شي جينپيڭ ورتالىق كوميتەت رەفورمانى جاپپاي تەرەڭدەتۋ كوميتەتىنىڭ 4 ـ رەتكى ٴماجىلىسىن باسقارىپ اشىپ، بىلاي دەپ باسا دارىپتەدى
جەر فاكتورلارىنىڭ باسىمدىققا يە وڭىرلەردىڭ جوعارى ساپالى دامۋىن قامتاماسىز ەتۋ قابىلەتىن كۇشەيتىپ، نەگىزگى ساتىنىڭ شۇعىل جاعدايعا توتەپ بەرۋدى باسقارۋ قابىلەتىن ونان ارى جوعارىلاتۋ كەرەك
لي چياڭ، ۋاڭ حۋنيڭ، ساي چي قاتىناستى
شينحۋا اگەنتتىگىنىڭ 2 ـ ايدىڭ 19 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى، ورتالىق كوميتەت رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 2 ـ ايدىڭ 19 ـ كۇنى تۇستەن كەيىن ورتالىق كوميتەت رەفورمانى جاپپاي تەرەڭدەتۋ كوميتەتىنىڭ 4 ـ رەتكى ٴماجىلىسىن باسقارىپ اشتى، ٴماجىلىس «جەر باسقارۋ تۇزىمىنە رەفورما جاساپ، باسىمدىققا يە وڭىرلەردىڭ جوعارى ساپالى دامۋىن قامتاماسىز ەتۋ قابىلەتىن كۇشەيتۋ جونىندەگى پىكىردى»، «ەكونوميكالىق، قوعامدىق دامۋدىڭ جاپپاي جاسىلعا قاراي تيپ جاڭالاۋىن جەبەۋ جونىندەگى پىكىردى»، «نەگىزگى ساتىنىڭ شۇعىل جاعدايعا توتەپ بەرۋدى باسقارۋ قابىلەتىن ونان ارى جوعارىلاتۋ جونىندەگى پىكىردى»، «جاپپاي جاڭالىق اشۋدى قولداۋدىڭ نەگىزدىك ٴتۇزىمىن جەدەل قالىپتاستىرۋ جونىندەگى پىكىردى»، «ورتالىق كوميتەت رەفورمانى جاپپاي تەرەڭدەتۋ كوميتەتىنىڭ 2023 ـ جىلعى قىزمەت قورىتىندىسى بايانداماسىن»، «ورتالىق كوميتەت رەفورمانى جاپپاي تەرەڭدەتۋ كوميتەتىنىڭ 2024 ـ جىلعى قىزمەت تۇيىندەرىن» قاراپ ماقۇلدادى.
شي جينپيڭ ٴماجىلىستى باسقارعاندا بىلاي دەپ باسا دارىپتەدى: ماكرولىق ساياساتپەن، وڭىرلىك دامۋمەن اناعۇرلىم جوعارى ٴونىمدى ۇشتاستىرىلعان جەر باسقارۋ ٴتۇزىمىن ورناتىپ، اقاۋسىزداندىرىپ، جەر فاكتورلارىن ورنالاستىرۋدىڭ دالمە ـ دالدىگىن جانە پايدالانۋ ونىمدىلىگىن جوعارىلاتىپ، نەگىزگى فۋنكتسيا تەجەمى ٴونىمدى، مەملەكەت جەرىن اشۋ سايكەسىمدى دە ٴتارتىپتى بولعان كەڭىستىك دامۋ ارناسىن قالىپتاستىرۋدى ىلگەرىلەتىپ، جەر فاكتورلارىنىڭ باسىمدىققا يە وڭىرلەردىڭ جوعارى ساپالى دامۋىن قامتاماسىز ەتۋ قابىلەتىن كۇشەيتۋ كەرەك. ەكونوميكالىق، قوعامدىق دامۋدىڭ جاپپاي جاسىلعا قاراي تيپ جاڭالاۋىن جەبەۋ _ بايلىق، ورتا، ەكولوگيا ماسەلەسىن شەشۋدەگى نەگىزگى شارا، جاپپاي تيپ جاڭالاۋعا، سايكەستى تيپ جاڭالاۋعا، جاڭالىق اشا تيپ جاڭالاۋعا، حاۋىپسىز تيپ جاڭالاۋعا تاباندى بولىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ قىزمەتىن جەتەكشى ەتىپ، كومىر قىشقىل گازىنىڭ شىعارىلۋىن ازايتۋدى، لاستانۋدى ازايتۋدى، جاسىلدىقتى كەڭەيتۋدى، ارتتىرۋدى سايكەستى ىلگەرىلەتىپ، جاسىل دامۋ ۇستانىمىن ەكونوميكالىق، قوعامدىق دامۋدىڭ جالپى بارىسىنا، ٴار جاعىنا ٴسىڭىرۋ كەرەك. نەگىزگى ساتىنىڭ شۇعىل جاعدايعا توتەپ بەرۋدى باسقارۋ قابىلەتىن ونان ارى جوعارىلاتىپ، شۇعىل جاعدايعا توتەپ بەرۋدى باسقارۋ قىزمەت كۇشىن تومەنگە ٴتۇسىرۋدى، قامتاماسىزدىقتى تومەنگە بەيىمدەۋدى، وتكەلدى الدىعا جىلجىتۋدى ىلگەرىلەتىپ، ەلەۋلى حاۋىپسىزدىك حاۋىپ ـ قاتەرلەرىنەن ٴونىمدى ساقتانىپ جانە ونى جويىپ، ٴتۇرلى اپاتتاردى، شىرعالاڭداردى دەر كەزىندە پارمەندى، ٴونىمدى ٴبىر جاقتى ەتىپ، حاۋىپسىزدىك تاعانىن بەكەمدەپ، حاۋىپسىزدىك تومەنگى شەگىن مىقتاپ ساقتاۋ كەرەك. عىلىم ـ تەحنيكا مەن ەكونوميكانىڭ تەرەڭ توعىسۋىنا تۇساۋ بولىپ وتىرعان كورنەكتى ماسەلەلەردى تىعىز قاداعالاپ، جاڭالىق اشۋدا نە ىستەۋ كەرەكتىگىن، جاڭالىق اشۋدى كىم ۇيىمداستىراتىندىعىن، جاڭالىق اشۋدى قالاي قولداۋ، شابىتتاندىرۋ، قورعاۋ كەرەكتىگىن ارقاۋ ەتىپ، رەفورمادا قامال الۋدى ٴۇرتىس تەرەڭدەتىپ، جاپپاي جاڭالىق اشۋدىڭ نەگىزدىك ٴتۇزىمىن جەدەل ورناتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق كوميتەت رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي چياڭ، ۋاڭ حۋنيڭ، ساي چي ماجىلىسكە قاتىناستى.
ٴماجىلىس مىنالاردى اتاپ كورسەتتى: وڭىرلەردىڭ ەكونوميكالىق ورنالاسىمى مەن مەملەكەت جەرى كەڭىستىگىنەن پايدالانۋدى ويداعىداي ٴبىر تۇتاس جوسپارلاپ، جەر ـ جەردىڭ فۋنكتسيالىق ورنى مەن بايلىق ارتىقشىلىعىن تياناق ەتىپ، جەر باسقارۋ ساياساتى بىرلىگىن اشالاپ، بايلىقتى اشۋ، پايدالانۋ دەڭگەيىن جوعارىلاتىپ، باسىمدىققا يە وڭىرلەردىڭ ۇلگى كورسەتۋ، جەتەكتەۋ رولىن اناعۇرلىم ويداعىداي ساۋلەلەندىرۋ كەرەك. مەملەكەت جەرى كەڭىستىگىن باسقارۋ ـ مەڭگەرۋدىڭ شەكاراسىن قاتاڭ تياناقتاندىرىپ، ەگىستىك جەر مەن ماڭگىلىك نەگىزگى ەگىنجاي، ەكولوگيانى قورعاۋ قىزىل سىزىعى، قالا، قالاشىقتاردى اشۋ شەكاراسى سىندى 3 مەڭگەرۋ سىزىعىن قاتاڭ ساقتاپ، ٴىس بارىسىندا، ىستەن كەيىن باقىلاۋ ـ باسقارۋدى كۇشەيتۋ كەرەك. كەيبىر ىزدەنىس سيپاتتى، الايدا ەرەكشە كوكەي تەستى رەفورما شارالارىن تەرەڭدەي زەرتتەۋ، ورنىقتى، قۇنتتى ىلگەرىلەتۋ كەرەك.
