شي جينپيڭ شاڭحايدا قىزمەت تەكسەرگەندە بىلاي دەپ باسا دارىپتەدى
نازاردى ”بەس ورتالىق“ قۇرۋ ماڭىزدى بورىشىنا شوعىرلاندىرىپ، سوتسياليستىك وسىزاماندانعان حالىقارالىق ءىرى قالانى جەدەل قۇرىپ شىعۋ كەرەك
بەيجيڭگە قايتىپ كەلە جاتقان جولدا جياڭسۋدىڭ يانچىڭىندا قىزمەت تەكسەردى
ساي چي قىزمەت تەكسەرۋدە بىرگە بولدى
11 - ايدىڭ 28 - كۇنىنەن 12 - ايدىڭ 2 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭحايدا قىزمەت تەكسەردى. سۋرەتتە: 11 - ايدىڭ 28 - كۇنى تۇستەن كەيىن شي جينپيڭ شاڭحاي مەرزىمدىك تاۋار ساۋدا ورنىندا قىزمەت تەكسەرۋدە.
□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
11 - ايدىڭ 28 - كۇنىنەن 12 - ايدىڭ 2 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭحايدا قىزمەت تەكسەردى. سۋرەتتە: 11 - ايدىڭ 29 - كۇنى تۇستەن كەيىن شي جينپيڭ مينحاڭ رايونىنداعى جاڭا ءداۋىر قالا قۇرۋشىلارى، باسقارۋشىلارى ۇيىندە الەۋمەتتىك اۋماق تۇرعىندارىمەن ىقىلاستى اڭگىمەلەسۋدە.
□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
شينحۋا اگەنتتىگىنىڭ 12 - ايدىڭ 3 - كۇنى شاڭحايدان \ جياڭسۋدىڭ يانچىڭىنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا شاڭحايدا قىزمەت تەكسەرگەندە بىلاي دەپ باسا دارىپتەدى: شاڭحاي جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جوعارى ساپالى دامۋدى ىلگەرىلەتۋدى، جاڭا دامۋ ارناسىن قالىپتاستىرۋدى ارقاۋ ەتىپ، نازاردى حالىقارالىق ەكونوميكا ورتالىعىن، فينانس ورتالىعىن، ساۋدا ورتالىعىن، تەڭىز تاسىمالى ورتالىعىن، عىلىم - تەحنيكادا جاڭالىق اشۋ ورتالىعىن قۇرۋ ماڭىزدى بورىشىنا شوعىرلاندىرىپ، عىلىم - تەحنيكادا جاڭالىق اشۋدى جەتەكشىلىككە الىپ، رەفورما جاساۋدى، ەسىك اشۋدى قوزعاۋشى كۇش، مەملەكەتتىڭ كەلەلى ستراتەگياسىن جەتەكشى، قالا باسقارۋدى وسىزامانداندىرۋدى كەپىل ەتىپ، باتىلدىقپەن ءورىس اشىپ، بەلسەنە ىسكەرلىك كورسەتىپ، دۇنيە جۇزىلىك ىقپال كۇشكە يە سوتسياليستىك وسىزاماندانعان حالىقارالىق ءىرى قالانى جەدەل قۇرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا باستاماشى بولىپ جەتەكتەۋ جانە ۇلگى كورسەتىپ جەتەكشىلىك ەتۋ رولىن تولىق ساۋلەلەندىرۋى كەرەك.
11 - ايدىڭ 28 - كۇنىنەن 12 - ايدىڭ 2 - كۇنىنە دەيىن شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى چىن جينيڭ مەن قالا باستىعى گۇڭ جىڭنىڭ سەرىك بولۋىندا ىلگەرىندى - كەيىندى فينانس قۇرىلىمى، عىلىم - تەحنيكادا جاڭالىق اشۋ باقشا رايونى، قامتاماسىزداندىرۋ سيپاتتى جالعا بەرىلەتىن تۇرعىن ءۇي نىسانى سياقتىلارعا بارىپ تەكسەرۋ - زەرتتەۋ جۇرگىزدى.
