شينحۋا اگەنتتىگىنىڭ 2 ـ ايدىڭ 21 ـ كۇنى بەيجيڭنەن بەرگەن حابارى. جاقىندا، جۇڭگو كوممۋنيستىك پارتياسى ورتالىق كوميتەتى وزگەرىس ەنگىزىلگەننەن كەيىنگى «جۇڭگو كوممۋنيستىك پارتياسىنىڭ شارلاۋ قىزمەتى ەرەجەسىن» (تومەندە قىسقارتىلىپ «ەرەجە» دەلىنەدى) باسىپ تاراتتى ٴارى حابارلاندىرۋ شىعارىپ، جەر ـ جەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا بىلاي دەپ اتاپ كورسەتىلدى: «ەرەجە» شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ پارتيانىڭ وزىنە ـ ٴوزى توڭكەرىس جاساۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، پارتيا ۋستاۆىن ٴتۇبىرلى نەگىز ەتىپ، جاڭا داۋىردەگى شارلاۋ قىزمەتىنىڭ نازاريالىق جاسامپازدىعىنىڭ، امالياتتىق جاسامپازدىعىنىڭ، تۇزىمدىك جاسامپازدىعىنىڭ جەتىستىكتەرىن قورىتىندىلاپ، شارلاۋ قىزمەتىنىڭ ٴتۇزىلىس ـ مەحانيزمىن، جاۋاپكەرشىلىك جۇيەسىن ونان ارى اقاۋسىزداندىردى، بۇل پارتيا ورتالىق كوميتەتىنىڭ شارلاۋ قىزمەتىنە ورتالىقتانعان ٴبىر تۇتاس باسشىلىعىنا تاباندى بولۋ جانە ونى كۇشەيتۋ، شارلاۋ قىزمەتىنىڭ جوعارى ساپالى دامۋىن ىلگەرىلەتۋ جونىنەن ماڭىزدى مانگە يە.
حابارلاندىرۋدا مىنالار تالاپ ەتىلدى: ٴار دارەجەلى پارتكومدار (پارتيا باسشىلىق گرۋپپالارى) «ەرەجەنى» ۇيرەنۋدى، دايەكتىلەندىرۋدى كەلەلى ساياسي مىندەت ەتىپ، ۇگىتتەۋدى، ٴتۇسىندىرۋدى جانە قۋزاۋ ـ تەكسەرۋدى ويداعىداي يگەرىپ، «ەرەجەدەگى» بەلگىلەمەلەردىڭ ناقتى تياناقتانۋىنا شىنايى كەپىلدىك ەتۋى كەرەك. ساياسي شارلاۋدىڭ ورىنىنا تاباندى بولىپ، ”ەكىنى قورعاۋدى“ ٴتۇبىرلى مىندەت ەتىپ، ساياسي باقىلاۋدىڭ ناقتىلانۋىن، دالمە ـ ٴدال بولۋىن، ۇدايىلانۋىن ىلگەرىلەتۋ كەرەك. شارلاۋ بويىنشا رەتتەۋ ـ تۇزەتۋ جاعىندا ناقتى شارا قولدانىپ، ناقتى ونىمدىلىككە قول جەتكىزىپ، رەتتەۋ ـ تۇزەتۋ جاۋاپكەرشىلىگىن ناقتىلاندىرىپ، رەتتەۋ ـ تۇزەتۋ مەحانيزمىن كەمەلدەندىرىپ، شارلاۋ جەتىستىكتەرىنەن جان ـ جاقتى ويداعىداي پايدالانىپ، ۇستىنەن وڭاۋ مەن تۇبىرىنەن وڭاۋدى تەرەڭدەتۋ كەرەك. شارلاۋدىڭ جالپىلىق باقىلاۋ رولىن تولىق ساۋلەلەندىرىپ، شارلاۋ مەن باسقا باقىلاۋدىڭ ساباقتاسۋىن، سايكەسۋىن كۇشەيتىپ، باقىلاۋدىڭ بىرىككەن كۇشىن قالىپتاستىرۋ كەرەك. شارلاۋ ارقىلى شارلاۋ ـ تەكسەرۋگە جەتەكشىلىك ەتىپ، جوعارى مەن تومەن بىرلەسە قيمىلداۋدىڭ جۇيەلى باسىمدىعىن ساۋلەلەندىرىپ، باقىلاۋ تورىن تىڭعىلىقتى تۇردە ٴجيى توقۋ كەرەك. وڭىرلەر، تاراۋلار «ەرەجەنى» اتقارۋ بارىسىنداعى ماڭىزدى احۋالدار جانە ۇسىنىستاردى پارتيا ورتالىق كوميتەتىنە دەر كەزىندە مالىمدەۋى كەرەك.