ٴماجىلىس مىنالاردى باسا دارىپتەدى: ەكونوميكالىق، قوعامدىق دامۋدىڭ جاپپاي جاسىلعا قاراي تيپ جاڭالاۋىن جەبەۋدە نازاردى ەكونوميكالىق، قوعامدىق دامۋدىڭ ٴتۇيىندى سالالارىنا شوعىرلاندىرىپ، جاسىل، تومەن كومىر قىشقىل گازدى جوعارى ساپالى دامۋدىڭ كەڭىستىك ارناسىن قۇرىپ، كاسىپ سالاسى قۇرىلىمىنىڭ، ەنەرگيا قۇرىلىمىنىڭ، قاتىناس ـ تاسىمال قۇرىلىمىنىڭ، قالا مەن اۋىل قۇرىلىسى دامۋىنىڭ جاسىلعا قاراي تيپ جاڭالاۋىن ىلگەرىلەتىپ، بايلىقتى ۇنەمدەيتىن جانە قورشاعان ورتانى قورعايتىن ٴوندىرىس ٴتاسىلى مەن تۇرمىس ٴتاسىلىن جەدەل قالىپتاستىرۋ كەرەك. جاسىلعا قاراي تيپ جاڭالاۋدى ىلگەرىلەتۋدىڭ شەشۋشى بۋىندارىن مىقتاپ يگەرىپ، جاپپاي ۇنەمشىلدىكتى ىلگەرىلەتىپ، تۇتىنۋدىڭ تيپ جاڭالاۋىن جەدەلدەتىپ، جاسىل عىلىم ـ تەحنيكادا جاڭالىق اشۋدى جانە وزىق جاسىل تەحنيكانى جالپىلاستىرۋدى، قولدانۋدى كۇشەيتۋ كەرەك. جاسىل، تومەن كومىر قىشقىل گازدى تيپ جاڭالاۋدى قولدايتىن قازىنا ـ سالىق، فينانس، قارجى قوسۋ، باعا ساياساتتارىن جانە قاتىستى بازارلاندىرۋ مەحانيزمىن اقاۋسىزداندىرىپ، جاسىلعا قاراي تيپ جاڭالاۋعا ساياساتتىق قولداۋ جانە تۇزىمدىك قامتاماسىزدىق ازىرلەۋ كەرەك.
ٴماجىلىس مىنالاردى اتاپ كورسەتتى: باسقارۋ ٴتۇزىلىسىن رەتتەپ، پارتيانىڭ نەگىزگى ساتىنىڭ شۇعىل جاعدايعا توتەپ بەرۋدى باسقارۋ قىزمەتىنە باسشىلىعىن كۇشەيتىپ، شۇعىل جاعدايعا توتەپ بەرۋدى باسقارۋ تاراۋلارىنىڭ جالپىلىق باسىمدىعىن، سونداي ـ اق قاتىستى تاراۋلار مەن قاتىستى جاقتاردىڭ كاسىبي باسىمدىعىن ساۋلەلەندىرىپ، ”ساقتانۋ“ مەن ”قۇتقارۋ“ جاۋاپكەرشىلىك تىزبەگىن ويداعىداي ۇشتاستىرىپ، ۇلكەن حاۋىپسىزدىك، ۇلكەن شۇعىل جاعدايعا توتەپ بەرۋ جۇلگەسىن اقاۋسىزداندىرۋ كەرەك. قىزمەت مەحانيزمىن كەمەلدەندىرىپ، كومەسكى كىناراتتاردى ٴبىر ـ بىردەن تەكسەرۋدىڭ، حاۋىپ ـ قاتەرلەردى پارىقتاۋدىڭ، قاداعالاۋ ـ ساقتاندىرۋدىڭ، دەر كەزىندە ٴبىر جاقتى ەتۋدىڭ جابىق اينالىمدى باسقارۋىن قالىپتاستىرۋدى ىلگەرىلەتىپ، ساقتاندىرۋدى الدىڭعى ورىنعا قويۋ، ەرتە بايقاۋ، ۇلعايماي تۇرعاندا ٴبىر جاقتى ەتۋ كەرەك. قامتاماسىز ەتۋ مەحانيزمىن اقاۋسىزداندىرىپ، نەگىزدىك ۇسىنىلىمدى ارتتىرىپ، وڭىرلەردىڭ حالىق سانى، ەكونوميكالىق كولەمى، اپات ـ شىرعالاڭ ەرەكشەلىگى، حاۋىپسىزدىك حاۋىپ ـ قاتەر دەڭگەيى سياقتى فاكتورلارعا نەگىزدەلىپ، شۇعىل جاعدايعا توتەپ بەرۋ، قۇتقارۋ ـ كومەكتەسۋ كۇشىن تولىقتاۋ، كۇشەيتۋ كەرەك. نەگىزگى ساتى كادرلارىن تاربيەلەۋ ـ باۋلۋدى كۇشەيتىپ، قوعامداعى جۇرتشىلىقتىڭ حاۋىپ ـ قاتەردەن ساقتانۋ تانىمى مەن ٴوزىن قۇتقارۋ، ٴوزارا قۇتقارۋ قابىلەتىن جوعارىلاتۋ كەرەك.
