شينحۋا اگەنتتىگىنىڭ 12 - ايدىڭ 18 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - ايدىڭ 18 - كۇنى تۇستەن كەيىن جۇڭنانحايدىڭ يىڭتاي سارايىندا بەيجيڭگە قىزمەتتەن ەسەپ بەرۋگە كەلگەن شياڭگاڭ ەرەكشە اكىمشىلىك رايونىنىڭ اكىمى لي جياچاۋمەن كەزدەسىپ، ونىڭ شياڭگاڭنىڭ كەزەكتەگى جاعدايىنان جانە ەرەكشە اكىمشىلىك رايون ۇكىمەتىنىڭ قىزمەت احۋالىنان بەرگەن مالىمەتىن تىڭدادى.
شي جينپيڭ مىنالاردى ءبىلدىردى: ءبىر جىلدان بەرى، اكىمشىلىك رايوننىڭ اكىمى لي جياچاۋ ەرەكشە اكىمشىلىك رايون ۇكىمەتىن باستاپ، باتىلدىقپەن جاۋاپكەرشىلىك ارقالاپ، شەبەرلىكپەن ىستەپ، شەبەرلىكپەن ناتيجە جاراتىپ، مەملەكەت حاۋىپسىزدىگىن باتىل قورعاپ، شياڭگاڭ رايونىنىڭ پارلامەنت ءتۇزىمىن قايتا ورناتىپ، رايوندىق پارلامەنتتىڭ كەزەك اۋىستىرۋ سايلاۋىن ءساتتى ورىنداپ، شياڭگاڭنىڭ ىندەتتەن قۇتىلۋىن ىلگەرىلەتىپ، تۇتاس تۇلعالىق جاقتان قالپىنا كەلۋگە قول جەتكىزدى. شياڭگاڭنىڭ وزگەشە ورنى مەن باسىمدىعىن ساقتاپ، دامۋدىڭ قوزعاۋشى قۋاتىن ۇزدىكسىز كۇشەيتىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن قۇلشىنا شەشىپ، بىلىعۋدان وڭالۋعا دەيىنگى جالپى اۋقىمدى بەكەمدەپ، شياڭگاڭنىڭ وڭالۋدان گۇلدەنۋگە قاراي قادام تاستاۋىن جەبەدى. ورتالىق ەرەكشە اكىمشىلىك رايوننىڭ اكىمى لي جياچاۋدىڭ جانە ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى.
شي جينپيڭ بىلاي دەپ باسا دارىپتەدى: جاڭا داۋىردەگى جاڭا جورىقتا ءبىز جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدەمىز. ورتالىق ”ءبىر ەل، ەكى ءتۇزىم“ باعىتىن ۇزاق ۋاقىت وزگەرتپەي، جاپپاي، دالمە - ءدال، بۇلجىماي دايەكتىلەندىرىپ، ”وتانشىلدار شياڭگاڭدى باسقارۋ“ پرينسيبىن جاپپاي تياناقتاندىرىپ، اكىمشىلىك رايونىنىڭ اكىمى مەن ەرەكشە اكىمشىلىك رايون ۇكىمەتىنىڭ قوعامنىڭ ءار سالاسىن ىنتىماقتاستىرىپ جانە باستاپ، مەملەكەتتىڭ دامۋى الا كەلگەن تاريحي ورايدى مىقتى يگەرىپ، شياڭگاڭنىڭ حالىقارالىق فينانس ورتالىعى، تەڭىز تاسىمالى ورتالىعى، ساۋدا ورتالىعى ورنىن بەكەمدەپ جانە جوعارىلاتىپ، شياڭگاڭنىڭ اناعۇرلىم جاقسى دامۋدى جۇزەگە اسىرۋىن ىلگەرىلەتۋىن بار كۇشپەن قولدايدى، ”ءبىر ەل، ەكى ءتۇزىمنىڭ“ ومىرشەڭدىك كۇشى مەن باسىمدىعى، ءسوز جوق، ۇزدىكسىز كورنەكتىلەنەدى، ءبىزدىڭ شياڭگاڭنىڭ نۇرلى بولاشاعىنا سەنىمىمىز كامىل!
