شي جينپيڭ قىزمەتتەن ەسەپ بەرۋ باياندامالارىن مۇقيات تەكسەرىپ وقىدى ٴارى ماڭىزدى تالاپتاردى العا قويىپ، بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋدى ىلگەرىلەتۋدى مىقتاپ ارقاۋ ەتىپ، ٴوز قىزمەت جاۋاپكەرشىلىگىن تياناق ەتىپ، ساياسي جاۋاپكەرشىلىكتى كۇشەيتىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك
شينحۋا اگەنتتىگىنىڭ 2 ـ ايدىڭ 26 ـ كۇنى بەيجيڭنەن بەرگەن حابارى. پارتيا ورتالىق كوميتەتىنىڭ قاتىستى بەلگىلەمەسى بويىنشا، ورتالىق كوميتەت ساياسي بيۋروسىنىڭ مۇشەلەرى، شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتيا باسشىلىق گرۋپپالارىنىڭ شۋجيلەرى ٴار جىلى پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەرەدى. جۋىقتا قاتىستى جولداستار بەلگىلەمە بويىنشا پارتيا ورتالىق كوميتەتىنە جانە باس شۋجي شي جينپيڭگە قىزمەتتەرىنەن جازباشا ەسەپ بەردى.
شي جينپيڭ قىزمەتتەن ەسەپ بەرۋ باياندامالارىن مۇقيات تەكسەرىپ وقىدى ٴارى ماڭىزدى تالاپتاردى العا قويىپ، بىلاي دەپ باسا دارىپتەدى: بيىل جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانىڭ نىسانا ـ مىندەتتەرىن جۇزەگە اسىرۋداعى شەشۋشى ٴبىر جىل. پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، سانالى تۇردە ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، نەگىزگى تاقىرىپتىق تاربيەنىڭ جەتىستىكتەرىن باستاماشىلدىقپەن بەكەمدەپ، كەڭەيتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى مىقتاپ ارقاۋ ەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ٴتۇرلى مىندەتتەرىن دايەكتىلەندىرۋدى، تياناقتاندىرۋدى ويداعىداي يگەرۋ كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ورنىقتىلىق بارىسىندا ىلگەرىلەۋ، ىلگەرىلەۋ ارقىلى ورنىقتىلىقتى جەبەۋ، الدىمەن ورناتىپ، ونان سوڭ كۇشىنەن قالدىرۋ تالابىن دايەكتىلەندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، رەفورمانى ونان ارى جاپپاي تەرەڭدەتىپ، ەكونوميكانىڭ قايتا ورلەۋ، جاقسارۋ بەتالىسىن بەكەمدەپ جانە كۇشەيتىپ، حالىق تۇرمىسىنىڭ قۇت ـ ىرىسىن ۇزدىكسىز ارتتىرۋ كەرەك. حالىقتى باقىتقا كەنەلتەتىن ناتيجە كوزقاراسىن بەرىك ورناتىپ، جاڭا داۋىردەگى پارتيانىڭ بۇقارالىق لۋشيانىمەن باستاماشىلدىقپەن ويداعىداي ٴجۇرىپ، فورماشىلدىقتىڭ، تورەشىلدىكتىڭ ٴسىڭىستى كىناراتتارى مەن قاساڭ دەرتتەرىن تۇزەتىپ، نەگىزگى ساتىنىڭ اۋىرتپالىعىن شىنايى جەڭىلدەتىپ، ستيلدە بۇرىلىس جاساۋ ارقىلى قىزمەتتىڭ تياناقتانۋىن جەبەۋ كەرەك. وزىنە ـ ٴوزى توڭكەرىس جاساۋ رۋحىن ساقتاپ، ٴوزىن كىرشىكسىزدەندىرۋ، پاك، تارتىپشەڭ بولۋ جاعىندا ۇلگى ورناتىپ، ونەگە كورسەتىپ، پارتيانى جاپپاي قاتاڭ باسقارۋدىڭ نەگىزگى تۇلعالىق جاۋاپكەرشىلىگىن اتقارۋ كەرەك. ٴوز قىزمەت جاۋاپكەرشىلىگىن تياناق ەتىپ، ساياسي جاۋاپكەرشىلىك ارقالاۋدى كۇشەيتىپ، ٴتۇيىندى كورنەكتىلەندىرىپ، تەتىكتى يگەرىپ، قايراتتانا العا ۇمتىلىپ، شىنايى يگەرىپ، ناقتى ىستەپ، جۇڭگو ۇلگىسىندەگى وسىزامانداندىرۋ ارقىلى زەيىن ـ زەردەنى، كۇش ـ قۋاتتى ونان ارى ۇيىستىرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن ىلگەرىلەتۋ جولىندا ىنتىماقتاسا كۇرەس جۇرگىزۋ كەرەك.
