شي جينپيڭ ”مەملەكەت ينجەنەرلەرى سيلىعىن“ تۇڭعىش رەت باعالاۋ، ماداقتاۋ ـ سيلاۋ قارساڭىندا ماڭىزدى نۇسقاۋ بەرىپ، بىلاي دەپ باسا دارىپتەدى
عىلىم ـ تەحنيكا ارقىلى وتان ٴۇمىتىن اقتاۋ، حالىقتى باقىتقا كەنەلتۋ مۇراتىن بەكەمدەپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋ، ٴوزىن الۋەتتەندىرۋدى جەدەل جۇزەگە اسىرىپ، جوعارى ساپالى دامۋعا قىزمەت وتەۋ كەرەك
ساي چي ”مەملەكەت ينجەنەرلەرى سيلىعى“ بويىنشا ماداقتاۋ ـ سيلاۋ جينالىسىنا قاتىناستى ٴارى ٴسوز سويلەدى، ديڭ شۋەشياڭ قاتىناستى
شينحۋا اگەنتتىگىنىڭ 1 ـ ايدىڭ 19 ـ كۇنى بەيجيڭنەن بەرگەن حابارى. ”مەملەكەت ينجەنەرلەرى سيلىعىن“ تۇڭعىش رەت باعالاۋ، ماداقتاۋ ـ سيلاۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ماڭىزدى نۇسقاۋ بەرىپ، ماداقتالىپ ـ سيلانعان ”مەملەكەتتىڭ ەرەن ينجەنەرلەرى“ مەن ”مەملەكەتتىڭ ەرەن ينجەنەرلەر ۇجىمدارىن“ قىزۋ قۇتتىقتادى.
شي جينپيڭ بىلاي دەپ اتاپ كورسەتتى: ينجەنەرلەر _ ينجەنەريالىق عىلىم ـ تەحنيكانىڭ ادامزاتتى باقىتقا كەنەلتۋىن، بولاشاق اشۋىن ىلگەرىلەتەتىن ماڭىزدى كۇش، مەملەكەتتىڭ ستراتەگيالىق دارىندىلار كۇشىنىڭ ماڭىزدى قۇرامداس بولىگى. وسى رەت ماداقتالعان ـ سيلانعان جەكەلەر مەن ۇجىمدار ەلىمىزدىڭ قالىڭ ينجەنەريالىق تەحنيكا قىزمەتكەرلەرىنىڭ ۇزدىك ۋاكىلدەرى، قالىڭ ينجەنەرلەردىڭ ۇلگىسى.
شي جينپيڭ بىلاي دەپ باسا دارىپتەدى: بولاشاققا بەت الۋدا ينجەنەريالىق تەحنيكا دارىندىلارىن ٴوز كۇشىنە سۇيەنىپ باۋلۋ سەرپىنىن ونان ارى ارتتىرىپ، ينجەنەرلەردىڭ قوعامدىق ورنىن ۇزدىكسىز جوعارىلاتىپ، ولاردىڭ دارىندى بولىپ، ۇلەس قوسۋىنا شارت ـ جاعداي ازىرلەپ، جاقسىدان ونەگە الاتىن، بەرىلە شوگەلدىكپەن ىستەيتىن، قامال الىپ، قيىندىقتاردى جەڭەتىن، جاڭالىق اشىپ، ۇزدىك بولۋعا ۇمتىلاتىن قويۋ راي قالىپتاستىرىپ، كولەمى وراسان زور ەرەن ينجەنەرلەر قوسىنىن جەدەل قۇرۋ كەرەك. بۇكىل ەلدەگى قالىڭ ينجەنەريالىق تەحنيكا قىزمەتكەرلەرىنىڭ عىلىم ـ تەحنيكا ىستەرىندە وتان ٴۇمىتىن اقتاۋ، حالىقتى باقىتقا كەنەلتۋ مۇراتىن بەكەمدەپ، شەشۋشى، وزەكتى تەحنيكالاردا باتىلدىقپەن سەرپىلىس جاساپ، سارا ينجەنەريالاردى سومداپ، جاڭا ساپالى وندىرگىش كۇشتەردىڭ دامۋىن ىلگەرىلەتىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋ، ٴوزىن الۋەتتەندىرۋدى جەدەل جۇزەگە اسىرىپ، جوعارى ساپالى دامۋعا قىزمەت وتەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە اناعۇرلىم زور ۇلەس قوسۋىن ٴۇمىت ەتەمىن.