11 - ايدىڭ 28 - كۇنى تۇستەن كەيىن شي جينپيڭ پويەزدەن تۇسە سالا شاڭحاي مەرزىمدىك تاۋار ساۋدا ورنىندا قىزمەت تەكسەردى. ول ەلەكتروندى ەكرانمەن جانە بازارعا شىعارىلعان ماڭىزدى تۇرلەر بويىنشا ەسەپ جابۋ بۇيىمدارى كورمەسىمەن ۇشتاستىرىپ، ساۋدا ورنىنىڭ الەمدىك بايلىقتى ورنالاستىرۋ قابىلەتىن كۇشەيتۋ، تۇلعالىق ەكونوميكاعا قىزمەت وتەۋ جانە مەملەكەت ستراتەگياسى سياقتى جاعدايلار جونىندەگى تانىستىرۋىن تىڭداپ، ساۋدا ورنىنىڭ كۇندەلىكتى قارجى باسقارۋ جانە وتكىزۋ، ەسەپ جابۋ سياقتى ىستەرىن ۇعىستى. شي جينپيڭ بىلاي دەپ باسا دارىپتەدى: شاڭحايدىڭ حالىقارالىق فينانس ورتالىعىن قۇرۋ نىساناسى دۇرىس، قادامى ورنىقتى، بولاشاعى نۇرلى، شاڭحاي مەرزىمدىك تاۋار ساۋدا ورنى دۇنيە ءجۇزى بويىنشا بىرەگەي ساۋدا ورنىن قۇرۋدى جەدەلدەتىپ، جۇڭگوشا مەرزىمدىك تاۋار باقىلاۋ - باسقارۋ ءتۇزىمى مەن كاسىپ ۇلگىسى جونىندە ىزدەنىس جاساۋعا، حالىقارالىق فينانس ورتالىعىن قۇرۋعا اناعۇرلىم زور ۇلەس قوسۋى كەرەك.
شي جينپيڭ وسىدان كەيىن اۆتوكولىكپەن پۋدۇڭ جاڭا رايونىنىڭ جاڭجياڭ عىلىم ورتالىعىنا كەلىپ، شاڭحايدىڭ عىلىم - تەحنيكادا جاڭالىق اشۋ جەتىستىكتەر كورمەسىن ەكسكۋرسيالادى. ول قىسقا بەينە كەسكىنمەن ۇشتاستىرىپ، شاڭحاي قالاسىنىڭ عىلىم - تەحنيكادا جاڭالىق اشۋ جالپى جاعدايىن ۇعىستى، كورمە زالىنا كىرىپ، نەگىزدىك زەرتتەۋ، جاساندى زەردە، بيولوگيالىق ءدارى - دارمەك سياقتى سالالارداعى عىلىم - تەحنيكادا جاڭالىق اشۋ جەتىستىكتەرى كورمەسىن ەگجەي - تەگجەيلى كوردى ءارى عىلمي زەرتتەۋ قىزمەتكەرلەرىنىڭ ۋاكىلدەرىمەن ىقىلاستى اڭگىمەلەستى. شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋدى ىلگەرىلەتۋ عىلىم - تەحنيكانىڭ، وقۋ - اعارتۋدىڭ، دارىندىلاردىڭ ستراتەگيالىق تىرەك بولۋىنان ايرىلا المايدى، شاڭحاي بۇل جاعىندا جاقسى باستاماشى بولىپ، الەمدىك ىقپال كۇشكە يە عىلىم - تەحنيكادا جاڭالىق اشۋ ورتالىعىنا قاراي جەدەل قادام تاستاۋى كەرەك. كوكىرەكتەرى بورىشتىلىق سەزىمگە تولى توپ - توپ ۇزدىك دارىندىلاردى جەتىلدىرۋگە كۇش سالىپ، ولاردىڭ اقىل - پاراساتىن ساۋلەلەندىرۋىنە تاماشا شارت - جاعداي ازىرلەۋى كەرەك.
