جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
2024 - جىلعى ەكونوميكالىق قىزمەتكە تالداۋ جاسادى، اقىلداستى، پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداستى، ورنالاستىردى، «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 12 - ايدىڭ 8 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 12 - ايدىڭ 8 - كۇنى ءماجىلىس اشىپ، 2024 - جىلعى ەكونوميكالىق قىزمەتكە تالداۋ جاسادى، اقىلداستى؛ ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ قىزمەت مالىمەتىن تىڭدادى، 2024 - جىلعى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداستى، ورنالاستىردى؛ «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ قارادى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، 3 جىلعى جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ جاڭا كەزەڭگە وتكەننەن كەيىن ەكونوميكا قالپىنا كەلگەن، دامىعان ءبىر جىل. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، سىرتقى قىسىمعا توتەپ بەرىپ، ىشكى قيىنشىلىقتى جەڭىپ، ىشكى سۇرانىستى كەڭەيتۋگە، قۇرىلىمدى ساپالىلاندىرۋعا، سەنىمدى سەرپىلتۋگە، حاۋىپ - قاتەردەن ساقتانۋعا جانە ونى جويۋعا كۇش سالدى، ەلىمىزدىڭ ەكونوميكاسى قايتا ورلەدى، جاقساردى، جوعارى ساپالى دامۋ تىڭعىلىقتى ىلگەرىلەتىلىپ، وسىزاماندانعان كاسىپ سالاسى جۇيەسى قۇرىلىسى ماڭىزدى ىلگەرىلەۋشىلىككە قول جەتكىزىپ، عىلىم - تەحنيكادا جاڭالىق اشۋدا تىڭ سەرپىلىستى جۇزەگە اسىردى، رەفورما جاساۋ، ەسىك اشۋ ىشكەرىلەي ىلگەرىلەتىلىپ، حاۋىپسىز دامۋ نەگىزى بەكەمدەلىپ، نىعايىپ، حالىق تۇرمىسىن قامتاماسىز ەتۋ پارمەندى، ءونىمدى بولىپ، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستالدى.
ءماجىلىس مىنالاردى باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتىنىڭ ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، رەفورما جاساۋدى، ەسىك اشۋدى جاپپاي تەرەڭدەتىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتىپ، ماكرولىق رەتتەۋ - مەڭگەرۋ تەبىنىن ارتتىرىپ، ىشكى سۇرانىستى كەڭەيتۋ مەن قامداۋ جاعىنداعى قۇرىلىمدىق رەفورمانى تەرەڭدەتۋدى ءبىرتۇتاس جوسپارلاپ، جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس جوسپارلاپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتى ءبىر تۇتاس جوسپارلاپ، ەكونوميكانىڭ ومىرشەڭدىك كۇشىن شىن مانىندە كۇشەيتىپ، حاۋىپ - قاتەردەن ساقتانىپ جانە ونى جويىپ، قوعامدىق مەجەنى جاقسارتىپ، ەكونوميكانىڭ قايتا ورلەۋ، جاقسارۋ جاعدايىن بەكەمدەپ جانە كۇشەيتىپ، ەكونوميكانىڭ ساپا جاعىندا ءونىمدى جوعارىلاۋى مەن سان جاعىندا ۇيلەسىمدى ارتۋىن جۇزەگە اسىرۋدى ءۇرتىس ىلگەرىلەتىپ، حالىق تۇرمىسى قۇت - ىرىسىن ارتتىرىپ، قوعام ورنىقتىلىعىن ساقتاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ كەرەك.
