جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىس اشتى
«20 ـ كەزەكتى ورتالىق كوميتەتتىڭ 2 ـ رەتكى شارلاۋ جاعدايى جونىندەگى جالپىلىق باياندامانى» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى
شينحۋا اگەنتتىگىنىڭ 3 ـ ايدىڭ 29 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 3 ـ ايدىڭ 29 ـ كۇنى ٴماجىلىس اشىپ، «20 ـ كەزەكتى ورتالىق كوميتەتتىڭ 2 ـ رەتكى شارلاۋ جاعدايى جونىندەگى جالپىلىق باياندامانى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.
ٴماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى شارلاۋ قىزمەتىنە ايرىقشا ٴمان بەرىپ، پارتيا 20 ـ قۇرىلتايىنان بەرى ورتالىقتىڭ 2 كەزەك شارلاۋىن ورنالاستىرىپ، ورىستەتىپ، ورتالىق باسقاراتىن كاسىپورىنداردى تولىق قامتۋدى ورىندادى. شارلاۋدان قاراعاندا، ورتالىق باسقاراتىن كاسىپورىنداردىڭ جانە قاتىستى فۋنكتسيالىق تاراۋلاردىڭ پارتيا قۇرىلىسى كۇشەيتىلىپ، پارتيانى جاپپاي قاتاڭ باسقارۋدا جاڭا ونىمدىلىككە قول جەتكىزىلگەن، الايدا ٴىشىنارا ماسەلەلەر دە ورىن تەۋىپ وتىر، ٴسوز جوق، ساياسي جاقتان ايرىقشا ٴمان بەرىپ، قاتاڭ دا مۇقيات ٴبىر جايلى ەتۋ كەرەك. شارلاۋدى، رەتتەۋ ـ تۇزەتۋدى جوعارى ساپالى دامۋدى ىلگەرىلەتۋدىڭ جانە پارتيانى جاپپاي قاتاڭ باسقارۋدىڭ پارمەندى تۇتقاسى ەتىپ، ۇيىمدىق باسشىلىقتى كۇشەيتىپ، تۇلعالىق جاۋاپكەرشىلىكتى قاتايتىپ، ماسەلە تىزىمدىگىن، مىندەت تىزىمدىگىن، جاۋاپكەرشىلىك تىزىمدىگىن ورناتىپ، ٴبارىنىڭ تياناقتانۋىن، بارلىق ىسكە جاۋاپ بەرىلۋىن ورىنداۋ كەرەك. شارلاۋدى، رەتتەۋ ـ تۇزەتۋدى باقىلاۋدى كۇشەيتىپ، ٴتۇيىندى ادامداردى، ٴتۇيىندى ىستەردى قاداعالاۋدان جازباي، ٴبىر ـ بىردەن ەسەپكە سالىستىرىپ تىزىمنەن ٴوشىرىپ، رەتتەۋ ـ تۇزەتۋ، جاۋاپكەرشىلىگىن قۋزاۋ مەحانيزمىن ورناتىپ، رەتتەۋ ـ تۇزەتۋگە نەمقۇرايدى قاراعانداردىڭ، جالعان رەتتەۋ ـ تۇزەتۋ جۇرگىزگەندەردىڭ جاۋاپكەرشىلىگىن قاتاڭ قۋزاستىرۋ كەرەك.
ٴماجىلىس مىنالاردى باسا دارىپتەدى: مەملەكەت مەنشىگىندەگى كاسىپورىندار _ جۇڭگوشا سوتسياليزمنىڭ ماڭىزدى زاتتىق نەگىزى جانە ساياسي نەگىزى. پارتيانىڭ باسشىلىعىنا تاباندى بولىپ جانە ونى كۇشەيتىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، قىزمەت مىندەتىن، بورىشىن تىڭعىلىقتى اتقارىپ، ”ەكىنى قورعاۋدى“ باتىل ورىنداۋ كەرەك. دامۋ مەن حاۋىپسىزدىكتى ٴبىر تۇتاس جوسپارلاپ، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، حاۋىپ ـ قاتەردەن باتىل ساقتانىپ جانە ونى جويىپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى قامتاماسىز ەتۋ كەرەك. پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، قاتاڭدىق سىندى نەگىزگى اۋەندى، قاتاڭ شارانى، قاتاڭ رايدى ۇزاق ۋاقىت تاباندىلىقپەن جالعاستىرىپ، ”ٴبىرىنشى باسشى“ مەن باسشىلىق القانى باقىلاۋدى كۇشەيتىپ، شىرىكتەسۋدى جازالاۋدىڭ تەگەۋرىندى كۇيىن ٴۇرتىس ساقتاپ، دەلو ارقىلى تۇزەتۋدى جەبەۋدى، دەلو ارقىلى باسقارۋدى جەبەۋدى تەرەڭدەتىپ، شىرىكتەسۋدىڭ ٴوسىپ ـ ونەتىن توپىراعى مەن شارت ـ جاعدايىن باتىل الاستاۋ كەرەك. جاڭا داۋىردەگى پارتيانىڭ ۇيىمدىق لۋشيانىن مۇقيات دايەكتىلەندىرىپ، باسشىلىق القا قۇرىلىسىن، كادر ـ دارىندىلار قوسىنى قۇرىلىسىن جانە نەگىزگى ساتى پارتيا ۇيىمدارى قۇرىلىسىن كۇشەيتۋ كەرەك. شارلاۋ جەتىستىگىنەن جان ـ جاقتى ويداعىداي پايدالانىپ، شارلاۋدا بايقالعان جالپىلىق ماسەلەلەردى جانە تەرەڭ قاتپارلى ماسەلەلەردى ىشكەرىلەي زەرتتەپ، ٴبىر جايلى ەتىپ، ٴتۇزىم ـ مەحانيزمدى اناعۇرلىم اقاۋسىزداندىرىپ، ۇستىنەن وڭاۋ مەن تۇبىرىنەن وڭاۋدى جەبەۋ كەرەك.
ٴماجىلىس باسقا دا ىستەردى اقىلداستى.
