دامۋعا تاباندى بولىپ، ۇكىمەت پەن بازاردى، قامداۋ مەن قاجەتسىنۋدى، قورعاۋ مەن اشۋدى، ەل ٴىشى مەن حالىقارانى، دامۋ مەن حاۋىپسىزدىكتى ٴبىر تۇتاس جوسپارلاپ، وسى زامانعى ساياحات كاسىبى جۇيەسىن كۇش سالا كەمەلدەندىرىپ، ساياحاتتا قۋاتتى ەل قۇرۋدى جەدەلدەتىپ، ساياحات كاسىبىن تاماشا تۇرمىسقا، ەكونوميكانىڭ دامۋىن جەبەۋگە، رۋحاني مەكەن قۇرۋعا، جۇڭگو وبرازىن ايگىلەۋگە، وركەنيەتتەردىڭ ٴوزارا ۇلگى الۋىن كۇشەيتۋگە اناعۇرلىم ويداعىداي قىزمەت ەتتىرۋ كەرەك. وڭىرلەر، تاراۋلار قىزمەت جاۋاپكەرشىلىك سەزىمىن، بورىشتىلىق سەزىمىن شىن مانىندە كۇشەيتىپ، جۇمىس ٴبولىسى بويىنشا ىستەستىك جاساپ، تياناقتاندىرۋدى مىقتى يگەرىپ، ساياحات كاسىبىنىڭ جوعارى ساپالى دامۋىن، ورنىقتى قاداممەن الىسقا جەتۋىن ىلگەرىلەتۋ كەرەك.
مەملەكەتتىك ساياحاتتى دامىتۋ جينالىسى 5 ـ ايدىڭ 17 ـ كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ٴبولىمىنىڭ باستىعى لي شۋلەي جينالىستا شي جينپيڭنىڭ ماڭىزدى نۇسقاۋىن جەتكىزدى ٴارى ٴسوز سويلەپ، مىنالاردى ٴبىلدىردى: باس شۋجي شي جينپيڭنىڭ ماڭىزدى نۇسقاۋى مەن ساياحاتتى دامىتۋ جونىندەگى ٴبىر قىدىرۋ ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، مادەنيەت ارقىلى ساياحاتتى سومداۋعا، ساياحات ارقىلى مادەنيەتتى ايگىلەۋگە تاباندى بولىپ، جۇڭگونىڭ بوگەنايى بولەك ساياحاتتى دامىتۋ جولىمەن ٴجۇرۋ كەرەك. ساياحات كاسىبىنىڭ جوعارى ساپالى دامۋىن ىلگەرىلەتىپ، ساياحاتتا قۋاتتى ەل قۇرۋدى جەدەلدەتىپ، جۇيەلى جوسپارلاۋ مەن عىلمي ورنالاستىرۋدى كۇشەيتىپ، مادەنيەت مۇرالارى مەن ەكولوگيالىق بايلىقتى قورعاپ، قامداۋ دەڭگەيى مەن قىزمەت وتەۋ ساپاسىن جوعارىلاتىپ، حالىقارالىق ساياحات اۋىس ـ كۇيىسى مەن سەلبەستىگىن تەرەڭدەتىپ، ساياحاتتى دامىتۋدىڭ جاڭا جاعدايىن ۇزدىكسىز اشۋ كەرەك.
مەملەكەتتىك كەڭەستىڭ مۇشەسى شىن يچين ٴماجىلىستى باسقاردى ٴارى قورىتىندى ٴسوز سويلەدى.
مادەنيەت جانە ساياحات مينيسترلىگىنىڭ، سىرتقى ىستەر مينيسترلىگىنىڭ، جاراتىلىستىق بايلىق مينيسترلىگىنىڭ، قاتىناس ـ تاسىمال مينيسترلىگىنىڭ، حيلۇڭجياڭ ولكەسىنىڭ، جىجياڭ ولكەسىنىڭ، حۋنان ولكەسىنىڭ، گۇيجوۋ ولكەسىنىڭ جاۋاپتى جولداستارى پىكىر اۋىستىرىپ، لەبىز ٴبىلدىردى.
ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە تەتە ولكە دارەجەلى قالالاردىڭ، شينجياڭ ٴوندىرىس ـ قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، مەملەكەت مەنشىگىندەگى ٴبىر ٴبولىم ماڭىزدى تىرەكتى كاسىپورىنداردىڭ، قاتىستى مادەنيەت جانە ساياحات كاسىپتىك قوعامدارىنىڭ، كاسىپورىنداردىڭ جاۋاپتى جولداستارى ماجىلىسكە قاتىناستى.