ءماجىلىس مىنالاردى اتاپ كورسەتتى: كەلەر جىلى ورنىقتىلىق بارىسىندا ىلگەرىلەۋگە، ىلگەرىلەۋ ارقىلى ورنىقتىلىقتى جەبەۋگە، الدىمەن قۇرىپ، ونان سوڭ كۇشىنەن قالدىرۋعا تاباندى بولىپ، ماكرولىق ساياساتتا كەرى پەريودتىق جانە پەريود اتتاپ رەتكە سالۋدى كۇشەيتىپ، بەلسەندى قازىنا ساياساتى مەن ورنىقتى دا اقاۋسىز اقشا ساياساتىن ۇزدىكسىز اتقارۋ كەرەك. بەلسەندى قازىنا ساياساتىندا تەبىندى ۇيلەسىمدى ارتتىرۋ، ساپانى جوعارىلاتىپ، ونىمدىلىكتى ارتتىرۋ كەرەك، ورنىقتى دا اقاۋسىز اقشا ساياساتى يكەمدى، ۇيلەسىمدى، دالمە - ءدال، ءونىمدى بولۋ كەرەك. ماكرولىق ساياسات بەتالىسىنىڭ ءبىرىڭعايلىعىن كۇشەيتىپ، ەكونوميكالىق ۇگىتتى جانە قوعامدىق پىكىر جەتەكشىلىگىن كۇشەيتۋ كەرەك. عىلىم - تەحنيكادا جاڭالىق اشۋ ارقىلى وسىزاماندانعان كاسىپ سالاسى جۇيەسى قۇرىلىسىنا جەتەكشىلىك ەتىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگىن جانە حاۋىپسىزدىك دەڭگەيىن جوعارىلاتۋ كەرەك. ىشكى سۇرانىستى كۇش سالا كەڭەيتىپ، تۇتىنۋ مەن قارجى قوسۋ ءبىرىن - ءبىرى جەبەيتىن ۇتىمدى اينالىم قالىپتاستىرۋ كەرەك. ءتۇيىندى سالالارداعى رەفورمانى تەرەڭدەتىپ، جوعارى ساپالى دامۋعا ءۇرتىس قۋاتتى قوزعاۋشى كۇش ۇستەۋ كەرەك. جوعارى دەڭگەيدە سىرتقا ەسىك اشۋدى كەڭەيتىپ، سىرتقى ساۋدانىڭ، شەتەل قارجىسىنىڭ نەگىزگى جاعدايىن بەكەمدەۋ كەرەك. ءتۇيىندى سالالارداعى حاۋىپ - قاتەرلەردەن ءۇرتىس، ءونىمدى ساقتانىپ جانە ونى جويىپ، جۇيەلىك حاۋىپ - قاتەر تۋىلماۋدىڭ تومەنگى شەگىن باتىل ساقتاۋ كەرەك. اۋىل شارۋاشىلىعى، اۋىل - قىستاق، شارۋالار قىزمەتىن تاباندىلىقپەن ويداعىداي يگەرىپ، قالا مەن اۋىلدىڭ توعىسۋىن، وڭىرلەردىڭ سايكەستى دامۋىن ىلگەرىلەتۋ كەرەك. ەكولوگيالىق وركەنيەت قۇرىلىسى مەن جاسىل، تومەن كومىر قىشقىل گازدى دامۋدى ىشكەرىلەي ىلگەرىلەتىپ، كورىكتى جۇڭگونى جەدەل قۇرۋ كەرەك. بار كۇشىن سالۋعا، كورپەگە قاراي كوسىلۋگە تاباندى بولىپ، حالىق تۇرمىسىن شىن مانىندە قامتاماسىز ەتۋ جانە جاقسارتۋ كەرەك.
ءماجىلىس مىنالاردى باسا دارىپتەدى: پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ ەكونوميكالىق قىزمەت جونىندەگى كەلەلى شەشىمدەرىن، ورنالاستىرۋلارىن جوعارى ساپامەن تياناقتاندىرۋ كەرەك. ”ەكى مەرەكە“ كەزىندەگى ماڭىزدى حالىق تۇرمىسى تاۋارلارىن قامداۋمەن قامتاماسىز ەتۋدى، باعانى ورنىقتىرۋدى ويداعىداي ىستەپ، شارۋا جۇمىسكەرلەردىڭ ەڭبەكاقىسىن دەر كەزىندە، تولىق تاراتۋدى قامتاماسىز ەتىپ، قيىنشىلىعى بار بۇقارانىڭ ءوندىرىس، تۇرمىسىنا كوڭىل ءبولىپ، ءوندىرىس حاۋىپسىزدىگى جاۋاپكەرشىلىك ءتۇزىمىن ىشكەرىلەي تياناقتاندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن جانە دەنساۋلىعىن ويداعىداي قورعاۋ كەرەك.
