جاڭا كەزەكتى زور كولەمدە جابدىق جاڭالاۋدى جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى ىلگەرىلەتىپ، تۇتاس قوعامنىڭ زات اينالىمى وزىندىك قۇنىن ٴونىمدى تومەندەتۋ كەرەك

شي جينپيڭ ورتالىق كوميتەت قازىنا ـ ەكونوميكا كوميتەتىنىڭ 4 ـ رەتكى ٴماجىلىسىن باسقارىپ اشقاندا بىلاي دەپ باسا دارىپتەدى

　　جاڭا كەزەكتى زور كولەمدە جابدىق جاڭالاۋدى جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى ىلگەرىلەتىپ، تۇتاس قوعامنىڭ زات اينالىمى وزىندىك قۇنىن ٴونىمدى تومەندەتۋ كەرەك

　　لي چياڭ، ساي چي، ديڭ شۋەشياڭ قاتىناستى

　　شينحۋا اگەنتتىگىنىڭ 2 ـ ايدىڭ 23 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى، ورتالىق كوميتەت قازىنا ـ ەكونوميكا كوميتەتىنىڭ مەڭگەرۋشىسى شي جينپيڭ 2 ـ ايدىڭ 23 ـ كۇنى تۇستەن كەيىن ورتالىق كوميتەت قازىنا ـ ەكونوميكا كوميتەتىنىڭ 4 ـ رەتكى ٴماجىلىسىن باسقارىپ اشىپ، زور كولەمدە جابدىق جاڭالاۋ جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ ماسەلەسىن اقىلداستى، تۇتاس قوعامنىڭ زات اينالىمى وزىندىك قۇنىن ٴونىمدى تومەندەتۋ ماسەلەسىن اقىلداستى. شي جينپيڭ ماجىلىستە ماڭىزدى ٴسوز سويلەپ، بىلاي دەپ باسا دارىپتەدى: ونىمدەردىڭ جاڭالانۋىن جەدەلدەتۋ _ جوعارى ساپالى دامۋدى ىلگەرىلەتۋدەگى ماڭىزدى شارا، جاڭا كەزەكتى زور كولەمدە جابدىق جاڭالاۋعا جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋعا شابىتتاندىرۋ، جەتەكتەۋ كەرەك. زات اينالىمى _ تۇلعالىق ەكونوميكانىڭ ”قان تامىرى“، ٴوندىرىس پەن تۇتىنۋدى، ىشكى ساۋدا مەن سىرتقى ساۋدانى تۇتاستىرۋدا، ٴسوز جوق، تۇتاس قوعامنىڭ زات اينالىمى وزىندىك قۇنىن ٴونىمدى تومەندەتىپ، كاسىپ سالاسىنىڭ وزەكتى باسەكەلىك قۋاتىن كۇشەيتىپ، ەكونوميكالىق اينالىم ونىمدىلىگىن جوعارىلاتۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق كوميتەت قازىنا ـ ەكونوميكا كوميتەتىنىڭ ورىنباسار مەڭگەرۋشىسى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت قازىنا ـ ەكونوميكا كوميتەتىنىڭ مۇشەسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىق كوميتەت قازىنا ـ ەكونوميكا كوميتەتىنىڭ مۇشەسى ديڭ شۋەشياڭ ماجىلىسكە قاتىناستى.

　　ٴماجىلىس مەملەكەتتىك دامۋ جانە رەفورما كوميتەتىنىڭ، ساۋدا ىستەرى مينيسترلىگىنىڭ، ونەركاسىپ جانە ينفورماتسيالاندىرۋ مينيسترلىگىنىڭ زور كولەمدە جابدىق جاڭالاۋ جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ جونىندەگى مالىمەتىن تىڭدادى، مەملەكەتتىك دامۋ جانە رەفورما كوميتەتىنىڭ، قاتىناس ـ تاسىمال مينيسترلىگىنىڭ، ساۋدا ىستەرى مينيسترلىگىنىڭ تۇتاس قوعامنىڭ زات اينالىمى وزىندىك قۇنىن ٴونىمدى تومەندەتۋ جونىندەگى مالىمەتىن تىڭدادى. تۇرعىن ٴۇي جانە قالا، اۋىل قۇرىلىسى مينيسترلىگى، مەملەكەتتىك بازار باقىلاۋ ـ باسقارۋ باس مەكەمەسى، مەملەكەتتىك تەمىر جول توبى جازباشا مالىمەت بەردى.

