شينحۋا اگەنتتىگى، 1 - ايدىڭ 15 – كۇنى، بەيجيڭ. 1 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 2 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەيانى تولىق، دۇرىس، جاپپاي دايەكتىلەندىرىپ، تياناقتاندىرايىق» دەگەن ماڭىزدى ماقالاسى جاريالانادى.
ماقالادا مىنالار دارىپتەلدى: بىرلىكساپ − پارتيانىڭ باس لۋشيان، باس ساياساتىنىڭ ماڭىزدى قۇرامداس بولىگى، ەلىمىزدىڭ توڭكەرىسىنىڭ، قۇرىلىسىنىڭ، رەفورماسىنىڭ تۇرلىشە تاريحي كەزەڭدەرىندە ماڭىزدى رول اتقاردى. پارتيانىڭ 18 - قۇرىلتايىنان بەرى پارتيا جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە ءجۇز جىلدان بەرى بولماعان زور وزگەرىس جاعدايىن ءبىر تۇتاس جوسپارلاپ، ەل باسقارۋ ستراتەگيالىق تۇرعىسىنان بىرلىكساپ قىزمەتى جونىندە جان - جاقتى ورنالاستىرۋ جاساپ، بىرلىكساپ قىزمەتىندە تاريحي تابىستارعا قول جەتكىزۋدى ىلگەرىلەتىپ، بىرلىكساپتا ىنتىماقتى، العا باسقان، ءورىس اشقان، جاندى تاماشا جاعداي جارىققا شىقتى.
ماقالادا مىنالار اتاپ كورسەتىلدى: جاڭا داۋىردەگى بىرلىكساپ قىزمەتىندە قول جەتكەن ەڭ ۇلكەن جەتىستىك اماليات بارىسىندا جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەيانى قالىپتاستىرىپ، بىرلىكساپ قىزمەتىن كۇشەيتۋ جانە جاقسارتۋ جونىندە ءبىرسىپىرا جاڭا ۇستانىم، جاڭا يدەيا، جاڭا ستراتەگيالاردىڭ العا قويىلعانىندا بولدى. جيناقتاپ ايتقاندا، مىناداي 12 جاقتى قامتيدى: ءبىرىنشى، بىرلىكساپتىڭ ماڭىزدى اسىلدىق رولىن تولىق ساۋلەلەندىرۋ كەرەك. بىرلىكساپ − پارتيانىڭ جاۋدى جەڭىپ، جەڭىسكە جەتۋىنىڭ، بيلىك جۇرگىزىپ، مەملەكەتتى گۇلدەندىرۋىنىڭ ماڭىزدى اسىلى، ەل ءىشى - سىرتىنداعى بارلىق جۇڭحۋا ۇلاندارىن ىنتىماقتاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ماڭىزدى اسىلى، وندا، ءسوز جوق، ۇزاق ۋاقىت تاباندى بولۋ كەرەك. قازىر بىرلىكساپ قىزمەتىنىڭ ۋاقىتى ءوتىپ كەتكەن جوق، ماڭىزى بولماي قالعان جوق، قايتا ءتىپتى دە ماڭىزدى بولىپ وتىر. ەكىنشى، جۇرت تىلەگى مەن كۇش - قۋات ماسەلەسىن، ءسوز جوق، ويداعىداي شەشۋ كەرەك. حالىقتىڭ قولداۋ - قولداماۋى، كۇش سالىستىرماسى − پارتيا مەن حالىق ىستەرىنىڭ ءساتتى - ءساتسىز بولۋىن بەلگىلەيتىن تەتىك، ەڭ ۇلكەن ساياسي. بىرلىكساپ قىزمەتىنىڭ ماندىك تالابى − ۇلى ىنتىماق، ۇلى بىرلەسۋ، جۇرت تىلەگى مەن كۇش - قۋات ماسەلەسىن شەشۋ. ءۇشىنشى، بىردەيلىك پەن الۋان تۇرلىلىكتىڭ قاتىناسىن، ءسوز جوق، دۇرىس شەشۋ كەرەك. مۇنداعى شەشۋشى ءتۇيىن − پارىقتاردى ساقتاپ، ورتاقتىققا ۇمتىلۋدا تاباندى بولىپ، ”ىنتىماق − سىن − ىنتىماق“ سىندى تاڭداۋلى ءداستۇردى ساۋلەلەندىرىپ، الۋان تۇرلىلىككە قۇرمەت ەتۋ بارىسىندا