”مەملەكەت ينجەنەرلەرى سيلىعى“ بويىنشا ماداقتاۋ ـ سيلاۋ جينالىسى 1 ـ ايدىڭ 19 ـ كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، پارتيا مەن مەملەكەتكە ەڭبەك سىڭىرگەندەردى، داڭق اپەرگەندەردى ماداقتاۋ ـ سيلاۋ قىزمەت كوميتەتىنىڭ مەڭگەرۋشىسى ساي چي ماداقتاۋ ـ سيلاۋ جينالىسىنا قاتىناستى ٴارى ٴسوز سويلەدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ ماداقتاۋ ـ سيلاۋ جينالىسىنا قاتىناستى ٴارى شي جينپيڭنىڭ ماڭىزدى نۇسقاۋىن جەتكىزدى.
ساي چي سوزىندە بىلاي دەپ اتاپ كورسەتتى: باس شۋجي شي جينپيڭنىڭ ارنايى ماڭىزدى نۇسقاۋ بەرىپ، ماداقتالىپ ـ سيلانعان جەكەلەر مەن ۇجىمداردى قىزۋ قۇتتىقتاپ، قالىڭ ينجەنەريالىق تەحنيكا قىزمەتكەرلەرىنە ىقىلاستى ٴۇمىت ارتۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ينجەنەريالىق تەحنيكا ىستەرىنە ايرىقشا ٴمان بەرەتىندىگىن، ينجەنەريالىق تەحنيكا قىزمەتكەرلەرىنە شىنايى قامقورلىعىن تولىق ايگىلەدى. باس شۋجي شي جينپيڭنىڭ ينجەنەريالىق عىلىم ـ تەحنيكانىڭ دامۋىن ىلگەرىلەتۋ جونىندەگى ماڭىزدى بايىمداۋىن ارقاۋ ەتىپ، ىشكەرىلەي ۇيرەنۋ، ٴتۇسىنۋ، باتىل دايەكتىلەندىرۋ، تياناقتاندىرۋ كەرەك.
ساي چي بىلاي دەپ اتاپ كورسەتتى: پارتيا 18 ـ قۇرىلتايىنان بەرى قالىڭ ينجەنەريالىق تەحنيكا قىزمەتكەرلەرى كۇللى دۇنيەنىڭ نازارىن اۋدارعان ماقتانارلىق ناتيجەلەر جاراتتى. ماداقتالىپ ـ سيلانعان جەكەلەر مەن ۇجىمدار ٴارقايسى شايقاس شەبىندەگى ينجەنەريالىق تەحنيكا قىزمەتكەرلەرىنىڭ كورنەكتى ۋاكىلدەرى، كوپشىلىكتىڭ ۇلگىلىك، ونەگەلىك رولدارىن اناعۇرلىم ويداعىداي ساۋلەلەندىرىپ، جاڭا ٴداۋىردىڭ جاڭا جورىعىندا پارتيا مەن حالىق ٴۇشىن تاعى دا تىڭ ۇلەس قوسۋىن ٴۇمىت ەتەمىن. ەلىمىزدىڭ ينجەنەريالىق عىلىم ـ تەحنيكاسىنىڭ دامۋى پارتيانىڭ جالپى بەتتىك باسشىلىعىنا باستان ـ اياق تاباندى بولدى، حالىقتى باقىتقا كەنەلتۋگە باستان ـ اياق تاباندى بولدى، جاڭاشا بۇكىل مەملەكەتتىك تۇزىلىسكە باستان ـ اياق تاباندى بولدى، دارىندىلاردىڭ ٴبىرىنشى بايلىق رولىن ساۋلەلەندىرۋگە باستان ـ اياق تاباندى بولدى، ٴوز كۇشىنە سۇيەنىپ ٴومىر سۇرۋگە، ٴوز كۇشىنە سۇيەنىپ جاڭالىق اشۋعا باستان ـ اياق تاباندى بولدى، رەفورما جاساۋعا، سەلبەسۋگە باستان ـ اياق تاباندى بولدى، وسى نازاريالىق جانە امالياتتىق جاۋھارعا، ٴسوز جوق، ۇزاق ۋاقىت تاباندى بولۋ ٴارى ونى ۇزدىكسىز بايىتۋ، دامىتۋ كەرەك.
