ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى
شي جينپيڭ ماڭىزدى ءسوز سويلەدى، لي چياڭ قورىتىندى ءسوز سويلەدى، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى
12 - ايدىڭ 11 - كۇنىنەن 12 - كۇنىنە دەيىن ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن
شينحۋا اگەنتتىگىنىڭ 12 - ايدىڭ 12 - كۇنى بەيجيڭنەن بەرگەن حابارى. ورتالىقتىڭ ەكونوميكالىق قىزمەت ءماجىلىسى 12 - ايدىڭ 11 - كۇنىنەن 12 - كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى.
شي جينپيڭ ماڭىزدى سوزىندە 2023 - جىلعى ەكونوميكالىق قىزمەتتى جاپپاي قورىتىندىلاپ، كەزەكتەگى ەكونوميكالىق جاعدايعا ىشكەرىلەي تالداۋ جاساپ، 2024 - جىلعى ەكونوميكالىق قىزمەتتى جۇيەلى ورنالاستىردى. لي چياڭ قورىتىندى ءسوز سويلەپ، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرۋ، تياناقتاندىرۋ، كەلەر جىلعى ەكونوميكالىق قىزمەتتى ويداعىداي ىستەۋ جونىندە تالاپ قويدى.
ءماجىلىس بىلاي دەپ قارادى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، 3 جىلعى جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ جاڭا كەزەڭگە وتكەننەن كەيىن، ەكونوميكا قالپىنا كەلگەن، دامىعان ءبىر جىل. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، سىرتقى قىسىمعا توتەپ بەرىپ، ىشكى قيىنشىلىقتى جەڭىپ، رەفورما جاساۋدى، ەسىك اشۋدى جاپپاي تەرەڭدەتىپ، ماكرولىق رەتتەۋ - مەڭگەرۋ تەبىنىن ارتتىرىپ، ىشكى سۇرانىستى كەڭەيتۋگە، قۇرىلىمدى ساپالىلاندىرۋعا، سەنىمدى سەرپىلتۋگە، حاۋىپ - قاتەردەن ساقتانۋعا جانە ونى جويۋعا كۇش سالدى، ەلىمىزدىڭ ەكونوميكاسى قايتا ورلەدى، جاقساردى، جوعارى ساپالى دامۋ تىڭعىلىقتى ىلگەرىلەتىلدى. وسىزاماندانعان كاسىپ سالاسى جۇيەسى قۇرىلىسىندا ماڭىزدى ىلگەرىلەۋشىلىككە قول جەتكىزىلدى، عىلىم - تەحنيكادا جاڭالىق اشۋدا تىڭ سەرپىلىس جۇزەگە اسىرىلدى، رەفورما جاساۋ، ەسىك اشۋ ىشكەرىلەي ىلگەرىلەتىلىپ، حاۋىپسىز دامۋ نەگىزى بەكەمدەلىپ، نىعايىپ، حالىق تۇرمىسىن قامتاماسىز ەتۋ پارمەندى، ءونىمدى بولىپ، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستالدى.
ءماجىلىس مىنالاردى اتاپ كورسەتتى: ەكونوميكانىڭ قايتا ورلەۋىن، جاقسارۋىن اناعۇرلىم ىلگەرىلەتۋدە ءىشىنارا قيىنشىلىق پەن سايىستى، باستىسى، ءونىمدى سۇرانىستىڭ جەتكىلىكسىز بولۋى، ءبىر ءبولىم كاسىپ سالالارىندا ءوندىرىس قۋاتىنىڭ اسىپ قالۋى، قوعامدىق مەجەنىڭ ءالسىز بولۋى، حاۋىپ - قاتەرلەردىڭ، كومەسكى كىناراتتاردىڭ ءالى دە ءبىرشاما كوپ بولۋى، ەل ءىشى ۇلكەن اينالىمىندا بوگەتتى تۇيىندەردىڭ ورىن تەبۋى، سىرتقى ورتانىڭ كۇردەلىلىك سيپاتىنىڭ، قاتاڭدىق سيپاتىنىڭ، تۇراقسىزدىق سيپاتىنىڭ جوعارىلاۋى سياقتىلاردى جەڭۋگە تۋرا كەلەدى. تاۋقىمەت تانىمىن كۇشەيتىپ، وسى ماسەلەلەرگە ءونىمدى توتەپ بەرۋ جانە ونى شەشۋ كەرەك. جالپى جاقتان العاندا، ەلىمىزدىڭ دامۋدا ءدوپ كەلىپ وتىرعان ءتيىمدى شارت - جاعدايى ءتيىمسىز فاكتورلاردان باسىم تۇرادى، ەكونوميكانىڭ قايتا ورلەۋ، جاقسارۋ، ۇزاق ۋاقىت جاقسارۋ نەگىزگى بەتالىسى وزگەرگەن جوق، سەنىم مەن تەبىندى كۇشەيتۋ كەرەك.