سوڭعى جىلدارى شاڭحاي قالاسى قامتاماسىزداندىرۋ سيپاتتى جالعا بەرىلەتىن تۇرعىن ءۇي قۇرىلىسىن جەدەلدەتىپ، شاڭحايعا كەلگەن كوپتەگەن جاڭا قالا تۇرعىندارىنا، جاستارعا جانە ءبىرىنشى شەپتەگى جۇمىسكەرلەرگە تۇرعىن ءۇي قامتاماسىزدىعىن ازىرلەدى. 11 - ايدىڭ 29 - كۇنى تۇستەن كەيىن شي جينپيڭ مينحاڭ رايونىنداعى جاڭا ءداۋىر قالا قۇرۋشىلارى، باسقارۋشىلارى ۇيىنە بارىپ قىزمەت تەكسەردى. جەرگىلىكتى ورىننىڭ قامتاماسىزداندىرۋ سيپاتتى جالعا بەرىلەتىن تۇرعىن ءۇي دايىنداۋ، سالۋ سەرپىنىن ارتتىرۋ، ”ءبىر توسەك، ءبىر بولمە، ءبىر ءۇي“ سىندى كوپ ساتىلى جالعا بەرىلەتىن تۇرعىن ۇيمەن قامداۋ جۇيەسىن قۇرۋ جاعدايى تۋرالى تانىستىرۋدى تىڭداعان سوڭ، شي جينپيڭ مۇنى تولىق تۇراقتاندىردى. ول ىلگەرىندى - كەيىندى الەۋمەتتىك اۋماقتاعى تۇرعىن ءۇي تۇرىندەگى، جاتاق تۇرىندەگى مايعا بەرىلەتىن ءۇي قاينارىن جالعا الۋشىلاردىڭ تۇرعىن ءۇي جانە الەۋمەتتىك اس ءۇي، الەۋمەتتىك كيىم جۋۋ ءۇيى سياقتى ورتاق يگىلىكتەنۋ اياسىنا بارىپ، وسى ارادا تۇرعان قالا ءبىرىنشى شەبىندەگى قىزمەتكەرلەردىڭ تۇرمىس جاعدايىن ەگجەي - تەگجەيلى ۇعىستى. باس شۋجيدىڭ شىنايى، تەرەڭ قامقورلىعى سول جەردەگى بارلىق ادامدى اسەرلەندىردى. اتتاناردا الەۋمەتتىك اۋماق تۇرعىندارى جاپا - تارماعاي قاۋمالاي كەلىپ باس شۋجيدى اتتاندىرىپ سالدى. شي جينپيڭ بىلاي دەدى: توڭىرەكتىڭ ءتورت بۇرىشىنان كەلگەن قۇرۋشىلاردىڭ وسى ارادا تىنىش ءومىر، شات - شادىمان تىرشىلىك كەشىرىپ جاتقانىن كورىپ قاتتى قۋاندىم. قالادا بيىكتىك قانا ەمەس، جىلۋلىق تىپتەن بولۋى كەرەك. ءبىزدىڭ سوتسياليزمىمىز ورتاق بايۋ جولىمەن ءجۇرۋى كەرەك. سىرتتان كەلگەن جۇمىسكەرلەر شاڭحايعا كەلىپ ۇلەس قوستى، ولار دا قالانىڭ قوجايىنى. حالىقتىڭ قالاسى ۇستانىمىن امالياتتا ايگىلەپ، حالىق بۇقاراسىنىڭ تۇرعىن ءۇي جونىندەگى الۋان ءتۇرلى، كوپ نەگىزدى قاجەتىن ۇزدىكسىز قاناعاتتاندىرىپ، سىرتتان كەلگەن حالىقتىڭ كىرە الۋىنا، تۇراقتاپ قالۋىنا، الاڭسىز تۇرۋىنا، كاسىپپەن شۇعىلدانۋىنا شىنايى كەپىلدىك ەتۋ كەرەك.
12 - ايدىڭ 1 - كۇنى تۇستەن بۇرىن شي جينپيڭ شاڭحاي قالالىق پارتكوم مەن قالالىق ۇكىمەتتىڭ قىزمەت مالىمەتىن تىڭداپ، شاڭحايدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى.