لي چياڭ، ساي چي، ديڭ شۋەشياڭ، شى تايفىڭ، چىن ۋىنچيڭ، شيا باۋلۇڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 12 - ايدىڭ 18 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - ايدىڭ 18 - كۇنى تۇستەن كەيىن جۇڭنانحايدىڭ يىڭتاي سارايىندا بەيجيڭگە قىزمەتتەن ەسەپ بەرۋگە كەلگەن اۋمىن ەرەكشە اكىمشىلىك رايونىنىڭ اكىمى حى يچىڭمەن كەزدەسىپ، ونىڭ اۋمىننىڭ كەزەكتەگى جاعدايىنان جانە ەرەكشە اكىمشىلىك رايون ۇكىمەتىنىڭ قىزمەت احۋالىنان بەرگەن مالىمەتىن تىڭدادى.
شي جينپيڭ مىنالاردى ءبىلدىردى: ءبىر جىلدان بەرى ەرەكشە اكىمشىلىك رايوننىڭ اكىمى حى يچىڭ ەرەكشە اكىمشىلىك رايون ۇكىمەتىنە جەتەكشىلىك ەتىپ، مىندەتىن مۇقيات اتقارىپ، ناقتى ىستەپ، ىسكەرلىك كورسەتىپ، اۋمىننىڭ مەملەكەت حاۋىپسىزدىگىن قورعاۋ زاڭىنا وزگەرىس ەنگىزۋىن ءساتتى ورىنداپ، ەرەكشە اكىمشىلىك رايوننىڭ اكىمىن سايلاۋ زاڭى مەن زاڭ شىعارۋ كەڭەسىنىڭ سايلاۋ زاڭىنا وزگەرىس ەنگىزۋ قىزمەتىن ءتارتىپتى ىلگەرىلەتىپ، لاتاريا كاسىبىن زاڭ بويىنشا باسقارۋدى كۇشەيتتى، اۋمىن تاريحىنداعى تۇڭعىش رەتكى جان - جاقتى، جۇيەلى، كوپ نەگىزدى دامۋ جوباسىن جاساپ، حىڭچين − گۋاڭدۇڭ − اۋمىن تەرەڭدەي سەلبەسۋ رايونى قۇرىلىسىندا تىڭ تابىستارعا قول جەتكىزۋدى ىلگەرىلەتىپ، سىرتپەن اۋىس - كۇيىستى، سەلبەستىكتى ۇزدىكسىز كەڭەيتتى، اۋمىن ەكونوميكاسى تەز قالپىنا كەلىپ، قوعام جاراسىمدىلىقتى، ورنىقتىلىقتى ساقتادى. ورتالىق ەرەكشە اكىمشىلىك رايونىنىڭ اكىمى حى يچىڭنىڭ جانە ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى.
شي جينپيڭ بىلاي دەپ باسا دارىپتەدى: جاڭا داۋىردەگى جاڭا جورىقتا، ءبىز جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدەمىز. ورتالىق ”ءبىر ەل، ەكى ءتۇزىم“ باعىتىن اۋەلگىدەي جاپپاي، دالمە - ءدال، بۇلجىماي دايەكتىلەندىرىپ، ”وتانشىلدار اۋمىندى باسقارۋ“ پرينسيبىن جاپپاي تياناقتاندىرىپ، ەرەكشە اكىمشىلىك رايون اكىمىنىڭ جانە ەرەكشە اكىمشىلىك رايون ۇكىمەتىنىڭ قوعامداعى ءار سالانى ىنتىماقتاستىرىپ جانە باستاپ، مەملەكەتتىڭ دامۋى الا كەلگەن تاريحي ورايدى مىقتى يگەرىپ، اۋمىن ەرەكشەلىگىنە يە ”ءبىر ەل، ەكى ءتۇزىم“ تابىستى امالياتىن ۇزدىكسىز ىلگەرىلەتىپ، جاڭا دامۋ جەتىستىكتەرىمەن اۋمىننىڭ وتان قۇشاعىنا ورالعاندىعىنىڭ 25 جىلدىعىن قارسى الۋىن بار كۇشپەن قولدايدى.
لي چياڭ، ساي چي، ديڭ شۋەشياڭ، شى تايفىڭ، چىن ۋىنچيڭ، شيا باۋلۇڭ قاتارلىلار كەزدەسۋگە قاتىناستى.