ٴماجىلىس مىنالاردى باسا دارىپتەدى: جاپپاي جاڭالىق اشۋدى قولدايتىن نەگىزدىك ٴتۇزىمدى جەدەل قالىپتاستىرۋ _ عىلىم ـ تەحنيكا ٴتۇزىلىس ـ مەحانيزمى رەفورماسىن تەرەڭدەتۋدىڭ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جۇزەگە اسىرۋدى ىلگەرىلەتۋدىڭ ماڭىزدى شاراسى، پارتيا ورتالىق كوميتەتىنىڭ عىلىم ـ تەحنيكا قىزمەتىنە ورتالىقتانعان ٴبىر تۇتاس باسشىلىق ەتۋ ٴتۇزىلىسىن كەمەلدەندىرىپ، جاڭاشا بۇكىل مەملەكەتتىك ٴتۇزىلىستى اقاۋسىزداندىرىپ، نازاردى نەگىزگى تۇلعالاردى سايكەستىرۋ، فاكتورلاردى جايعاستىرۋ، شابىتتاندىرۋ مەن تەجەۋ، ەسىك اشۋ مەن حاۋىپسىزدىك سياقتى جاقتارداعى كورنەكتى ماسەلەلەرگە شوعىرلاندىرىپ، ٴتۇزىم ولقىلىعىن تولىقتاۋ كەرەك. عىلمي زەرتتەۋدىڭ، تەحنيكالىق اشۋدىڭ، كاسىپ سالاسىندا جاڭالىق اشۋدىڭ تۇرلىشە زاڭدىلىقتارىنا نەگىزدەلىپ، ٴتۇزىم جوباسىن تۇرگە ايىرىپ كۇشەيتىپ، كەلەلى رەفورمالاردى تۇيىندەردە سىناق ەتۋدى الدىمەن اتقارۋ كەرەك. جۇيەلى جيناقتاۋدى كۇشەيتىپ، جاڭادان شىعارىلعان شارالارعا، جاڭادان جاسالعان تۇزىمدەرگە ساياساتتىق بەتالىستىڭ بىركەلكىلىگىن باعالاۋ قىزمەتىن ورىستەتىپ، ٴبىر باعىتتا كۇش سالۋعا، بىرىككەن كۇش قالىپتاستىرۋعا شىنايى كەپىلدىك ەتۋ كەرەك.
ٴماجىلىس مىنالاردى اتاپ كورسەتتى: وتكەن ٴبىر جىلدا ٴبىز پارتيا 20 ـ قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ رەفورمانى جاپپاي تەرەڭدەتۋگە قويعان جاڭا تالاپتارىن تەرەڭ يگەرىپ، جاڭا باستاماداعى رەفورما قىزمەتتەرىن عىلمي جوسپارلاپ، دالمە ـ ٴدال كۇش سالىپ، سايكەسە كۇش سالىپ، ٴۇرتىس كۇش سالىپ، جاڭا جورىقتا باستاما اشىپ، قادام تاستاۋعا قوزعاۋشى كۇش، ومىرشەڭدىك كۇش ازىرلەدىك. پارتيا 20 ـ قۇرىلتايىندا ورنالاستىرىلعان رەفورما مىندەتتەرىنىڭ دايەكتىلەنۋىن، تياناقتانۋىن ىلگەرىلەتىپ، ٴبىر توپ ماڭىزدى رەفورما حۇجاتتارىن اقىلداسىپ ماقۇلداپ، جوعارى ساپالى دامۋ شۇعىل قاجەت ەتكەن، بۇقارانىڭ شۇعىل، قيىن، ۋايىمداعان، ٴزارۋ كورنەكتى ماسەلەلەرىن كۇشتى شوعىرلاندىرا وتىرىپ شەشتىك. پارتيا مەن مەملەكەت قۇرىلىمدارى رەفورماسىن ۇيىمداستىرىپ اتقارىپ، پارتيانىڭ باسشىلىق ٴتۇزىمى جۇيەسىن كەمەلدەندىرىپ، عىلىم ـ تەحنيكا، فينانس سياقتى ٴتۇيىندى سالالارداعى قۇرىلىمداردىڭ مىندەت جاۋاپكەرشىلىگىن ورنالاستىرۋدى ساپالىلاندىرىپ، ورتالىق دەڭگەيىندەگى رەفورما مىندەتتەرىن نەگىزىنەن ورىندادىق. ٴتۇيىندى رەفورما مىندەتتەرىن سايكەسە ىلگەرىلەتۋدى، قۋزاپ تياناقتاندىرۋدى كۇشەيتىپ، رەفورمانىڭ تياناقتانىپ ونىمدىلىك كورسەتۋىن ىلگەرىلەتتىك.