شي جينپيڭ بىلاي دەپ اتاپ كورسەتتى: ”بەس ورتالىقتى“ جەدەل قۇرۋ − پارتيا ورتالىق كوميتەتىنىڭ شاڭحايعا جۇكتەگەن ماڭىزدى بورىشى. شاڭحاي وسىنى نەگىزگى قامال الۋ بەتالىسى ەتىپ، ەكونوميكالىق، قوعامدىق دامۋدىڭ ءار جاقتاعى قىزمەتتەرىن ءبىر تۇتاس جوسپارلاپ، جەتەكتەپ، جالپى تۇلعالىق جوسپارلاۋعا، سايكەستى ىلگەرىلەتۋگە تاباندى بولىپ، تۇيىندە قامال الىپ، ءتۇيىن ارقىلى جالپى كولەمدى جەتەكتەپ، قالانىڭ قابىلەت دەڭگەيى مەن وزەكتى باسەكەلىك قۋاتىن ۇزدىكسىز جوعارىلاتۋى كەرەك. عىلىم - تەحنيكادا جاڭالىق اشۋدى جەتەكشى ەتىپ، شەشۋشى، وزەكتى تەحنيكالاردان قامال الۋدى كۇشەيتىپ، ءداستۇرلى كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى جەبەپ، دۇنيە جۇزىلىك جوعارى دەڭگەيلى كاسىپ سالاسى شوعىرىن جەدەل جەتىلدىرىپ، وسىزاماندانعان كاسىپ سالاسى جۇيەسىن جەدەل ورناتىپ، حالىقارالىق ەكونوميكا ورتالىعى ورنى مەن الەمدىك ەكونوميكانى باسقارۋداعى ىقپال كۇشىن ۇزدىكسىز جوعارىلاتۋ كەرەك. وسى زامانعى فينانس قۇرىلىمدارى مەن فينانس نەگىزدىك قۇرىلعى قۇرىلىسىن كۇشەيتىپ، جوعارى دەڭگەيلى فينانستا سىرتقا ەسىك اشۋدى اتقارىپ، تۇلعالىق ەكونوميكاعا، عىلىم - تەحنيكادا جاڭالىق اشۋعا جانە ”ءبىر بەلدەۋ، ءبىر جولدى“ بىرگە قۇرۋعا اناعۇرلىم ويداعىداي قىزمەت ەتۋ كەرەك. ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن ىشكەرىلەي اتقارىپ، حالىقارالىق ساۋدا ورتالىعىنىڭ ساپاسىن ءوسىرىپ، دارەجەسىن جوعارىلاتۋدى ىلگەرىلەتۋ كەرەك. جوعارى دەڭگەيلى تەڭىز تاسىمالى قىزمەت وتەۋى سياقتى جاقتارداعى ولقىلىقتاردى جەدەل تولىقتاپ، تەڭىز تاسىمالى بايلىعىن الەمدىك جايعاستىرۋ قابىلەتىن جوعارىلاتۋ كەرەك. جوعارى دەڭگەيلى دارىندىلار بيىگى قۇرىلىسىن ىلگەرىلەتىپ، تاماشا جاڭالىق اشۋ ەكولوگياسىن قالىپتاستىرۋ كەرەك. چاڭجياڭ اتىراۋى وڭىرىمەن بىرلەسىپ ارەكەتتەنۋدى كۇشەيتىپ، ىقپال جاساۋ، جەتەكتەۋ رولىن اناعۇرلىم ويداعىداي ساۋلەلەندىرۋ كەرەك.