　　ٴماجىلىس مىنالاردى باسا دارىپتەدى: زور كولەمدە جابدىق جاڭالاۋدى جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى اتقارۋ الداعى جەردە قارجى قوسۋ مەن تۇتىنۋدى پارمەندى جەبەيدى ٴارى قازىرگىگە پايدالى، ۇزاق بولاشاققا ٴتىپتى دە پايدالى. ساياساتتىق كەشەندى شارانى ويداعىداي اتقارىپ، وزىق ٴوندىرىس قۋاتى ارا سالماعىنىڭ ٴۇرتىس جوعارىلاۋىن ىلگەرىلەتىپ، جوعارى ساپالى، شىدامدى تۇتىنۋ بۇيىمدارىن تۇرعىندار تۇرمىسىنا اناعۇرلىم كوپتەپ ەنگىزىپ، جاراقسىز، كونە بايلىقتاردى قايتالامالى پايدالانىپ، حالىق شارۋاشىلىعىنىڭ اينالىم ساپاسى مەن دەڭگەيىن زور مولشەردە جوعارىلاتۋ كەرەك. بازاردى نەگىز ەتۋ، ۇكىمەت جەتەكشىلىك ەتۋگە تاباندى بولۋ، وزىقتارىن شابىتتاندىرۋعا، مەشەۋلەرىن قاتاردان قالدىرۋعا تاباندى بولۋ، ولشەم ارقىلى جەتەكتەۋگە، ٴتارتىپتى جوعارىلاتۋعا تاباندى بولۋ كەرەك.

　　ٴماجىلىس مىنالاردى اتاپ كورسەتتى: ٴتۇرلى ٴوندىس جابدىقتارىن، قىزمەت وتەۋ جابدىقتارىن جاڭالاۋدى جانە تەحنيكا جاڭالاۋدى ىلگەرىلەتىپ، اۆتوكولىك، ٴۇي ەلەكتر جابدىقتارى سياقتى ٴداستۇرلى تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋعا شابىت بەرىپ، شىدامدى تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى ىلگەرىلەتۋ كەرەك. زور كولەمدە جيناپ الىپ قايتالامالى پايدالانۋدى ىلگەرىلەتىپ، ”جاڭاسىن اۋىستىرۋ + جيناپ الۋ“ سىندى زات اينالىمى جۇيەسى مەن جاڭا ۇلگىدە دامۋدى كۇشەيتۋ كەرەك. تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدا ورتالىق قازىنا مەن جەرگىلىكتى ۇكىمەتتەردىڭ بىرلەسىپ ارەكەتتەنۋىنە تاباندى بولىپ، جالپى تىزبەكتىڭ ٴارقايسى بۋىنىن ٴبىر تۇتاس جوسپارلاپ قولداپ، تۇتىنۋشىلارعا اناعۇرلىم كوپ تيىمدىلىك جەتكىزۋ كەرەك.

　　ٴماجىلىس مىنالاردى باسا دارىپتەدى: تۇتاس قوعامنىڭ زات اينالىمى وزىندىك قۇنىن تومەندەتۋ _ ەكونوميكانىڭ اينالىم ونىمدىلىگىن جوعارىلاتۋداعى ماڭىزدى شارا. زات اينالىمى وزىندىك قۇنىن تومەندەتۋدىڭ شىعار ٴتۇيىنى جانە تابان تىرەر تياناعى _ تۇلعالىق ەكونوميكا مەن حالىق بۇقاراسىنا قىزمەت وتەۋ، ونىڭ نەگىزگى العى شارتى _ جاساۋ كاسىبى ارا سالماعىنىڭ نەگىزىنەن ورنىقتى بولۋىن ساقتاۋ، باستى جولى _ قۇرىلىمدى رەتتەۋ، رەفورمانى جەبەۋ، تاسىمال وزىندىك قۇنىن، قامبادا ساقتاۋ وزىندىك قۇنىن، باسقارۋ وزىندىك قۇنىن ٴونىمدى تومەندەتۋ. تاسىمال قۇرىلىمىن ساپالىلاندىرىپ، ”تاس جولدان تەمىر جولعا اۋىسۋدى“، ”تاس جولدان سۋ جولىنا اۋىسۋدى“ كۇشەيتىپ، كەشەندى قاتىناس ـ تاسىمال جۇيەسى رەفورماسىن تەرەڭدەتىپ، ٴبىر تۇتاس، جوعارى ٴونىمدى، باسەكەسى ٴتارتىپتى زات اينالىمى بازارىن قالىپتاستىرۋ كەرەك. نەگىزگى جەلى ۇلكەن ارناسىن ساپالىلاندىرىپ، بوگەتتى تۇيىندەردى، القىمداعان تۇيىندەردى ىركىلىسسىزدەندىرىپ، وسى زامانعى ساۋدا اينالىم جۇيەسىن كەمەلدەندىرىپ، تۇعىر ەكونوميكاسى، تومەن كەڭىستىك ەكونوميكاسى، شوفەرسىز جۇرگىزۋ سياقتىلارمەن ۇشتاستىرىلعان زات اينالىمى جاڭا ۇلگىسىن دامىتۋعا شابىت بەرۋ كەرەك. زات اينالىمى تورابىن ٴبىر تۇتاس جوسپارلاپ ـ جوبالاپ، قاتىناس نەگىزدىك قۇرىلعى قۇرىلىسى مەن كەلەلى وندىرگىش كۇشتەر ورنالاسىمىن ساپالىلاندىرىپ، اۋەجاي ماڭى ەكونوميكاسىن، پورت ماڭى ەكونوميكاسىن بار كۇشپەن دامىتۋ كەرەك.

　　ورتالىق كوميتەت قازىنا ـ ەكونوميكا كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.