ءماجىلىس مىنالاردى اتاپ كورسەتتى: پارتيا 20 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن جانە بۇكىل ەل بويىنشا ءتارتىپ تەكسەرۋ، باقىلاۋ - تەكسەرۋ كادرلارى قوسىنىن تاربيەلەۋدى، رەتتەۋدى تىڭعىلىقتى ورىستەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى ءۇرتىس ىلگەرىلەتىپ، قاتاڭ باسقارۋ، قاتاڭ جونگە سالۋ ارقىلى ءتارتىپ تەكسەرۋ، باقىلاۋ - تەكسەرۋ قۇرىش قوسىنىن سومداپ، ءتارتىپ تەكسەرۋ، باقىلاۋ - تەكسەرۋ قىزمەتىن جوعارى ساپالى دامىتۋدا تىڭ ىلگەرىلەۋشىلىككە، تىڭ ونىمدىلىككە قول جەتكىزدى.
ءماجىلىس مىنالاردى باسا دارىپتەدى: ءتارتىپ تەكسەرۋ، باقىلاۋ - تەكسەرۋ ورگاندارى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيانى جاپپاي قاتاڭ باسقارۋدى بۇلجىماي ىلگەرىلەتىپ، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ءۇرتىس تەرەڭدەتۋ كەرەك. ساياسي باقىلاۋدى كۇشەيتىپ، بۇكىل پارتيانىڭ ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنۋىن، ”ەكىنى قورعاۋدى“ باتىل ورىنداۋىن ىلگەرىلەتىپ، پارتيانىڭ ىنتىماعىن، بىرلىگىن باتىل، ءونىمدى قورعاۋ كەرەك. شىرىكتەسۋگە قارسى تۇرۋ كۇرەسىنە ءۇرتىس كۇش سالىپ، ىشكەرىلەي ىلگەرىلەتىپ، ءبىرشاما كورنەكتى كاسىپتىك سيپاتتى، جۇيە سيپاتتى، وڭىرلىك سيپاتتى شىرىكتەسۋ ماسەلەلەرىن ارناۋلى رەتتەپ - وڭاپ، بۇقارانىڭ ماڭىنداعى ”جەمقور شىبىن، شىرىكتەسكەن قۇمىرىسقالاردى“ قاتاڭ تەكسەرىپ ءبىر جاقتى ەتىپ، پارا العانداردى، پارا بەرگەندەردى بىرگە تەكسەرۋگە تاباندى بولىپ، قاينارىنان وڭاۋدى تەرەڭدەتىپ، جاڭا داۋىردەگى پاكتىك مادەنيەتى قۇرىلىسىن كۇشەيتىپ، شىرىكتەسۋدىڭ ءوسىپ - ونەتىن توپىراعىن جانە شارت - جاعدايىن باتىل الاستاۋ كەرەك. ”ءتورت بۇرىس ستيل“ ءسىڭىستى دەرتتەرىن قاتاڭ تۇزەتىپ - وڭاپ، باقىلاۋدى، تەكسەرۋدى كۇشەيتىپ، ءتارتىپ اتقارۋدى قاتايتۋ كەرەك. ءتارتىپ تەكسەرۋ، باقىلاۋ - تەكسەرۋ بويىنشا ارناۋلى جاۋاپتى بولىپ باقىلاۋ مەن باسقا دا باقىلاۋدى ۇلاستىرۋدى، سايكەستىرۋدى كۇشەيتىپ، مۇلتىكسىز باقىلاۋدى، كۇش بىرىكتىرىپ باقىلاۋدى جۇزەگە اسىرىپ، باقىلاۋ ونىمدىلىگىن جوعارىلاتۋ كەرەك. تۇبەگەيلى وزىنە - ءوزى توڭكەرىس جاساۋ رۋحى ارقىلى جوعارى ساپالى ماماندانعان ءتارتىپ تەكسەرۋ، باقىلاۋ - تەكسەرۋ قوسىنىن سومداپ، وزىنە - ءوزى توڭكەرىس جاساۋدىڭ ۇلگىسى، ەرەجەگە، تارتىپكە بويسۇنۋدىڭ ونەگەسى بولۋعا قۇلشىنۋلارى كەرەك.