ءماجىلىس بىلاي دەپ قارادى: تاياۋ جىلداردان بەرى، پارتيا ورتالىق كوميتەتىنىڭ پارمەندى باسشىلىعىندا، ءبىز ەل ءىشى، حالىقارا سىندى ەكى كەلەلى جاعدايدى ءونىمدى تۇردە ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، جاڭا داۋىردە ەكونوميكالىق قىزمەتتى ويداعىداي ىستەۋدەگى زاڭدىلىق سيپاتتى تانىمدى تەرەڭدەتتىك. جوعارى ساپالى دامۋعا تاباندى بولۋدى، ءسوز جوق، جاڭا ءداۋىردىڭ بۇلجىماس قاعيداسى ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، ەكونوميكانىڭ ساپا جاعىندا ءونىمدى جوعارىلاۋى مەن سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتۋ كەرەك. قامداۋ جاعىنداعى قۇرىلىمدىق رەفورمانى تەرەڭدەتۋ مەن ءونىمدى سۇرانىستى كۇش سالا كەڭەيتۋدىڭ سايكەسە كۇش سالۋىنا، ءسوز جوق، تاباندى بولىپ، اسا ۇلكەن كولەمدى بازار جانە مىعىم ءوندىرىس قۋاتى باسىمدىعىن ساۋلەلەندىرىپ، ەل ءىشى ۇلكەن اينالىمىنىڭ ىشكى سۇرانىس نەگىزگى قوزعاۋشى كۇش نەگىزىندە ورناۋىنا مۇمكىنىك جاساپ، حالىقارالىق اينالىمنىڭ ساپاسى مەن دەڭگەيىن جوعارىلاتۋ كەرەك. رەفورما جاساۋعا، ەسىك اشۋعا سۇيەنىپ دامۋدىڭ ىشكى قوزعاۋشى كۇشىن نىعايتۋعا، ءسوز جوق، تاباندى بولىپ، تەرەڭ قاتپارلى رەفورما مەن جوعارى دەڭگەيدە ەسىك اشۋدى ءبىر تۇتاس جوسپارلاپ ىلگەرىلەتىپ، قوعامدىق وندىرگىش كۇشتەردى ۇزدىكسىز ازات ەتۋ جانە دامىتۋ، قوعامدىق ومىرشەڭدىك كۇشتى قاۋلاتۋ جانە كۇشەيتۋ كەرەك. جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ۇتىمدى ىقپالداستىعىنا، ءسوز جوق، تاباندى بولىپ، جوعارى ساپالى دامۋ ارقىلى جوعارى دەڭگەيدەگى حاۋىپسىزدىكتى جەبەپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى قامتاماسىز ەتۋ كەرەك، دامۋ مەن حاۋىپسىزدىك يكەمدى تەڭگەرىلۋ، ءبىر - بىرىنە ساي كەلۋ كەرەك. ءسوز جوق، جۇڭگو ۇلگىسىندەگى وسىزامانداندىرۋدى ىلگەرىلەتۋدى ەڭ ۇلكەن ساياسي ەتىپ، پارتيانىڭ ءبىر تۇتاس باسشىلىعىندا، ەڭ قالىڭ حالىقتى ىنتىماقتاستىرىپ، نازاردى ەكونوميكالىق قۇرىلىس سىندى وسى وزەكتى قىزمەتكە جانە جوعارى ساپالى دامۋ سىندى وسى ماڭداي الدى مىندەتكە شوعىرلاندىرىپ، جۇڭگو ۇلگىسىندەگى وسىزامانداندىرۋدىڭ ايبىندى جوباسىن بىرتىندەپ تاماشا رەالدىققا اينالدىرۋ كەرەك.
ءماجىلىس مىنالاردى باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، رەفورما جاساۋدى، ەسىك اشۋدى جاپپاي تەرەڭدەتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتىپ، ماكرولىق رەتتەۋ - مەڭگەرۋ تەبىنىن ارتتىرىپ، ىشكى سۇرانىستى كەڭەيتۋ مەن قامداۋ جاعىنداعى قۇرىلىمدىق رەفورمانى تەرەڭدەتۋدى ءبىر تۇتاس جوسپارلاپ، جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس جوسپارلاپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتى ءبىر تۇتاس جوسپارلاپ، ەكونوميكانىڭ ومىرشەڭدىك كۇشىن شىن مانىندە كۇشەيتىپ، حاۋىپ - قاتەردەن ساقتانىپ جانە ونى جويىپ، قوعامدىق مەجەنى جاقسارتىپ، ەكونوميكانىڭ قايتا ورلەۋ، جاقسارۋ جاعدايىن بەكەمدەپ جانە كۇشەيتىپ، ەكونوميكانىڭ ساپا جاعىندا ءونىمدى جوعارىلاۋى مەن سان جاعىندا ۇيلەسىمدى ارتۋىن جۇزەگە اسىرۋدى ءۇرتىس ىلگەرىلەتىپ، حالىق تۇرمىسى قۇت - ىرىسىن ارتتىرىپ، قوعام ورنىقتىلىعىن ساقتاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ كەرەك.
ءماجىلىس مىنالاردى تالاپ ەتتى: كەلەر جىلى ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە، الدىمەن قۇرىپ، ونان سوڭ كۇشىنەن قالدىرۋعا تاباندى بولىپ، مەجەنى ورنىقتىرۋعا، ارتۋدى ورنىقتىرۋعا، جۇمىستانۋدى ورنىقتىرۋعا پايدالى ساياساتتاردى كوبىرەك شىعارىپ، تاسىلگە بۇرىلىس جاساۋ، قۇرىلىمدى رەتتەۋ، ساپانى جوعارىلاتۋ، ونىمدىلىكتى ارتتىرۋ جاعىندا بەلسەنە ۇمتىلىس جاساپ، ورنىقتىلىق بارىسىندا جاقسارۋ نەگىزىن ۇزدىكسىز بەكەمدەۋ كەرەك. ماكرولىق ساياساتتا كەرى پەريودتىق جانە پەريود اتتاپ رەتكە سالۋدى كۇشەيتىپ، بەلسەندى قازىنا ساياساتى مەن ورنىقتى دا اقاۋسىز اقشا ساياساتىن ۇزدىكسىز اتقارىپ، ساياسات قۇرالى جاعىندا جاڭالىق اشۋدى جانە سايكەسۋدى، سەلبەسۋدى كۇشەيتۋ كەرەك.