ساي چي بىلاي دەپ باسا دارىپتەدى: قالىڭ ينجەنەريالىق تەحنيكا قىزمەتكەرلەرى شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ماداقتالىپ ـ سيلانعان جەكەلەر مەن ۇجىمداردى ۇلگى ەتىپ، پارتيا مەن حالىقتى ماڭگى كوڭىلدىڭ ەڭ بيىك تورىنە قويىپ، كاسىپتى ارداقتاپ، ۇلەس قوسۋدى ماڭگى قانعا ٴسىڭىرىپ، كورنەكتى بولۋعا ۇمتىلۋدى ماڭگى ۇلگى ەتىپ، ىنتىماقتاسا سەلبەسۋدى ماڭگى اسىلعا بالاپ، جاڭا ٴداۋىردىڭ جاڭا جورىعىنداعى ينجەنەريالىق عىلىم ـ تەحنيكا دامۋىنىڭ جاڭا تاراۋىن ۇزدىكسىز جازۋ كەرەك.
ساي چي بىلاي دەپ باسا دارىپتەدى: قىرۋار ٴمورالدى دا دارىندى ينجەنەرلەردى باۋلۋ، جەتىلدىرۋ _ مەملەكەت پەن ۇلتتىڭ ۇزاق بولاشاقتىق دامۋ ۇلى جوسپارى. عىلىم ـ تەحنيكا، وقۋ ـ اعارتۋ ارقىلى مەملەكەتتى گۇلدەندىرۋ ستراتەگياسىن، دارىندىلار ارقىلى مەملەكەتتى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، رەفورما جاساۋ، جاڭالىق اشۋ رۋحى ارقىلى جاڭا داۋىردەگى ينجەنەريالىق تەحنيكا دارىندىلار قىزمەتىن ويداعىداي ىستەۋ كەرەك. ٴوز كۇشىنە سۇيەنىپ باۋلۋ جۇيەسىن كۇش سالا كەمەلدەندىرىپ، ٴتۇزىلىس ـ مەحانيزم رەفورماسىن كۇش سالا تەرەڭدەتىپ، ەسىك اشۋدى، اۋىس ـ كۇيىستى كۇش سالا ىلگەرىلەتىپ، تاماشا جاڭالىق اشۋ ورتاسىن كۇش سالا قالىپتاستىرىپ، ينجەنەريالىق تەحنيكا قىزمەتكەرلەرىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋ كەرەك.
لي گانجيە جينالىستا «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ مەملەكەتتىڭ ەرەن ينجەنەرلەرىن جانە مەملەكەتتىڭ ەرەن ينجەنەرلەر ۇجىمىن ماداقتاۋ ـ سيلاۋ جونىندەگى قاۋلىسىن» وقىدى. لي شۋلەي، تيە نيڭ، ۋ جىڭلۇڭ، چىن ۋ، جياڭ شينجى جانە مياۋ حۋا جينالىسقا قاتىناستى. جاڭ گوچيڭ جينالىستى باسقاردى.
جينالىستا ماداقتالىپ ـ سيلانعان ۋاكىلدەرگە سيلىق تاراتىلدى. حاربين ەلەكتر توبى شەكتى سەرىكتەستىگىنىڭ ورىنباسار باس ينجەنەرى چين داچيڭ، شياڭگاڭ _ جۋحاي _ اۋمىن ۇلكەن كوپىرى ينجەنەرياسىنىڭ باس ينجەنەرى سۋ چۋانكى، فۋشيڭ اتتى جوعارى جىلدامدىقتى پويەزدى زەرتتەۋ ـ اشۋ بويىنشا جاڭالىق اشۋ ۇجىمىنىڭ جاۋاپتىسى جوۋ لي قاتارلى سيلىققا يە بولعان ۋاكىلدەر جينالىستا سوزگە شىقتى.
ينجەنەريالىق تەحنيكا سالاسىنداعى ۇزدىك تيپتەردى ماداقتاۋ ـ سيلاۋ ٴۇشىن، پارتيا ورتالىق كوميتەتى، مەملەكەتتىك كەڭەس ”مەملەكەت ينجەنەرلەرى سيلىعى“ بويىنشا تۇڭعىش رەت باعالاۋدى، ماداقتاۋ ـ سيلاۋدى ورىستەتىپ، 81 جەكەگە ”مەملەكەتتىڭ ەرەن ينجەنەرى“ اتاعىن، 50 ۇجىمعا ”مەملەكەتتىڭ ەرەن ينجەنەرلەر ۇجىمى“ اتاعىن بەرۋدى ۇيعاردى.