شي جينپيڭ بىلاي دەپ باسا دارىپتەدى: شاڭحاي ەلىمىزدىڭ رەفورما جاساۋداعى، ەسىك اشۋداعى الدىڭعى شەبى جانە دۇنيە ءجۇزىن ىشكەرىلەي تۇتاستىراتىن حالىقارالىق ءىرى قالا رەتىندە، رەفورما جاساۋدى، ەسىك اشۋدى اناعۇرلىم جوعارى باستامادا جاپپاي تەرەڭدەتىپ، دامۋ قوزعاۋشى كۇشى مەن باسەكەلىك قۋاتىن كۇشەيتۋى كەرەك. ءتول جاسامپازدىق سيپاتتى رەفورمانى، جەتەكشىلىك سيپاتتى ەسىك اشۋدى جان - جاقتى، زور تەبىنمەن ىلگەرىلەتىپ، رەفورمانىڭ جۇيەلى شوعىرلانۋىن كۇشەيتىپ، پۋدۇڭ جاڭا رايونىنىڭ كەشەندى رەفورماسىن تۇيىندە سىناق ەتۋدى تىڭعىلىقتى ىلگەرىلەتىپ، لينگاڭ جاڭا اۋماعىندا قىسىم سىناعىن الدىمەن ورىستەتىپ، ەرەجە، ەرەجە - ءتۇزىم، باسقارۋ، ولشەم سياقتى تۇزىمدىك ەسىك اشۋدى ورنىقتى قاداممەن كەڭەيتۋ كەرەك. شەكارا اتتاعان قىزمەت وتەۋ ساۋداسى مەن قارجى قوسۋدىڭ جوعارى دەڭگەيدە ەسىك اشۋىن ىشكەرىلەي ىلگەرىلەتىپ، جاساۋ كاسىبىنىڭ ەسىك اشۋ دەڭگەيىن جوعارىلاتىپ، حۇڭچياۋ حالىقارالىق ەسىك اشۋ تورابىنىڭ قابىلەت دەڭگەيىن اناعۇرلىم جوعارىلاتىپ، يمپورت كورمەسى سياقتى قوس باعىتتا ەسىك اشۋدىڭ ۇلكەن تۇعىرىن ۇزدىكسىز ويداعىداي باسقارىپ، حالىقارالىق باسەكەلىك قۋاتقا يە ساياسات جانە ءتۇزىم جۇيەسىن جەدەل قالىپتاستىرۋ كەرەك. ”ەكىدەن تيتتەي دە اۋىتقىماۋعا“ تاباندى بولىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، حالىقتىق كاسىپورىنداردىڭ بازار باسەكەسىنە ءادىل قاتىناسۋىن قامتاماسىز ەتەتىن ساياسات - شارالاردى تياناقتاندىرىپ، حالىقارالىق بىرەگەي شارۋاشىلىق - ساۋدا ورتاسىن قالىپتاستىرىپ، ءتۇرلى تيجارات تۇلعالارىنىڭ ومىرشەڭدىگىن قاۋلاتىپ، ەل ءىشى - سىرتىنداعى جوعارى دەڭگەيلى بايلىقتاردى باۋراۋ قۋاتىن كۇشەيتۋ كەرەك.
شي جينپيڭ بىلاي دەپ اتاپ كورسەتتى: حالىقتىڭ قالاسى ۇستانىمىن جاپپاي امالياتتا ايگىلەپ، پارتيانىڭ باسشىلىعى مەن سوتسياليستىك ءتۇزىمنىڭ كورنەكتى ابزالدىلىعىن تولىق ساۋلەلەندىرىپ، حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، قالا جوبالاۋ مەن اتقارۋ جاعىندا ءبىر جوبانى سوڭىنا دەيىن جالعاستىرۋعا تاباندى بولىپ، قالانىڭ سيفرلانۋعا قاراي بۇرىلىس جاساۋىن جەدەلدەتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن بەلسەنە ىلگەرىلەتىپ، يكەمدى، حاۋىپسىز قالا قۇرىلىسىن جاپپاي ىلگەرىلەتىپ، ەرەكشە ءىرى قالالاردى باسقارۋدى وسىزامانداندىرۋدىڭ جۇڭگوشا ەرەكشەلىككە يە جاڭا جولىن قۇلشىنا اشۋ كەرەك. حالىقتىڭ ىرىس - قۇتىن ارتتىرۋدى قالا قۇرىلىسى مەن باسقارۋدىڭ شىعار ءتۇيىنى جانە تابان تىرەر تياناعى ەتىپ، جالپى بارىستىق حالىق دەموكراتياسىن قالانى باسقارۋدى وسىزامانداندىرۋمەن توعىستىرىپ، بارلىق ادام ات سالىساتىن، بارلىق ادام جاۋاپتى بولاتىن، بارلىق ادام ۇلەس قوساتىن، بارلىق ادام تەڭ يگىلىكتەنەتىن قالا باسقارۋ ورتاق تۇلعاسىن قالىپتاستىرىپ، بۇقاراعا قىزمەت وتەۋدىڭ ”ەڭ سوڭعى ءبىر كيلومەترىن“ تۇتاستىرىپ، بۇقارانىڭ ءتول مۇددەسىنە ساياتىن ماسەلەلەردى مۇقيات شەشىپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، نەگىزگى ساتىنى باسقارۋ جۇيەسىن كەمەلدەندىرىپ، قوعامنىڭ جاراسىمدىلىعى مەن ورنىقتىلىعىنىڭ نەگىزىن بەكەمدەۋ كەرەك.