بەلسەندى قازىنا ساياساتىندا تەبىندى ۇيلەسىمدى ارتتىرۋ، ساپانى جوعارىلاتىپ، ونىمدىلىكتى ارتتىرۋ كەرەك. قازىنا ساياساتى كەڭىستىگىنەن ويداعىداي پايدالانىپ، قارجى تابىسى مەن ساياسات ونىمدىلىگىن جوعارىلاتۋ كەرەك. قازىنالىق شىعىس قۇرىلىمىن ساپالىلاندىرىپ، مەملەكەتتىڭ كەلەلى ستراتەگيالىق مىندەتىن قازىنا كۇشىمەن قامتاماسىز ەتۋدى كۇشەيتۋ كەرەك. جەرگىلىكتى ۇكىمەتتەردىڭ ارناۋلى زايومىن كاپيتال قورى رەتىندە پايدالانۋ كولەمىن ۇيلەسىمدى كەڭەيتۋ كەرەك. قۇرىلىمدىق سيپاتتى سالىقتى ازايتۋ، اقىنى تومەندەتۋ ساياساتىن ويداعىداي تياناقتاندىرىپ، عىلىم - تەحنيكادا جاڭالىق اشۋدى جانە جاساۋ كاسىبىنىڭ دامۋىن ءتۇيىندى قولداۋ كەرەك. اۋدارىپ تولەۋ قارجىسىن باقىلاۋ - باسقارۋدى قاتايتىپ، قازىنا - ەكونوميكا ءتارتىبىن قاتايتۋ كەرەك. قازىنانىڭ باياندىلىعىن كۇشەيتىپ، نەگىزگى ساتىنىڭ ”ءۇشتى قامتاماسىز ەتۋ“ تومەنگى شەگىن بەكەمدەۋ كەرەك. ادەتتەگى شىعىستى قاتاڭ مەڭگەرۋ كەرەك. پارتيا، ۇكىمەت ورگاندارى قاراپايىم تۇرمىس كەشىرۋگە داعدىلانۋى كەرەك.
ورنىقتى دا اقاۋسىز اقشا ساياساتى يكەمدى، ۇيلەسىمدى، دالمە - ءدال، ءونىمدى بولۋى كەرەك. اينالىمنىڭ ۇيلەسىمدى، جەتكىلىكتى بولۋىن ساقتاپ، قوعامدىق قارجى قۇراۋ كولەمى، اقشامەن قامداۋ مولشەرى ەكونوميكانىڭ ارتۋىمەن جانە باعا دەڭگەيىندەگى مەجەلى نىسانامەن سايكەسىمدى بولۋى كەرەك. اقشا ساياساتى قۇرالىنىڭ جالپى مولشەر جانە قۇرىلىم سىندى قوس ولشەمدى يقۋاتىن ويداعىداي ساۋلەلەندىرىپ، ساقتالۋ مولشەرىن جانداندىرىپ، ونىمدىلىگىن جوعارىلاتىپ، فينانس قۇرىلىمدارىن عىلىم - تەحنيكادا جاڭالىق اشۋ، جاسىلعا بۇرىلىس جاساۋ، شاعىن، ۇساق كاسىپورىندارعا پايدا جەتكىزۋ، سيفرلى ەكونوميكا سياقتى جاقتارعا قاراتىلعان قولداۋ تەبىنىن ارتتىرۋعا جەتەكتەۋ كەرەك. قوعامدىق جالپىلىق قارجى قۇراۋ وزىندىك قۇنىنىڭ ورنىقتى تۇردە تومەندەۋىن جەبەۋ كەرەك. حالىق اقشاسى سىندىرىلىمىنىڭ ۇيلەسىمدى، بىركەلكى دەڭگەيدەگى نەگىزگى ورنىقتىلىعىن ساقتاۋ كەرەك.
ماكرولىق ساياسات بەتالىسىنىڭ ءبىرىڭعايلىعىن كۇشەيتۋ كەرەك. قازىنا، اقشا، جۇمىستاندىرۋ، كاسىپ سالاسى، ءوڭىر، عىلىم - تەحنيكا، قورشاعان ورتانى قورعاۋ سياقتى ساياساتتاردىڭ سايكەسۋىن، ۇيلەسۋىن كۇشەيتىپ، ەكونوميكاعا جاتپايتىن ساياساتتاردى ماكرولىق ساياسات بەتالىسىنىڭ ءبىرىڭعايلىعىن باعالاۋعا ەنگىزىپ، ساياساتتاردى ءبىر تۇتاس جوسپارلاۋدى كۇشەيتىپ، ءبىر باعىتتا كۇش سالۋعا، بىرىككەن كۇش قالىپتاستىرۋعا شىنايى كەپىلدىك ەتۋ كەرەك. ەكونوميكالىق ۇگىتتى جانە قوعامدىق پىكىر جەتەكشىلىگىن كۇشەيتىپ، جۇڭگو ەكونوميكاسىنىڭ بولاشاعى نۇرلى نازارياسىن اسقاقتاتۋ كەرەك.
ءماجىلىس مىنالاردى باسا دارىپتەدى: كەلەر جىلى جوعارى ساپالى دامۋدى ىلگەرىلەتۋدى، ءتۇيىندى كورنەكتىلەندىرۋدى، تەتىكتى يگەرۋدى ارقاۋ ەتە وتىرىپ، ەكونوميكالىق قىزمەتتى تىڭعىلىقتى ويداعىداي ىستەۋ كەرەك.