وسىنىڭ الدىندا، باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ 2023 - جىلعى قىزمەت جاعدايىنان جانە 20 - كەزەكتى ورتالىق ءتارتىپ تەكسەرۋ كوميتەتى ءۇشىنشى جالپى ءماجىلىسىنىڭ دايىندىق جاعدايىنان بەرىلگەن مالىمەتتى تىڭدادى.
ءماجىلىس كەلەر جىلى 1 - ايدىڭ 8 - كۇنىنەن 10 - كۇنىنە دەيىن 20 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسىن اشۋعا قوسىلدى.
ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى پارتيامىزدىڭ «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىنە» ىلگەرىندى - كەيىندى 3 رەت وزگەرىس ەنگىزۋى قاتاڭ نەگىزگى اۋەنگە باستان - اياق تاباندى بولىپ، پارتيانىڭ ءتارتىپ قۇرىلىسىن جاپپاي كۇشەيتىپ، تۇتاس تىزبەك، تۇتاس پەريود، تولىق قامتۋ جاعىندا ءۇرتىس كۇش سالىپ، ءوزىن تازارتۋ، ءوزىن كەمەلدەندىرۋ، ءوزىن تۇلەتۋ، ءوز دەڭگەيىن جوعارىلاتۋ قابىلەتىن ۇزدىكسىز كۇشەيتۋ ءۇشىن بولىپ تابىلادى.
ءماجىلىس مىنالاردى باسا دارىپتەدى: ساياسي ءتارتىپ پەن ساياسي قاعيدانى ونان ارى قاتايتىپ، قاتاڭ ساياسي ءتارتىپ ارقىلى ءتۇرلى ءتارتىپتى جاپپاي قاتايتۋعا جەتەكشىلىك ەتۋ كەرەك. پارتيالىلىقتى، پارتيا ستيلىن، پارتيا ءتارتىبىن بىرگە يگەرۋگە تاباندى بولىپ، ءتارتىپ تاربيەسىن ۇدايىلاندىرۋدى ىلگەرىلەتىپ، «ەرەجەنىڭ» ۇگىت - تاربيە تەبىنىن ارتتىرىپ، قالىڭ پارتيا مۇشەلەرىن، كادرلاردى ءتارتىپتى ۇيرەنۋگە، ءتارتىپتى بىلۋگە، ءتارتىپتى قاتايتۋعا، تارتىپكە بويسۇنۋعا جەتەكتەۋ كەرەك. ءتارتىپتى الدىڭعى ورىنعا قويۋعا تاباندى بولىپ، «ەرەجەنى» دايەكتىلەندىرۋدى، اتقارۋدى ويداعىداي يگەرىپ، ءتارتىپ اتقارۋ مەن زاڭ اتقارۋدى تۇتاستىرۋدى جەبەپ، ءتارتىپتىڭ وزگەرمەس سيپاتىن، قاتاڭدىق سيپاتىن شىنايى قورعاۋ كەرەك. ”ءتورت ءتۇرلى فورماتسيانى“ دالمە - ءدال قولدانىپ، ”ءۇشتى ايىرۋدى“ تياناقتاندىرىپ، قاتاڭ باسقارۋ، باقىلاۋ مەن جاۋاپكەرشىلىك ارقالاپ، ىسكەرلىك كورسەتۋگە شابىتتاندىرۋدى بىرلىككە كەلتىرىپ، بۇكىل پارتيانىڭ جاسامپازدىق قۋاتىن، ۇيىسۋ قۋاتىن، جاۋىنگەرلىك قۋاتىن ۇزدىكسىز جوعارىلاتۋ كەرەك.
