شي جينپيڭ بۇيرىق كۋالىگىن بەردى ٴارى شەنى وسىرىلگەن اسكەري قولباسىلاردى قۇتتىقتادى
3 ـ ايدىڭ 28 ـ كۇنى ورتالىق اسكەري ىستەر كوميتەتىنىڭ شاڭجياڭ اسكەري شەنىنە ٴوسىرۋ سالتى بەيجيڭ 1 ـ تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ٴتوراعاسى شي جينپيڭ شەن ٴوسىرۋ سالتىنا قاتىناستى. سۋرەتتە: شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن اسكەري قولباسىلارمەن توپتىق سۋرەتكە تۇسۋدە.
□ سۋرەتتى شينحۋا اگەنتتىگىنىڭ ٴتىلشى لي گاڭ تۇسىرگەن
شينحۋا اگەنتتىگىنىڭ 3 ـ ايدىڭ 28 ـ كۇنى بەيجيڭنەن بەرگەن حابارى (ٴتىلشى مەي چاڭۋي). ورتالىق اسكەري ىستەر كوميتەتىنىڭ شاڭجياڭ اسكەري شەنىنە ٴوسىرۋ سالتى 3 ـ ايدىڭ 28 ـ كۇنى بەيجيڭ 1 ـ تامىز عيماراتىندا وتكىزىلدى. ورتالىق اسكەري ىستەر كوميتەتىنىڭ ٴتوراعاسى شي جينپيڭ شەن ٴوسىرۋ سالتىنا قاتىناستى.
تۇستەن كەيىن ساعات 5 مولشەرىندە شەن ٴوسىرۋ سالتى ايبىندى مەملەكەت انىمەن باستالدى. ورتالىق اسكەري ىستەر كوميتەتىنىڭ ورىنباسار ٴتوراعاسى جاڭ يوۋشيا ورتالىق اسكەري ىستەر كوميتەتىنىڭ ٴتوراعاسى شي جينپيڭ قول قويعان شاڭجياڭ اسكەري شەنىنە ٴوسىرۋ بۇيرىعىن وقىدى. ورتالىق اسكەري ىستەر كوميتەتىنىڭ ورىنباسار ٴتوراعاسى حى ۋيدۇڭ شەن ٴوسىرۋ سالتىن باسقاردى.
بۇل جولى شاڭجياڭ اسكەري شەنىنە وسىرىلگەن اسكەري قولباسىلار: ورتالىق اسكەري ىستەر كوميتەتى ساياسي ـ زاڭ كوميتەتىنىڭ شۋجيى ۋاڭ رىنحۋا، مەملەكەت قورعانىسى داشۋەسىنىڭ مەكتەپ باستىعى شياۋ تيانلياڭ.
شاڭجياڭ اسكەري شەنىنە وسىرىلگەن 2 اسكەري قولباسى كوتەرىڭكى رۋحپەن ٴتوراعالار مىنبەسىنىڭ الدىنا كەلدى. شي جينپيڭ ولارعا بۇيرىق كۋالىگىن بەرىپ، ولاردى قۇتتىقتادى. شاڭجياڭ اسكەري شەنى پاگونىن تاققان 2 اسكەري قولباسى شي جينپيڭگە قۇرمەت ٴبىلدىردى، سالتقا قاتىناسقان بارلىق جولداسقا قۇرمەت ٴبىلدىردى، بۇكىل زالدان قىزۋ قول شاپالاق ٴۇنى كوتەرىلدى.
شەن ٴوسىرۋ سالتى اسقاق ارميا مارشىمەن اياقتادى. وسىدان سوڭ شي جينپيڭ قاتارلى باسشى جولداستار شاڭجياڭ اسكەري شەنىنە وسىرىلگەن اسكەري قولباسىلارمەن توپتىق سۋرەتكە ٴتۇستى.
ورتالىق اسكەري ىستەر كوميتەتىنىڭ مۇشەلەرى ليۋ جىنلي، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ ٴارقايسى تاراۋىنداعى، ارميانىڭ بەيجيڭدە تۇراتىن قاتىستى ورىندارىنداعى نەگىزگى جاۋاپتى جولداستار، ت. ب شەن ٴوسىرۋ سالتىنا قاتىناستى.