ءبىرىنشى، عىلىم - تەحنيكادا جاڭالىق اشۋ ارقىلى وسىزاماندانعان كاسىپ سالاسى جۇيەسى قۇرىلىسىنا جەتەكشىلىك ەتۋ كەرەك. عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتۋ، اسىرەسە، توڭكەرىستىك سيپاتقا يە تەحنيكالار مەن الدىڭعى لەكتەگى تەحنيكالار ارقىلى جاڭا كاسىپ سالاسىن، جاڭا ۇلگىنى، جاڭا قوزعالىس قۋاتىن جارىققا شىعارىپ، جاڭا، ساپالى وندىرگىش كۇشتەردى دامىتۋ كەرەك. بۇكىل مەملەكەت بويىنشا جۇمىلاتىن جاڭاشا ءتۇزىلىستى كەمەلدەندىرىپ، جاساۋ كاسىبىنىڭ ءتۇيىندى كاسىپ سالاسى تىزبەگىن جوعارى ساپالى دامىتۋ ارەكەتىن اتقارىپ، ساپا تىرەگى مەن ولشەم جەتەكشىلىگىن كۇشەيتىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك دەڭگەيىن جوعارىلاتۋ كەرەك. جاڭاشا ونەركاسىپتەندىرۋدى بار كۇشپەن ىلگەرىلەتىپ، سيفرلى ەكونوميكانى دامىتىپ، جاساندى زەردەنى دامىتۋدى جەدەل ىلگەرىلەتۋ كەرەك. بيولوگيالىق جاساۋ، ساۋدالىق عارىش، تومەن كەڭىستىك ەكونوميكاسى سياقتى ءبىرقانشا ستراتەگيالىق جاڭادان گۇلدەنگەن كاسىپ سالاسىن قالىپتاستىرىپ، كۆانت، تىرشىلىك عىلىمى سياقتى بولاشاق كاسىپ سالاسىنىڭ جاڭا جارىس جولىن اشىپ، سيفرلاندىرۋ - زەردەلىلەندىرۋ تەحنيكاسىن، جاسىل تەحنيكانى كەڭ كولەمدە قولدانىپ، ءداستۇرلى كاسىپ سالاسىنىڭ تيبىن وزگەرتىپ، دارەجەسىن ءوسىرۋىن جەدەلدەتۋ كەرەك. قولدانىلمالى نەگىزدىك زەرتتەۋدى جانە الدىڭعى لەكتەگى زەرتتەۋدى كۇشەيتىپ، كاسىپورىنداردىڭ عىلىم - تەحنيكادا جاڭالىق اشاتىن نەگىزگى تۇلعالىق ورنىن نىعايتۋ كەرەك. شارۋاشىلىق قۇرۋعا قارجى قوسۋدى جانە جارنا ۇقىعىمەن قارجى قوسۋدى دامىتۋعا شابىتتاندىرۋ كەرەك.
ەكىنشى، ىشكى سۇرانىستى كۇش سالا كەڭەيتۋ كەرەك. كومەسكى قۋاتى بار تۇتىنۋدى جانداندىرىپ، ءونىمدى قارجى قوسۋدى كەڭەيتىپ، تۇتىنۋ مەن قارجى قوسۋ ءبىرىن - ءبىرى جەبەيتىن ۇتىمدى اينالىم قالىپتاستىرۋ كەرەك. تۇتىنۋدىڭ ىندەتتەن كەيىن قالپىنا كەلىپ، بۇرىلىس جاساۋىن ءۇرتىس كەڭەيتىپ، جاڭاشا تۇتىنۋدى جەتىلدىرىپ، زورايتىپ، سيفرلى تۇتىنۋدى، جاسىل تۇتىنۋدى، اقاۋسىز تۇتىنۋدى كۇش سالا دامىتىپ، زەردەلى ءۇي جيھازدارى، مادەنيەت - كوڭىل اشۋ ساياحاتى، دەنە تاربيە جارىسى، وتاندىق زاتتاردىڭ ”زاماناۋي ونىمدەرى“ سياقتى جاڭا تۇتىنۋدىڭ ارتۋ تۇيىندەرىن بەلسەنە جەتىلدىرۋ كەرەك. ءداستۇرلى تۇتىنۋدى ورنىقتىرىپ جانە كەڭەيتىپ، جاڭا ەنەرگيا كولىكتەرى، ەلەكتروندى ونىمدەر سياقتى جالپىلىق تۇتىنۋدى سەرپىلتۋ كەرەك. قالا، اۋىل تۇرعىندارىنىڭ كىرىسىن ارتتىرىپ، ورتاشا كىرىستى قاۋىمنىڭ كولەمىن كەڭەيتىپ، تۇتىنۋ ورتاسىن ساپالىلاندىرۋ كەرەك. تەحنيكا، ەنەرگيا جۇمسالۋى، لاس زاتتاردىڭ شىعارىلۋى سياقتى ولشەمدى جوعارىلاتۋ ارقىلى جەتەكشى ەتىپ، زور كولەمدە جابدىق جاڭالاۋدى جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋدى ىلگەرىلەتۋ كەرەك. ۇكىمەتتىك قارجى قوسۋدىڭ جەتەكتەۋ، كۇشەيتۋ اسەرىن ويداعىداي ساۋلەلەندىرىپ، شەشۋشى، وزەكتى تەحنيكالاردان قامال الۋدى، جاڭاشا نەگىزدىك قۇرىلعىلاردى، ەنەرگيا ۇنەمدەپ، لاس زاتتاردىڭ شىعارىلۋىن ازايتۋدى، كومىر قىشقىل گازىنىڭ شىعارىلۋىن ازايتۋدى ءتۇيىندى قولداپ، دامۋدىڭ جاڭا قوزعالىس قۋاتىن جەتىلدىرۋ كەرەك. قارجى قوسۋ، قارجى قۇراۋ مەحانيزمىن كەمەلدەندىرىپ، ۇكىمەت پەن قوعامدىق كاپيتال سەلبەستىگىنىڭ جاڭا مەحانيزمىن اتقارىپ، قوعامدىق كاپيتالدىڭ جاڭاشا نەگىزدىك قۇرىلعى سىندى سالالار قۇرىلىسىنا ات سالىسۋىنا قولداۋ كورسەتۋ كەرەك.