بيىل رەفورمانى جاپپاي تەرەڭدەتۋدەگى تاعى ٴبىر ماڭىزدى جىل، باستى مىندەت _ رەفورمانى ونان ارى جاپپاي تەرەڭدەتۋدى جوسپارلاۋ، بۇل ٴارى پارتيا 18 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن بەرگى رەفورمانى جاپپاي تەرەڭدەتۋدىڭ امالياتتىق جالعاسى، ٴارى جاڭا جورىقتا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ داۋىرلىك جاڭا تاراۋى. رەفورما جاساۋ، ەسىك اشۋ سىندى وسى شەشۋشى ادىستەن پايدالانا وتىرىپ، دامۋ بارىسىنداعى ماسەلەلەردى شەشۋگە، العا باسۋ جولىنداعى حاۋىپ ـ قاتەرلەر مەن سايىستارعا توتەپ بەرۋگە تاباندى بولۋ كەرەك. ىشكى سۇرانىستى كەڭەيتۋگە، قۇرىلىمدى ساپالىلاندىرۋعا، سەنىمدى سەرپىلتۋگە، حالىق تۇرمىسىن قامتاماسىز ەتۋگە، حاۋىپ ـ قاتەرلەردەن ساقتانۋعا جانە ونى جويۋعا ٴتيىمدى رەفورما شارالارىن ۇزدىكسىز ويداعىداي يگەرىپ، ەڭ شەشۋشى، ەڭ كوكەي تەستى ماسەلەلەردى شوعىرلى شەشۋ كەرەك. رەفورمانى ونان ارى جاپپاي تەرەڭدەتۋدەگى كەلەلى شارالاردى عىلمي جوسپارلاپ، نازاردى جۇڭگو ۇلگىسىندەگى وسىزامانداندىرۋدى ٴساتتى ىلگەرىلەتۋگە كەدەرگى بولىپ وتىرعان ٴتۇزىلىس ـ مەحانيزمدىك توسقاۋىلدارعا شوعىرلاندىرىپ، رەفورمانىڭ ستراتەگيالىق ٴتۇيىنىن، الدىمەن ويلاساتىن ٴتارتىبىن، نەگىزگى قامال الۋ بەتالىسىن، ىلگەرىلەتۋ ٴتاسىلىن ايقىنداپ، رەفورمادا ماسەلەنى باعدار ەتۋدى كورنەكتىلەندىرۋ، ٴار سالانىڭ ٴتۇيىندى رەفورما مىندەتتەرىن كورنەكتىلەندىرۋ كەرەك. رەفورما شارالارىندا ايقىن باعىتتامالىلىق سيپات بولۋى، ەڭ كورنەكتى ماسەلەلەردى شەشۋگە ۇمتىلىس جاساۋ، رەفورما رايى قويۋ بولۋى، ساپاسى جوعارى بولۋى كەرەك. ٴار جاقتىڭ رەفورما بەلسەندىلىگىن تولىق جۇمىلدىرىپ، رەفورما ورتاق تانىمىن ونان ارى ۇيىستىرىپ، بۇكىل پارتيانىڭ، بۇكىل ەلدىڭ كۇشىن جۇمىلدىرا وتىرىپ كەلەلى رەفورما مىندەتتەرىن ىلگەرىلەتۋدى جانە تياناقتاندىرۋدى ويداعىداي يگەرىپ، ٴار جاقتىڭ پىكىرى مەن ۇسىنىستارىن كەڭ كولەمدە تىڭداپ، نەگىزگى ساتى مەن بۇقارا جاراتقان سونى تاجىريبەلەردى دەر كەزىندە قورىتىندىلاپ، قالىڭ پارتيا مۇشەلەرىن، كادرلاردى جاۋاپكەرشىلىك ارقالاپ ىسكەرلىك كورسەتۋگە شابىتتاندىرىپ، جۇرەكتىلىكپەن جاڭالىق اشاتىن، شىنايى يگەرىپ ناقتى ىستەيتىن، ٴورىس اشا ەكپىندەي ىلگەرىلەيتىن قويۋ رەفورما رايىن قالىپتاستىرۋدى ىلگەرىلەتۋ كەرەك.
ورتالىق كوميتەت رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