بىردەيلىككە تالپىنىپ، ەڭ ۇلكەن ورتاق بولگىشتى تاۋىپ، ەڭ ۇلكەن سەنترلەس شەڭبەردى سىزۋ كەرەك. ءتورتىنشى، ءسوز جوق، جۇڭگونىڭ جاڭاشا ساياسي پارتيا تۇزىمىندە ويداعىداي تاباندى بولۋ، ونى ويداعىداي دامىتۋ، ويداعىداي كەمەلدەندىرۋ كەرەك. بىرلىكساپ، ءسوز جوق، جۇڭگو كوممۋنيستىك پارتياسىنىڭ باسشىلىعىندا تاباندى بولۋى، سونىمەن بىرگە، كوپ پارتيا سەلبەستىگىنىڭ جاڭا بەينەنى ايگىلەۋىن، يدەيالىق ورتاق تانىمنىڭ تىڭ جوعارىلاۋىن، مىندەت اتقارىپ، جاۋاپكەرلىكتى ادا ەتۋدىڭ تىڭ ىسكەرلىك كورسەتۋىن ىلگەرىلەتۋى كەرەك. بەسىنشى، ءسوز جوق، جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ نەگىزگى جەلىسى ەتۋ كەرەك. جۇڭحۋا ۇلتى ورتاق تۇلعا تانىمى − ۇلتتار ىنتىماعىنىڭ نەگىزى. ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرىپ، ۇلتتاردىڭ ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى وسكەلەڭ مۇراتتاستىعىن ىلگەرىلەتىپ، ءار ۇلت بۇقاراسىن بەينەت پەن زەينەتتى بىرگە وتكەرۋ، داڭقتا دا، نامىستا دا بىرگە بولۋ، تاعدىرلاس ورتاق تۇلعا ۇستانىمىن بەرىك ورناتۋعا جەتەكتەۋ كەرەك. التىنشى، ەلىمىزدەگى دىندەردى جۇڭگوشالاندىرۋ بەتالىسىندا، ءسوز جوق، تاباندى بولۋ كەرەك. جاڭا داۋىردەگى پارتيانىڭ ءدىن قىزمەتى نازارياسى مەن باعىت - ساياساتتارىن جاپپاي دايەكتىلەندىرىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. جەتىنشى، پارتيا سىرتىنداعى زيالىلار مەن جاڭا قوعامدىق جىكتەگى قايراتكەرلەردىڭ بىرلىكساپ قىزمەتىن ويداعىداي ىستەۋ كەرەك. پارتيا سىرتىنداعى زيالىلار قىزمەتىن ويداعىداي ىستەۋدە تولىق قۇرمەت ەتۋ — العى شارت، جەتەكتەۋدى كۇشەيتۋ — تەتىك، رولىن ساۋلەلەندىرۋ — ماقسات بولۋعا ءتيىس. جاڭا قوعامدىق جىكتەگى قايراتكەرلەر _ جۇڭگوشا سوتسياليزم ىستەرىنىڭ قۇرۋشىلارى، ولاردى ۇيىمداستىرىپ، جەتەكتەۋدى كۇشەيتىپ، رولىن ساۋلەلەندىرۋ كەرەك. سەگىزىنشى، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن جەبەۋ كەرەك. جالپىلىق مەنشىككە جاتپايتىن شارۋاشىلىقتىڭ اقاۋسىز دامۋى مەن جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن جەبەۋ _ كەلەلى ەكونوميكالىق ماسەلە ءارى كەلەلى ساياسي ماسەلە. مۇرات - سەنىم تاربيەسىن ىشكەرىلەي ورىستەتىپ، ۇكىمەت پەن ساۋدانىڭ ەتەنە، پاك قاتىناسىن ورناتۋدى ىلگەرىلەتىپ، حالىقتىق شارۋاشىلىقتىڭ ساپالى دامۋىن جەبەپ، جالپىلىق مەنشىككە جاتپايتىن شارۋاشىلىق قايراتكەرلەرىن جۇڭگوشا سوتسياليزم ىستەرىنىڭ تولىمدى قۇرىلىسشىلارى بولۋعا جەتەكتەۋ كەرەك. توعىزىنشى، ءسوز جوق، شياڭگاڭ، اۋمىن، تايۋان جانە شەكارا سىرتىنداعى بىرلىكساپ قىزمەتىنىڭ جۇرت تىلەگىنە قول جەتكىزۋ رولىن ساۋلەلەندىرۋ كەرەك. وتاندى، شياڭگاڭدى سۇيەتىن، وتاندى، اۋمىندى سۇيەتىن كۇشتەردى دامىتىپ، زورايتىپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن قورعاپ، ”ءبىر ەل، ەكى ءتۇزىم“ امالياتىنىڭ ورنىقتى، باياندى بولۋىنا شىنايى كەپىلدىك ەتۋ كەرەك. جاڭا داۋىردەگى پارتيانىڭ تايۋان ماسەلەسىن شەشۋ جالپى جوباسىن دايەكتىلەندىرىپ، تايۋاننىڭ وتاندى سۇيەتىن، بىرلىككە كەلۋگە تالپىناتىن كۇشتەرىن دامىتىپ، زورايتىپ، ”تايۋاندى بولشەكتەۋ“ ارەكەتتەرىنە قارسى تۇرىپ، وتاننىڭ بۇكىلدەي بىرلىككە كەلۋىن ىلگەرىلەتۋ كەرەك. زەيىن - زەردەنى، كۇش - قۋاتتى ۇيىستىرىپ، جۇڭگو ارمانىن بىرگە جۇزەگە اسىرۋ، بىرگە يگىلىكتەنۋ نەگىزگى تاقىرىبىن ارقاۋ ەتىپ، شەتەلدەگى مۇھاجىر باۋىرلاستار مەن وتانعا ورالعان مۇھاجىرلاردى، مۇھاجىرلاردىڭ تۋىس - تۋعاندارىن وتاننىڭ وسىزامانداندىرۋ قۇرىلىسى مەن بەيبىت بىرلىككە كەلۋ ۇلى ىسىنە كۇش سالۋعا بەلسەنە جەتەكتەۋ كەرەك. ونىنشى، پارتيا سىرتىنداعى ۋاكىل قايراتكەرلەر قوسىنى قۇرىلىسىن كۇشەيتۋ كەرەك. باۋلۋدى كۇشەيتىپ، ساپانى جوعارىلاتىپ، عىلمي پايدالانىپ، رولىن ساۋلەلەندىرىپ، پارتيامىزبەن تىعىز سەلبەسكەن پارتيا سىرتىنداعى ۋاكىل قايراتكەرلەردەن ءبىر توبىن كۇش سالا باۋلۋ كەرەك. ون ءبىرىنشى، بىرلىكساپ قىزمەتىن ويداعىداي ىستەۋدىڭ زاڭدىلىعىن، ءسوز جوق، يگەرۋ كەرەك. پارتيا سىرتىنداعى قايراتكەرلەرمەن ىنتىماقتى، بايلانىستى كۇشەيتىپ، وداقتاستاردىڭ مۇددەسىنە قۇرمەت ەتۋ، ونى قورعاۋ، قامقورلىق جاساۋ پرينسيبىندە تاباندى بولىپ، ادالدىقپەن، سۇيىسپەنشىلىكپەن اسەرلەندىرىپ، ءجون - جوسىقتى ءتۇسىندىرىپ، شىنايى كومەكتەسىپ، پارتيا ءۇشىن ءبىر - بىرىنە ادال پارتيا سىرتىنداعى قىرۋار دوستارمەن دوستاسۋ كەرەك. ون ەكىنشى، پارتيانىڭ بىرلىكساپ قىزمەتىنە جاپپاي باسشىلىعىن كۇشەيتۋ كەرەك. بىرلىكساپ − پارتيا باسشىلىعىنداعى بىرلىكساپ، پارتيانىڭ بىرلىكساپ قىزمەتىنە جاپپاي باسشىلىعىنا شىنايى كەپىلدىك ەتۋ كەرەك. بىرلىكساپ قىزمەتى _ بۇكىل پارتيانىڭ قىزمەتى، ءسوز جوق، بۇكىل پارتيا ءمان بەرىپ، كوپشىلىك بىرگە ىستەپ، پارتكوم ءبىر تۇتاس باسشىلىق ەتەتىن، بىرلىكساپ تاراۋلارى باستاماشىلدىقپەن سايكەستىرەتىن، قاتىستى جاقتار ءوز جاۋاپكەرلىگىن ارقالايتىن ۇلى بىرلىكساپ قىزمەتى جاعدايىن قالىپتاستىرۋ كەرەك.
ماقالادا مىنالار دارىپتەلدى: جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەيا _ پارتيانىڭ بىرلىكسابىنىڭ 100 جىلدىق دامۋ تاريحىنىڭ اقىل - پاراساتىنىڭ جاۋھارى، جاڭا داۋىردەگى بىرلىكساپ قىزمەتىنىڭ ءتۇبىرلى باعدارناماسى، بۇكىل پارتيا، ءسوز جوق، تولىق، دۇرىس، جاپپاي دايەكتىلەندىرۋى، تياناقتاندىرۋى كەرەك.