ءۇشىنشى، ءتۇيىندى سالالارداعى رەفورمانى تەرەڭدەتۋ كەرەك. رەفورمانى اناعۇرلىم جاپپاي تەرەڭدەتۋ كەلەلى شارالارىن جوسپارلاپ، جوعارى ساپالى دامۋدى ىلگەرىلەتۋگە، جۇڭگو ۇلگىسىندەگى وسىزامانداندىرۋ قۇرىلىسىن جەدەلدەتۋگە ءۇرتىس قۋاتتى قوزعاۋشى كۇش ۇستەۋ كەرەك. ”ەكىدەن استە اۋىتقىماۋدى“ تياناقتاندىرۋ ءتۇزىلىس - مەحانيزمىن ۇزدىكسىز كەمەلدەندىرىپ، ءتۇرلى شارۋاشىلىق تۇلعالارىنىڭ ىشكى قوزعاۋشى كۇشى مەن جاسامپاز ومىرشەڭدىك كۇشىن تولىق قاۋلاتۋ كەرەك. مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن جوعارىلاتۋ ارەكەتىن ىشكەرىلەي اتقارىپ، وزەكتى يقۋاتىن كۇشەيتىپ، وزەكتى باسەكەلىك قۋاتىن جوعارىلاتۋ كەرەك. حالىقتىق كاسىپورىنداردىڭ دامۋىن، زورايۋىن جەبەپ، بازارعا كىرۋگە رۇقسات ەتۋ، فاكتورلارعا يە بولۋ، زاڭدى ءادىل اتقارۋ، ۇقىق - مۇددەنى قورعاۋ سياقتى جاقتاردا ءبىر توپ شارانى تياناقتاندىرۋ كەرەك. ورتا، شاعىن كاسىپورىنداردىڭ ارنايىلانىپ، كەمەلدەنىپ، ەرەكشەلەنىپ، جاڭاشالانىپ دامۋىن جەبەۋ كەرەك. بۇكىل ەلدەگى ءبىر تۇتاس ۇلكەن بازار قۇرىلىسىن تەزدەتىپ، ءتۇرلى فورماداعى جەرگىلىكتى قورعامپازدىق پەن بازاردى ايىرۋدى كۇش سالا جويۋ كەرەك. تۇتاس قوعامنىڭ زات اينالىمى وزىندىك قۇنىن ءونىمدى تومەندەتۋ كەرەك. جاڭا كەزەكتى قازىنا - سالىق ءتۇزىلىسى رەفورماسىن جوسپارلاپ، فينانس ءتۇزىلىسى رەفورماسىن تياناقتاندىرۋ كەرەك.
ءتورتىنشى، جوعارى دەڭگەيدەگى سىرتقا ەسىك اشۋدى كەڭەيتۋ كەرەك. سىرتقى ساۋدانىڭ جاڭا قوزعالىس قۋاتىن جەدەل جەتىلدىرىپ، سىرتقى ساۋدانىڭ، شەتەل قارجىسىنىڭ نەگىزگى جاعدايىن بەكەمدەپ، ارالىق ونىمدەر ساۋداسى، قىزمەت وتەۋ ساۋداسى، سيفرلى ساۋدا، شەكارا اتتاعان ەلەكتروندى ساۋدا ەكسپورتىن كەڭەيتۋ كەرەك. تەلەگراف، ەمدەۋ سياقتى قىزمەت وتەۋ كاسىبىنىڭ بازارعا كىرۋ رۇقساتىن كەڭەيتىپ، حالىقارالىق جوعارى ولشەمدى ەكونوميكا - ساۋدا ەرەجەسىنە تۋرالانىپ، ساندى مالىمەتتەردىڭ شەكارا اتتاپ جىلجۋى، ۇكىمەتتىك ساتىپ الۋعا تەڭ تۇرعىدا ات سالىسۋ سياقتى ماسەلەلەردى مۇقيات شەشىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق - ساۋدا ورتاسىن ءۇرتىس قۇرىپ، ”قارجى قوساتىن جۇڭگو“ ماركاسىن تۇلعالاۋ كەرەك. شەتەل قاراستىلىعىنداعى ادامداردىڭ جۇڭگوعا كەلىپ ساۋدامەن اينالىسۋىنداعى، ۇيرەنۋىندەگى، ساياحاتتاۋىنداعى بوگەتتى تۇيىندەردى شىنايى اشۋ كەرەك. ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى قولدايتىن 8 ءتۇرلى ارەكەتتى ناقتىلاندىرۋدى، تياناقتاندىرۋدى ويداعىداي يگەرىپ، كەلەلى بەلگى سيپاتتى ينجەنەريالاردى جانە ”شاعىن دا ادەمى“ حالىق تۇرمىسى نىساندارىن ءبىر تۇتاس جوسپارلاپ ىلگەرىلەتۋ كەرەك.