شي جينپيڭ بىلاي دەپ باسا دارىپتەدى: جاڭا ءداۋىر جۇڭگوشا سوتسياليستىك مادەنيەت يدەياسىن دايەكتىلەندىرىپ، مادەنيەت ءتۇزىلىسى رەفورماسىن تەرەڭدەتىپ، مادەنيەتتە جاڭالىق اشۋدىڭ، جاسامپازدىق جاراتۋدىڭ ومىرشەڭدىك كۇشىن قاۋلاتىپ، مادەنيەت جۇمساق كۇشىن كۇش سالا جوعارىلاتۋ كەرەك. جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداپ، سوتسياليستىك وزەكتى قۇن كوزقاراسىن كەڭ كولەمدە امالياتتا ايگىلەپ، ماركسيزمنىڭ يدەولوگيا سالاسىنداعى جەتەكشىلىك ورنىن بەكەمدەپ، ءتۇرلى مادەنيەتتىڭ قوسىلۋى، توعىسۋى بارىسىندا نەگىزگى اعىمدىق قۇندى، نەگىزگى اعىمدىق قوعامدىق پىكىردى، نەگىزگى اعىمدىق مادەنيەتتى ونان ارى زورايتۋ كەرەك. قالانىڭ مادەنيەت جۇلگەسىنە مۇراگەرلىك ەتۋگە ءمان بەرىپ، مادەني ەسكەرتكىشتەر مەن مادەنيەت مۇرالارىن قورعاۋدى كۇشەيتىپ، قىزىل مادەنيەتكە مۇراگەرلىك ەتىپ جانە ونى اسقاقتاتىپ، مادەنيەت ارقىلى حالىققا تيىمدىلىك جاساۋ ينجەنەرياسىن ىشكەرىلەي اتقارىپ، بۇقارالىق رۋحاني وركەنيەت قۇرۋدى تىڭعىلىقتى ىلگەرىلەتىپ، جاڭا داۋىردەگى وركەنيەت امالياتى ورتالىعى قۇرىلىسىن تەرەڭدەتىپ، كەڭەيتىپ، كىتاپقۇمار قوعام قۇرىلىسىن ىلگەرىلەتىپ، قالا تۇرعىندارىنىڭ وركەنيەت ساپاسى مەن قالانىڭ وركەنيەت دەڭگەيىن جاپپاي جوعارىلاتۋ كەرەك.
شي جينپيڭ بىلاي دەپ اتاپ كورسەتتى: پارتيانىڭ باسشىلىعىنا تاباندى بولۋ − جۇڭگو ۇلگىسىندەگى وسىزامانداندىرۋدىڭ ماندىك تالابى ءارى ءتۇبىرلى كەپىلى. شاڭحاي − پارتيامىزدىڭ دۇنيەگە كەلگەن جەرى، 1 - قۇرىلتاي ورنى سياقتى قىزىل بايلىقتان ويداعىداي پايدالانىپ، پارتيا قۇرۋ ۇلى رۋحىن اسقاقتاتىپ، قالىڭ پارتيا مۇشەلەرىن، كادرلاردى ”ءۇش ءسوز جوقتى“ ەستە بەرىك ساقتاپ، جاڭا جورىقتا ءورىس اشا جاڭالىق اشۋعا، قايراتتانا العا ۇمتىلۋعا، شىنايى يگەرىپ ناقتى ىستەۋگە تاربيەلەۋ، جەتەكتەۋ كەرەك. جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، جاڭا داۋىردەگى جاقسى كادر ولشەمىن تياناقتاندىرىپ، سوتسياليستىك وسىزاماندانعان حالىقارالىق ءىرى قالامەن سايكەسەتىن جوعارى ساپالى، ماماندانعان كادرلار قوسىنىن قۇرۋ كەرەك. ەرەكشە ءىرى قالا ەرەكشەلىگىن يگەرىپ، نەگىزگى ساتى پارتيا قۇرىلىسىنىڭ قىزمەت وي جەلىسى مەن ۇلگىسىندە جاڭالىق اشىپ، پارتيانىڭ نەگىزگى ساتى ۇيىمدىق جۇيەسىن كەمەلدەندىرۋ كەرەك. شىرىكتەسۋگە باتىل قارسى تۇرىپ جانە ونى جازالاپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇتاس ىلگەرىلەتىپ، ستيلى پاك، سالتى دۇرىس ساياسي ەكولوگيانى ساقتاۋ كەرەك. 