ورتالىق كوميتەت كەڭسەسى «حابارلاندىرۋ» باسىپ تاراتتى
بۇكىل پارتيادا پارتيا ٴتارتىبىن ۇيرەنۋ تاربيەسى ورىستەتىلەدى
شينحۋا اگەنتتىگىنىڭ 4 ـ ايدىڭ 7 ـ كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى «بۇكىل پارتيادا پارتيا ٴتارتىبىن ۇيرەنۋ تاربيەسىن ورىستەتۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىنەدى) باسىپ تاراتتى.
«حابارلاندىرۋدا» مىنالار اتاپ كورسەتىلدى: وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ ٴتارتىپ جازاسى ەرەجەسىن» (تومەندە قىسقارتىلىپ «ەرەجە» دەلىنەدى) ىشكەرىلەي ۇيرەنۋ، دايەكتىلەندىرۋ ٴۇشىن، پارتيا ورتالىق كوميتەتىنىڭ ماقۇلداۋىمەن، 2024 ـ جىلى 4 ـ ايدان 7 ـ ايعا دەيىن بۇكىل پارتيادا پارتيا ٴتارتىبىن ۇيرەنۋ تاربيەسى ورىستەتىلەدى.
«حابارلاندىرۋدا» مىنالار ايقىندالدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، نازاردى ٴىشىنارا پارتيا مۇشەلەرىنىڭ، كادرلاردىڭ پارتيا ەرەجەسىن، پارتيا ٴتارتىبىن كوڭىل تورىنە قويماۋ، تۇسىنبەۋ، يگەرمەۋ سياقتى ماسەلەلەرىن شەشۋگە شوعىرلاندىرىپ، پارتيا مۇشەلەرىن، اسىرەسە، پارتيالى باسشى كادرلاردى «ەرەجەنى» مۇقيات ۇيرەنۋگە ۇيىمداستىرىپ، ٴتارتىپتى ۇيرەنىپ، ٴتارتىپتى ٴبىلىپ، ٴتارتىپتى ايقىنداپ، تارتىپكە بويسۇنىپ، پارتيا ٴتارتىبىنىڭ، قاعيداسىنىڭ نە ەكەندىگىن ايقىن تانىپ، نەنى ىستەۋگە بولاتىنىن، نەنى ىستەۋگە بولمايتىنىن ٴبىلىپ، ەرەجەگە، تارتىپكە بويسۇنۋدى كوكەيگە بەرىك ۇيالاتىپ، ٴسىڭىرۋ ارقىلى ٴسوز ـ ارەكەت ولشەمىنە اينالدىرىپ، ٴتارتىپ تانىمىن ونان ارى كۇشەيتىپ، ٴوزىن تەجەۋدى كۇشەيتىپ، يممۋنيتەت قۋاتىن جوعارىلاتىپ، ساياسي تاباندىلىقتى، ٴتارتىپ تاباندىلىعىن، ٴمورال تاباندىلىعىن، شىرىكتەسۋگە قارسى تۇرۋ تاباندىلىعىن كۇشەيتىپ، باستان ـ اياق ادال، كىرشىكسىز بولۋدى، جاۋاپكەرشىلىك ارقالاۋدى ورىنداۋ كەرەك.
«حابارلاندىرۋدا» مىنالار باسا دارىپتەلدى: پارتيا ٴتارتىبىن ۇيرەنۋ تاربيەسىندە كۇندەلىكتى قىزمەتپەن توعىستىرۋعا، ۇدايى يگەرۋگە باسا ٴمان بەرۋ كەرەك. قاز ـ قالپىندا ۇيرەنىپ، جەكەنىڭ وزدىگىنەن ۇيرەنۋى مەن شوعىرلى ۇيرەنۋدى ٴوزارا ۇشتاستىرۋعا تاباندى بولىپ، پارتيانىڭ ساياسي تارتىبىمەن، ۇيىمدىق تارتىبىمەن، پاكتىك تارتىبىمەن، بۇقارالىق تارتىبىمەن، قىزمەت تارتىبىمەن، تۇرمىس تارتىبىمەن تىعىز بايلانىستىرىپ تالقى جۇرگىزىپ، «ەرەجەنىڭ» ساناعا ٴسىڭىپ، جۇرەككە ۇيالاۋىن ىلگەرىلەتۋ كەرەك. ساقتاندىرۋ تاربيەسىن كۇشەيتىپ، تارتىپكە قايشىلىق جاساۋ تيپتىك دەلو مىسالدارىنا تەرەڭدەي تالداۋ جاساپ، ماڭايداعى ىستەر ارقىلى ماڭايداعى ادامداردى تاربيەلەۋگە ٴمان بەرىپ، پارتيا مۇشەلەرىن، كادرلاردى سەرگەك بولاتىن، تومەنگى شەكتى بىلەتىن، يمەنۋدى بىلەتىن ەتۋ كەرەك. ٴتۇسىندىرۋ مەن تاربيەلەۋدى كۇشەيتىپ، «ەرەجەنى» ٴتۇسىنۋدى، قولدانۋدى تەرەڭدەتۋ كەرەك. 2024 ـ جىلعى اۋدان ـ باسقارما دارەجەلىدەن جوعارى باسشىلىق القاسىنىڭ دەموكراتيالىق تۇرمىس جيىنىندا جانە نەگىزگى ساتى پارتيا ۇيىمىنىڭ ۇيىمدىق تۇرمىس جيىنىندا «ەرەجەنى» ۇيرەنۋ، دايەكتىلەندىرۋ احۋالىن سالىستىرىپ تەكسەرۋدىڭ ماڭىزدى مازمۇنى ەتۋ كەرەك.
«حابارلاندىرۋدا» مىنالار تالاپ ەتىلدى: ٴار دارەجەلى پارتكومدار (پارتيا باسشىلىق گرۋپپالارى) پارتيا ٴتارتىبىن ۇيرەنۋ تاربيەسىن ورىستەتۋدى ماڭىزدى ساياسي مىندەت ەتىپ، دەن قويا ۇيىمداستىرىپ اتقارۋى، قۋزاۋدى، تياناقتاندىرۋدى كۇشەيتۋى كەرەك. ۇگىتتەۋ، جەتەكتەۋ قىزمەتىن ويداعىداي ىستەپ، فورماشىلدىققا باتىل قارسى تۇرىپ، ”ساپاسىز قىزىلدان“، ”ساپالى قارادان“ ساقتانۋ كەرەك.