بەسىنشى، ءتۇيىندى سالالارداعى حاۋىپ - قاتەرلەردەن ءۇرتىس، ءونىمدى ساقتانۋ جانە ونى جويۋ كەرەك. قورا - جاي كاسىبى، جەرگىلىكتى ورىننىڭ قارىزى، ورتا، شاعىن فينانس قۇرىلىمدارى سياقتىلاردىڭ حاۋىپ - قاتەرلەرىن ءبىر تۇتاس جوسپارلاپ، جويىپ، زاڭسىز فينانس قيمىلدارىنا قاتاڭ سوققى بەرىپ، جۇيەلىك حاۋىپ - قاتەر تۋىلماۋدىڭ تومەنگى شەگىن باتىل ساقتاۋ كەرەك. قورا - جاي كاسىبى حاۋىپ - قاتەرىن بەلسەندى، بايىپتى جويىپ، ءتۇرلى مەنشىكتەگى قورا - جاي كاسىپورىندارىنىڭ ۇيلەسىمدى قارجى قۇراۋ قاجەتىن بارىنە تەڭ قاراپ قاناعاتتاندىرىپ، قورا - جاي بازارىنىڭ ورنىقتى، اقاۋسىز دامۋىن جەبەۋ كەرەك. قامتاماسىزداندىرۋ سيپاتتى تۇرعىن ءۇي قۇرىلىسى، ”جايشىلىقتا دا، توتەنشە جاعدايدا دا پايدالانىلاتىن“ الەۋمەتتىك نەگىزدىك قۇرىلعىلار قۇرىلىسى، قالا ىشىندەگى قىستاقتاردى جاڭالاۋ سياقتى ”3 ءىرى ينجەنەريانى“ جەدەل ىلگەرىلەتۋ كەرەك. قاتىستى نەگىزدىك تۇزىمدەردى كەمەلدەندىرىپ، قورا - جاي كاسىبى دامۋىنىڭ جاڭا ۇلگىسىن جەدەل ورناتۋ كەرەك. جەرگىلىكتى ورىننىڭ قارىز حاۋىپ - قاتەرىن جويۋدى جانە ورنىقتى دامۋىن ءبىر تۇتاس جوسپارلاپ، ەكونوميكادا ءىرى ولكەلەر، شىنىندا، اۋىر مىندەت ارقالاپ، بۇكىل ەل ەكونوميكاسىن ورنىقتىرۋعا اناعۇرلىم زور ۇلەس قوسۋى كەرەك.
التىنشى، اۋىل شارۋاشىلىعى، اۋىل - قىستاق، شارۋالار قىزمەتىن تاباندىلىقپەن مىقتى يگەرۋ كەرەك. اۋىل شارۋاشىلىعىندا قۋاتتى ەل قۇرۋ نىساناسىن كوزدەپ، ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ ينجەنەرياسىنىڭ“ تاجىريبەلەرىنەن ۇيرەنىپ، ونى قولدانىپ، اۋىل - قىستاقتى جاپپاي گۇلدەندىرۋدى پارمەندى، ءونىمدى ىلگەرىلەتىپ، مەملەكەتتىڭ استىق حاۋىپسىزدىگىنە شىنايى كەپىلدىك ەتۋدى، كولەمدى قايتا كەدەيلەسۋدىڭ تۋىلماۋىنا شىنايى كەپىلدىك ەتۋدى تومەنگى شەك ەتىپ، اۋىل - قىستاق كاسىپ سالاسىنىڭ دامۋ دەڭگەيىن جوعارىلاتۋدى، اۋىل - قىستاق قۇرىلىسى دەڭگەيىن جوعارىلاتۋدى، اۋىل - قىستاقتى وڭاۋ دەڭگەيىن جوعارىلاتۋدى ءتۇيىن ەتىپ، عىلىم - تەحنيكا مەن رەفورمانىڭ قاتار دەم بەرۋىن كۇشەيتىپ، شارۋالاردىڭ كىرىسىن ارتتىرۋ شارالارىن كۇشەيتىپ، بۇقارا سەزىنە الاتىن ىستەردى كۇش - قۋاتتى شوعىرلاندىرا وتىرىپ ويداعىداي مىقتى يگەرىپ، ءبىتىرىپ، قونىسقا جايلى، كاسىپكە ىڭعايلى جاراسىمدى دا كورىكتى اۋىل - قىستاق قۇرۋ كەرەك. استىق سياقتى ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى تيتتەي دە بوساڭسىماي مىقتى يگەرىپ، استىق وندىرەتىن - ساتاتىن رايوندار، ولكەلەر ارالىق ەندىك مۇددەلىك تولەم بەرۋ مەحانيزمىن ورناتۋعا ىزدەنىس جاساپ، ەگىستىك جەردى يەلەۋ مەن تولىقتاۋدى تەڭگەرۋ تۇزىمىنە رەفورما جاساپ جانە ونى كەمەلدەندىرىپ ، جوعارى ولشەمدى ەگىنجاي قۇرىلىسى ۇسىنىلىم ولشەمىن جوعارىلاتۋ كەرەك. ۇلكەن اۋىل شارۋاشىلىعى كوزقاراسىن، ۇلكەن ازىق - تۇلىك كوزقاراسىن ورناتىپ، اۋىل شارۋاشىلىعىن وسىزاماندانعان ءىرى كاسىپ سالاسى ەتىپ قۇرىپ شىعۋ كەرەك.