2 - توپتاعى نەگىزگى تاقىرىپتىق تاربيە اياقتاۋعا تايادى، ولشەمدى تومەندەتپەۋگە، تەبىندى بوساڭسىتپاۋعا تاباندى بولىپ، نەگىزگى تاقىرىپتىق تاربيەنى ءار جاقتاعى قىزمەتتەرمەن ۇشتاستىرىپ، ەكى جاعىن دا يگەرۋدى، ەكى جاعىن دا اقساتپاۋدى، ەكى جاعىن دا جەبەۋدى ورىنداۋ كەرەك.
12 - ايدىڭ 3 - كۇنى تۇستەن بۇرىن شي جينپيڭ بەيجيڭگە قايتىپ بارا جاتقان جولىندا جياڭسۋ ولكەلىك پارتكومنىڭ شۋجيى شين چاڭشيڭ مەن ولكە باستىعى شۇي كۇنليننىڭ سەرىك بولۋىندا يانچىڭ قالاسىنا بارىپ، جاڭا 4 - ارميانىڭ ەسكەرتكىش سارايىن ەكسكۋرسيالادى. كورمە زالىنداعى سۋرەتتەر، تاريحي ماتەريالدار، مادەني ەسكەرتكىشتەر، ەلىكتەمەلى ناقتى كورىنىستەر جاڭا 4 - ارميانىڭ لاۋلاعان ورتتە قايتا سومدالعان، قاندى شايقاس جۇرگىزگەن شۇعىلالى تاريحىن تولىق كورسەتتى. شي جينپيڭ ءالسىن - ءالى ايالداپ كورىپ، كوپشىلىكپەن اڭگىمەلەستى. ول مىنانى باسا دارىپتەدى: جاڭا 4 - ارميانىڭ تاريحى حالىقتىڭ قۇپتاۋ - قۇپتاماۋى تاريحتىڭ تالعامىن بەلگىلەيتىندىگىن، بيلىك دەگەنىمىز حالىق، حالىق دەگەنىمىز بيلىك ەكەندىگىن تولىق تۇسىندىرەدى. بۇل توڭكەرىستىك ءداستۇر تاربيەسىن، وتانشىلدىق تاربيەنى ورىستەتۋدىڭ جاندى وقۋلىعى، وسى وقۋلىقتان ويداعىداي پايدالانىپ، پارتيا مۇشەلەرىن، كادرلاردى قيىنشىلىقتان قورىقپاۋ، جاپا - ماشاقاتتان، حاۋىپ - قاتەردەن تايسالماۋ، كۇرەس جۇرگىزۋگە باتىل بولۋ، جەڭىسكە جەتۋگە باتىل بولۋ رۋحىن جالعاستىرۋعا، ساۋلەلەندىرۋگە، حالىققا تىعىز سۇيەنىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ۇزدىكسىز العا باستىرۋعا تاربيەلەۋ جانە جەتەكتەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
لي گانجيە، حى ليفىڭ، سونداي - اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار سەرىك بولىپ جەكە - جەكە جوعارىداعى قاتىستى قيمىلدارعا قاتىناستى، نەگىزگى تاقىرىپتىق تاربيە ورتالىق 5 - ارالاپ جەتەكشىلىك ەتۋ گرۋپپاسىنداعى جاۋاپتى جولداستار مالىمەت بەرۋ ماجىلىسىنە قاتىناستى.