جەتىنشى، قالا مەن اۋىلدىڭ توعىسۋىن، وڭىرلەردىڭ سايكەستى دامۋىن ىلگەرىلەتۋ كەرەك. جاڭاشا قالا - قالاشىقتاندىرۋدى ىلگەرىلەتۋ مەن اۋىل - قىستاقتى جاپپاي گۇلدەندىرۋدى ورگانيكالى ۇشتاستىرىپ، ءتۇرلى فاكتوردىڭ قوس باعىتتاعى اينالىمىن جەبەپ، اۋدان قالاشىعىن باستى دانەكەر ەتكەن جاڭاشا قالا - قالاشىقتاندىرۋ قۇرىلىسىن ىلگەرىلەتىپ، قالا مەن اۋىلدىڭ توعىسپالى دامۋىنىڭ جاڭا ارناسىن قالىپتاستىرۋ كەرەك. قالانى جاڭالاۋ ارەكەتىن اتقارىپ، قونىسقا جايلى، سەرپىمدى، زەردەلى قالانى تۇلعالاۋ كەرەك. وڭىرلەردىڭ سالىستىرمالى باسىمدىعىن تولىق ساۋلەلەندىرىپ، نەگىزگى تۇلعالىق فۋنكتسيالىق ورنى بويىنشا جاڭا دامۋ ارناسىن قالىپتاستىرۋعا بەلسەنە توعىسۋ جانە وعان قىزمەت وتەۋ كەرەك. كەلەلى وندىرگىش كۇشتەر ورنالاسىمىن ساپالىلاندىرىپ، مەملەكەتتىڭ ستراتەگيالىق ىشكى ءوڭىر قۇرىلىسىن كۇشەيتۋ كەرەك. تەڭىز - مۇحيت ەكونوميكاسىن بار كۇشپەن دامىتىپ، تەڭىز - مۇحيتتا قۋاتتى ەل قۇرۋ كەرەك.
سەگىزىنشى، ەكولوگيالىق وركەنيەت قۇرىلىسى مەن جاسىل، تومەن كومىر قىشقىل گازدى دامۋدى ىشكەرىلەي ىلگەرىلەتۋ كەرەك. كورىكتى جۇڭگو قۇرىلىسىن الدىمەن اتقاراتىن ءوڭىردى قۇرىپ، جاسىل، تومەن كومىر قىشقىل گازدى دامۋدىڭ بيىگىن تۇلعالاۋ كەرەك. كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەندى، ورنىقتى ىلگەرىلەتىپ، جاسىل، تومەن كومىر قىشقىل گازدى قامداۋ تىزبەگىن جەدەل تۇلعالاۋ كەرەك. اشىق اسپاندى، تۇنىق سۋدى، تازا توپىراقتى قورعاۋ شايقاسىن ءۇرتىس ىشكەرىلەي ويداعىداي جۇرگىزۋ كەرەك. ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن كەمەلدەندىرۋ كەرەك. كوللەكتيۆ ورمان ۇقىعى ءتۇزىمى رەفورماسىن تياناقتاندىرۋ كەرەك. جاڭاشا ەنەرگيا جۇيەسىن جەدەل ورناتىپ، بايلىقتى ۇنەمدەۋدى، شوعىرلاندىرۋدى، اينالمالى جوعارى ءونىمدى پايدالانۋدى كۇشەيتىپ، ەنەرگيا بايلىعى حاۋىپسىزدىگىن قامتاماسىز ەتۋ قابىلەتىن جوعارىلاتۋ كەرەك.
توعىزىنشى، حالىق تۇرمىسىن شىن مانىندە قامتاماسىز ەتۋ جانە جاقسارتۋ كەرەك. بار كۇشىن سالۋعا، كورپەگە قاراي كوسىلۋگە تاباندى بولىپ، حالىق تۇرمىسىنىڭ تومەنگى شەگىن مىقتى، دالمە - ءدال يگەرۋ، بەكەمدەۋ كەرەك. جۇمىستاندىرۋدى الدىمەن ويلاسۋ بەتالىسىن اناعۇرلىم كورنەكتىلەندىرىپ، ءتۇيىندى قاۋىمنىڭ ورنىقتى جۇمىستانۋىنا شىنايى كەپىلدىك ەتۋ كەرەك. قوعامدىق قامتاماسىزداندىرۋ تورىن ءجيى، بەرىك توقىپ، ساتىلار، تۇرلەر بويىنشا قوعامدىق قۇتقارۋ - كومەكتەسۋ جۇيەسىن اقاۋسىزداندىرۋ كەرەك. تۋىتتى قولداۋ ساياسات جۇيەسىن جەدەل كەمەلدەندىرىپ، قارتتار ەكونوميكاسىن دامىتىپ، حالىق سانىنىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: پارتيا ورتالىق كوميتەتىنىڭ ەكونوميكالىق جاعدايعا جاساعان عىلمي تۇجىرىمىن تەرەڭ ءتۇسىنىپ، ەكونوميكالىق قىزمەتتى ويداعىداي ىستەۋدەگى جاۋاپكەرشىلىك سەزىم مەن بورىشتىلىق سەزىمدى شىن مانىندە كۇشەيتىپ، بارلىق ءتيىمدى ورايدى يگەرىپ، بارلىق ءتيىمدى شارت - جاعدايدان پايدالانىپ، ءداپ باسىپ تۇراقتاندىرعاندارىن جەدەل ىستەپ، قانشالىق كوپ ىستەي السا سونشالىق كوبىرەك ىستەپ، ءوز قىزمەتىنىڭ ايقىندىعى ارقىلى جاعداي وزگەرىسىنىڭ ايقىنسىزدىعىنا توتەپ بەرۋگە قۇلشىنۋ كەرەك. كەلەر جىلعى ەكونوميكالىق قىزمەتتىڭ جالپىلىق تالابىن جاپپاي دايەكتىلەندىرىپ، قارقىن مەن ساپانىڭ، ماكرولىق ساندى مالىمەت پەن ميكرولىق سەزىنۋدىڭ، ەكونوميكانى دامىتۋ مەن حالىق تۇرمىسىن جاقسارتۋدىڭ، دامۋ مەن حاۋىپسىزدىكتىڭ قاتىناسىن يگەرۋگە جانە ونى ويداعىداي ءبىر جاقتى ەتۋگە ءمان بەرىپ، ەكونوميكانىڭ قايتا ورلەۋ، جاقسارۋ جاعدايىن ۇزدىكسىز بەكەمدەۋ جانە كۇشەيتۋ كەرەك. كەلەر جىلعى ەكونوميكالىق قىزمەتتىڭ ساياساتتىق بەتالىسىن دالمە - ءدال يگەرىپ، ساياسات اتقارۋ جاعىندا سايكەسۋدى، بىرلەسە قيمىلداۋدى كۇشەيتىپ، بىرىگۋ اسەرىن ۇلعايتىپ، ساياسات قورى جاعىندا الدىن الا دايىنداۋدى، قالدىق ىركۋدى ويداعىداي ىستەپ، ساياسات ونىمدىلىگىن باعالاۋ جاعىندا ونىمدىلىگىنە ءمان بەرىپ، تابىس سەزىمىن كۇشەيتىپ، ماكرولىق ساياساتتىڭ جوعارى ساپالى دامۋدى قولداۋ ونىمدىلىگىن كۇش سالا جوعارىلاتۋ كەرەك. قىزمەتتى ىلگەرىلەتۋ تاسىلىنە، ادىسىنە ءمان بەرىپ، باستى قايشىلىقتاردى يگەرىپ، بوگەتتەردى، تەجەمدەردى تالقانداپ، كورەگەندىكپەن ورنالاستىرۋ جاساۋعا ءمان بەرىپ، كەلەر جىلعى ەكونوميكالىق قىزمەتتىڭ ءتۇيىندى مىندەتتەرىن تياناقتاندىرۋعا، ناقتىلاندىرۋعا شىنايى كەپىلدىك ەتۋ كەرەك. قايراتتانا العا ۇمتىلاتىن رۋحاني كۇيدى باستان - اياق ساقتاپ، ”مەملەكەتتىڭ ءىرى ءىسىن“ كوكەيدە ساقتاپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، سايكەسۋدى، سەلبەسۋدى كۇشەيتىپ، جەتەكشىلىك، قوزعاۋشىلىق سيپاتى كۇشتى قىزمەت ءتۇيىنىن بەلسەنە جوسپارلاپ جانە ودان ويداعىداي پايدالانىپ، جوعارى ساپالى دامۋدى تىڭعىلىقتى ىلگەرىلەتۋ كەرەك.
ءماجىلىس مىنالاردى باسا دارىپتەدى: پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرۋ، تياناقتاندىرۋ كەرەك. تياناقتاندىرۋدى قاز - قالپىندا يگەرىپ، ەڭ سوڭعى ونىمدىلىكتىڭ پارتيا ورتالىق كوميتەتىنىڭ شەشىم جاساۋ ماقساتىنا ساي كەلۋىنە شىنايى كەپىلدىك ەتۋ كەرەك. تياناقتاندىرۋدى قاتاڭ ءارى جىلدام يگەرىپ، ۋاقىتتى، سەرپىندى، ونىمدىلىكتى ءبىر تۇتاس جوسپارلاپ يگەرۋ كەرەك. تياناقتاندىرۋدى شىندىققا جۇگىنىپ، ناقتى ىستەۋ ارقىلى يگەرىپ، فورماشىلدىقتى، تورەشىلدىكتى باتىل تۇزەتۋ - وڭاۋ كەرەك. تياناقتاندىرۋدى باتىلدىقپەن، شەبەرلىكپەن يگەرىپ، ادام ىستەتۋدىڭ دۇرىس بەتالىسىنا تاباندى بولىپ، ءار دارەجەلى باسشى كادرلاردىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرۋ كەرەك. نەگىزگى تاقىرىپتىق تاربيەنىڭ جەتىستىكتەرىن بەكەمدەۋ، كەڭەيتۋ ءارى جوعارى ساپالى دامۋدى ىلگەرىلەتۋدىڭ ونىمدىلىگىنە اينالدىرۋ كەرەك.
ءماجىلىس مىنالاردى تالاپ ەتتى: كونە جىلدىڭ اياعى، جاڭا جىلدىڭ باسىنداعى ماڭىزدى حالىق تۇرمىسى تاۋارلارىمەن قامداۋدى قامتاماسىز ەتۋدى، باعاسىن ورنىقتىرۋدى ويداعىداي ىستەپ، شارۋا جۇمىسكەرلەردىڭ ەڭبەكاقىسىن دەر كەزىندە، تولىق تاراتۋدى قامتاماسىز ەتىپ، قيىنشىلىعى بار بۇقارانىڭ ءوندىرىس، تۇرمىسىنا كوڭىل ءبولىپ، ءوندىرىس حاۋىپسىزدىگى جاۋاپكەرشىلىك ءتۇزىمىن ىشكەرىلەي تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە دەنساۋلىعىن ويداعىداي قورعاۋ كەرەك.
ءماجىلىس مىناعان ۇندەدى: بۇكىل پارتيا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، سەنىمدى بەكەمدەپ، ءورىس اشا ەكپىندەي ىلگەرىلەپ، ەكونوميكالىق، قوعامدىق دامۋدىڭ نىسانالارى مەن مىندەتتەرىن قۇلشىنا جۇزەگە اسىرىپ، جوعارى ساپالى دامۋدىڭ ءىس جۇزىندىك ارەكەتى جانە ونىمدىلىگىمەن جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەس مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جانە ورتالىق اسكەري ىستەر كوميتەتىنىڭ مۇشەلەرى قاتارلىلار ماجىلىسكە قاتىناستى.
ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن ءىشىنارا فينانس قۇرىلىمدارى مەن كاسىپورىندارداعى، ورتالىق اسكەري ىستەر كوميتەتى ورگانىنىڭ ءارقايسى تاراۋىنداعى نەگىزگى جاۋاپتى جولداستار، ت.ب ماجىلىسىكە قاتىناستى.
